Intimba2
1Ese ukuntu Imana yatwikirije umukobwa w’i Siyoniigicu c’uburake bwayo!Yahomvoreye hasi ubwiza bwa Isirayeli,ibukura mw’ijuru ibukororera mw’isi;ntiyibutse indava y’ibirenge vyayoku musi w’uburake bwayo.2Imana yamize miyonzwaimihana ya Yakobo;mu burake bwayo yasubije hasiahazitijwe inzitiro z’umukobwa w’i Buyuda.Kandi ubwami bwaho n’abaganwa bahoyabisenyuriye hasi biri mu biteterwe.3Mu burake bwayo bw’inkazi yavunyeihembe ryose ry’Abisirayeli.Yakuyemwo ukuboko kwayo kw’i buryoigihe umwansi yari yegereje.Mu ba Yakobo yatse kurya kw’umuriro utongorauturira ibintu vyose biri i ruhande yawo.4Yafoye umuheto wiwe nk’umwansi,ukuboko kwiwe kw’i buryo kuriteguye.Yabaye nk’umwansi mu kwicaabantu bose b’igikundiro;yasutse uburake bwiwe nk’umurirokw’ihema ry’umukobwa w’i Siyoni.5Imana yabaye nk’umwansi;yamize Isirayeli atamuhekenye.Yamize adahekenye ibirimba vyahoasenyurira hasi inyubako zaho zikomeye.Yagwije ikigandaro n’ugucura intimbaku mukobwa w’i Buyuda.6Yasambuye aho yaba hahinduka agahinga,yasambuye ikibanza ciwe c’amakoraniro.Uhoraho yatumye i Siyoni hibagiraimisi mikuru yategekanijwe yaho n’amasabato;mu bushangashirwe bwiwe yakengereyeumwami n’umuherezi.7Uhoraho yashiburiye kure igicaniro ciweyahevye ahera hiwe.Inzitiro z’ibirimba vyiwe yabirekuriyemu maboko y’umwansi;bavugirije akamo mu Ngoro y’Imanank’uko vyahora mu gihe c’umusi mukuru washinzwe.8Uhoraho yahisemwo gusamburauruzitiro rukikije umukobwa w’i Siyoni.Yagoroye umugozi wo gupimakandi ntiyabujije ukuboko kwiwe ngo ntigusambure.Yahinduye impome n’inzitiro agacurantimba;vyose vyahindutse umusaka.9Amarembo yaho yasenyukiye hasi;ibihindizo vyayo vyaravunaguwe birasamburwa.Umwami waho n’abaganwa bacitse inyagano mu mahanga,nta vyagezwe bikiriho,kandi abavugishwa baho ntibakibonaivyo berekwa bivuye k’Uhoraho.10Inararibonye z’umukobwa w’i Siyonizicaye hasi, ntibakurako umunwa;bisuriye umukungugu ku mitwebambara amagunira.Abakobwa b’i Yerusalemubunamitse imitwe yabo mw’ivu.11Amaso yanje ananiwe no kurira,muri jewe huzuye uruhagarara,umutima wanje usutswe hasi kw’isikuko abantu banje basanganguwe,kuko abana n’inzoya bapfiramu mabarabara yo mu gisagara.12Babwira ba nyina bati:“Umukate n’umuvinyu biri hehe?”mu gihe bariko bararaba nk’abakomeretsemu mabarabara y’igisagara,maze ubuzima bukabavamwobari mu maboko ya ba nyina.13Mbega mvuge iki kuri wewe?Mbega nokugereranya n’iki,ga yewe mukobwa w’i Yerusalemu?Nogushushanya n’iki,kugira ngo nshobore kukuremesha,ga yewe mukobwa w’i Siyoni?Igikomere cawe gishika kure nk’ikiyaga.None ni nde yogukiza?14Ivyo abavugishwa bawe beretswevyari ibinyoma bitagira akamaro;ntibakweretse icaha cawengo bigukize kujanwa uri inyagano.Ivyo bavugishijwe imbere yawevyari ibinyoma bizimiza.15Abaca aho uribifata ku munwa;bakavuza agahwa bazunguza imitweku bw’umukobwa w’i Yerusalemu bati:“Iki ni ca gisagara citwaubwiza busumba ubundi bwose,umunezero w’isi yose?”16Abansi bawe bose barasamyekandi basamira wewe;bavuza agahwa bagahekenya amenyobavuga bati: “Twamumize tutamuhekenye.Uyu ni wa musi twari turindiriye;twabayeho ngo tuwubone.”17Uhoraho yakoze ivyo yari yarateguye;yashikije ijambo ryiwe,iryo yari yaravuze kera.Yaragusambuye ata kagongwe,yatumye umwansi anezererwa ivyago vyawe,yashize hejuru ihembe ry’abansi bawe.18Imitima y’abantuitakambira Imana.Yewe nzitiro z’umukobwa w’i Siyoni,amosozi yawe nacuncubuke nk’uruziku murango no mw’ijoro;kandi nturuhuke,n’amaso yawe ntaruhuke.19Va hasi, boroga mw’ijoro,abateramyi bagitangura;suka umutima wawe nk’amaziimbere y’Imana.Mumutarikire ibiganzakubera ubuzima bw’abana banyu,baraba kubera inzaraku mpande zose z’amabarabara.20“Raba, yewe Uhoraho, kandi ubibabare:Ni nde wigeze ugirira nk’ibi?Mbega abagore borya abana bivyariye,abana birereye?Abaherezi n’abavugishwa bokwicirwamu Ngoro y’Imana?21Abana n’abakuze barambaraye hamwemu mukungugu wo mu mabarabara;abasore banje n’abigemebishwe n’inkota.Wabasogose ku musi w’uburake bwawe;ubacumita ata kagongwe.22Nk’uko utumira abantu ku musi mukuru,ni ko watumiye abaza kuntera ubwoba impande zose.Ku musi w’uburake bwawenta n’umwe yashoboye guhunga canke ngo asigare;abo nivyariye nkabirerera,umwansi wanje yarabariritse.”
Biblica, Inc.