Re Tabtôan18
1Warsangul pôt bwêlê Ebraham pan li bôtôa êr na ôt Mamre. Re wamran anre aê ôt pangpang balêp nga, rudbwêl, aê i mwahlôô nga re nan bongo berenggal.2I m'bêrnê mtan rakô ba ere aê elsê admwan betêl ne êr mwaknon nga re, aê i m'kor jingi nan bongo berenggal aê eba lsê êr, aê ejingdur baran tan,3aê epea, “Nak warsangul! Nê m'pe banêk epe tan met'pe lolom met'pwat mek, aê o ngalotap re nam antôn na ômwan nga.4Nê m'pe banê mtêl epe metedbe bwela wa tesu ma ane wa m'pwer lon aê metegsê lê mtêl nê aê mtêl met'mapmap pan li bôtôa anlo bwa.5Aê nê metalê wabu anin tema aê mtêl metegne bwa, aê enga tap re nagmi antôn na ômwan.” Aê êr pea, “I m'betôô nga, o t'ômnê papanê ane o m'pe.”6Aê kuukus nga aê Ebraham balon nan wabrenggal aê epe banê Seera epea, “O tea aê eba su plaoa te re antôô ma aê i metetlap, aê eômnê bret te.”7Ebraham kor balon nan or na buluk aê eba dbe waa wanjutê su an dede tehree aê esunê banê nan antôn su na ômwan olin ane i me'tang bini nga aê epinun kuukusnê.8Aê i mwahgo sus na sô buluk aê wanju buluk ane i m'barê aê ehgo ma bwêlêr. Aê re wamran ane êr gan aê i mwaknon nga bwêlêr, pan li bôtôa.9Êr mwausiusi i epea, “Nam êsên an Seera ebê?” Aê i m'pea, “I nga etai, pan wabrenggal.”10Aê Warsangul pea, “Nê met'mo môl ma re wamran an papanla lon dam an pon aê nam êsên an Seera met'pasu watloji admwan su.” Seera m'sek nga lon wabrenggal an dutô Ebraham aê etong par. 11Ebraham tên Seera aê rakô ma mtômtô, aê Seera aê nan wamran na bisusan aê i m'nok.12Seera man nga lon nan dodotan epea, “?Pon ane nak wamran na bisusan monok, aê nak dumôan, Ebraham, aê i ma mtômtô, aê rongo mbetôôan anlo mwangrê ne manê nê bwa ê?”13Warsangul pe banê Ebraham epea, “Olin sa ne Seera man lon nan dodotan epea, ‘?Nê met'po pasu watloji su koknga lon nak môtômtôan?’14?Tatesu m'po gon bonê nê? Nê met'mo môl ma nga gêrêgrên wamran ane m'legsi tê lon dam an pon, aê Seera met'pasu watloji admwan su.”15Seera mamta aê eplêplê nga re epea, “Nê taaman.” Ape i anre m'pea, “Êhêê, o man koknga.”
Pioneer Bible Translators