Indirimbo4
1Ese ingene uri mwiza, mukunzi wanje!Mbega ukuntu uri mwiza!Amaso yawe ari mu mwitwikiro ameze nk’ay’inuma yitwa kolombe.Umushatsi wawe umeze nk’umukuku w’impeneumanuka ku musozi Gileyadi.2Amenyo yawe yera nk’umukuku w’intama zamowe ubwoya,ziduga zivuye kwoga.Imwe yose yonsa amahasa;nta n’imwe iri yonyene.3Iminwa yawe isa n’umugozi w’agahama;akanwa kawe ni keza.Amatama yawe mu mwitwikironi nk’ibimanyu vy’ikomamanga.4Izosi ryawe rimeze nk’umunara wa Dawidi,wubatswe nk’umuzingi;kuri wo hamanitse inkinzo igihumbi,zose zari iz’abahizi.5Amabere yawe yompi ameze nk’inyana zibiri,nk’amahasa y’inyana z’ingeregere,zirisha hagati mu mashurwe.6Gushika umutwenzi utambikeijoro rishize,nzoguma ku musozi w’ibimota neza vyaweno ku gasozi k’ibitamirana neza.7Uri mwiza hose, mwiza wanje;nta gatosi kari kuri wewe.8Nuze tuve i Libani, mugeni wanje,nuze tuve i Libani.Manuka uve ku gatwe ka Amana,ku gatwe ka Seniri, ku gatwe ka Herumoni,aho intambwe zifise ibinogo zibamwoahari uburyamo bw’ingwe.9Wantwaye umutima, mushikanje, mugeni wanje;wantwaye umutimaku bwo kuraba kw’amaso yawe,kubera agatete kamwe ko ku rudede rwawe.10Ese ukuntu urukundo rwawe ari rwiza, mushikanje, mugeni wanje!Urukundo rwawe ruraryoshe kurusha umuvinyu,n’ukumota kw’amavuta yawekuryoshe kurusha ibindi bimota vyose!11Iminwa yawe isosa nk’ikigigu c’ubuki, mugeni wanje;amata n’ubuki biri musi y’ururimi rwawe.Ukumota kw’impuzu zaweni nk’ukw’i Libani.12Uri umurima uzitiye, mushikanje, mugeni wanje;uri iriba rizitiye, isoko rishizeko ikidodo.13Imivyaro yawe ni umurima w’amakomamangaw’ivyamwa vy’indobanurwa,aho hena na narada biri,14narada na safaroni,kalamusi na kinamoni,n’ibiti vyose bimota neza,n’isenga na alowen’ibimota birusha ibindi.15Uri iriba rivomera umurima,iriba ry’amazi atembaatemba ava i Libani.16Ikangure wa muyaga wo mu buraruko,nawe muyaga wo mu bumanuko, nuze!Muhuhe ku murima wanje,kugira ngo ubumote bwawo bukwire hose.Umukunzi wanje naze mu murima wiweanezerererwe ivyamwa vyawo vy’indobanurwa.
Biblica, Inc.