يعيبرانيين2
1خ مَانَايَا لَابُد أَ د نَارّ ڒْبَاڒ نّغ إِ مِين نتْسْڒَا بَاش وَار نْتفّغ شَا اَبْرِيذ.2شُوْف، شَّرِيعَا نِّي ن مُوْسَى تُوْغَا ؤُوِينْت-تِيد لْمَلَائِكَاث، تْسيْطَر خَانغ تْعَاقَاب-اَنغ يعْنِي مڒَا نعْصَا نِغ مڒَا وَار نْطِيع شَا.3ڒخُّو اَسنْجم نّغ يمْغَارن، مَامّش إِي غَا نݣّ أَ ننْجم زِي لْعِقَاب يعْنِي مڒَا نغْفڒ خ وسنْجم-أَ؟ أَوَاڒ ن وسنْجم-أَ يبْشَر-يث-يذ ذ اَمزْوَارُو سِيذِيثْنغ، ثُمَّا شهْذن خَاس يِنِّي إِي ذَاس يصنّْطن سِّيوْضن-ث-يذ إِ نشِّين.4ئِشهّذ خَاس ؤُڒَا ذ أَربِّـي س لْعَلَامَاث ذ لْبُرْهَانَاث ذ وَاطَّاس ن لْأَنْوَاع ن لْمُعْجِيزَاث. س لْإِذن نّس عَاوذ يفرق لْقُدْرَاث رُوْحِيَاث ن اَرُّوْح يقدّْسن.5ڒخُّو نشِّين نسَّاوَاڒ خ دُّنشْت-أَ إِي تُوْغَا نتْرَاجَا. شُوْف، أَربِّـي مَاشِي إِ لْمَلَائِكَاث ؤُمِي يُوْشَا ڒحْكَام خ دُّنشْت-أَ لَّا. أَقَا ذِنِّي يجّن ن ومْشَان ذِي لْكِتَاب مَانِي يشْهذ يجّن خ مَانَايَا يقَّار:<تْفكَّرذ شك ذݣ يرْيَازن، مَاشَا مِين سْوَان؟مِّيس ن بْنَاذم، مَايمِّي إِي ذَايس غَا يتْهِلَّان؟7ثݣِيذ-ث عْڒَاين اَم لْمخْلُوْقَاث وجنَّا يُوْعْڒَان،ثُوْشِيذ-اَس تَّاج ن ڒُوقَّار ذ وَاطَّاس ن شَّان،8ثݣِّيذ سْوَادَّاي يضَارن نّس مَارَّا مِين يدْجَان.>وَامِي يݣَّا أَربِّـي مَارَّا سْوَادَّاي يضَارن نّس، وَار ثقِّيم ؤُڒَا ذ يجّن ن ثْمسْڒَايْث وَار خَاس يحكِّيم شَا. إِنَّمَا، عَاذ ذِي ڒْوقْث-أَ وَار نتْوِيڒِي شَا مَارَّا سْوَادَّاي يضَارن ن بْنَاذم.9وَلَكِن عِيْسَى وَاه، نتْوَاڒَا-ث ڒخُّو س تَّاج نّس ن ڒُوقَّار ذ وَاطَّاس ن شَّان. مَايمِّي؟ لِأَنَّا عِيْسَى ذݣ يِجّن ن ڒْوقْث تُوْغَا يسهْوَا-ث-يذ أَربِّـي شْوَايْت سْوَادَّاي إِ لْمَلَائِكَاث يعْنِي وَامِي يصْبَر إِ ڒَعْذَاب ن ڒْموْث. بَاش نتَّا س اَرْضَا ن أَربِّـي اَذ يقَّاس ڒْموْث، ڒْموْث نِّي اَذ تِيڒِي ن مَارَّا يوْذَان.10زِي أَربِّـي إِي تِيڒِينْت مَارَّا ثِمسْڒَايِين-أَ أُو نتَّا ؤُمِي تِيڒِينْت. ذ أَربِّـي نتَّا إِي يَارِّين عِيْسَى وَار ذَايس بُو ڒْعِيب س ڒَعْذَاب نِّي نّس إِي خَاس يعْذُوْن حمَا أَربِّـي اَذ د يَاوِي اَطَّاس ن ثَارْوَا غَار لْعَظَمَا نّس. غَارس ڒْمَعْنَا مَانَايَا ڒَاحقَّاش عِيْسَى نتَّا ذ زَّعِيم ن وسنْجم ن ثَارْوَا-يَا.11أَقَا ونِّي يسِّيصْفَان يوْذَان زِي ڒْمُعْصِيَاث نْسن أُو ذ يِوْذَان نِّي يتْوَاسِّيصْفَان، بَابَاثْسن ذ يجّن. خ مَانَايَا وَار خَاسن يتْعفَّر شَا اَذَاسن يِينِي آي أَيثْمَا.12لَّا، يقَّار-اَس إِ أَربِّـي: <أَذ سِّيوْڒغ خ يِيسم نّش اَك أَيثْمَا، ذِي ڒْوسْط ن جْمَاعث اَش حمْذغ س يغنِّيجن.>13أُو عَاوذ يقَّار: <نش اَذ تيّْقغ ذِي أَربِّـي.>
ئِقَّار عَاوذ: <أَقَايِي نش ذ ثَارْوَا ينُو إِي ذَايِي يُوْشَا أَربِّـي.>14إِذن ثَارْوَا-يَا نِثْنِي ذ يوْذَان ذَايْسن مَارَّا اَيْسُوْم ذ يذَامّن. خ مَانَايَا عِيْسَى ؤُڒَا ذ نتَّا ذَايس ثِمسْڒَايِين-أَ. أَمُّو س ڒْموْث نّس يسْبطّڒ زَّعِيم ن ڒْموْث يعْنِي ذ إِبْڒِيس.15أُو عَاوذ عِيْسَى اَذ د يضْڒق إِ يِنِّي يدْجَان ذ يسمْغَان زِي ڒخْڒُوْق يعْنِي يِنِّي خَاسن ثْحكّم ثِيݣّْوْذِي زِي ڒْموْث أُوْشَا اَذ يڒِين حُرّ.16شُوْف، نسّن بلِّي عِيْسَى وَار يتْعِيوِين شَا لْمَلَائِكَاث؛ لَّا، ئِتْعَاوَان ثَارْوَا ن بْرَاهِيم.17خ مَانَايَا تُوْغَا وَا لَابُد أَربِّـي اَذ يَارّ عِيْسَى اَم أَيثْمَاس ذِي مَارَّا بَاش اَذ يِيڒِي ذ ڒفْقِي اَمقّْرَان ذَايس اَرَّحْمث ذَايس تِّقث يخدّم إِ أَربِّـي. أُو عَاوذ ڒفْقِي-يَا اَذ يقدّم لْفِدْيَا حمَا اَذ تْوَاغْفَرنْت ڒْمُعْصِيَاث ن يِوْذَان.18وَامِي نتَّا س يِيخف نّس يتْوَاعدّب ذِي ڒمْحَاين، ئِزمَّر اَذ يعَاون يِنِّي يدْجَان ذِي ڒمْحَاين.
ئِقَّار عَاوذ: <أَقَايِي نش ذ ثَارْوَا ينُو إِي ذَايِي يُوْشَا أَربِّـي.>14إِذن ثَارْوَا-يَا نِثْنِي ذ يوْذَان ذَايْسن مَارَّا اَيْسُوْم ذ يذَامّن. خ مَانَايَا عِيْسَى ؤُڒَا ذ نتَّا ذَايس ثِمسْڒَايِين-أَ. أَمُّو س ڒْموْث نّس يسْبطّڒ زَّعِيم ن ڒْموْث يعْنِي ذ إِبْڒِيس.15أُو عَاوذ عِيْسَى اَذ د يضْڒق إِ يِنِّي يدْجَان ذ يسمْغَان زِي ڒخْڒُوْق يعْنِي يِنِّي خَاسن ثْحكّم ثِيݣّْوْذِي زِي ڒْموْث أُوْشَا اَذ يڒِين حُرّ.16شُوْف، نسّن بلِّي عِيْسَى وَار يتْعِيوِين شَا لْمَلَائِكَاث؛ لَّا، ئِتْعَاوَان ثَارْوَا ن بْرَاهِيم.17خ مَانَايَا تُوْغَا وَا لَابُد أَربِّـي اَذ يَارّ عِيْسَى اَم أَيثْمَاس ذِي مَارَّا بَاش اَذ يِيڒِي ذ ڒفْقِي اَمقّْرَان ذَايس اَرَّحْمث ذَايس تِّقث يخدّم إِ أَربِّـي. أُو عَاوذ ڒفْقِي-يَا اَذ يقدّم لْفِدْيَا حمَا اَذ تْوَاغْفَرنْت ڒْمُعْصِيَاث ن يِوْذَان.18وَامِي نتَّا س يِيخف نّس يتْوَاعدّب ذِي ڒمْحَاين، ئِزمَّر اَذ يعَاون يِنِّي يدْجَان ذِي ڒمْحَاين.
Wycliffe Bible Translators, Inc.