1 Korinto11
1Munyigane nk’uko nanje nigana Kristo.
Ku bindi bibazo mwanyandikiye, nzobaha inyishu ninashika iwanyu.
Ibijanye no kwitwikira mu gusenga
2Ndabashimira cane ko munyibuka mu vyo mukora vyose, kandi mukaba mwaragumije inyigisho zanje nk’uko nazibahaye.3Ariko hari ico mukwiye kumenya: umutwe w’umugabo ni Kristo, umutwe w’umugore ni umugabo wiwe, umutwe wa Kristo na wo ni Imana,4Umugabo asenga canke avugishwa n’Imana atwikiriye umutwe aba asuzuguje umutwe wiwe.5Ariko umugore asenga canke akavugishwa n’Imana adatwikiriye umutwe wiwe aba asuzuguje umutwe wiwe, co kimwe n’iyo yiharanguje.6Umugore adatwikiriye umutwe wiwe ariko arasenga, akwiye kumobwa. Kandi nimba ari igiterasoni ku mugore kumwa umushatsi canke kwiharanguza, nawutwikire.7Umugabo ntakwiye gutwikira umutwe wiwe, kuko umugabo ni ishusho y’ubwiza bw’Imana; ariko umugore ni ishusho y’ubwiza bw’umugabo.8Kuko umugabo ntiyavuye mu mugore, ariko umugore yavuye mu mugabo;9kandi umugabo ntiyaremwe ku bw’umugore, ariko umugore yaremwe ku bw’umugabo.10Ni co gutuma rero, kubera abamarayika batwihweza, umugore akwiye gutwikira umutwe wiwe, kugira yerekane ko ari musi y’ubundi bubasha.11Ariko mu Mwami, umugore yuzuza umugabo, kandi umugabo yuzuza umugore.12Kuko nk’uko umugore yavuye mu mugabo, umugabo na we avyarwa n’umugore. Ariko ibintu vyose biva ku Mana.13Nabe ari mwebwe nyene mwicira urubanza: Mbega birabereye ko umugore asenga Imana adatwikiriye umutwe wiwe?14Mbega mu vyo kamere y’ibintu itwigisha, si ibiterasoni ko umugabo atereka umushatsi,15ariko umugore awuteretse umubera ubwiza bwiwe? Kuko yawuhawe ngo umubere nk’igitambara kimutwikira.16Ariko nimba hariho uwufise ibihari kuri ibi, nobabwira ko ata wundi mugenzo dufise atari uwo, kandi n’ayandi mashengero y’Imana ni uko abikora.Uko dukwiye kwegera ingaburo y’Umwami
17Mu vyo ngira ndababwire, sindabashima na gato, kuko amakoraniro yanyu yuzuyemwo ibibi gusumba ivyiza.18Ica mbere, narumvise ko iyo mukoraniye mu rusengero mwicamwo ibice, kandi ndakeka ko ari vyo.19Sinkekeranya ko hoba hariho ukwitandukanya muri mwebwe, kugira ngo abemewe n’Imana bagaragare.20Iyo mukoranye, ntimurya ku ngaburo y’Umwami,21kuko iyo mufungura, bamwe muri mwebwe bihutira gufungura ivyabo ntibasangire n’abandi. Ivyo bituma haba abataha bashonje, abandi bagataha baborewe.22Mbega ntimufise iwanyu aho mwofungurira mukongera mukanywera? Canke mushaka kwonona urusengero rw’Imana no kumaramaza abakene? Ndababwire iki? Mbe mushaka ko ndabashima? Ntibishoboka!23Kuko ico nahawe n’Umwami ari co nanje nabashikirije: muri rya joro Umwami Yesu yagurishwa, yakiriye umukate,24awushimira Imana, arawumanyura, avuga ati: “Uwu ni umubiri wanje utanzwe ku bwanyu. Muzohore mukora gutya munyibuka.”25Bahejeje gufungura, agira uko nyene, afata igikombe, avuga ati: “Iki gikombe ni isezerano rishasha ritangujwe n’amaraso yanje. Muzohore mukora gutya, igihe cose mukinywereyeko, mubikore munyibuka.”26Kuko igihe cose muzorya uwu mukate mukanywera no kuri iki gikombe, muzoba muriko muramenyekanisha urupfu rwanje gushika aho nzogarukira.27Ni co gituma uwurya umukate akanywa no ku gikombe uko bitabereye aba acumuye ku mubiri n’amaraso vy’Umwami.28Umuntu wese akwiye kwisuzuma imbere yo kurya uwo mukate no kunywera kuri ico gikombe.29Kuko uwurya uwo mukate akanywera no kuri ico gikombe adahaye icubahiro umubiri wa Kristo aba yikwegeye gutsindwa n’urubanza.30Ni co gituma bamwe muri mwebwe bagira intege nke, bakagwara, ndetse abandi bakaba baranapfuye.31Iyo twirimbuye twebwe nyene tukicira urubanza, Imana ntiba ikiruduciriye.32Ariko Umwami aduciriye urubanza, aba adutoje indero kugira ngo ntituzocirwe urubanza hamwe n’abo mw’isi.33None rero bene Data, iyo mukoraniye ku ngaburo y’Umwami, mube murindirana.34Uwuzokwumva ashonje cane azofungure iwe kugira ngo yoye kwikwegera gutsindwa n’urubanza.Ku bindi bibazo mwanyandikiye, nzobaha inyishu ninashika iwanyu.
Biblica, Inc.