لواحي6
1ثُمَّا ࢲْرِيغ يزْمَار نِّي وَامِي يرْزم يجّن زِي سبْعَا ن يشمَّاعن نِّي، سْڒِيغ إِ يِجّن زِي اَرْبعَا نِّي ن لْمخْلُوْقَاث يقَّار س جّْهذ اَم وَاجَّاج: "أَرَاح-د!"2وَامِي خْزَرغ، تْوَاڒِيغ يجّن ن ؤُيِيْس ذ اَشمْڒَاڒ، ونِّي خَاس ينْيِين غَارس يجّن ن نشَّاب ن فْڒِيتْشَا. ؤُشِين-اَس يجّن ن تَّاج، ئِفّغ يربّح ذِي ڒْحَرْب أُو عَاذ اَذ يرْبح.3ئِزْمَار نِّي وَامِي يرْزم اَشمَّاع وِيس ثْنَاين، سْڒيغ إِ لْمخْلُوْق وِيس ثْنَاين يقَّار: "أَرَاح-د!"4ثُمَّا يفّغ-د يجّن ن ؤُيِيْس ذ اَزݣّْوَاغ، ونِّي خَاس ينْيِين ؤُشِين-اَس اَذ يكّس سَّلَام زِي ثْمُوْرْث، أَذ نْغن يِوْذَان اَيَاوْيَا. عَاوذ ؤُشِين-اَس يجّن ن سِّيف ذ اَمقّْرَان.5ئِزْمَار نِّي وَامِي يرْزم اَشمَّاع وِيس ثْڒَاثَا، سْڒِيغ إِ لْمخْلُوْق وِيس ثْڒَاثَا يقَّار: "أَرَاح-د!" وَامِي خْزَرغ، تْوَاڒِيغ يجّن ن ؤُيِيْس ذ اَبرْشَان، ونِّي خَاس ينْيِين غَارس ڒْمِيزَان ذݣ وفُوْس نّس.6ثُمَّا سْڒِيغ اَمشْنَاو يجّن ن ثْمِيجَّا ثُوْسَا-د زِي جِّهث ن اَرْبعَا ن لْمخْلُوْقَاث نِّي ثقَّار: "كِيلُو ن يِرْذَان يسݣّْوَا نْهَار وفدْجَاح. عَاوذ ثْڒَاثَا كِيلُو ن يمنْدِي يسݣّْوَا نْهَار وفدْجَاح. وَلَكِن زّشْت ذ وَامَان وضِيڒ وَار ثن تْضيَّاع شَا."7ئِزْمَار نِّي وَامِي يرْزم اَشمَّاع وِيس اَرْبعَا، سْڒِيغ إِ لْمخْلُوْق وِيس اَرْبعَا يقَّار: "أَرَاح-د!"8وَامِي خْزَرغ، تْوَاڒِيغ يجّن ن ؤُيِيْس ذ اَوْرَاغ، ونِّي خَاس ينْيِين سمَّان-ث ڒْموْث، ثذْفَار-يث لْأَخِرَا. ثمُّوْش-اَسن سُّلْطَا اَذ نْغن اَرْبَع ن يمزْذَاغ ن ثْمُوْرْث س سِّيف ذ جُّوْع ذ طَّاعُوْن ذ ڒُحُوُش ن ثْمُوْرْث.9ئِزْمَار نِّي وَامِي يرْزم اَشمَّاع وِيس خمْسَا، ࢲْرِيغ سْوَادَّاي إِ ڒْمذْبَح بُوْحْبڒ ن يِنِّي يتْوَانْغن عْلَاحْسَاب اَوَاڒ ن أَربِّـي ذ شْهَاذث إِي شهْذن.10سْنكَّرن ثْغُويِّيث س جّْهذ نَّان: "يَا مَوْلَانَا يَا ونِّي عَظِيم يدْجَان ذ ڒْحَقّ، مشْحَاڒ غَا ثكّذ وَار تْحِيْسِيْبذ يمزْذَاغ ن دُّنشْت-أَ، أَثن ثْعَاقْبذ خ يذَامّن نّغ؟"11ثُمَّا يمُّوْش-اَسن مَارَّا ئِج-يج، تْشَامِّير ذ اَشمْڒَاڒ يتْوَانَّا-يَاسن عَاذ اَذ تصْبَرم شْوَايْت اَڒ غَا يتْوَاكمّڒ لْعَدَد نِيشَان ن اَيثْمَاثْوم إِي غَا يتْوَانْغن اَمشْنَاو كنِّيو، يعْنِي يِنِّي إِي يعبّْذن اَم كنِّيو.12ࢲْرِيغ يزْمَار نِّي وَامِي يرْزم اَشمَّاع وِيس ستَّا، ڒخْدّنِّي يوْقع يجّن ن زِّنْزَال ذ اَمقّْرَان. ثْفُوْشْت ثذْوڒ ذ ثَبرْشَانْت اَم ڒفْحَم، ثَزِيرِي ثذْوڒ اَم يذَامّن.13ئِثْرَان ن وجنَّا وطَّان-د غَار ثْمُوْرْث اَمشْنَاو ثَازَارْث خْمِي ثْوطَّا زِي ثْشجَّارْث خْمِي ت يسنْهزَّا اَرِّيح يجهْذن.14أَجنَّا ينجْمع اَم مَامّش يتْوَابلّع يجّن ن لْكِتَاب. يذُوْرَار ذ ثيْزِيرِين مَارَّا نْهزّنْت زݣ ومْشَان نْسنْت.15كَّرن يزدْجِيذن ن ثْمُوْرْث ذ يمقّْرَانن نْسن ذ اَرُّوْيَاس ن ڒْعَسْكَار ذ تْوَاجَر ذ يِنِّي يجهْذن ذ يِنِّي غَارْسن بَاب نْسن ذ يِنِّي غَارْسن لْحُرِّيَا نْسن، رُوْحن مَارَّا تْنُوْفَّرن ذݣ يِيفْرَان ذ جَار يِزْرَا ن يذُوْرَار.16نِثْنِي قَّارن إِ يذُوْرَار ذ يِزْرَا: "وْضَام-د خَانغ، سْنُوْفَّرم-اَنغ زݣ وُوْذم ن ونِّي يقِّيمن خ لْعَرْش ذ لْعِقَاب إِي غَا يݣّ يِزْمَار.17أَقَا يُوْسَا-د لْيَوْم اَمقّْرَان ن لْعِقَاب نْسن، ؤُݣ يزمَّرن اَذ يبدّ؟"
Wycliffe Bible Translators, Inc.