لوقا3
1أَزدْجِيذ قَيْصَر تِيبَارْيُوْس يُوْوض خمسّْطَاشَر سّْنَا زݣ وَامِي يتحْكَام، لْعَام نِّي عَاوذ بِيلَاطُوس لْبَنْطِي نتَّا ذ لْحَاكم خ يَهُوْذِيَا، هِيرُوْدُس نتَّا ذ لْوَالِي خ لْجَلِيل، ؤُمَاس فِيلِيپَّـاس نتَّا ذ لْوَالِي خ إِيْطُوْرْيَا ذ جْوَايه ن تَرْخَانِيتِيس، لَصَان نتَّا ذ لْوَالِي خ أَبِيلِينَا،2حَنِين ذ قِيَافَا نِثْنِي ذ اَرُّوْيَاس ن ڒْفُقَهَا. ذِي ڒْوقْث نِّي يُوْسَا-د وَاوَاڒ ن أَربِّـي إِ يَحْيَى مِّيس ن زَكَرِيَا ذِي ڒخْڒَا.3ئِكَّر نتَّا يكَّا خ مَارَّا يمُوْشَان طَّارْف ن يغْزَار ن لْأُرْدُن يبْذَا يتْبشَّر يوْذَان حمَا اَذ تُّوْبن اَذ تْوَاطهَّارن س وَامَان حمَا اَذ تْوَاغْفَرنْت ڒْمُعْصِيَاث نْسن.4مَانَايَا عْلَاحْسَاب مِين يُوْرَا ذِي لْكِتَاب ن وَاوَاڒ ن نَّبِي إِشَعْيَا:<ثْمِيجَّا تْڒَاغَا ذِي ڒخْڒَا ثقَّار:سْوجْذث اَبْرِيذ إِ سِيذِي أَربِّـي،ݣّم يبْرِيذن نّس نِيشَان.5أَذ يتْوَانْطُو كُڒ يغْزَار،أَذ يوَاطَا كُڒ اَذْرَار ذ ثَعْرُوْرْث.مِين وَار يشْنِين اَذ يشْنَا،أَذ تْوَاعذْڒن يبْرِيذن يتْوَاحْفَرن.6مَارَّا يوْذَان اَذ ࢲْرن اَسنْجم ن أَربِّـي.>7يَحْيَى يقَّار-اَسن إِ ڒْغَاشِي يِنِّي يفّْغن بَاش اَذ تْوَاطهَّارن س وَامَان: "يَا ثَارْوَا ن يفِيغرَان، وِي ذَاوم يعڒْمن اَذ تَروْڒم زِي لْغَضَب ن سِيذِي أَربِّـي إِي د غَا يَاسن؟8مڒَا ثْتُوبم ذ صَّح، ݣّث ڒخْذَايم ذ ثِصبْحَانِين. مَاشَي اَذ تِينِيم ذِي نّفْس نْوم اَقَا نشِّين ذ ثَارْوَا ن بْرَاهِيم أُو صَافِي. مڒَا يخس أَربِّـي ثَارْوَا ن بْرَاهِين، أَتَاف اَذ ييْسِي يِزْرَا-يَا اَثن يَارّ ذ ثَارْوَا ن بْرَاهِيم!9أَقَا شَاقُوْر يوْجذ حمَا اَذ يقسّ يࢲوْرَان ن ڒْشجُّوْر. مْكُڒ ثَشجَّارْث إِي وَار يتِيرْون شَا مِين يدْجَان ذ اَصبْحَان اَتَاف اَذ تْوَاقسّ اَذ تْمنْضَار ذِي ثْمسِّي."10نَّان-اَس ڒْغَاشِي: "ئِي نشِّين مِين غَا نݣّ؟"11يَارَّا خَاسن يَحْيَى ينَّا-ٱسن: "ونِّي غَار دْجَانْت ثْنَاين ن ثقْمِيجَاثِين يتْخصَّا اَذ يُوْش يشْتن إِ ونِّي وَار غَار يدْجِي شَا. عَاوذ ونِّي غَار يدْجَا مِين غَا يشّ يتْخصَّا اَذ يُوْش إِ ونِّي وَار غَار يدْجِي شَا."12ؤُسِين-د غَارس ڒبْعَاض زݣ يِنِّي يجمّْعن ضَّرِيبَا بَاش اَذ تْوَاطهَّارن س وَامَان نَّان-اَس: "آ لْمُعَلِّم، مِين غَا نݣّ نشِّين؟"13يَارَّا خَاسن ينَّا-ٱسن: "وَار جمّْعث بُو كْتَار زِي لْقَانُوْن."14عَاوذ سّقْسَان-ث ڒْعَسْكَار نَّان-اَس: "ئِي نشِّين مِين غَا نݣّ؟"
ينَّا-ٱسن يَحْيَى: "وَار تْكسِّيم بُو تْمنْيَاث س بسِّيف. وَار زْنُوْزَام حَدّ خ ڒْبَاطڒ. قنْعم س مِين ثْربْحم."15قَاع يوْذَان نِّي تْرَاجَان لْمَسِيح تْفكَّرن ذݣ وُوْڒ نْسن يَحْيَى مَا نتَّا ذ لْمَسِيح مَا لَّا.16ئِجَاوب-يثن يَحْيَى مَارَّا ينَّا-ٱسن: "قَا نش طهَّارغ-كنِّيو س وَامَان، وَلَكِن اَذ د يَاس يجّن يجْهذ خَافِي، وَار سْذِيهِيدْجغ شَا اَذَاس فسْيغ ؤُڒَا ذ يفِيڒَان ن ثْسِيڒَا نّس. نتَّا اَكنِّيو يطهَّار س أَرُّوْح يقدّْسن ذ يِيڒسَاون ن ثْمسِّي. 17غَارس ثَازَّارْث ذݣ وفُوْس حمَا اَذ يزُوْزَّار ثَافَّا نّس قَاع، أَذ يسْمُوْن ثِحبَّا ن يِرْذَان اَثنْت يݣّ ذِي ثسْرَافْث. مِين وَار ينفّْعن شَا اَث يسّشْمض ذِي ثْمسِّي إِي وَار يخسِّين عمَّارْص."18أَمنِّي يَحْيَى يسڒْمَاذ يوْذَان يتْبشَّار-يثن س وَاطَّاس ن ثْمسْڒَايِين نّغْنِي.19منْبَعْد لْوَالِي هِيرُوْدُس يُوْوِي يشْتن قَّارن-اَس هِيرُوْدْيَا أُو نتَّاث ذ ثَمْغَارْث ن وُوْمَاس. يَحْيَى ينْهَا هِيرُوْدُس خ مَانَايَا. عَاوذ ينْهَا-ث خ مَارَّا لْأَغْلَاط نّغْنِي إِي يتݣّ.20هِيرُوْدُس نتَّا مِين يݣَّا؟ يَرْنِي ذِي شَّرّْ نّس يݣَّا يَحْيَى ذِي ڒحْبس.21وَامِي مَارَّا شَّعْب يتْتْوَاطهَّار س وَامَان، يُوْسَا-د ؤُڒَا ذ عِيْسَى يتْوَاطهَّار س وَامَان. نتَّا وَامِي يتْࢲَادْجَا، ثْنُوْرْزم ثوَّارْث ذݣ وجنَّا22يهْوَا-د أَرُّوْح يقدّْسن ذِي صِّفث ن ثذْبِيرْث يَرْسَا-د خ عِيْسَى. ذ يجّن ن ثْمِيجَّا زݣ وجنَّا ثقَّار-اَس قَا شك ذ ممِّي يعِيزّن، نش فَرّْحغ زَّايك.23وَامِي يبْذَا عِيْسَى ذِي ڒْخذْمث نّس تُوْغَا غَارس شَا ن تْڒَاثِين يسݣّْوُسَا. تْغِيڒ-اَسن ذ مِّيس ن يُوْسف، ن عَلي،24ن مَطْيُو، ن لَاوِي، ن مْلُوْكِي، ن يَانِي، ن يُوْسف،25ن مَطْيُوْسُس، ن أَمُوْن، ن نَاحُوْم، ن حُصْنِي، ن نَاجِي،26ن مُحِيت، ن مَطْيُوْسُس، ن شَمْعِي، ن يُوْسْكِي، ن يُوْضَا،27ن يُوْهَان، ن رِيس، ن زَرُبَّابِل، ن شْعَالْتِيهِيل، ن نِير،28ن مْلُوْكِي، ن أَدِي، ن قَاسم، ن لْمُوْدَام، ن عِير،29ن يَاسُو، ن لِعَازَر، ن يُوْرِيم، ن مَطْيُو، ن لَاوِي،30ن شِمْعُوْن، ن يَهُوْذَا، ن يُوْسف، ن يُوْنَام، ن لْيَاقِيم،31ن مَلْيُو، ن منَّان، ن مَطْيُوْس، ن نَاثَان، ن دَاود،32ن يَسَّى، ن عُوْبِد، ن بُوْعَزَّا، ن سَلْمُوْن، ن نَاسُّوْن،33ن عَمِينَادَاب، ن أَدْمِي، ن عَرْنِي، ن حَصْرُوْن، ن فَارِس، ن يَهُوْذَا،34ن يَعْقُوْب، ن إِسْحَاق، ن بْرَاهِيم، ن تَارَح، ن نَاحُوْر،35ن سَرُوْݣ، ن رَعُو، ن فَالَج، ن عَابِر، ن صَالَح،36ن قِينَان، ن أَرْفَكْشذ، ن سَام، ن نُوح، ن لَامَك،37ن متُوشَالِح، ن أَخْنُوْخ، ن يَارِد، ن مُهَلِّيل، ن قِينَان،38ن أَنُوْش، ن شُوْث، ن آدَم مِّيس ن أَربِّـي.
ينَّا-ٱسن يَحْيَى: "وَار تْكسِّيم بُو تْمنْيَاث س بسِّيف. وَار زْنُوْزَام حَدّ خ ڒْبَاطڒ. قنْعم س مِين ثْربْحم."15قَاع يوْذَان نِّي تْرَاجَان لْمَسِيح تْفكَّرن ذݣ وُوْڒ نْسن يَحْيَى مَا نتَّا ذ لْمَسِيح مَا لَّا.16ئِجَاوب-يثن يَحْيَى مَارَّا ينَّا-ٱسن: "قَا نش طهَّارغ-كنِّيو س وَامَان، وَلَكِن اَذ د يَاس يجّن يجْهذ خَافِي، وَار سْذِيهِيدْجغ شَا اَذَاس فسْيغ ؤُڒَا ذ يفِيڒَان ن ثْسِيڒَا نّس. نتَّا اَكنِّيو يطهَّار س أَرُّوْح يقدّْسن ذ يِيڒسَاون ن ثْمسِّي. 17غَارس ثَازَّارْث ذݣ وفُوْس حمَا اَذ يزُوْزَّار ثَافَّا نّس قَاع، أَذ يسْمُوْن ثِحبَّا ن يِرْذَان اَثنْت يݣّ ذِي ثسْرَافْث. مِين وَار ينفّْعن شَا اَث يسّشْمض ذِي ثْمسِّي إِي وَار يخسِّين عمَّارْص."18أَمنِّي يَحْيَى يسڒْمَاذ يوْذَان يتْبشَّار-يثن س وَاطَّاس ن ثْمسْڒَايِين نّغْنِي.19منْبَعْد لْوَالِي هِيرُوْدُس يُوْوِي يشْتن قَّارن-اَس هِيرُوْدْيَا أُو نتَّاث ذ ثَمْغَارْث ن وُوْمَاس. يَحْيَى ينْهَا هِيرُوْدُس خ مَانَايَا. عَاوذ ينْهَا-ث خ مَارَّا لْأَغْلَاط نّغْنِي إِي يتݣّ.20هِيرُوْدُس نتَّا مِين يݣَّا؟ يَرْنِي ذِي شَّرّْ نّس يݣَّا يَحْيَى ذِي ڒحْبس.21وَامِي مَارَّا شَّعْب يتْتْوَاطهَّار س وَامَان، يُوْسَا-د ؤُڒَا ذ عِيْسَى يتْوَاطهَّار س وَامَان. نتَّا وَامِي يتْࢲَادْجَا، ثْنُوْرْزم ثوَّارْث ذݣ وجنَّا22يهْوَا-د أَرُّوْح يقدّْسن ذِي صِّفث ن ثذْبِيرْث يَرْسَا-د خ عِيْسَى. ذ يجّن ن ثْمِيجَّا زݣ وجنَّا ثقَّار-اَس قَا شك ذ ممِّي يعِيزّن، نش فَرّْحغ زَّايك.23وَامِي يبْذَا عِيْسَى ذِي ڒْخذْمث نّس تُوْغَا غَارس شَا ن تْڒَاثِين يسݣّْوُسَا. تْغِيڒ-اَسن ذ مِّيس ن يُوْسف، ن عَلي،24ن مَطْيُو، ن لَاوِي، ن مْلُوْكِي، ن يَانِي، ن يُوْسف،25ن مَطْيُوْسُس، ن أَمُوْن، ن نَاحُوْم، ن حُصْنِي، ن نَاجِي،26ن مُحِيت، ن مَطْيُوْسُس، ن شَمْعِي، ن يُوْسْكِي، ن يُوْضَا،27ن يُوْهَان، ن رِيس، ن زَرُبَّابِل، ن شْعَالْتِيهِيل، ن نِير،28ن مْلُوْكِي، ن أَدِي، ن قَاسم، ن لْمُوْدَام، ن عِير،29ن يَاسُو، ن لِعَازَر، ن يُوْرِيم، ن مَطْيُو، ن لَاوِي،30ن شِمْعُوْن، ن يَهُوْذَا، ن يُوْسف، ن يُوْنَام، ن لْيَاقِيم،31ن مَلْيُو، ن منَّان، ن مَطْيُوْس، ن نَاثَان، ن دَاود،32ن يَسَّى، ن عُوْبِد، ن بُوْعَزَّا، ن سَلْمُوْن، ن نَاسُّوْن،33ن عَمِينَادَاب، ن أَدْمِي، ن عَرْنِي، ن حَصْرُوْن، ن فَارِس، ن يَهُوْذَا،34ن يَعْقُوْب، ن إِسْحَاق، ن بْرَاهِيم، ن تَارَح، ن نَاحُوْر،35ن سَرُوْݣ، ن رَعُو، ن فَالَج، ن عَابِر، ن صَالَح،36ن قِينَان، ن أَرْفَكْشذ، ن سَام، ن نُوح، ن لَامَك،37ن متُوشَالِح، ن أَخْنُوْخ، ن يَارِد، ن مُهَلِّيل، ن قِينَان،38ن أَنُوْش، ن شُوْث، ن آدَم مِّيس ن أَربِّـي.
Wycliffe Bible Translators, Inc.