1VAKOLINDO10
1Vang'olotsangu, ndema muleche kutsela wukweli wuno kuta vadadetu veka vamilwaga na lila lifuluka, na veka valutilaga hagatinagati mu bahali ya Samu.2Vanu veka vakabatitswaje mugati mwa lila lifuluka na mugati mwa yila bahali ili vave vafwasi va Musa.3Veka valyeye chilyo chichilaga cho chahumye kilanga kwa Mulungu,4na veka vang'weye malenga go atawe Mulungu, kwakuva vang'weye malenga kuhuma mu litalawe lya chimuhe lyo lyafwatanaga nawo, nalyo litalawe ilyo avaga yo Chilisito.5Nambe ihyo vanu wolofu hagati hawo sivadisile kota hila fyo aganaga Mulungu, ihyo vakafwaje na mivili jawo jikatagalilaje mu mbuga.6Duve ndongwa itso tsahumye ili tsive muhwano kwa hetwe, ili tuleche kudita wubi kota vene fyo vadisile.7Mulekaje kufugamila misanamu kota vamwe vawo fyo vaditaga, kota fyo yandikwe mu mandiko, “Vanu vichite hanyi vakalyaje na kung'wa, kaha vakinukaje kuwunga na kudita ndongwa tsa waafu.”8Kaha tulekaje kudita waafu kota fyo vadisile iwo, vakafwaje vanu elufu isilini na tsidatu kwa munyi gumwe.9Kaha tulekaje kumujela Mutwa kota fyo vadisile iwo, vakafwaje kwa kukomwa na ntsoka.10Mulekaje kukalala kwa tsila ndongwa tso angutsidita Mulungu kota fyo vadisile iwo, na ihyo vakakopolwaje na mutantsi va kilanga va Mulungu yo akopolaga.11Ndongwa itso tseka tsavapasile iwo ili kutufunda hetwe tuvanji, natso tsandikwe ili kutudahitsa hetwe wo tungikala luvala luno lwa wudugo inyi.12Ihyo, manyi ungiwona kuta wimile nachene mu litumbilo, wiyangalilaje! Ulekaje kisemwa na kugwa kwa kulileka litumbilo.13Majetso geka go mwapasile go gagalaga govanago vanu veka. Nayo Mulungu yo vakihuvilwa, ihyo siakuvaleka mujelwe kulutila wuvetso wo munawo, na kaha hamwe na kujelwa uko, mwene Mulungu akuvapelani wuvetso wa kikangatsa ili muhume umo bila kutachila.14Ihyo vang'olotsangu, mwalahogola kufugamila misanamu.15Ntsinlonga na henye kota vanu vanya malifwa, mulamule muvene ichi cho ntsinlonga.16Hala hotunkuva tungumulumba Mulungu kwa chikombe chila cha wuwuya cha Chilyo cha Mutwa, mbe situvaga tunkung'wa hamwe danda ya Chilisito? Mbe, na hala hotunkuva tunkulya hamwe mukate situvaga tungihatsa na muvuli gwa Chilisito?17Kwasawuli mukate ugo go gumwe hela, na yivaje hetwe tuli wolofu tuli muvili gumwe, kwasawuli tweka tungihatsa mu ugo mukate gumwe.18Muvahotsaje vanu va Isilaheli. Mbe, vala veka wo vakolaga katsi mu matsabahu wo vala wo valyaga sadaka mu matsabahu.19Lelo ntsigana kulonga chinu chachi? Chilyo cho chitambichilwe ku sanamu cho chinu hilo kulutila filyo finji? Awu kuta sanamu cho chinu chinya mana hilo?20Siyo ihyo ndaya! Lechelelo sadaka tsovantawula vanu wo sivamutsele Mulungu vatawulaga kwa misoka, na siyo kwa Mulungu. Heni sinambengane henye mwihantse nawo kujifugamila misoka.21Simufuluche kung'wila chikombe cha Mutwa na luvala lulo mung'wele chikombe cha misoka. Kaha simufuluche mwihantse mu liwungo lya Chilyo cha Mutwa na luvala lulo mwihantse mu liwungo lya chilyo cha misoka.22Mbe, tugana kumudita Mutwa ave na wifu? Kaha mutijila kuta tuna wuvetso hilo kulutila mwene?23Vanu vamwe valongaga, “Hetwe tudichilwe tufidite chila chinu!” Lechelelo heni ntsinlonga kuta siyo chila chinu chinofu. Kaha vamwe valongaga, “Hetwe tudichilwe tufidite chila chinu!” Lechelelo heni ntsinlonga kuta siyo fyeka fyo chifuluche chivatanje vanu.24Ihyo hagati yenyu halekaje kuva na munu yo ansaka ndongwa tsa kumutanga mwene hela, ila chila munu asakaje ndongwa tsa kuvatanga vayage.25Mulyaje nyama tsostive tso tsin'gutswa kwisoko bila kuputsanitsa kwasawuli ya numbula tsenyu.26Kwakuva yandikwe mu Mandiko ga Mulungu, “Inyi na fyeka fyofili tso mali tsa Mutwa.”27Manyi munu yo siamutumbye Chilisito akulibulitse chilyo na heve un'gana kubita, ubite ukalye bila kuputsanitsa kwasawuli ya numbula yako.28Lechelelo manyi munu avalonjele, “Nyama yino yitawulwe kwa sanamu,” duve mulekaje kulya, kwasawuli ya kumutanga uyo yo akulonje ihyo na ili muleche kutetseka mu numbula tsenyu.29Ntsinlonga hino kwasawuli ya kutetsa numbula ya uyo yo akulonje, na siyo kwasawuli ya kutetsa numbula yako.
Lechelo mufuluche mumbutse kuta, “Kwasawuli yachi hila fyo ntsin'dita heni, munu yunji anyije?”30Manyi heni ntsilye chilyo icho kuno tsingumulumba Mulungu, kwasawuli ya chichi nyigwe kwa chilyo cho ntsimulumbite Mulungu?31Ihyo chinu chochive chomukuchidita, yive kulya awu kungwa muditaje kwa kumutsumitsa Mulungu.32Mulekaje kuvambutsa Vayawudi awu wosi Vayawudi vagatsiche kumutumba Mulungu, awu munu yoyuve yo amutumbye Chilisito adite ndongwa ntsibi.33Muvaje kota heni fyontsili, ntsin'jela kuvadita vanu veka vasangalale kwa hila fyovali, bila kusaka ndongwa tsa kunanga tsimwene, ila ntsinsaka ndongwa tsa kuvatanga vanu veka vavetse kukuluswa.
Lechelo mufuluche mumbutse kuta, “Kwasawuli yachi hila fyo ntsin'dita heni, munu yunji anyije?”30Manyi heni ntsilye chilyo icho kuno tsingumulumba Mulungu, kwasawuli ya chichi nyigwe kwa chilyo cho ntsimulumbite Mulungu?31Ihyo chinu chochive chomukuchidita, yive kulya awu kungwa muditaje kwa kumutsumitsa Mulungu.32Mulekaje kuvambutsa Vayawudi awu wosi Vayawudi vagatsiche kumutumba Mulungu, awu munu yoyuve yo amutumbye Chilisito adite ndongwa ntsibi.33Muvaje kota heni fyontsili, ntsin'jela kuvadita vanu veka vasangalale kwa hila fyovali, bila kusaka ndongwa tsa kunanga tsimwene, ila ntsinsaka ndongwa tsa kuvatanga vanu veka vavetse kukuluswa.
The Word for the World International