1VAKOLINDO11
1Mutsigaje heni, kota hila heni fyo tsingumwiga Chilisito.2Nstinguvatsumila kwasawuli muntsiwuka heni kwa chila lulongwa na mungibata madahitso go tsavapelye.3Lechelelo ntsin'gana mulukagule kuta mutwi gwa chila mulume yo Chilisito, na mutwi gwa chila mudala yo mulume. Nago mutwi gwa Chilisito yo Mulungu.4Ihyo chila mulume ho ansuka awu kuvikula ndongwa tsa Mulungu kuno agubiche mutwi gwake, angumuhonjela nyoni Chilisito.5Na chila mudala ho akuva angumusuka Mulungu awu kuvikula ndongwa tsa Mulungu bila kugubika mutwi gwake, akuva angumuhonjela nyoni mulume vake, yo an'dita ihyo ankuva sava na yula yo amotsilwe chibuje.6Manyi mudala yo siagubiche mutwi gwake, duve an'ganika kumoga fwili tsake. Lechelelo yinkuva nyoni kwa mudala kumoga chibuje, duve chiba agubiche mutwi gwake.7Lechelelo mulume siaganikaga agubiche mutwi gwake kwasawuli mwene yo muhwano gwa wutukufu wa Mulungu, lechelelo mudala yo wutukufu wa mulume.8Kwasawuli mulume siawumbitwe kuhuma kwa mudala, ila mudala awumbitwe kuhuma kwa mulume.9Mulume siawumbitwe kwasawuli ya kumutanga mudala, ila mudala awumbitwe kwasawuli ya kumutanga mulume.10Ihyo yin'ganika mudala agubiche mutwi gwake hala ho ansuka au kuvikula ndongwa tsa Mulungu, yive ndajilo ya mamulaka gogali kwilanga kwake na kaha kwasawuli ya vatantsi va kilanga va Mulungu.11Nambe ihyo halutalo ha Mutwa, mudala angumuhuvila mulume na mulume angumuhuvila mudala.12Kota hila mudala fyo awumbitwe kuhuma kwa mulume, fyo hihyo nayo mulume aleliche na mudala. Lechelelo finu fyeka finhuma kwa Mulungu.13Mulamule henye muvene! Mbe, yinfwaya mudala kumusuka Mulungu bila kugubika mutwi gwake?14Mbe, nambe wuwoneko wa mulume fyowuli, siyo nyoni ndaa manyi ave na fwili nali?15Lechelelo kwa mudala manyi ave na fwili nali wo wunofu wake. Kwakuva mudala apelitwe fwili nali ili tsimugubiche.16Manyi munu an'gana kubisa kwa lulongwa ulu, nambe tuve hetwe awu fikundi fya vanya litumbilo lya Chilisito hino fyo tuditaga ho tungumufugamila Mulungu.17Ino lelo kwa malajitso go ntsinguvapela sambi, sifuluche ntsivatsumile ndaya, kwasawuli ho munkong'ana kumufugamila Mulungu wukweli kuta mun'dita ndongwa ntsibi kulutila ndongwa nofu.18Kwantsa nyuliche kuta ho munkong'ana kota chikundi cha vanya litumbilo lya Chilisito munkuva mwitachye henye kwa henye. Naheni kwa chasi chitunga ntsingitumba kuta lulongwa ulo lukuva hihyo.19Ntsintumba kwasawuli latsima mwitachile ili yitselaniche kuta vanani wo vangumutumba Mulungu.20Wukweli ho munkong'ana hamwe kulya, nachene icho cho munkulya chinkuva siyo Chilyo cha Mutwa!21Ntsinlonga ihyo kwasawuli munkulya bila kitsinda, ihyo vanu vamwe vangikala na ntsala na vanji vankulya na kung'wa kwa kulutitsa mbaka van'gala!22Mbe, mulihela nyumba tsenyu komufuluche mulye na kung'wa? Awu munguvabedala vala wo vamutumbye Mulungu na kuvahonjela nyoni vagayu? Ntsivalonjele chinu chachi? Mbe, ntsivatsumile kwa lulongwa ulu? Ndaya singuhogola ntsivatsumile!23Ulu lo lulongwa lo ntsanuche heni kuhuma kwa Mutwa na ntsavaleche henye kuta, mu chilyo chila cho vamwibite Mutwa Yesu, ategwe mukate,24akamulumbaje Mulungu, akagumegaje na kulonga, “Uguno go muvili gwangu go gutawulwe kwasawuli ya henye. Mulyaje hino kwa kuntsiwuka heni.”25Hohihyo ho aveye kulya, akategulaje chikombe cha difwayi na kulonga, “Chino cho chikombe cha Lilagano Lipya lyo Mulungu angulilajila kuta lya wukweli kwa danda yangu. Muditaje hino chila ho munkung'wa kwa kuntsiwuka heni.”26Kwakuva chila luvala homukulya mukate ugo na kung'wela chikombe icho, munkuva munguvavikulila vanu mbaka ho akutsa Chilisito, kuta Chilisito afweye kwasawuli yenyu.27Hoihyo, chila yo akulya mukate ugo na kung'wela chikombe icho cha Mutwa tebe na fyo yin'ganika, akuva na nongwa kwa muvili na danda ya Mutwa.28Ihyo, munu an'ganika ihime taha mwene hala ho ang'acha kulya mukate ugo na kung'wela chikombe icho.29Kwasawuli munu yoyuve yo ankulya na kung'wa bila kutsela mana ya muvili gwa Mutwa, akuva angihiga mwene.30Chino cho chambutse vanu wolofu hagati henyu vave vahohovafu na vamwe vantamika na vamwe mwanga vafweye.31Lechelelo manyi tukatulongole kihima tuvene ho tung'acha kulya, Mulungu siakakutuhiga.32Lechelelo hala ho tunhigwa na Mutwa, tun'dahitswa ili iho hambele tuleche kuhigwa hamwe na vanu va muinyi.33Ihyo vang'olotsangu, hala ho mukuva mukong'ine hamwe ili mulye Chilyo cha Mutwa, mun'ganika mwitsindaje.34Manyi kuna munu yoyuve ave na ntsala, alyaje kukaye kwake, ili hala ho mukukong'ana aleche kwambutsa muhigwe na Mulungu. Lechelelo ndongwa tsinji nguvalonjelani hilo hala honguva kutsa.
The Word for the World International