Re Tabtôan7
1Warsangul pe banê Noa epea, “O tea lon bulbul, êk aê nam bwat na im bonga. Lo gimi an sek aê êk nga aê o mwaknoknon goro mtak.2Lo langlang na bwê êr an lelepor aê o metehgo admwan telêôru aê êsên telêôru re langlang natê êr an mwangganggal. Aê re êr an taangganggal aê o metehgo teruru; anbe admwan tesu aê êsên tesu.3Lo bwêsêl êr na lo masêa aê telêôru anbe admwan êr natê aê telêôru anbe êsên êr natê, olin ane êr met'dêngnê ne wasôôsôô na langlang êr natê anre met'mo dal aê esek keba noknê ratan.4Pon bông an belêôru aê nê metelngi ôs baran ratan ne i met'luunê nuul bông beêt, aê nê met'longlongmê soksok êr bonga ane nê môômnê ne miran du lor ran ratan.”5Noa môômnê nga papanê ane Warsangul pat pwirisnê banê i.6Noa aê an dam be nuulsangul belêêsu re wamran ane wahle atlap pwer ran ratan.7Noa me nan êsên aê wanjun admwan êr me nar êsên êr bwis balon bulbul olin wahle atlap an met'pwer.8Lo langlang na bwê êr en mwangganggal aê lo langlang natê an taangganggal aê soksok êr an gaga aê soksok êr an mwakrakra aê egalgal ran tan,9aê Noa mwahgo ga ruru; admwan aê êsên re langlang natê su balon bulbul, papanê ane Bwatkôlkôl pat pwirisnê banê i.10Pon bông an belêôru aê wahle atlap tabtôn ane emi pwer ran ratan.11Wamran ane dam a Noa m'be nuulsangul belêêsu, lon ruan na ôl aê ran nuul bông su aê m'belêôru; ran bông anre aê mta wa lêp êr an mwablô m'gêpgêp maôt aê bwai ôs luu ne luu.12Aê ôs luu baran ratan nê nuul bông beêt.13Ran bông anre nga jijinga aê Noa me nan êsên, aê wanjun admwan êr têl, Seem, aê Ham, aê Japet me nar têl êsên êr balon bulbul.14Êr ba me langlang na dubôr êr ngadkes aê langlang na bwê êr ngadkes an lelepor aê langlang na soksok êr bonga an mwakrakra aê egalgal ran tan, aê langlang na bwêsêl êr bonga aê soksok êr bonga ane albêr du.15Lo langlang na soksok êr lele antê ne êr mwabngos ne mir, aê ga ruru m'bama me Noa ran bulbul.16Langlang na bwê êr anbe admwan êr aê êsên êr, aê langlang na soksok êr bonga ane miran du lor, ba me Noa ran bulbul papanê ane Bwatkôlkôl pat pwirisnê banê i. Aê Warsangul kookornê bulpatêê.17Ran nuul bông beêt aê wahle atlap pwer balêp aê etang pan bulbul, aê bulbul rôs babamre aê esal ran wa.18Wahle m'pwer aê ebetlap balêp ran ratan aê bulbul salsal ran wa.19Wahle m'pwer ne pwer balêp aê ekaakaaji ratan, aê wau êr an mwabrabra babamre pan mtaran aê êr pwat pan wa.20Bôlôan na wahle an kaakaaji dade wau aê i m'tap re ongan an belêôru.21Aê soksok êr bonga an mwakrakra aê egalgal ran ratan matmat aê soksok êr an gaga, aê langlang na bwê êr an lelepor aê dubôr êr aê soksok êr ngadkes aê antôn êr aê êr matmat.22Soksok êr bonga an sek ran tanôt ne êr mwabngos ne mir, aê êr matmat.23Aê i m'tang bini soksok êr bonga an sek ran ratan: antôn êr, aê langlang na bwê êr, aê soksok êr an mwakrakra aê egalgal, aê soksok êr an gaga na lo masêa bonga aê êr matmat ran ratan. Ape Noa me êr an sek me i ran bulbul ngatê en nga sek.24Wahle atlap pwer ran ratan nê nuulsangul na bông su aê nuul belim.
Pioneer Bible Translators