CANTARES1
1Re' iloq laj tz'uuy wili xub'an i Salomón. Re' peet tz'uuy RE' EHK'EENB'EES2Kina tz'ub' ruuk' aachii' ruum re' i nuk'axariik neena a'n xiik' naah ki'iil chuwach i riis uuva.3Re' hat xa je' chik ink'ohnik laj iq'oom aawach. Eh re' ab'ihnaal xa je' chik ink'ohnik laj iq'oom ruum aj re' q'e' kich'ilojik chawiij taqe i q'ahxoq.4Kinak'am chawiij chi jumehq'iil. Kinak'am panapaat i hat reey. PARUK'IHAAL Re' hoj neenqa a'n i rusuqkiil, neensuuqb'ik qak'ux awuuk', neen k'ulik panqak'ux i k'axooj i na a'n xa je' chik ki'iil riis uuva, ruum i re' i q'e' kich'ilojik chawiij i q'ahxoq. RE' EHK'EENB'EES5Re' hin, hin ixoq aj Jerusaleem, q'eq i nuti'jolal, q'e' hin holohik, je' nuq'eqiil itz'ihy naa paat wilik Sedar. Eh je' nu holwochiil itz'ihy wilik parupaat Salomón.6Maa koj taq rehtaal i nuti'jolal, eh chi re' q'iij xk'atwik reh. Re' taqe i was nuch'aaq xchalik kik'aah wuuk'. Eh xinkikoj naq chi rucha'jaljiik taqe i uuva tikooj, eh re' i nu uuva i hin ma' xnub'an ta rucha'jaljiik.7Hat winaq, re' hin q'e' ti nuk'ax, aweeh i nuk'achariik. Chaq'or weh, ¿aha' taqe nab'esaj nayeew chi hi'lik aachikoop kab'lajora i q'iij? ¿Chib'ih reet noq k'ul kinooj chasik'ariik chi kixilak i aj cha'jen tentzun kuuk' taqe awuch'ihil? PARUK'IHAAL8Hat ixoq q'e' hat holohik, wila' ma' aweht'al cha tahqeej i kooqb'aal i nutentzuun hiy chab'esaj aakapraax ma' najt ta ruuk' i kikok' paat i cha'jen tentzun. RE' B'AHIILB'EES9Re' i hat ixoq q'e' ti nuk'ax chi weh, je' akab' i holohik laj kawáyu i nqerinik reh i rukareta i kireey i aj Egipto.10Q'e' holohik awach chupaam taqe i ka'xikin, eh q'e' holohik ti k'utinik noq leklik chawalaq aakarena re' ruuk' perla.11Naaqayejaam aaka'xikin re' ruuk' i xti manlik oro, eh neenqayeew aholwochiil ruuk' i plata. RE' EHK'EENB'EES12Noq re' i reey tzunlik nah mexa, xnujik paam i ruye'aab' chi nuk'ohonkiil, xa je' chik k'ohonkiil iq'oom Nardo.13Re' winaq q'e' nuk'ax xa je' chik k'ohonkiil i jinaj chi k'isa alb'oxox chi mirra i nuyeew chi xilak i nuch'uuch'.14Re' winaq q'e' nuk'ax, xa je' chik k'ohonkiil i jumb'ohr chi uhtz'ub' i nelik i wilik wii' i uuva ar En-gadi. RE' B'AHIILB'EES15Re' hat ixoq q'e' hat holohik q'e' nuk'ax awach, xti korik chi q'e' hat holohik re' kab'chel i naq'awach je' rukab' i kiib' chi paloma. RE' EHK'EENB'EES16Re' hat xti xiik' naah aholwochiil q'e' nuk'ax awach chi weh. RE' B'AHIILB'EES Eh rax wach i kok' ch'ahn naa qayohkiik wii'.17Re' i holohaq chee' chakaltee' i rib'ojal i qapaat, eh re' ruuk' taqe i holohaq sohchaj i ruche'el i naah i qapaat. RE' EHK'EENB'EES1Re' hin je' nuholwochiil i rosa tikooj ar Sarón je' nuholwochiil i saq uhtz'ub' wilik wach k'ixkaab'. RE' B'AHIILB'EES2Re' ixoq q'e' nuk'ax wach, q'e' holohik chi kixilak, q'ahxoq, xa je' chik holwochiil i saq uhtz'ub' i chi kixilak i k'iix. RE' EHK'EENB'EES3Re' i winaq q'e' nuk'ax wach q'e' holohik chi kixilak i k'ijool, xa je' chik holwochiil i mansano chi kixilak i chee'. Xa suq chik i hi'lik chi ri'sil i rumuuj, eh ma' k'isiin ta ki'iil i ruwachuj.4Eh xiruk'am reje chupaam i paat k'ahchi' wii' i ninq'iij, re' i nutz'ehtjiik i rub'an ink'utinik chi k'axb'al weh.5Chayeew rukowiil nuk'ux ruuk' i chiq uuva. Eh kinak'uxlaaj ruuk' i mansano ruum xakimik chik weh reh i ruk'axariik awach.6Eh nee ta rukoj chee rutz'eet q'ab' riij walaq, ruuk' ta naq i rusak'aaj q'ab' nee kiruq'ahcheej. RE' B'AHIILB'EES7Re' taq i hat ixoq aj Jerusaleem pankib'ihnaal ixoq keej, i kok' ixoq keej wilkeeb' pantaq ch'ahn, i nuq'or taq aweh chi maa wuksaj taq i koq paruwiriik ixoq q'e' nuk'ax konik' pa' neenwuktik paruk'ux i reh. RE' EHK'EENB'EES8Re' i winaq q'e' nuk'ax wach chi weh, xb'iraj chik i ruq'oral, xan pisk'anik chik xk'uloq chinaah i ch'ahn chinaah taqe i rub'ohl i yuuq'.9Re' i winaq q'e' nuk'ax wach xa je' chik ink'uloq nimlaj keej oon k'isa keej k'ulik chik iloq wach paat xuk'uhtaaj chik riib' pan ventana tz'eht chik i rub'an cho pampaat.10Re' winaq q'e' nuk'ax wach je' wili i xuq'or weh: Wukteen ixoq hat weh q'e' ti nuk'ax, taq reje k'een.11Ruum re' i ruq'ijil i jab' xik'ik chik ma' naa ta chik rub'anam i jab'.12Eh xipoq' chik chaloq i uhtz'ub' chinaah i wach ak'al, xponik chik i ruq'ijil chi naa rub'aan i tz'uuy. X-ib'irjik chik pan qa ye'aab' i kitz'uuy kok' mukur.13Re' higo xwachinik chik, eh re' i wach i uuva xank'ohnik chik i ruxlaab'.
Re' hat ixoq q'e' hat holohik q'e' ti nuk'ax chi weh kim wuuk'.14Re' hat xa je' chik aholwochiil i paloma wilik rusuuq i rukeb'aa' riib' paruhopil i ab'aj. Re' hin inwaaj chi eliik neenak'uhtaaj weh awach, inwaaj chi nee kinaq'oreej, ruum q'e' suq i rub'an weh aq'oral, ruum q'e' hat holohik, inki. RE' B'AHIILB'EES, RE' EHK'EENB'EES15Chakansaj taq i nimaq yaak i kok' yaak i njot'wik qeh qakab'cheel je' rukab' noq inkisach wach i uuva, noq wachinik, noq ixmak'inik i rub'an. RE' EHK'EENB'EES16Re' winaq q'e' nuk'ax wach, re' reh inehchanik weh i hin. Eh i rub'esaj taqe i rutentzuun xilak taqe saq uhtz'ub'.17Noq ik'ik chik i rub'an aq'ab', noq okik chik i rub'an chee saqum neerub'an chi nee ti chalik wuuk' i hat b'ahiil q'e' ti nuk'ax, je'-oq ti chalik nimlaj keej, k'isa keej kielik chaloq chinaah i yuuq' Beter. Re' xrilow paruwiriik i ehk'eenb'ees1Noq wirik i nub'an panuyokaab' xnusik' i winaq, q'e' i nuk'ax pan wánima xnusik', xa re' la' xama' xnureq ta wo' hoq.2Eh je' wili i xnuq'or: Re' hin naa rojiik nusik'im chi junsuut i tinamit pantaq b'eeh i winaq q'e' i nuk'ax pan wánima, kinki. Eh xinooj wo' chusik'ariik, xa re' la' xama' xnureq ta wo' hoq.3Eh xinkireq i kicha'jinik reh i tinamit, je' wili i xnuq'or keh: ¿Mi xawilow taq wach weh i q'e' i nuk'ax pan wánima? kinki keh.4Xa kore' wo' junk'aam wik'sam taqe i re' noq xponik nureq i q'e' i nuk'ax pan wánima. Eh nuchop reje chi q'ab' ma' kota chik woq'taaj korehtaal xnuk'am i koq parupaat i nutuut re' i xin-aasjik wii'. RE' B'AHIILB'EES5Hat taq ixoq aj Jerusaleem pankib'ihnaal ixoq keej, i kok' ixoq keej wilkeeb' pantaq ch'ahn, inuq'or taq aweh chi ma' jot' taq i koq paruwiriik ixoq q'e' i nuk'ax, konik' pa' neenwuktik paruk'ux i reh. Re' i roox tz'uuy PARUK'IHAAL6¿Awach injohtik i chaloq chupaam i ye'aab' chiq yuuq' chalik i rub'an wuuk' xa je' chik rukab' i sib' xan je' chik k'ohonkiil i mirra, i insensia, i pooq iq'oom?7Re' reey Salomón xk'ulik iloq tzunlik chupaam i ruxoyimaj paam kareta oxk'ahl chi winaq kow kiib' chi kixilak i aj Israel incha'jinik reh.8Chu'nchel i re' kitijem kiib' chi q'aq'inik, wilik kiq'aslaj ch'ihch' nah kituuq, ko'lb'al reh i reey ruum yohb'aal i b'ehik chaq'ab'.9Re' i reey Salomón xuyejaa' jinaj i ruxoyimaj paam kareta re' ruuk' i chee' inchalik Líbano ruyej-aal.10Re' taqe i rutz'u'kaal re' ruuk' i plata, re' ye'aab' reh i riij re' ruuk' i oro, re' i tzunaab' i kaq itz'ihy i b'urb'al wach, re' i paam ruuk' k'axooj xkixoyej taqe i holohaq ixoq aj Jerusaleem.11Eleen taq chaloq i hat ixoq aj Sión chawil taq xk'uloq i reey Salomón, wilik ru corona kojooj cho reh ruum i rutuut noq xub'an kaxáro chupaam i q'iij noq xwihik rusuqkiil i ránima. Re' b'ahiilb'ees i ruyeew ruloq'il i ehk'eenb'ees RE' B'AHIILB'EES1Re' hat ixoq q'e' tinukax chi weh xiik' naah aholwochiil, xti hat holohik. Re' taqe i naq'awach, je' rukab' inaq'wach paloma chupaam i b'urb'al awach, eh xa q'eq b'utz'ik chik i rismaal anaah, xa je' chik rukab' i kiij i kaprax kiqajik cho wach yuuq' Galaad.2Re' taqe aweeh xasaq chik, xa je' chik saq'iil i kiij i tentzun kore' xkian kitiin panha', kore' xyok'arik i rismaal kiij. Eh laach i kiha'lak'uun, inwihik, ma' jino'q keh i ma' nak'unanik taj.3Eh xa kaq chik i xaq aachii' xa je' chik iq'omamaj ruuk' i kaq laj iq'oom yohb'aal wach holwochiil ti q'orik. Eh re' pantaq awach xa je' chik kaq'iil paam granado ink'utinik chupaam i b'urb'al awach.4Re' i awalaq, je' holwochiil inajt naah paat xuyejaa' chee David, re' inkich'ilaa' wii' i jinaj miil chi pulato ch'ihch' re' inkiko'leej wii' kiib' i kow kiib'.5Re' i kab'chel ach'uuch' je' kikab' i kok' ixoq keej laach noq ki-aasjik wilkeeb' chupaam i uhtz'ub'.6Eh noq naa ruchaliik rusaq'iik noq naa rokiik chee saqum, re' hin nawojiik chinaah i yuuq' wilik wii' i mirra, i wilik wii' i Insensia.7Re' hat ixoq q'e' ti nuk'ax chi weh, xti manlik wach aawooq aq'ab'.8Kim wuuk' i hat wehk'een, taq chupaam i ye'aab' Líbano taq chinaah i yuuq' Amana rub'ihnaal, je' wo' chinaah i yuuq' Senir wilik ar Hermón, re' inkikeb'aa' wii' kiib' i kaq b'ahlam, re' wo' inkikeb'aa' wii' kiib' taqe i nimaq winaq b'ahlam.9Re' hin xti ch'ilojik chawiij i wánima wehk'een je' hat wanaab' noq wilkaat, xa ruuk' i jun iil xa a'n weh xanoq wo' xinok'rik chawiij ruum ma' k'isiin holwochiil aakarena wilik chawalaq.10Hat weh k'een, hat wanaab' noq wilkaat, ma' k'isiin ta holwochiil noq kinaq'acheej, ma' xata je' suq kiil i riis uuva. Xiik' naah k'ohonkiil awach ma' xata je' k'ohonkiil chu'nchel ink'ohnik laj iq'oom11Re' aq'oral i nelik cho xaq aachii' wehk'een xa je' chik ki'iil i riis kaab', xa je' chik suq kiil lecha. Re' aso' xiik' nah k'ohonkiil wach xa je' chik k'ohonkiil iq'oom inchalik Líbano.12Re' hat wehk'een, je' hat wanaab' noq wilkaat, je' akab' i uhtz'ub' kojooj pan koraal, je' akab' i k'achlik ha' kotimaj riij chi tz'aq.13Re' hat je' akab' i ye'aab' wilik wii' i granado q'e' suq i ruwachuj, je' akab' i ye'aab' wilkeeb' wii' uhtz'ub' Alhen-a rub'ihnaal.14Je' akab' i ye'aab' i nelik wii' ink'ohnik laj Nardo, i Azafrán, nimaq rooq wach chee' canela. Eh i nelik wii' i insensia, i mirra, i áloes, eh chu'nchel ink'ohnik laj iq'oom15Re' hat je' akab' i ye'aab' wilik wii' uhtz'ub', je' wo' akab' i raasb'al k'achlik ha' inb'ehik chee rooq ar Líbano. RE' EHK'EENB'EES16Neeta naq inchalik i teew pantz'eet pansak'aaj reh i rookb'aal q'iij nee ta naq inik'ik hupinoq chinaah i je' ye'aab' wilik wii' i tik. Re' hat winaq, q'e' ti nuk'ax chi weh kim ruuk' i je' tik chak'ux aweh i suq laj wach. RE' B'AHIILB'EES1Re' hin xin chalik chik i wilik wii' i tik hat wehk'een, hat wanaab' noq wilkaat, xnumol chik i numirra, taqe ink'ohnik laj iq'oom Eh xnub'an chik rusuqkiil i riis kab', i nuriis uuva, i nulecha. PARUK'IHAAL Hat taq wamigo cha a'n taq awa' ahaa', eh cha a'n taq rusuqkiil i q'orinik awiib'. RE' EHK'EENB'EES2Re' hin kiwirik naq, re' wánima xama' wirik ta wo' hoq, re' winaq q'e' nuk'ax xb'iraj noq xuq'or weh chi je' wili: Chateh weh i puerta i hat q'e' ti nuk'ax, hat wanaab' noq wilkaat, je' akab' i k'isa xq'un paloma. Re' mus jab' k'ahchi' kiin rut'aqsam, re' k'uxik k'achi' rut'aqsam i rismaal nunaah, inki.3Re' hin je' wili xnuq'or reh: Xwesaj chik i nuso', konee wo' chik i nukoj ruka'peech iraaj ruq'orom, eh nutz'aj chik i wooq, nee wo' chik i nujik chi pooq.4Eh re' i winaq q'e' nuk'ax korehtaal xumin i koq i q'ab' pan hoop xuteh riij i puerta, re' xub'an re' re' xutz'aj i wánima.5Eh xnuteh reh i puerta i winaq q'e' nuk'ax, xa je' chik k'ohonkiil mirra i nuq'ab' xukanaa'. Eh xtz'uhranik chinaah i tehb'al reh i puerta.6Eh noq xnuteh reh i puerta i winaq q'e' nuk'ax, re' reh elinaq chik reje ar. Noq xtohq'ik naq chik nusik'im ma' xnureq ta chik, noq xnuyuq'eej reje xama' xiruchaq'weej ta wo' chik.7Eh xinkireq taqe i kicha'jinik reh i tinamit xinkiq'ojib'eej, xinkihopib'eej. Re' taqe i aj cha'joom wilkeeb' panookb'al reh i tinamit xkilahk'aaj chi wiij i nub'urb'aal.8Hat taq ixoq aj Jerusaleem, re' hin i nuq'or taq aweh i korik chi wixawil taq wach i winaq q'e' nuk'ax cha q'or taq reh chi xanwotow chik rilariik wach xchalik nuyab'ilaal ruum. PARUK'IHAAL9¿Mi xiik' naah aholwochiil re' hat chikiwach chu'nchel ixoq? ¿Mi xiik' naah holwochiil re' i winaq q'e' nak'ax wach i hat chuwach chu'nchel i winaq? Ruum inaq'or chi naa qaq'oreem aweh. RE' EHK'EENB'EES10Re' winaq i nuq'or kaqb'uxik i ruti'jolal, xa re' wo' reh xiik' naah holwochiil ink'utinik chi kixilak i lajeeb' miil chi winaq.11Eh re' i naah je' holwochiil i manlik oro re' i rismaal i naah k'oloch, eh xaq'eq chik je' rukab' i nimlaj tz'ok q'eq riij chikop inrupinik pan taxaaj.12Re' taqe inaq'wach, je' kiholwochiil i paloma, xa je' chik b'anooj kitiin ruuk' lecha, wilik i koq chi chii' i nim haa'.13Re' taqe i pan wach xa je' chik holwochiil uhtz'ub'. Re' taqe i xaq chii' xa je' chik saq uhtz'ub' xa je' chik k'ohonkiil ruha'iil mirra noq inqajik chaloq.14Eh wilik taqe rulopq'aaq' oro ju' taq q'ab', eh xoyimaj wach ruuk' ab'aj topacio, re' i ruti'jolal xoyimaj wach ruuk' ab'aj marfil, ruuk' ab'aj safiro.15Re' taqe i rutuuq xa je' chik holwochiil ab'aj Marmol, ch'ikamaj chinaah i manlik oro. Re' ruwii' q'e' holohik je' kiholwochiil i chee' chakaltee' inchalik Líbano.16Re' i q'orik i nelik cho panchii' xa ki' chik, re' ruwii' xak'axb'al chik wach.
Je' re' ruwii' i nub'ahiil, q'e' i nuk'ax, wila' nawaaj taq anab'eem i hat taq ixoq aj Jerusaleem. PARUK'IHAAL1Hat ixoq i xiik' naah aholwochiil chikiwach taqe ixoq, ¿Aha' xuk'am i winaq q'e' nak'ax inaq'or? Chak'uhtaaj qeh reh chi nee qohooj chawiij chusik'ariik. RE' EHK'EENB'EES2Re' i nub'ahiil xooj qohoq i rutikim wii' i chib'ih reh re' wilik wii' xiik' naah k'ohonkiil xooj naa chub'ehteesjiik taqe i rutentzuun, xooj chusik'ariik ruhtz'uub'.3Re' winaq q'e' nuk'ax, re' inehchanik weh, eh re' wo' hin kinehchanik ree reh. Eh rub'esaj taqe i rutentzuun pan uhtz'ub'. RE' B'AHIILB'EES4Re' hat ixoq q'e' ti nuk'ax, xiik' naah aholwochiil je' aholwochiil i tinamit Tirsa, i tinamit Jerusaleem, eh je' aholwochiil i ch'umiil wilkeeb' pan taxaaj5Chakanaa' nutz'ehtjiik ruum xama' nukuy ta chik rilariik aholwochiil.
Re' i rismaal anaah xa q'eq b'utz'ik chik xa je' chik rukab' i kiij i kaprax noq kiqajik cho wach yuuq' Galaad.6Re' taqe aweeh xasaq chik, xa je' chik saqiil kiij i tentzun kore' xi elik cho chi itinik panha' kiyejaam chik kiib' chi naa ruyok'ariik i rismaal kiij.7Eh re' pantaq awach xa je' chik kaq'iil paam granado ink'utinik i koq chupaam i b'urb'al wach anaah.8Re' taqe ixoq reey xnub'an wii' kaxáro oxk'ahl taqe, re' taqe i xa wixoqil pan b'eeh, re' taqe i kok' q'ahxoq kajwinaq taqe.9Xa re' la' xa jinaj wo' hoq ixoq q'e' nuk'ax xtiruk'uliil i wánima je' holwochiil paloma, xa jinaj wo' chuwach i rutuut looq reh. Eh noq inilarik wach kuum i q'ahxoq inkiyeew rusuqkiil ruk'ux, re' taqe i wixoqil reey, je' wo' taqe i xa wixooq pan b'eeh xkiyeew wo' ruloq'il. PARUK'IHAAL10¿Awach ixoq xk'uloq inaq'or xasaqum chik i rub'an xa je' chik rukab' i rusaqumaal i q'iij noq inokik cho rusaq'iik, eh je' holwochiil i poh xa je' chik ruk'ihaal soldado? RE' EHK'EENB'EES11Re' hin xinqajik qohoq tikooj taqe wii' i chee' okaal, eh xwilow uhtz'ub' wataq k'ixkaab'. Eh xwilow chi elik chik inki a'n chaloq i uuva, eh ixmak'inik chik i rub'an i granado.12Eh noq majaa' nukohlaaj rilariik taqe re', xa chi ma' weht'al xink'amarik reje, ko wilkiin chik pan kareta wuch'ihil i k'amal nub'eeh noq xwil. PARUK'IHAAL13Tisutinoq, ti sutinoq chaloq i hat ixoq aj Sulamita inqaaj qilom awach. RE' EHK'EENB'EES ¿Chihreet noq inawaaj taq awilom nuwach? PARUK'IHAAL Re' hoj inqaaj qilom chi soon i na a'n, je' rukab' i soon inki a'n i soldado. RE' B'AHIILB'EES1Hat wehk'een xiik' inche naah holwochiil ink'utinik aawooq pan axijaab'. Re' i nah atuuq xa holohik chik xa je' chik rukab' i ruyejaa' i aj ch'eyool ruuk' oro, rutijem riib' chi korik.2Eh re' awatz'uum xa kotokik chik xa je' chik rukab' i kulk inwihik wii' i suq laj riis uuva. Re' apaam je' rukab' i juntuhb' chi Trigo koralimaj riij chi uhtz'ub'.3Re' kab'chel ach'uuch' je' kikab' i kok' qahxoq keej laach noq ki-aasjik.4Eh re' awalaq je' holwochiil inajt naah paat Marfil ruyej-aal. Re' taqe i naq'awach je' rukab' i ye'aab' ha' wilik Hesbón ar chi chii' ookb'al Bat-rabim. Eh re' aaju' je' holwochiil inajt naah paat ar Líbano, inilwik reje Damasco.5Eh re' anaah yohb'aal wach holwochiil je' rukab' i yuuq' Carmelo, re' i rismaal aanaah xa kaq lumik chik je' rukab' i ruso' i reey.6Hat ixoq q'e' ti nuk'ax hat weh, xti xiik' naah aholwochiil xti ch'iklik nuk'ux awuuk'.7Eh xa tijikik chik xa je' chik akab' i kalaab', re' taqe i ach'uuch' je' rukab' noq i rukutaa' riib' i wach.8Re' hin inwaaj johtik chinaah i kalaab' re' re' reh chi neenooj nusik' weh i wach. Re' taqe ach'uuch' je' rukab' noq inkikutaa' kiib' i wach i uuva, eh re' aawuxlaab' xa je' chik k'ohonkiil mansano.9Re' aq'oral je' rukab' i chi hoj laj riis uuva xa ch'ub'ik chik noq inqajik noq inuuk'jik qohoq. RE' EHK'EENB'EES10Re' hin, hin reh i winaq q'e' nuk'ax, xawuuk' i hin i rureq rusuqkiil ruk'ux.11Kim wuuk' i hat q'e' ti nuk'ax chi weh, taq panab'iix ar neenqik'saj chee aq'ab' chupaam i uhtz'ub'.12Eh wahq'eq naa rojiik qilom mi xk'er chik i ruhtz'ub'aal mi wilik chik wach i uuva, mi xk'er chik i wach i granado. Eh ar neenqak'ax qiib' neenuyeew rusuqkiil ak'ux.13Re' mandrágoras xupuhkaaj chik riib' i ruk'ohonkiil, eh chi chii' taqe i qapuerta wilik ar chu'nchel i wach i chee' ink'uxarik. Wilik taqe i kore' xsik'arik, wilik i chiqinaq chik, numolom taqe aweh i hat winaq q'e' ti nuk'ax.1Hat ta naq nuxib'aal jinaj ta xqa'an wii' qach'uuch' awuuk' nee naq i rub'an chi nee tinutz'ub' pantaq b'eeh, atoob' ta nee naq qoh kilow xama' awach ta naq neenkaqse'lanik weh.2Eh nee naq ti nuk'am i koq parupaat i qatuut re' naq chik i hat neetitijinik weh, eh nee naq i nuyeew aweh chi uuk'jik ink'ohnik laj vino, korjinaq ruuk' i riis granado.3Chi je' re' nee naq inakoj chee rutz'eet aq'ab' rijwalaq, eh ruuk' naq i rusak'aaj aq'ab' nee kinaq'ahcheej. RE' B'AHIILB'EES4Re' hin i nuq'or taq aweh i hat ixoq aj Jerusaleem chi majot' taq i koq ruuk' i ruwiriik ixoq q'e' nuk'ax, cha kanaa' taq konik' pa' neenwuktik. PARUK'IHAAL5¿Awach i xchalik chupaam i ye'aab' chiq yuuq' yoklik i koq wach tileb' i winaq q'e' ink'axwik reh? RE' B'AHIILB'EES Re' hin chi ri'sil i juniwal chi mansano xat ponik wuksaj panawiriik re' i xuk'ul wii' i ti' k'axik aatuut noq xat-aasjik. RE' EHK'EENB'EES6Juneliik ta naq neekinwihik pan awánima, chalechaa' wach atileb' i nub'ihnaal. Re' ak'axb'al xiik' naah ma' nuko'leej ta wiib' chuwach je' rukab' noq inchalik i kimik. Re' aak'axb'al je' rukab' i q'aaq' yohb'aal wach i xaq.7Eh re' i ruha'iil chu'nchel i palaw, i ruha'iil i nim ha' ma' jaruuj neenkian ruchupariik i ak'axb'al. Eh ma' awach taj i nee ruyeew chu'nchel i rub'ehomal chi jalb'al wach aak'axb'al xa ruk'ixb'ilaal naq i neeruk'uhtaaj. PARUK'IHAAL8Re' hoj wilik i jinaj i qanaab' ko k'isa q'ahxoq komajaa' ta chihruch'uuch'. ¿Chib'ih i neenqa a'n ruuk' wila' xk'ulik pahqaljoq ruum jino'q winaq?9Re' ta ruuk' jino'q i tz'aq nee naq inqayejaa' jino'q inajt naah paat chinaah ko'lemb'al iib' plata ruyej-aal. Eh wita re' ruuk' jino'q puerta nee naq inqatz'ap riij chi holohik chi chee' re' ruuk' i chakaltee'. RE' EHK'EENB'EES10Re' hin je' nukab' jinaj i tz'aq, re' taqe i nuch'uuch' je' rukab' i paat najt naah re' i winaq q'e' nuk'ax xti xureq rusuqkiil ruk'ux wuuk'.11Re' Salomón xutik i ru-uuva chupaam i ye'aab' Baal-hamón xukoj taqe cha'jen reh. Reh chi paruq'ijil i rusik'ariik i wach i uuva nanaq kiye'em i ju'jun miil chi tumiin tojb'al riij.12Eh i junseht chi uuva i nutikim xa wee hin, re' hin kin cha'jinik reh, re' i jinaj miil chi tumiin re' Salomón naa ruk'ulwiik reh, eh kiib' siento i keh i cha'jen reh i uuva. RE' B'AHIILB'EES13Re' hat ixoq q'e' ti nuk'ax, eh wilkaat xilak uhtz'ub' chayeew chi ib'irjik aq'oral k'ahchi' kuy-eem taqe i qamigo, chi naa aq'oriik. RE' EHK'EENB'EES14Kim awajiim winaq q'e' ti nuk'ax je'-oq ti ajiminik cho keej, eh je'-oq ti ajiminik rak'uun keej chinaah taqe i yuuq' xank'ohnik chik aawach.
Re' hat ixoq q'e' hat holohik q'e' ti nuk'ax chi weh kim wuuk'.14Re' hat xa je' chik aholwochiil i paloma wilik rusuuq i rukeb'aa' riib' paruhopil i ab'aj. Re' hin inwaaj chi eliik neenak'uhtaaj weh awach, inwaaj chi nee kinaq'oreej, ruum q'e' suq i rub'an weh aq'oral, ruum q'e' hat holohik, inki. RE' B'AHIILB'EES, RE' EHK'EENB'EES15Chakansaj taq i nimaq yaak i kok' yaak i njot'wik qeh qakab'cheel je' rukab' noq inkisach wach i uuva, noq wachinik, noq ixmak'inik i rub'an. RE' EHK'EENB'EES16Re' winaq q'e' nuk'ax wach, re' reh inehchanik weh i hin. Eh i rub'esaj taqe i rutentzuun xilak taqe saq uhtz'ub'.17Noq ik'ik chik i rub'an aq'ab', noq okik chik i rub'an chee saqum neerub'an chi nee ti chalik wuuk' i hat b'ahiil q'e' ti nuk'ax, je'-oq ti chalik nimlaj keej, k'isa keej kielik chaloq chinaah i yuuq' Beter. Re' xrilow paruwiriik i ehk'eenb'ees1Noq wirik i nub'an panuyokaab' xnusik' i winaq, q'e' i nuk'ax pan wánima xnusik', xa re' la' xama' xnureq ta wo' hoq.2Eh je' wili i xnuq'or: Re' hin naa rojiik nusik'im chi junsuut i tinamit pantaq b'eeh i winaq q'e' i nuk'ax pan wánima, kinki. Eh xinooj wo' chusik'ariik, xa re' la' xama' xnureq ta wo' hoq.3Eh xinkireq i kicha'jinik reh i tinamit, je' wili i xnuq'or keh: ¿Mi xawilow taq wach weh i q'e' i nuk'ax pan wánima? kinki keh.4Xa kore' wo' junk'aam wik'sam taqe i re' noq xponik nureq i q'e' i nuk'ax pan wánima. Eh nuchop reje chi q'ab' ma' kota chik woq'taaj korehtaal xnuk'am i koq parupaat i nutuut re' i xin-aasjik wii'. RE' B'AHIILB'EES5Hat taq ixoq aj Jerusaleem pankib'ihnaal ixoq keej, i kok' ixoq keej wilkeeb' pantaq ch'ahn, inuq'or taq aweh chi ma' jot' taq i koq paruwiriik ixoq q'e' i nuk'ax, konik' pa' neenwuktik paruk'ux i reh. Re' i roox tz'uuy PARUK'IHAAL6¿Awach injohtik i chaloq chupaam i ye'aab' chiq yuuq' chalik i rub'an wuuk' xa je' chik rukab' i sib' xan je' chik k'ohonkiil i mirra, i insensia, i pooq iq'oom?7Re' reey Salomón xk'ulik iloq tzunlik chupaam i ruxoyimaj paam kareta oxk'ahl chi winaq kow kiib' chi kixilak i aj Israel incha'jinik reh.8Chu'nchel i re' kitijem kiib' chi q'aq'inik, wilik kiq'aslaj ch'ihch' nah kituuq, ko'lb'al reh i reey ruum yohb'aal i b'ehik chaq'ab'.9Re' i reey Salomón xuyejaa' jinaj i ruxoyimaj paam kareta re' ruuk' i chee' inchalik Líbano ruyej-aal.10Re' taqe i rutz'u'kaal re' ruuk' i plata, re' ye'aab' reh i riij re' ruuk' i oro, re' i tzunaab' i kaq itz'ihy i b'urb'al wach, re' i paam ruuk' k'axooj xkixoyej taqe i holohaq ixoq aj Jerusaleem.11Eleen taq chaloq i hat ixoq aj Sión chawil taq xk'uloq i reey Salomón, wilik ru corona kojooj cho reh ruum i rutuut noq xub'an kaxáro chupaam i q'iij noq xwihik rusuqkiil i ránima. Re' b'ahiilb'ees i ruyeew ruloq'il i ehk'eenb'ees RE' B'AHIILB'EES1Re' hat ixoq q'e' tinukax chi weh xiik' naah aholwochiil, xti hat holohik. Re' taqe i naq'awach, je' rukab' inaq'wach paloma chupaam i b'urb'al awach, eh xa q'eq b'utz'ik chik i rismaal anaah, xa je' chik rukab' i kiij i kaprax kiqajik cho wach yuuq' Galaad.2Re' taqe aweeh xasaq chik, xa je' chik saq'iil i kiij i tentzun kore' xkian kitiin panha', kore' xyok'arik i rismaal kiij. Eh laach i kiha'lak'uun, inwihik, ma' jino'q keh i ma' nak'unanik taj.3Eh xa kaq chik i xaq aachii' xa je' chik iq'omamaj ruuk' i kaq laj iq'oom yohb'aal wach holwochiil ti q'orik. Eh re' pantaq awach xa je' chik kaq'iil paam granado ink'utinik chupaam i b'urb'al awach.4Re' i awalaq, je' holwochiil inajt naah paat xuyejaa' chee David, re' inkich'ilaa' wii' i jinaj miil chi pulato ch'ihch' re' inkiko'leej wii' kiib' i kow kiib'.5Re' i kab'chel ach'uuch' je' kikab' i kok' ixoq keej laach noq ki-aasjik wilkeeb' chupaam i uhtz'ub'.6Eh noq naa ruchaliik rusaq'iik noq naa rokiik chee saqum, re' hin nawojiik chinaah i yuuq' wilik wii' i mirra, i wilik wii' i Insensia.7Re' hat ixoq q'e' ti nuk'ax chi weh, xti manlik wach aawooq aq'ab'.8Kim wuuk' i hat wehk'een, taq chupaam i ye'aab' Líbano taq chinaah i yuuq' Amana rub'ihnaal, je' wo' chinaah i yuuq' Senir wilik ar Hermón, re' inkikeb'aa' wii' kiib' i kaq b'ahlam, re' wo' inkikeb'aa' wii' kiib' taqe i nimaq winaq b'ahlam.9Re' hin xti ch'ilojik chawiij i wánima wehk'een je' hat wanaab' noq wilkaat, xa ruuk' i jun iil xa a'n weh xanoq wo' xinok'rik chawiij ruum ma' k'isiin holwochiil aakarena wilik chawalaq.10Hat weh k'een, hat wanaab' noq wilkaat, ma' k'isiin ta holwochiil noq kinaq'acheej, ma' xata je' suq kiil i riis uuva. Xiik' naah k'ohonkiil awach ma' xata je' k'ohonkiil chu'nchel ink'ohnik laj iq'oom11Re' aq'oral i nelik cho xaq aachii' wehk'een xa je' chik ki'iil i riis kaab', xa je' chik suq kiil lecha. Re' aso' xiik' nah k'ohonkiil wach xa je' chik k'ohonkiil iq'oom inchalik Líbano.12Re' hat wehk'een, je' hat wanaab' noq wilkaat, je' akab' i uhtz'ub' kojooj pan koraal, je' akab' i k'achlik ha' kotimaj riij chi tz'aq.13Re' hat je' akab' i ye'aab' wilik wii' i granado q'e' suq i ruwachuj, je' akab' i ye'aab' wilkeeb' wii' uhtz'ub' Alhen-a rub'ihnaal.14Je' akab' i ye'aab' i nelik wii' ink'ohnik laj Nardo, i Azafrán, nimaq rooq wach chee' canela. Eh i nelik wii' i insensia, i mirra, i áloes, eh chu'nchel ink'ohnik laj iq'oom15Re' hat je' akab' i ye'aab' wilik wii' uhtz'ub', je' wo' akab' i raasb'al k'achlik ha' inb'ehik chee rooq ar Líbano. RE' EHK'EENB'EES16Neeta naq inchalik i teew pantz'eet pansak'aaj reh i rookb'aal q'iij nee ta naq inik'ik hupinoq chinaah i je' ye'aab' wilik wii' i tik. Re' hat winaq, q'e' ti nuk'ax chi weh kim ruuk' i je' tik chak'ux aweh i suq laj wach. RE' B'AHIILB'EES1Re' hin xin chalik chik i wilik wii' i tik hat wehk'een, hat wanaab' noq wilkaat, xnumol chik i numirra, taqe ink'ohnik laj iq'oom Eh xnub'an chik rusuqkiil i riis kab', i nuriis uuva, i nulecha. PARUK'IHAAL Hat taq wamigo cha a'n taq awa' ahaa', eh cha a'n taq rusuqkiil i q'orinik awiib'. RE' EHK'EENB'EES2Re' hin kiwirik naq, re' wánima xama' wirik ta wo' hoq, re' winaq q'e' nuk'ax xb'iraj noq xuq'or weh chi je' wili: Chateh weh i puerta i hat q'e' ti nuk'ax, hat wanaab' noq wilkaat, je' akab' i k'isa xq'un paloma. Re' mus jab' k'ahchi' kiin rut'aqsam, re' k'uxik k'achi' rut'aqsam i rismaal nunaah, inki.3Re' hin je' wili xnuq'or reh: Xwesaj chik i nuso', konee wo' chik i nukoj ruka'peech iraaj ruq'orom, eh nutz'aj chik i wooq, nee wo' chik i nujik chi pooq.4Eh re' i winaq q'e' nuk'ax korehtaal xumin i koq i q'ab' pan hoop xuteh riij i puerta, re' xub'an re' re' xutz'aj i wánima.5Eh xnuteh reh i puerta i winaq q'e' nuk'ax, xa je' chik k'ohonkiil mirra i nuq'ab' xukanaa'. Eh xtz'uhranik chinaah i tehb'al reh i puerta.6Eh noq xnuteh reh i puerta i winaq q'e' nuk'ax, re' reh elinaq chik reje ar. Noq xtohq'ik naq chik nusik'im ma' xnureq ta chik, noq xnuyuq'eej reje xama' xiruchaq'weej ta wo' chik.7Eh xinkireq taqe i kicha'jinik reh i tinamit xinkiq'ojib'eej, xinkihopib'eej. Re' taqe i aj cha'joom wilkeeb' panookb'al reh i tinamit xkilahk'aaj chi wiij i nub'urb'aal.8Hat taq ixoq aj Jerusaleem, re' hin i nuq'or taq aweh i korik chi wixawil taq wach i winaq q'e' nuk'ax cha q'or taq reh chi xanwotow chik rilariik wach xchalik nuyab'ilaal ruum. PARUK'IHAAL9¿Mi xiik' naah aholwochiil re' hat chikiwach chu'nchel ixoq? ¿Mi xiik' naah holwochiil re' i winaq q'e' nak'ax wach i hat chuwach chu'nchel i winaq? Ruum inaq'or chi naa qaq'oreem aweh. RE' EHK'EENB'EES10Re' winaq i nuq'or kaqb'uxik i ruti'jolal, xa re' wo' reh xiik' naah holwochiil ink'utinik chi kixilak i lajeeb' miil chi winaq.11Eh re' i naah je' holwochiil i manlik oro re' i rismaal i naah k'oloch, eh xaq'eq chik je' rukab' i nimlaj tz'ok q'eq riij chikop inrupinik pan taxaaj.12Re' taqe inaq'wach, je' kiholwochiil i paloma, xa je' chik b'anooj kitiin ruuk' lecha, wilik i koq chi chii' i nim haa'.13Re' taqe i pan wach xa je' chik holwochiil uhtz'ub'. Re' taqe i xaq chii' xa je' chik saq uhtz'ub' xa je' chik k'ohonkiil ruha'iil mirra noq inqajik chaloq.14Eh wilik taqe rulopq'aaq' oro ju' taq q'ab', eh xoyimaj wach ruuk' ab'aj topacio, re' i ruti'jolal xoyimaj wach ruuk' ab'aj marfil, ruuk' ab'aj safiro.15Re' taqe i rutuuq xa je' chik holwochiil ab'aj Marmol, ch'ikamaj chinaah i manlik oro. Re' ruwii' q'e' holohik je' kiholwochiil i chee' chakaltee' inchalik Líbano.16Re' i q'orik i nelik cho panchii' xa ki' chik, re' ruwii' xak'axb'al chik wach.
Je' re' ruwii' i nub'ahiil, q'e' i nuk'ax, wila' nawaaj taq anab'eem i hat taq ixoq aj Jerusaleem. PARUK'IHAAL1Hat ixoq i xiik' naah aholwochiil chikiwach taqe ixoq, ¿Aha' xuk'am i winaq q'e' nak'ax inaq'or? Chak'uhtaaj qeh reh chi nee qohooj chawiij chusik'ariik. RE' EHK'EENB'EES2Re' i nub'ahiil xooj qohoq i rutikim wii' i chib'ih reh re' wilik wii' xiik' naah k'ohonkiil xooj naa chub'ehteesjiik taqe i rutentzuun, xooj chusik'ariik ruhtz'uub'.3Re' winaq q'e' nuk'ax, re' inehchanik weh, eh re' wo' hin kinehchanik ree reh. Eh rub'esaj taqe i rutentzuun pan uhtz'ub'. RE' B'AHIILB'EES4Re' hat ixoq q'e' ti nuk'ax, xiik' naah aholwochiil je' aholwochiil i tinamit Tirsa, i tinamit Jerusaleem, eh je' aholwochiil i ch'umiil wilkeeb' pan taxaaj5Chakanaa' nutz'ehtjiik ruum xama' nukuy ta chik rilariik aholwochiil.
Re' i rismaal anaah xa q'eq b'utz'ik chik xa je' chik rukab' i kiij i kaprax noq kiqajik cho wach yuuq' Galaad.6Re' taqe aweeh xasaq chik, xa je' chik saqiil kiij i tentzun kore' xi elik cho chi itinik panha' kiyejaam chik kiib' chi naa ruyok'ariik i rismaal kiij.7Eh re' pantaq awach xa je' chik kaq'iil paam granado ink'utinik i koq chupaam i b'urb'al wach anaah.8Re' taqe ixoq reey xnub'an wii' kaxáro oxk'ahl taqe, re' taqe i xa wixoqil pan b'eeh, re' taqe i kok' q'ahxoq kajwinaq taqe.9Xa re' la' xa jinaj wo' hoq ixoq q'e' nuk'ax xtiruk'uliil i wánima je' holwochiil paloma, xa jinaj wo' chuwach i rutuut looq reh. Eh noq inilarik wach kuum i q'ahxoq inkiyeew rusuqkiil ruk'ux, re' taqe i wixoqil reey, je' wo' taqe i xa wixooq pan b'eeh xkiyeew wo' ruloq'il. PARUK'IHAAL10¿Awach ixoq xk'uloq inaq'or xasaqum chik i rub'an xa je' chik rukab' i rusaqumaal i q'iij noq inokik cho rusaq'iik, eh je' holwochiil i poh xa je' chik ruk'ihaal soldado? RE' EHK'EENB'EES11Re' hin xinqajik qohoq tikooj taqe wii' i chee' okaal, eh xwilow uhtz'ub' wataq k'ixkaab'. Eh xwilow chi elik chik inki a'n chaloq i uuva, eh ixmak'inik chik i rub'an i granado.12Eh noq majaa' nukohlaaj rilariik taqe re', xa chi ma' weht'al xink'amarik reje, ko wilkiin chik pan kareta wuch'ihil i k'amal nub'eeh noq xwil. PARUK'IHAAL13Tisutinoq, ti sutinoq chaloq i hat ixoq aj Sulamita inqaaj qilom awach. RE' EHK'EENB'EES ¿Chihreet noq inawaaj taq awilom nuwach? PARUK'IHAAL Re' hoj inqaaj qilom chi soon i na a'n, je' rukab' i soon inki a'n i soldado. RE' B'AHIILB'EES1Hat wehk'een xiik' inche naah holwochiil ink'utinik aawooq pan axijaab'. Re' i nah atuuq xa holohik chik xa je' chik rukab' i ruyejaa' i aj ch'eyool ruuk' oro, rutijem riib' chi korik.2Eh re' awatz'uum xa kotokik chik xa je' chik rukab' i kulk inwihik wii' i suq laj riis uuva. Re' apaam je' rukab' i juntuhb' chi Trigo koralimaj riij chi uhtz'ub'.3Re' kab'chel ach'uuch' je' kikab' i kok' qahxoq keej laach noq ki-aasjik.4Eh re' awalaq je' holwochiil inajt naah paat Marfil ruyej-aal. Re' taqe i naq'awach je' rukab' i ye'aab' ha' wilik Hesbón ar chi chii' ookb'al Bat-rabim. Eh re' aaju' je' holwochiil inajt naah paat ar Líbano, inilwik reje Damasco.5Eh re' anaah yohb'aal wach holwochiil je' rukab' i yuuq' Carmelo, re' i rismaal aanaah xa kaq lumik chik je' rukab' i ruso' i reey.6Hat ixoq q'e' ti nuk'ax hat weh, xti xiik' naah aholwochiil xti ch'iklik nuk'ux awuuk'.7Eh xa tijikik chik xa je' chik akab' i kalaab', re' taqe i ach'uuch' je' rukab' noq i rukutaa' riib' i wach.8Re' hin inwaaj johtik chinaah i kalaab' re' re' reh chi neenooj nusik' weh i wach. Re' taqe ach'uuch' je' rukab' noq inkikutaa' kiib' i wach i uuva, eh re' aawuxlaab' xa je' chik k'ohonkiil mansano.9Re' aq'oral je' rukab' i chi hoj laj riis uuva xa ch'ub'ik chik noq inqajik noq inuuk'jik qohoq. RE' EHK'EENB'EES10Re' hin, hin reh i winaq q'e' nuk'ax, xawuuk' i hin i rureq rusuqkiil ruk'ux.11Kim wuuk' i hat q'e' ti nuk'ax chi weh, taq panab'iix ar neenqik'saj chee aq'ab' chupaam i uhtz'ub'.12Eh wahq'eq naa rojiik qilom mi xk'er chik i ruhtz'ub'aal mi wilik chik wach i uuva, mi xk'er chik i wach i granado. Eh ar neenqak'ax qiib' neenuyeew rusuqkiil ak'ux.13Re' mandrágoras xupuhkaaj chik riib' i ruk'ohonkiil, eh chi chii' taqe i qapuerta wilik ar chu'nchel i wach i chee' ink'uxarik. Wilik taqe i kore' xsik'arik, wilik i chiqinaq chik, numolom taqe aweh i hat winaq q'e' ti nuk'ax.1Hat ta naq nuxib'aal jinaj ta xqa'an wii' qach'uuch' awuuk' nee naq i rub'an chi nee tinutz'ub' pantaq b'eeh, atoob' ta nee naq qoh kilow xama' awach ta naq neenkaqse'lanik weh.2Eh nee naq ti nuk'am i koq parupaat i qatuut re' naq chik i hat neetitijinik weh, eh nee naq i nuyeew aweh chi uuk'jik ink'ohnik laj vino, korjinaq ruuk' i riis granado.3Chi je' re' nee naq inakoj chee rutz'eet aq'ab' rijwalaq, eh ruuk' naq i rusak'aaj aq'ab' nee kinaq'ahcheej. RE' B'AHIILB'EES4Re' hin i nuq'or taq aweh i hat ixoq aj Jerusaleem chi majot' taq i koq ruuk' i ruwiriik ixoq q'e' nuk'ax, cha kanaa' taq konik' pa' neenwuktik. PARUK'IHAAL5¿Awach i xchalik chupaam i ye'aab' chiq yuuq' yoklik i koq wach tileb' i winaq q'e' ink'axwik reh? RE' B'AHIILB'EES Re' hin chi ri'sil i juniwal chi mansano xat ponik wuksaj panawiriik re' i xuk'ul wii' i ti' k'axik aatuut noq xat-aasjik. RE' EHK'EENB'EES6Juneliik ta naq neekinwihik pan awánima, chalechaa' wach atileb' i nub'ihnaal. Re' ak'axb'al xiik' naah ma' nuko'leej ta wiib' chuwach je' rukab' noq inchalik i kimik. Re' aak'axb'al je' rukab' i q'aaq' yohb'aal wach i xaq.7Eh re' i ruha'iil chu'nchel i palaw, i ruha'iil i nim ha' ma' jaruuj neenkian ruchupariik i ak'axb'al. Eh ma' awach taj i nee ruyeew chu'nchel i rub'ehomal chi jalb'al wach aak'axb'al xa ruk'ixb'ilaal naq i neeruk'uhtaaj. PARUK'IHAAL8Re' hoj wilik i jinaj i qanaab' ko k'isa q'ahxoq komajaa' ta chihruch'uuch'. ¿Chib'ih i neenqa a'n ruuk' wila' xk'ulik pahqaljoq ruum jino'q winaq?9Re' ta ruuk' jino'q i tz'aq nee naq inqayejaa' jino'q inajt naah paat chinaah ko'lemb'al iib' plata ruyej-aal. Eh wita re' ruuk' jino'q puerta nee naq inqatz'ap riij chi holohik chi chee' re' ruuk' i chakaltee'. RE' EHK'EENB'EES10Re' hin je' nukab' jinaj i tz'aq, re' taqe i nuch'uuch' je' rukab' i paat najt naah re' i winaq q'e' nuk'ax xti xureq rusuqkiil ruk'ux wuuk'.11Re' Salomón xutik i ru-uuva chupaam i ye'aab' Baal-hamón xukoj taqe cha'jen reh. Reh chi paruq'ijil i rusik'ariik i wach i uuva nanaq kiye'em i ju'jun miil chi tumiin tojb'al riij.12Eh i junseht chi uuva i nutikim xa wee hin, re' hin kin cha'jinik reh, re' i jinaj miil chi tumiin re' Salomón naa ruk'ulwiik reh, eh kiib' siento i keh i cha'jen reh i uuva. RE' B'AHIILB'EES13Re' hat ixoq q'e' ti nuk'ax, eh wilkaat xilak uhtz'ub' chayeew chi ib'irjik aq'oral k'ahchi' kuy-eem taqe i qamigo, chi naa aq'oriik. RE' EHK'EENB'EES14Kim awajiim winaq q'e' ti nuk'ax je'-oq ti ajiminik cho keej, eh je'-oq ti ajiminik rak'uun keej chinaah taqe i yuuq' xank'ohnik chik aawach.
Bible Society in Guatemala