Re Tabtôan17
1Wamran ane Ebram ne an dam be nuul beliapat aê liapat, aê Warsangul pôt bwilan aê epea, “Nê m'be Bwatkôlkôl na Pwirisan Bonga, o met'sala goro mtak aê sêm taet'sanga.2Aê nê met'linglingnê dal na kambôôan su ne i met'pwat lon tobol nak me êk, aê nê metemwê ne o met'ma gatgat liap.”3Aê Ebram jingdur aê etatnur aê lontan sotê tan, aê Bwatkôlkôl pe banê i epea,4“O telsê! Nak dal na kambôôan me êk ela; êk aê o metebe tema or langlang na antôn êr.5Aê antôn êr taet'kanê sêm ronga epe Ebram, ape êr met'kanê sêm epe Ebraham, olin ane nê metemwê ne o met'mabe tema or langlang na antôn êr.6Nê metemwê ne wanjum êr met'ma gatgat balêp, aê emwê ne nam or antôn êr aê warsangul lêp êr metemra maôt re êk.7Nê metedu ran nak dal na kambôôan aê i met'pwat basô lon tobol nak me êk, aê me mabin êr an metadodo ma pom ronga. Olin ane nê metebe nam Bwatkôlkôl aê ebe Bwatkôlkôl na mabim êr an metadodo ma pom ronga.8Nê met'sunê tan an Keenan ane o taahrehree bare ere, aê o metelê, aê i metebe nam basô me mabim êr an metadodo ma pom ronga, aê nê metebe nar Bwatkôlkôl.”9Bwatkôlkôl pe banê Ebraham epea, “Êk aê mabin êr an metadodo ma pom ronga aê gimi met'jingjingnê nak dal na kambôôan.10Nak dal na kambôôan an pwat lon tobol nak me êk aê me mabin êr an metadodo ma pom ronga, aê gimi met'jingjingnê. Êk aê wanjum admwan êr me mabim admwan êr an metadodo ma pom ronga aê gimi metebe wabo.11Gimi metebe wabo aê i metebe matlelean na dal na kambôôan ne i met'pwat lon tobol nak me gimi.12Mabim êr an metadodo ma pom ronga, me watloji admwan êr an do ne ar bông belêêtêl aê êr met'po be wabo tê; aê me êr an met'do lon nam im aê antôn êr na ere kadkes an nga gle êr ma nê bwa agelgel ne êr mamabe nam antôn êr.13Taabe tatesu ne êr metedo lon nam im, iaa êr an metegle êr nê bwa agelgel aê êr met'po be wabo tê, aê nak dal na kambôôan aê i metebe matlelean aê epwat re tarbegmi basô.14Aê admwan su an taabe wabo aê i taet'po sek bilji nam antôn êr tê olin ane i taasodutôn dal ene nê m'kambôônê mem.”15Aê Bwatkôlkôl pe banê Ebraham epea, “Nam êsên, Seerae, aê taet'kanê sên epe Seerae ronga; ape sên met'mabe Seera.16Nê met'konnê i aê epo sunê wanjum admwan su re i tê. Nê met'konnê i aê papanre aê i metebe dasê or na antôn êr; aê warsangul lêp êr na antôn êr re ôt êr, metemra re i.”17Wamran ane Ebraham mwarngo papanre aê i m'jingdur aê etatnur aê lontan sotê tan, aê i man lon lolon aê edmê ngahpon epea, “?I mwangrê ane antôn ane an dam be nuulsangul su met'pasu watloji admwan tesu bwa? ?Aê i mwangrê ane Seera met'pasu watloji tesu re wamran ane an dam be nuul beliapat bwa ê?”18Aê Ebraham m'pe banê Bwatkôlkôl epea, “Tepo be Ismael pôn ene o t'po konnê i a!”19Aê Bwatkôlkôl pea, “Ee, ape Seera anbe nam êsên met'pasu wanjum admwan su, aê o met'kanê sên epe Aesak. Nê metedu ran nak dal su na kambôôan me Aesak ne i me'tang gêtê basô me mabin êr an metadodo ma pon ronga.20Aê oli Ismael aê nê mwarngo tolom; o telsê! Nê met'po konnê i tê. Aê nê metemwê ne i metelngi watloji êr aê êr met'ma gatgat balêp. I met'mabe tema nuul antôn su aê ru, ane êr metebe dumôan êr. Aê nê metemwê ne i met'mibe or na antôn su re atlap balêp.21Ape nak dal na kambôôan aê nê metedu ran me wanjum an Aesak, ane Seera met'pasu i lon dam an pon nga lon wamran an papanla.”22Wamran ane Bwatkôlkôl noknê sahrôan me Ebraham, aê i mwapwingi jingi i babamre.23Ebraham m'ka wanjun admwan anbe Ismael; me admwan êr an do lon nan im, aê admwan êr ane i mwagle êr nê nan agelgel, aê admwan êr bonga an sek lon nan im aê etawabo re êr nga lon bông anre, nga papanê ane Bwatkôlkôl pe banê i.24Dam a Ebraham m'be nuul beliapat aê liapat re wamran ane m'tawabo re i.25Aê wanjun admwan anbe Ismael be nuul dam su aê m'betêl re wamran ane m'tawabo re i.26M'tawabo re Ebraham me wanjun admwan anbe Ismael nga lon bông su nga.27Aê admwan êr ngadkes an do lon nan im, aê antôn êr na ere kadkes an mwagle êr nê agelgel ne êr mamabe nan aê m'tawabo re êr môn.
Pioneer Bible Translators