Yobu31
1Nagiraniye isezerano n’amaso yanje,ryo kutazorabana ukwipfuza umwigeme.2Mbega umugabane noronka uvuye mw’ijuru ku Mana woba uwuhe?Iragi ryanje riva hejuru ku Yishoboravyose ryoba irihe?3Mbega si uguhona kw’umunyakibi,n’ivyago bikurikirana uwukora ibigabitanyo?4Mbega ntibona ivyo nkora vyose,igaharura intambuko zanje zose?5Nimba naragendeye mu binyoma,ibirenge vyanje bikihutira kubesha abandi,6Imana ninshire ku munzane w’ukuri,ndazi ko izobona ukugororoka kwanje.7Nimba ibirenge vyanje vyarataye inzira,umutima wanje ugatwarwa n’ivyo amaso yanje yabonye,canke amaboko yanje agakora ikindi caha na kimwe,8imirima yanje iragasoromwa n’abandi,barandure n’ivyo nateye.9Nimba umutima wanje warakwegakwezwe n’umugore,canke nkipfuza umugore w’umubanyi wanje,10umugore wanje aragasyera uwundi mugabo,afatwe ku nguvu n’abandi bagabo.11Kuko nzoba nakoze igiterasoni,icaha gikwiye guhanwa.12Ico caha ni umuriro utongora ugahonya,corandura ivyo mfise vyose.13Nimba nararenganije umukozi wanje,nkanka kwumviriza ivyo anyitwarako,14nzobigenza gute Imana niyaza kubatabara?Nzoyishura iki niyabimbaza?15Mbega Imana yandemye si yo yabaremye?Si yo yatubumbiye mu nda za ba mama twese?16Mbega naranse gufasha abakene,nirengagiza imibabaro y’abapfakazi?17Noba narisangije ivyokurya,nanka kubisangira n’impfuvyi?18Ahubwo kuva nkiri muto namye ndera impfuvyi nka se wazo,kuva nkiva mu nda ya mama nitaho abapfakazi.19Nimba hari uwo nabonye yicwa no kubura ico yambara,canke umukene yabuze umutamana,20hanyuma umutima wiwe ntumpezagirekubera ko atasusurukijwe n’ikoti y’ubwoya bw’intama zanje,21kandi asangwa naragiriye nabi impfuvyi,nitwaje igikenye c’ubucamanza,22ukuboko kwanje kuragatandukana n’igitugu,kurakavunikira mu ngingo.23Kuko naratinya ko Imana yonteza ivyago biteye ubwoba,kandi ku bw’icubahiro cayo,sinokwubahutse gukora ikintu nk’ico.24Nimba narizigiye inzahabu,nkabwira inzahabu ziramuye nti: ‘Uri ubutunzi bwanje,’25nimba umunezero wanje uva mu butunzi bwanje bwinshi,no mu vyo amaboko yanje yarondeye,26nimba naritegereje ugukayangana kw’izuba,nkabona ukwezi ingene kugendera mu nzira zakwo z’ifeza,27maze umutima wanje ukaremeshwa mu mpisho,hanyuma nkabisenga,28ivyo na vyo vyombereye ivyaha vyo guhanwa,kuko nobaye mpakanye Imana iri hejuru.29Sinigeze nezerererwa ivyago vy’umwansi wanje,canke ngo mpimbarwe agize ingorane,30sinigeze nemerera akanwa kanje gucumura,canke guhamagara imivumo ku buzima bwiwe.31N’abakozi bo mu nzu yanje ntibigeze bavuga bati:‘Ni nde atarahazwa n’inyama za Yobu?’32Nta munyamahanga naraje hanze,kuko inzu yanje yama yugururiwe ingenzi.33Sinigeze nyegeza icaha canje nk’uko abandi babigenza,sinigeze ndagihisha mu mutima,34ndabitewe no gutinya amaso y’abantu,canke gutinya iyindi miryango,hanyuma ngo ninumire, nigumire i muhira.35Icompa hakagira uwunyumva, akaba ku ruhande rwanje.Nshize umukono ku vyireguro vyanje,Iyishoboravyose ninyishure,umwansi wanje na we ni yandike ibirego vyiwe.36Ni ukuri novyiremeka ku rutugu,nkavyambara ku mutwe nk’urugori.37Kuko nomwiganira ido n’ido ry’ivyo nakoze,nohagarara imbere yiwe meze nk’umuganwa.38Nimba mu mirima yanje hatakamba handega,ubusize bwaho bwose bukarira,39nimba narariye ivyeze vyaho ntabirishe,canke nkica beneho,40harakamerera amahwa mu kibanza c’ingano,n’ishamba ahobaye sayiri.”Amajambo ya Yobu aba ahereye aho.
Biblica, Inc.