Re Tabtôan8
1Aê Bwatkôlkôl mwadmê Noa me langlang na dubôr êr bonga aê langlang na bwê êr an lelepor ngadkes an sek me i lon bulbul. Aê Bwatkôlkôl mwalngi lang aê i mwarii ratan aê esii wa aê wa m'sar.2Aê i m'kookornê mta wa êr an mwablô aê egêpgêp maôt, aê ôs atlap an luu ere m'nok.3Aê wahle an pwêr sar baran tan, aê ran nuulsangul na bông su aê nuul belim aê wa m'ba ran tan.4Bulbul mwahlôô ran wau an Ararat ran nuul bông su aê m'belêôru lon lêôruan na ôl.5Wa m'sar ne sar ba, aê ran kêrêan na bông na nuul ôl su aê dade wau êr pôtpôt.6Pon nuul bông beêt aê Noa mwasêanê matnur na bulbul ane i môômnê.7Aê i mwahrê bwêsêl ane sên be raben ba ôô aê i m'ba aê eba gaga laklak nga, aê esotê ane wa m'dôt ran ratan.8Aê i mwahrê waamwar ba ôô olin ane i metatêrkêlê epe raalu tan pôt tê.9Ape waamwar taajikrênê buôt tesu ane i tado re, olin ane raalu tan bonga aê i m'pwernê wa ronga re, ngatê aê i mo môl ma bwêlên, aê Noa m'sunê ran ba ôô, aê edbe i balon bulbul.10Aê Noa mo seknê bông belêôru aê emo hrê waamwar ba ôô jingi lo bulbul.11Wamran ane waamwar mo môl ma bwêlên raarêê, aê i mwadbe ra bôtôa anbe olip an mwagsan ane i nga tagseê. Aê Noa mwakêlê epe wa m'sar baran tan.12Aê i mo seknê bông belêôru aê emo hrê waamwar, ape i taaba môl ma bwêlên môn.13Wa m'dôt tehree ran ratan ran kêrêan na bông na kêrêan na ôl na dam, ane Noa m'be nuulsangul na dam belêêsu aê su. Noa m'pilkui po im na bulbul aê ele ba ôô, aê epea “Koknga tan mwadgol!”14Aê lon ruan na ôl ran nuul bông an beru aê m'belêôru aê ratan mwadgol tehree.15Aê Bwatkôlkôl pe banê Noa epea,16“O t'ma ôt jingin bulbul, êk aê nam êsên aê wanjum admwan êr têl me nar êsên êr têl.”17Langlang na soksok êr bonga ane miran du lor an sek me êk aê o met'ka êr ma ôô, soksok êr an gaga aê langlang na bwê êr an lelepor aê soksok êr an mwakrakra aê egalgal ran ratan. Aê êr met'dal aê ebe taltal natê. Aê esek kebanê ratan.18Noa aê nan êsên aê wanjun admwan êr me nar êsên êr soôô maôt jingin bulbul.19Langlang na bwê êr bonga, aê soksok êr an mwakrakra ran tan, aê soksok êr an gaga bonga, aê soksok êr bonga an galgal ran ratan, soôô maôt jingin bulbul, or gasu monok aê or gasu môn.20Aê Noa mwabsa at aê i mamabe ot na Warsangul. Aê i mwahgo bwê ga re ngan mwangganggal aê bwêsêl ga ne i m'be nan pilan banê Bwatkôlkôl aê epangsê.21Aê Warsangul mwarngo bon aê bon betôô, aê i mwadmêdmê ngahpon epea, “Nê taet'mo kakanê ratan ronga môn olin dodotan êr an sanga na antôn êr. Taabe tatesu ne nar dodotan met'sanga re wamran ane êr be watloji ne bama, ape nê taet'mo longlongmê êr me soksok êr bonga ane miran du lor papanê ane nê môômnê tê.22Lon bông êr ane ratan anlo met'du nê ba,aê lon wamran na ruuruan aê lon wamran na soksok êr an mamtô,aê lon wamran an pangpang aê lon wamran an mamdit,aê wamran na iêl aê wamran na ôs,aê ran ngaran nga aê ran lopwas,aê êr taet'nok re wamran tesu.”
Pioneer Bible Translators