يعيبرانيين1
1ذِي زْمَان يسَّاوَاڒ أَربِّـي اَك ڒجْذُوْذ نّغ س وقمُّوْم ن لْأَنْبِيَا س وَاطَّاس ن ثْوَاڒَاثِين س وَاطَّاس ن يبْرِيذن.2وَلَكِن ذِي لْأَيَّام-أَ ينݣُّوْرَا يسَّاوَاڒ اَكِذْنغ س وقمُّوْم ن مِّيس يعْنِي ونِّي إِي يخْضَر اَذ يوَارث مَارَّا ثِمسْڒَايِين، زَّايس إِي د يخْڒق أَربِّـي دُّنشْت.3نتَّا ذ نُّوْر ن لْعَظَمَا ن أَربِّـي ذ صِّفث ن طَّبِيعَا نّس بْڒَا اَخطِّي. س جّْهذ ن وَاوَاڒ نّس إِي زِي يربُّو مَارَّا ثِمسْڒَايِين. وَامِي يحلّ ڒْمُعْصِيَاث ن بْنَاذم يسِّيصْفَا-ثنْت، سّنِّي يقِّيم خ وفُوْسِي ن أَربِّـي سُبْحَانَا وَتَعَالَى.4فَا مِّيس يذْوڒ يمْغَر اَطَّاس خ لْمَلَائِكَاث مِينْزِي يسم نِّي إِي ذَاس يسْوَارث أَربِّـي يمْغَر اَطَّاس خ يِيسمَاون نْسنْت.5أَربِّـي عَمَّارْص وَار ذَاس ينِّي إِ شَان ن لْمَلَاك زِي لْمَلَائِكَاث اَقَا شك ذ مِّي، نْهَارَا نش ذوْڒغ ذ بَابَاش.
عمَّارْص وَار ينِّي خ شَان ن لْمَلَاك قَا نش اَذ يڒِيغ ذ بَابَاس، نتَّا اَذ يِيڒِي ذ مِّي.6أُو عَاوذ أَربِّـي وَامِي د يتَاوِي مِّيس اَمنْزُو غَار دُّنشْت-أَ يقَّار: أَذَاس سجّْذنْت مَارَّا لْمَلَائِكَاث.7خْمِي يسَّاوَاڒ خ لْمَلَائِكَاث يقَّار:<ئِخدْجق-د لْمَلَائِكَاث نّس ذ اَرِّيح،ذ يمْسخَّارن نّس ذ اَحَذُوْق ن ثْمسِّي.>8وَلَكِن خ مِّيس يقَّار ذِي لْكِتَاب:<آي أَربِّـي، ڒْعَرْش نّش اَذ يدُوْم إِ ڒبْدَا ن ڒبْدَاث،ڒْحَقّ اَذ يِيڒِي ذ ثَغْرِيث ن ڒحْكَام نّش.9تْحِبِّيذ مِين يصڒْحن، تْعِيفِّيذ شَّرّْ.س مَانَايَا أَربِّـي يعْنِي أَربِّـي نّش،ئِذْهن-اَش س زّشْت ن ڒفْرَاحث،ئِسِيڒِي-يِش ذݣ وجنَّا خ يمْعَشَارن نّش.>10ئِقَّار عَاوذ: <آي أَربِّـي، ذݣ ومزْوَارُو ثْسرْسذ دْسَاسَاث ن دُّنشْت-أَ، ثݣِّيذ يجنَّاثن س وفُوْس نّش.11يِيْنَا اَذ فْنَان شك اَذ تْدُوْمذ،مَارَّا اَذ رْشَان اَم وَارُّوْض.12أَثن ثْضفْسذ اَم وزدْجَاب ذ اَخَرْطِيط،أَذ تْوَابدّْڒن اَم وَارُّوْض.شك لَّا، وَار تْبدِّيڒذ شَا،ئِسݣّْوُوْسَا نّش عمَّارْص اَذ فْنَان.>13إِيوَا عمَّارْص أَربِّـي وَار ينِّي إِ شَان ن لْمَلَاك زِي لْمَلَائِكَاث: <قِّيم-د خ وفُوْسِي ينُو اَڒ د غَا ݣَّغ ڒْعَذْيَان نّش سْوَادَّاي يضَارن نّش.>14لْمَلَائِكَاث، نِثنْتِي مِين عْنَانْت؟ نِثنْتِي ذ اَرُّوْحَاث تْوَاسّكّنْت-يد اَذ سخَّارنْت إِ يِنِّي إِي غَا يوَارْثن اَسنْجم.
عمَّارْص وَار ينِّي خ شَان ن لْمَلَاك قَا نش اَذ يڒِيغ ذ بَابَاس، نتَّا اَذ يِيڒِي ذ مِّي.6أُو عَاوذ أَربِّـي وَامِي د يتَاوِي مِّيس اَمنْزُو غَار دُّنشْت-أَ يقَّار: أَذَاس سجّْذنْت مَارَّا لْمَلَائِكَاث.7خْمِي يسَّاوَاڒ خ لْمَلَائِكَاث يقَّار:<ئِخدْجق-د لْمَلَائِكَاث نّس ذ اَرِّيح،ذ يمْسخَّارن نّس ذ اَحَذُوْق ن ثْمسِّي.>8وَلَكِن خ مِّيس يقَّار ذِي لْكِتَاب:<آي أَربِّـي، ڒْعَرْش نّش اَذ يدُوْم إِ ڒبْدَا ن ڒبْدَاث،ڒْحَقّ اَذ يِيڒِي ذ ثَغْرِيث ن ڒحْكَام نّش.9تْحِبِّيذ مِين يصڒْحن، تْعِيفِّيذ شَّرّْ.س مَانَايَا أَربِّـي يعْنِي أَربِّـي نّش،ئِذْهن-اَش س زّشْت ن ڒفْرَاحث،ئِسِيڒِي-يِش ذݣ وجنَّا خ يمْعَشَارن نّش.>10ئِقَّار عَاوذ: <آي أَربِّـي، ذݣ ومزْوَارُو ثْسرْسذ دْسَاسَاث ن دُّنشْت-أَ، ثݣِّيذ يجنَّاثن س وفُوْس نّش.11يِيْنَا اَذ فْنَان شك اَذ تْدُوْمذ،مَارَّا اَذ رْشَان اَم وَارُّوْض.12أَثن ثْضفْسذ اَم وزدْجَاب ذ اَخَرْطِيط،أَذ تْوَابدّْڒن اَم وَارُّوْض.شك لَّا، وَار تْبدِّيڒذ شَا،ئِسݣّْوُوْسَا نّش عمَّارْص اَذ فْنَان.>13إِيوَا عمَّارْص أَربِّـي وَار ينِّي إِ شَان ن لْمَلَاك زِي لْمَلَائِكَاث: <قِّيم-د خ وفُوْسِي ينُو اَڒ د غَا ݣَّغ ڒْعَذْيَان نّش سْوَادَّاي يضَارن نّش.>14لْمَلَائِكَاث، نِثنْتِي مِين عْنَانْت؟ نِثنْتِي ذ اَرُّوْحَاث تْوَاسّكّنْت-يد اَذ سخَّارنْت إِ يِنِّي إِي غَا يوَارْثن اَسنْجم.
Wycliffe Bible Translators, Inc.