1VAKOLINDO12
1Duve vang'olotsangu, kwa ndongwa tso mwambutsitse tsa fifunje fya Muhe va Mulungu, ndema muleche kutsela.2Mun'tsela kuta hala ho mwavaga sinambemumukagule Mulungu, mwatsangwaga na kuyatswa na misanamu jo jigaya wumi.3Ihyo tsin'gana mutsele kuta kuduhu munu yo anlongontswa na Muhe va Mulungu yo afuluche alonje, “Yesu akotolwe.” Kaha kuduhu munu yo anlongotswa na Muhe va Mulungu afuluche alonje, “Yesu yo Mutwa,” manyi ave sinambealongotswe na Muhe va Mulungu.4Kotsili ayina tsolofu tsa fifunje, lechelelo Muhe va Mulungu yo yuyula yo atawulaga fifunje ifyo.5Kuna ayina ntsolofu tsa kumutumichila Mutwa, lechelelo Mutwa tungumutumichila yo yuyula.6Kaha kuna utofwawuti wa kukola katsi, lechelelo Mulungu yuyula yo atutangaga kukola katsi itso.7Chila munu apelwaga fifunje na Muhe va Mulungu kwasawuli ya kitanga hetwe kwa hetwe.8Muhe va Mulungu ampelaga munu yumwe ntselo ya kulonga, na yunji apelwaga na Muhe va Mulungu ndonga yinya malifwa.9Yuyo Muhe va Mulungu amupelaga munu yumwe chifunje cha kutumba hilo, na yunji amupelaga chifunje cha kuvaponetsa vatamwa.10Muhe amupelaga yunji chifunje cha kudita miwujitsa, na yunji kulonga wujumbe wa Mulungu, na kwa yunji chifunje cha kudadafula ili kutsela kuta fifunje fino fihumye kwa Muhe va Mulungu awu ndaya. Yunji amupelaga chifunje cha wuvetso wa kulonga ayina tsolofu tsa ndonga, na yunji ampelaga chifunje cha wuwetso wa kudadafula ndonga itso.11Katsi itso tseka tsiditwaga na Muhe va Mulungu yuyo yumwe, nayo yo amupelaga chila munu chifunje kota fyo aganaga mwene.12Kota hila muvili fyoguli gumwe, nago guna filungo fyolofu, na filungo ifyo fyeka nayivaje fyolofu ila figuditaga muvili guve gumwe, na hihyo fyoyili kwa Chilisito.13Na yivaje vanu vamwe Vayawudi na vamwe siyo Vayawudi, vamwe vatantsi va vanu, na vayetu vanji vali wuhulu. Lechelelo hetwe tweka tukabatitswe na kung'weswa Muhe va Mulungu yuyo yumwe.14Muvili gulihela chilungo chimwe hela, ila guna filungo fyolofu.15Manyi ligulu lilonje kuta, “Kwasawuli heni siyo liwoko, ihyo heni siyo va muvili!” Mbe, kwa kulonga ihyo, lifuluche liduje kuva hono ha muvili?16Nalyo lipulichilo likalilonje, “Kwasawuli heni sitsili liho, ihyo heni siyo va muvili!” Mbe, kwa kulonga ihyo likakuduga kuva hono ha muvili?17Manyi muvili gweka guka guve liho, munu akakuhulika chinya ndawuli? Awu manyi muvili gweka gukaguve lipulichilo, munu akakunusa chinya ndawuli?18Lechelelo Mulungu afivisile filungo mu muvili, chila chimwe kota fyo aganile mwene.19Manyi akaaveafivisile fyeka five chilungo chimwe, muvili gukakuva chinya ndawuli?20Ihyo muvili guna filungo fyolofu, lechelelo muvuli go gumwe.21Duve, liho silifuluche kulilonjela liwoko, “Ntsigaya sida na heve!” Nambe mutwi sigufuluche gugalonjela magulu, “Ntsilihela sida na henye!”22Lechelelo fila filungo fya muvili fyo fiwonekaga fitenyanjifu, ifyo fyo fyamana hilo kulutila fila filungo finji.23Nafyo filungo fila fya muvili fyo tungufiwona figaya hesima, ifyo fyo tungufipela hesima hilo. Nafyo filungo fila fyo filihela nambe wunofu, tufipelaga hesima ya wiyeka,24na luvala ulo filungo fila fyo finofu sifiganaga hesima iyo. Lechelelo Mulungu afivisile hamwe filungo fya muvili na akavipelaje hesima hilo filungo fila fyo filihela wunofu.25Mulungu adisile ihyo ili kuleche kuva na chitika mu muvili, ila filungo fyeka fitanje chila chimwe na chiyage.26Manyi chilungo chimwe chitechetse, filungilo fyeka fitamaga hamwe nacho, na manyi chilungo chimwe chitsumilwe, duve filungilo fyeka fihechelelaga hamwe nacho.27Duve lelo, henye nyeka yo muvili gwa Chilisito, nayo chila yumwe venyu yo chilungo cha muvili ugo.28Ihyo Mulungu avisile chila chinu hono hake mu chikundi cha vanya litumbilo lya Chilisito, va kwantsa vatumi, va kavili valoli, va kadatu vadahitsi, kahi avisile vala vanya vifunje fya kudita miwujitsa, na vala vakuponetsa, na vala va kuvatanga vayawo, avavisile vanji vave filongotsi, na vanya kulonga wulontsi wa kuhuma kwa Muhe va Mulungu.29Mbe, veka vatumi? Mbe, veka valoli va Mulungu? Mbe, veka vadahitsi? Mbe, veka vadita miwujitsa?30Mbe, veka vafuluche cha kuponetsa vatamwa? Mbe, veka vafuluche valonje ndonga njentsi? Mbe, veka vafuluche vadadambule ndonga?31Ino mwiviniwaje kupata fifunje fyofina mana hilo.
Heni lelo nguvalajila ng'asi nofu ya kufipata ifyo fifunje fyeka.
Heni lelo nguvalajila ng'asi nofu ya kufipata ifyo fifunje fyeka.
The Word for the World International