لواحي5
1ثُمَّا ࢲْرِيغ يجّن ن لْكِتَاب ذݣ وفُوْس اَفُوْسِي ن ونِّي يقِّيمن خ لْعَرْش يُوْرَا غَار ذَاخڒ ذ بَارَّا، ئِشمّع سبْعَا مَرَّاث.2تْوَاڒِيغ يجّن ن لْمَلَاك اَمقّْرَان يڒَاغَا س جّْهذ يقَّار: "وِي غَار يدْجَا ڒْحَقّ اَذ يرْزم لْكِتَاب-أَ اَذ يكّس يشمَّاعن نّس؟"3ؤُڒَا ذ يجّن ذݣ وجنَّا نِغ ذِي ثْمُوْرْث نِغ سْوَادَّاي إِ ثْمُوْرْث وَار يزمَّر اَذ يرْزم لْكِتَاب-أَ نِغ اَذ يخْزَر مِين ذَايس.4تْرُوْغ اَطَّاس ڒَاحقَّاش وَار ؤُفِين حَدّ اَذ يسْذَاهدْج اَذ يرْزم لْكِتَاب-أَ اَذَايس يخْزَر.5ڒخْدّنِّي ينْدق-د يجّن زݣ يمْغَارن نِّي ينَّا-ٱيِي: "وَار تْرُو شَا! أَقَا يرْبح سّْبَع نِّي إِݣ يدْجَان زِي أَيث-يَهُوْذَا لْأَصْل نّس زِي دَاود، ئِزمَّر اَذ يرْزم لْكِتَاب-أَ اَذ يكّس يشمَّاعن نِّي س سبْعَا."6ثُمَّا طَّارْف إِ لْعَرْش-أَ، ذِي ڒْوسْط ن اَرْبعَا ن لْمخْلُوْقَاث نِّي ذ يمْغَارن نِّي، ࢲْرِيغ ذِنِّي يجّن ن يزْمَار يبدّ وَلَكِن يتْبَان-د اَخْمِي ث نْغِين. غَارس سبْعَا ن وَاشَّاون ذ سبْعَا ن ثِيطَّاوِين. نِثْنِي ذ سبْعَا ن اَرُّوْحَاث ن أَربِّـي إِݣ يسّكّ غَار مَارَّا دُّنشْت-أَ.7يُوْسَا-د ييْسِي لْكِتَاب-أَ زݣ وفُوْس اَفُوْسِي ن ونِّي يقِّيمن خ لْعَرْش.8وَامِي ييْسِي لْكِتَاب-أَ، لْمخْلُوقَاث نِّي س اَرْبعَا ذ اَرْبعَا أُو عِشْرِين ن يمْغَارن نِّي سجّْذن-اَس إِ يِزْمَار. مْكُڒ يجّن زَّايْسن غَارس ثْݣَامْبْرِيت غَارس ثِمجْمَارِين ݣِّين-ثنْت س دّْهب عمَّارنْت س تْبَخُوْر، يعْنِي ذ ثْࢲَادْجِيث ن ڒْمُوْمِنِين صَّالِحِين.9تْغنَّاجن س يِجّن ن يِزْڒْي ذ جْذِيذ قَّارن:"ذ شك إِي يسْذَاهدْجن اَذ تيْسِيذ لْكِتَابأَذ ترْزْمذ يشمَّاعن نّس،ڒَاحقَّاش تْوَاغَرْصذ،ثسْنجْمذ يوْذَان إِ أَربِّـي س يذَامّن نّشزِي مْكُڒ ڒْقُوْم ذ لُّغَا ذ شَّعْب ذ ڒْݣنْس.10ثݣِّيذ زَّايْسن يجّن ن لْممْلَكَا ن ڒْفُقَهَا إِ أَربِّـي نّغ،أَذ حكّْمن ذِي ثْمُوْرْث."11ثُمَّا خْزَرغ، سْڒِيغ إِ ثْمِيجَّا ن وَاڒَاف ن ؤُڒُوْفَاث ذ مِيلْيُوْن ن مِيلْيُوْنَاث ن لْمَلَائِكَاث تنّْضنْت-اَس-د إِ لْعَرْش ذ لْمخْلُوقَاث ذ يمْغَارن.12قَّارنْت س جّْهذ:"ئِزْمَار يتْوَانْغن يسْذَاهدْجثِزمَّار ذ وَاݣْڒَا ذ لْحِكْمَا ذ جّْهذذ ؤُوقَّار ذ لْعَظَمَا ذ لْحَمد."13ثُمَّا سْڒِيغ إِ كُڒ لْمخْلُوْق يدْجَان ذݣ وجنَّا ذ ثْمُوْرْث ذ سْوَادَّاي إِ ثْمُوْرْث ذ ڒبْحَر ذ مَارَّا مِين ذَايْسن قَّارن-اَسن إِ ونِّي يقِّيمن خ لْعَرْش ؤُڒَا ذ يِزْمَار: أَغَارْوم يِيڒِي لْحَمد ذ ؤُوقَّار ذ لْعَظَمَا ذ ڒحْكَام إِ ڒبْدَا ن ڒبْدَاث!"14لْمخْلُوقَاث نِّي س اَرْبعَا قَّارن: "آمِين!" ركْعن يمْغَارن نِّي اَذ سجّْذن.
Wycliffe Bible Translators, Inc.