Yesaya22
Imburi kuri Yerusalemu
1Imburi ku kiyaya co kwerekerwamwo:Mbega Yerusalemu, ufashwe n’ibiki?Ko abantu bawe bose baduze hejuru ku mazu?2Yewe wa gisagara cuzuyemwo urwamwo,nawe wa gisagara cuzuye umuvurungano n’ubwibone!Abantu bawe bapfuye, ntibishwe n’inkotacanke ngo bagwe ku rugamba.3Abatware bawe bose bahungiye rimwe,bafashwe ata muheto urinze gukoreshwa.Abafashwe bose batwawe icarimwe ngo babe imbohe,naho bagerageje guhunga umwansi akiri kure.4Ni co catumye mvuga nti: “Nimumve i ruhande,mundeke ndirane umubabaro.Ntimugerageze kumpozakandi mbona ubwoko bwanje buriko burahona.”5Umwami, Uhoraho Mushoboravyose, yarashizeho umusi w’imibabaro,w’umuvurungano, ugusiribangwa n’ubwoba,mu kiyaya c’ukwerekerwamwo,umusi wo gusangangura inzitiro,no kuborogera ku misozi.6Abanyelamu bambaye imyampi,imikogote n’amafarasi yabo birateguye,Kiru yasokoroye inkinzo.7Ibiyaya vyawe vyiza vyuzuye imikogote,n’abagendera ku mafarasi bahagaze ku marembo y’igisagara.8Uhoraho yakuyeho ibikingira i Buyuda,maze uwo musi murahindukiramufata ibigwanisho mwashinguye,mu nzu yitwa Inzu y’Ishamba.9Murabona ko impome z’Igisagara ca Dawidizasambutse ahatari hake,maze muca muziganya amazi,mwuzuza amazi itangi yo hepfo.10Mugenzura amazu y’i Yerusalemu,amwe murayasambura kugira ngo muronke amabuye yo gusanura uruzitiro.11Hagati y’inzitiro z’igisagara mwubakaho itangi y’amazikugira ngo muziganye amazi yo mw’itangi ya kera.Ariko ntimwigeze muhanga amaso Uwabiremye,canke ngo mwiyumvire ku wabiteguye kuva kera.12Umwami, Uhoraho Mushoboravyose,arabararitse kuri uwo musi,ngo murire mwongere muboroge,ngo mwimoshe inkomvorera mwongere mwambare impuzu z’ikigandaro.13Ariko raba, hari umunezero no kwiginana,mubaga inka mukica intama,mwirira inyama, mwinywera umuvinyu.Mukavuga muti: “Reka twirire twongere twinywere,kuko ejo tuzopfa.”14Uhoraho Mushoboravyose yampishuriye ibi nanje ndiko ndumviriza: “No gushika ku musi muzopfirako, ico caha ntikizoharirwa,” ni ko Umwami, Uhoraho Mushoboravyose, avuze.15Uku ni ko Umwami, Uhoraho Mushoboravyose, avuze:Genda, ubwire urya muzezwabintu,ari we Shebuna umurongozi w’ibikorwa vyo ku kirimba, umubaze uti:16Uriko ukora iki ngaha; ni nde yaguhaye uruhusharwo kwiyimbira imva ngaha,ukayiyimbira ahakirurutse,ukiyimbira aho uzohambwa mu gitandara?17“Wiyubare. Uhoraho azogufatana inkomezi nyinshi,agushiburire kure, yewe wa munyenkomezi we.18Azokuzingazinga bwa mupira wo gukina,aguterere mu gihugu cagutse.Aho ni ho uzogwa,hamwe n’imikogote yawe yatuma wishima,uzoba agatetereza k’inzu ya shobuja.19Nzokwaka ubutware bwawe,kandi nzogukura mu kibanza cawe nkumanure.20Kuri uwo musi, nzohamagaza umusavyi wanje Eliyakimu mwene Hilukiya agusubirire.21Nzomwambika ikanzu yawe, ndamukenyeze umukanda, maze ndamuhe ubutware bwawe. Azoba se w’ababa i Yerusalemu hamwe n’ab’inzu ya Yuda.22Nzoshira ku bitugu vyiwe urupfunguruzo rw’inzu ya Dawidi; yuguruye nta wuzokwugara, kandi niyugara nta wuzokwugurura.23Nzomushimangira nk’urumambo ahantu hakomeye; azozana icubahiro ku nzu ya se.24Icubahiro c’umuryango wiwe cose kizoba kuri we: kizoba ku ruvyaro rwiwe, no gushika ku wo hasi y’abandi bose.”25Uhoraho Mushoboravyose avuze ati: “Kuri uwo musi, urumambo rwashimangiwe ahakomeye ruzokurwaho; ruzotemwa rugwe, umutwaro wari uruboheweko ukoroke.” Ni ko Uhoraho yavuze.Biblica, Inc.