Re Tabtôan9
1Bwatkôlkôl konnê Noa me wanjun admwan êr aê epe banê edpat epea, “Gimi tebsubsus aê edal aê esek keba noknê ratan.2Soksok êr an mwakrakra aê egalgal ran ratan aê soksok êr an gaga na lo masêa aê mahlo êr na lo tas aê langlang na bwê êr aê êr met'du mtatnê gimi, aê esek pa gimi.3Soksok êr ngadkes ane miran du lor ne êr bit ran tan aê êr metebe agmi anin, papanê ngane ngamô tê aê nê m'sunê raa gsagsan êr ne i m'be agmi anin, ape runlo aê nê m'sunê soksok bonga aê êr m'be agmi anin.4Ape o ngalogne isina tatesu ane da m'du ronga re, olin ane miran du lon da.5Tane met'pe bwê su meteôsê antôn su ne danan met'sal aê nê metepnis bini i nga, aê tan met'pe antôn su metepnis bini nasu nga, aê i môn aê nê metepnis bini i nga.6Antôn su an metemwê ne dana nasu met'salaê i môn aê nasu kadkes met'dêngnê ne danan met'sal,olin ane Bwatkôlkôl môômnê antôn aê i m'sol nunun.7Aê gimi tebsubsus balêp aê edalaê esek keba noknê ôt ran ratan.”8Aê Bwatkôlkôl pe banê Noa me wanjun admwan êr epea,9“Rundelo aê nê metedu ran nak dal na kambôôan megmi aê me mabigmi êr an metamama po gimi ronga;10aê me soksok êr ngadkes ane miran du lor an sek me gimi; soksok êr an gaga; aê bwê êr an lelepor aê dubôr êr aê soksok êr ngadkes an bama ôt mem jingin bulbul; aê me soksok êr ngadkes ane miran du lor ran ratan.11Nê metedu ran na dal ane nê met'pe banê gimi elo epe taet'mo lsê wahle atlap tesu an pwer ne i t'mo longlongmê soksok êr bonga ran ratan ronga.”12Aê Bwatkôlkôl pea, “Anlo aê i m'be matlelean na dal na kambôôan ane nê m'linglingnê ne i met'pwat lon tobol nak me gimi aê soksok êr ane miran du lor, aê me mabi gimi êr bonga an metamama po gimi ronga.13Nê mwalngi nêênêô lon bôtôbtôplang ne i metebe matlelean ane i met'pwat lon tobol nak men ratan.14Wamran êr ane nê metemwê ne tenlang met'kaakaaji ratan, aê metelsê nêênêô balon bôtôbtôplang.15Aê nê metedmê dal na kambôôan ane nê m'linglingnê ne i m'pwat lon tobol nak me gimi aê soksok êr ngadkes ane miran du lor. Nê taet'mo lngi wahle atlap an pwer ne i t'mo longlongmê ratan ronga.16Tane nê metelsê nêênêô balon bôtôbtôplang aê nê metedmê dal na kambôôan ane nê m'linglingnê ne i m'pwat basô lon tobol nak me soksok êr ane miran du lor me soksok êr bonga an du ran ratan.”17Aê Bwatkôlkôl pe banê Noa epea, “Anlo aê i m'be matlelean na dal na kambôôan ane nê metedu ran ne i met'pwat lon tobol nak me soksok êr ane miran du lor ran ratan.”18Wanju Noa êr an soôô jingin bulbul aê sêr be Seem aê Ham aê Japet. Ham be tema Keenan.19Wanju Noa anbe m'betêl elo aê êr mama gêgê aê esek keba noknê ratan.20Noa aê i m'be antôn an mwamrêmrê tan. I mwarui lo ôt su na awea anbe grep ane môômnê waen re.21Noa minê waen aê nan dodotan mwahlal sênê aê i m'pwat wamwalmwal nga lon tobol na nan wabrenggal.22Ham anbe tema Keenan ba ere aê eba lsê epe teman pwat wamwalmwal nga aê emi pe banê selan rakô ôô.23Seem me Japet mwadbe wabu bwelaul su aê elngi ne i m'pwat bolbol ran bwa rakô aê elaa nê ahlu rakô olin ane rakô metakuukurtênê tema rakô, ape rakô taetelsê.24Re wamran ane Noa ne lon bôtôn mwamwar aê i mwakêlê tane wanjun anbe gereta môômnê re i.25Aê i m'pea, “Nê m'kakanê Keenan! I metebe antôn na ômwan an taaglegle i na selan êr.”26Aê Noa mo pe môn epea, “Warsangul Bwatkôlkôl na Seem met'konnê Seem, ape Keenan metebe nan antôn na ômwan an taaglegle i.27Bwatkôlkôl metemwê ne lo bwela ee na Japet metetlap, aê Japet met'sek lon wabrenggal na Seem. Ape Keenan metebe antôn na ômwan na Japet an taaglegle i.”28Noa m'seknê nuulsangul na dam betêl aê nuul m'belim pon wahle atlap an pwer.29Noa m'seknê nuulsangul na dam beliapat aê nuul belim aê enga mat.
Pioneer Bible Translators