لواحي7
1منْبَعْد إِ مَانَايَا ࢲْرِيغ اَرْبعَا ن لْمَلَائِكَاث بدّنْت خ اَرْبعَا ن ثْغمُّوْرَا ن ثْمُوْرْث، طّْفنْت اَرِّيح خ اَرْبعَا ن جِّهَاث ن ثْمُوْرْث حمَا وَار يتْصُوْض شَا خ ڒْبَرّ ؤُڒَا خ ڒبْحَر ؤُڒَا خ ڒْشجُّوْر.2ࢲْرِيغ يجّن ن لْمَلَاك نّغْنِي يتْݣَعَّاذ-د زِي شَّرْق ييْسِي-د طَّابَع ن أَربِّـي يدَّرن، ئِڒَاغَا س يِجّن ن ثْمِيجَّا ثجْهذ إِ اَرْبعَا ن لْمَلَائِكَاث نِّي ثِنِّي ؤُمِي يمُّوْش جّْهذ حمَا اَذ ضيّْعنْت ڒْبَرّ ذ ڒبْحَر.3ينَّا-ٱسنْت: "وَار تْضيَّاعنْت نِي ڒْبَرّ نِي ذ ڒبْحَر نِي ذ ڒْشجُّوْر حتَّا غَا نضْبع ثَنْيَارْث ن يِنِّي يعبّْدن أَربِّـي."4سْڒِيغ إِ مشْحَاڒ يتْوَاضبْعن: مِيَّا أُو اَرْبعَا أُو اَرْبعِين اَڒَاف زِي مَارَّا ثِقبَّاڒ ن أَيث-إِسْرَائِيل.5ثنْعَاشَر اَڒَاف زِي أَيث-يَهُوْذَا، ثنْعَاشَر اَڒَاف زِي أَيث-رَابِين، ثنْعَاشَر اَڒَاف زِي أَيث-جَاد،6ثنْعَاشَر اَڒَاف زِي أَيث-عَشُوْر، ثنْعَاشَر اَڒَاف زِي أَيث-نَفْتَالِي، ثنْعَاشَر اَڒَاف زِي أَيث-مَنَاسِي،7ثنْعَاشَر اَڒَاف زِي أَيث-شِمْعُوْن، ثنْعَاشَر اَڒَاف زِي أَيث-لَاوِي، ثنْعَاشَر اَڒَاف زِي أَيث-شَكِير،8ثنْعَاشَر اَڒَاف زِي أَيث-زَفُلُوْن، ثنْعَاشَر اَڒَاف زِي أَيث-يُوْسف، ثنْعَاشَر اَڒَاف زِي أَيث-بنْيَامِين.9منْبَعْد إِ مَانَايَا خْزَرغ، تْوَاڒِيغ اَطَّاس ن ڒْغَاشِي مبْڒَا ڒحْسَاب زِي مْكُڒ ڒْݣنْس ذ ڒْقُوْم ذ شَّعْب ذ لُّغَا، بدّن زَّاث إِ لْعَرْش ذ زَّاث إِ يِزْمَار ݣِّين تْشَامِّير ذ اَشمْڒَاڒ، ذݣ يفَاسّن نْسن ثَسطَّا ن تْمَر.10سْنكَّرن ثْغُويِّيث س جّْهذ قَّارن: "أَربِّـي نّغ إِݣ يقِّيمن خ لْعَرْش نتَّا ذ يِزْمَار غَارْسن ثِزمَّار اَذَانغ سْنجْمن."11مَارَّا لْمَلَائِكَاث بدّنْت نّْضنْت-يد إِ لْعَرْش ذ يمْغَارن ذ اَرْبعَا ن لْمخْلُوْقَاث نِّي. هْوَانْت خ وغمْبُوْب نْسنْت زَّاث إِ لْعَرْش سجْذنْت إِ أَربِّـي.12قَّارنْت: "آمِين! لْحَمد ذ لْعَظَمَا ذ لْحِكْمَا ذ شُّكر ذ ؤُوقَّار ذ ثْزمَّار ذ جّْهذ إِ أَربِّـي نّغ إ ڒبْدَا ن ڒبْدَاث. آمِين!"13ينَّا-ٱيِي يِجّن زݣ يمْغَارن-أَ: "مَا ثسّْنذ يِوْذَان-أَ إِي ݣِّين تْشَامِّير ذ اَشمْڒَاڒ مِين عْنَان ذ مَانِس د ؤُسِين؟"14جَاوْبغ-ث نِّيغ-اَس: "ذ شك إِي يسّْنن آ سِيذِي."
ينَّا-ٱيِي: "يِيْنَا ذ يِنِّي ينجْمن زِي ڒْمِحْنث ثَمقّْرَانْت، صبّْنن يتْشَامِّيرن نْسن س يذَامّن ن يِزْمَار اَرِّين-ثن ذ يشمْڒَاڒن.15س مَانَايَا اَقَاثن زَّاث إِ لْعَرْش ن أَربِّـي، عبّْذن-ث دْجِيرث ذ نْهَار ذِي ثمْزِيذَا ثَمقّْرَانْت نّس. ونِّي يقِّيمن خ لْعَرْش اَثن يحْضَا.16وَار تْڒِيزِين وَار تْفِيذِين، وَار ثن تْسشْمِيض ثْفُوْشْت ؤُڒَا ذ ڒحْمُو.17ڒَاحقَّاش يزْمَار إِي يدْجَان ذِي ڒْوسْط ن لْعَرْش اَثن يَرْوس، اَثن يَاوِي اَكِذس غَار مَانِي دْجَان ڒَعْنَاصر ن وَامَان ن ثُوْذَارْث. أَربِّـي اَذ يمْسح كُڒ اَمطَّاو زِي ثِيطَّاوِين نْسن."
ينَّا-ٱيِي: "يِيْنَا ذ يِنِّي ينجْمن زِي ڒْمِحْنث ثَمقّْرَانْت، صبّْنن يتْشَامِّيرن نْسن س يذَامّن ن يِزْمَار اَرِّين-ثن ذ يشمْڒَاڒن.15س مَانَايَا اَقَاثن زَّاث إِ لْعَرْش ن أَربِّـي، عبّْذن-ث دْجِيرث ذ نْهَار ذِي ثمْزِيذَا ثَمقّْرَانْت نّس. ونِّي يقِّيمن خ لْعَرْش اَثن يحْضَا.16وَار تْڒِيزِين وَار تْفِيذِين، وَار ثن تْسشْمِيض ثْفُوْشْت ؤُڒَا ذ ڒحْمُو.17ڒَاحقَّاش يزْمَار إِي يدْجَان ذِي ڒْوسْط ن لْعَرْش اَثن يَرْوس، اَثن يَاوِي اَكِذس غَار مَانِي دْجَان ڒَعْنَاصر ن وَامَان ن ثُوْذَارْث. أَربِّـي اَذ يمْسح كُڒ اَمطَّاو زِي ثِيطَّاوِين نْسن."
Wycliffe Bible Translators, Inc.