ESDRAS1
1Chupaam i peet haab' rokiik chi reyil i Ciro ar Persia, re' i QaJaaw Dios reh chi xooj eloq wach i ruk'uhb'aal ruq'orom cho ruuk' chii' i Jeremías jalal ruq'oral, xuyeew paránima i Ciro chi naa ruq'orom ruuk' chii', chi naa rutaq'aam ruq'orariik panhuuj chupaam chu'nchel i tinamit taqe i k'uhb'aal wili:2Re' hin Ciro i kireey i aj Persia i nuq'or taq aweh i q'orik wili: Re' QaJaaw Dios wilik pan taxaaj xuyeew panuq'ab' chu'nchel i tinamit wach ak'al, xuyeew panuq'ab' chi naa nuyejaam i rupaat i Dios ar Jerusaleem wilik ar Judá.3Je' re' noq wila' hat taq rutinamiit i Dios neerub'an chi nee taq tiooj Jerusaleem chi rutinamiit i rupaat i Dios re' i ki Dios i aj Israel. Re' i reh i Dios inkiloq'ej ar Jerusaleem. Re' ta naq i QaJaaw Dios neentoob'inik taq aweh.4Eh nik' k'ihaal i xi kahnik chi k'achalkeeb' chupaam i ju'jun chi ye'aab', inchol kitob'eem i kika'jaah naa kojiik ye'jan reh i rupaat i Dios ruuk' i ruye'ariik i plata, i oro. Eh naakiye'em i kichikoop, naakiye'em i kimayiij xanaa ruchaliik pankik'ux, reh chi naa rukamaniik parupaat i Dios ar Jerusaleem. Re' taqe i aj Israel wilkeeb' naq Babilonia xi sutinik wo' chik Jerusaleem5Re' QaJaaw Dios xuq'or pankanima i k'amal kib'eeh i riih rumaam i Judá, je' wo' taqe i k'amal kib'eeh i riih rumaam i Benjamín, je' wo' taqe i k'amal kib'eeh aj tiij, je' wo' taqe i aj Levíta chi xkichop kik'ux chi ojik Jerusaleem chi rutinamiit i rupaat i Dios.6Eh chu'nchel i kika'jaah xtoob'inik keh ruuk' i ruye'ariik i plata, i oro, taqe chikop, ruuk' taqe i xa chib'ih jariik k'ih tz'aaq, eh ruuk' i ruye'ariik i kimayiij xan chalik pankik'ux.7Eh re' reey Ciro reh xuq'asaj taqe i kulk inkamanik parupaat i Dios. Re' taqe i relq'aam reje Jerusaleem i reey Nabucodonosor xuk'am taqe reje Babilonia xuyeew parupaat taqe i rutiyoox.8Re' i Ciro kireey i aj Persia xuq'or reh i Mitrídates molol tumiin chi naa rajlaam taqe i kulk, noq naa ruq'asam reh Sesbasar wilik chi taaq'anik ar Judá.9Re' taqe kulk xrajlaaj je' wili kik'ihaal: Lajeeb' ru ka'winaq i nimaq kulk, re' ruuk' i oro, jinaj miil i nimaq kulk re' ruuk' i plata, eh b'elejeeb' ru ka'winaq i kuchilo.10Eh lajeeb' ru ka'winaq i kulk re' ruuk' i oro, kijib' siento ruuk' lajeeb' i kulk re' ruuk' i plata, eh jinaj miil taqe i xa chib'ih jariik kikamanik wii'.11Eh chu'nchel i kulk re' ruuk' i oro, i plata ho'oob' miil ruuk' kijib' siento. Chu'nchel i re' xuk'am chaloq Jerusaleem i Sesbasar, noq xi sutinik cho Babilonia, haa' taqe i xi elik wo' chik cho Babilonia. Re' taqe i xi sutinik cho Babilonia (Neh 7.5-73)1Re' taqe i wili i aj Israel i a-sjinaq taqe paruyuq'ul i Judá. Re' i ruk'amam taqe reje Babilonia i reey Nabucodonosor, xi sutinik wo' chik cho Jerusaleem. Eh ar xi kahnik chupaam i kitinamiit chi kiju'junaal paruyuq'ul i Judá.2Re' taqe i xk'amwik cho kib'eeh je' wili kib'ihnaal:
Zorobabel, Jesúa, Nehemías, Seraías, Reelaias, Mardoqueo, Bilsán, Mizpar, Bigvai, Rehum, Baana, je' wili kik'ihaal i winaq aj Israel xi chalik:3Re' taqe i riih rumaam i Paros, kiib' miil ruuk' jinaj siento ruuk' kab'laj ru kajwinaq taqe.4Re' taqe i riih rumaam i Sefatías ixib' siento ruuk' kab'laj ru kajwinaq taqe.5Re' taqe i riih rumaam i Ara wuquub' siento ruuk' ho'lajuuj ru kajwinaq taqe.6Re' taqe i riih rumaam i Pahat-moab, re' ruuk' taqe chaloq i Jeúsa, i Joab kiib' miil ruuk' waxiqiib' siento ruuk' kab'laj taqe.7Re' taqe i riih rumaam i Elam, kiib' miil ruuk' kiib' siento ruuk' kajlaj roxk'ahl taqe.8Re' taqe i riih rumaam i Zatu, b'elejeeb' siento ruuk' hoob' roxk'ahl taqe.9Re' taqe riih rumaam Zacai, wuquub' siento ruuk' oxk'ahl taqe.10Re' taqe i riih rumaam Bini, waqiib' siento ruuk' kiib' roxk'ahl taqe.11Re' taqe riih rumaam i Bebai, waqiib' siento ruuk' ixib' ru ka'winaq taqe.12Re' taqe riih rumaam i Azgad, jinaj miil ruuk' kiib' siento ruuk' kiib' ru ka'winaq taqe.13Re' taqe i riih rumaam i Adonicam waqiib' siento ruuk' waqiib' ru kajwinaq taqe.14Re' taqe i riih rumaam i Bigvai, kiib' miil ruuk' waqlaj roxk'ahl taqe.15Re' taqe i riih rumaam i Adín, kijib' siento ruuk' kajlaj roxk'ahl taqe.16Re' taqe i riih rumaam i Ater, re' ruuk' taqe Ezequías kiib' chik ma' jinaj siento taqe.17Re' taqe riih rumaam i Bezai, ixib' siento ruuk' ixib' ru ka'winaq taqe.18Re' taqe riih rumaam i Jora jinaj siento ruuk' kab'laj taqe.19Re' taqe i riih rumaam Hasum, kiib' siento ruuk' ixib' ru ka'winaq taqe.20Re' taqe i riih rumaam i Gibar ho'oob' chik ma' jinaj siento taqe.21Re' taqe i riih rumaam i Belén jinaj siento ruuk' ixib' ru ka'winaq taqe.22Re' taqe i riih rumaam i Netofa, waqlaj roxk'ahl taqe.23Re' taqe i riih rumaam i Anatot, jinaj siento ruuk' waxiqiib' ru ka'winaq taqe.24Re' taqe i riih rumaam i Azmavet kiib' roxk'ahl taqe.25Re' taqe i kiih kimaam i Quiriat-jearim, i Cafira i Beerot, wuquub' siento ruuk' ixib' roxk'ahl taqe.26Re' taqe i kiih kimaam i Rama, i Geba waqiib' siento ruuk' jinaj ru ka'winaq taqe.27Re' taqe riih rumaam i Micmas, jinaj siento ruuk' kiib' ru ka'winaq, taqe.28Re' kiih kimaam i Bet-el, i Hai, kiib' siento ruuk' ixib' ru ka'winaq taqe.29Re' taqe riih rumaam i Nebo, kab'laj roxk'ahl taqe.30Re' taqe i riih rumaam i Magbis, jinaj siento ruuk' waqlaj roxk'ahl taqe.31Re' taqe i riih rumaam i Elam jinaj chik, jinaj miil ruuk' kiib' siento ruuk' kajlaj roxk'ahl taqe.32Re' taqe riih rumaam i Harim, ixib' siento ruuk' juninaq taqe.33Re' taqe kiih kimaam i Lod, i Hadid, i Ono, wuquub' siento ruuk' ho'oob' ru ka'winaq taqe.34Re' taqe i riih rumaam i Jericó, ixib' siento ruuk' ho'oob' roxk'ahl taqe.35Re' taqe i riih rumaam i Senaa, ixib' miil ruuk' waqiib' siento ruuk' lajeeb' ru ka'winaq taqe.36Re' taqe i k'amal kib'eeh aj tiij re' ruuk' taqe i riih rumaam Jedaías, re' ruuk' taqe i Jesua b'elejeeb' siento ruuk' oxlaj ru kajwinaq taqe.37Re' taqe i riih rumaam i Imer, jinaj miil ruuk' kab'laj roxk'ahl taqe.38Re' taqe i riih rumaam i Pasur jinaj miil ruuk' kiib' siento ruuk' wuquub' roxk'ahl taqe.39Re' taqe i riih rumaam Harim jinaj miil ruuk' wuqlaj taqe.40Re' taqe i aj Levíta Jesúa, re' ruuk' taqe Cadmiel, re' wo' ruuk' i taqe i riih rumaam i Hadavías kajlaj rukajwinaq taqe.41Eh re' taqe i aj tz'uyineel re' ruuk' taqe riih rumaam i Asaf jinaj siento ruuk' waxiqiib' ru ka'winaq taqe.42Re' taqe i kicha'jinik reh i ru puertahiil i rupaat i Dios re' ruuk' taqe i riih rumaam i Salum, i Ater, i Talmón, i Acub, i Hatita, i Sabai, jinaj siento ruuk' b'elejlaj ru ka'winaq taqe.43Re' taqe i kikamanik parupaat i Dios re' taqe i kiih kimaam Sihá, i Hasufa, i Tobaot,44i Queros, i Siaha, i Padón,45i Lebana, i Hagaba, i Acub,46Hagab, i Salmai, i Hanán,47i Gidel, i Gahar, i Reaía,48Re' taqe i kiih kimaam Rezín, Necoda, i Gazam,49Re' taqe i kiih kimaam i Uza, i Paseah, i Besai,50Re' kiih kimaam i Asena, i Meunim, Nefusim.51Re' kiih kimaam i Bacbuc, i Hacufa, i Harhur,52Re' kiih kimaam Bazlut, i Mehída, i Harsa.53Re' taqe i kiih kimaam i Barcos, i Sisara, i Tema.54Re' taqe i kiih kimaam Nezía, Hatifa.55Re' taqe i kiih kimaam taqe i xi kamanik ruuk' i reey Salomón, re' ruuk' taqe i kiih kimaam Sotai i Soferet, i Peruda.56Re' taqe kiih kimaam i Jaala, i Darcón, i Gidel.57Re' taqe i kiih kimaam i Sefatías, i Hatil, i Poqueret-hazebaim, i Ami.58Eh chu'nchel i xi kamanik chupaam i rupaat i Dios, re' taqe i kiih kimaam i xi kamanik ruuk' i Salomón ach waxiqiib' ma' kijib' siento taqe.59Re' taqe i wili xi chalik Tel-mela, i Tel-harsa, Querub, Addán, Imer, eh re' taqe i ma' eht'alimaj taj mi re' ruuk' taqe i aj Israel oon ma' re' taj re' taqe wili:60Re' taqe i kiih kimaam i Delaía, i Tobías, i Necoda, waqiib' siento ruuk' kab'laj roxk'ahl taqe.61Re' taqe i kiih kimaam i k'amal kib'eeh aj tiij re' taqe wili: Re' i riih Habaía re' taqe i riih i Cos, re' taqe i riih rumaam i Barzilai, re' i xub'an kaxáro ruuk' jinaj ixoq re' ruuk' taqe i rixq'uun i Barzilai aj Galaad, xukoj i rub'ihnaal chi je' rukab' i kib'ihnaal i keh.62Re' taqe re', xsik'arik i kib'ihnaal i kimaam kati't panhuuj, chi ma' xkan taj i kib'ihnaal ruum aj re' ma' xikojarik ta chi k'amal kib'eeh aj tiij.63Eh re' intaaq'anik chupaam i tinamit xuq'or chi ma' naa ta kik'uxum keh i k'uxumb'al kuxisamaj ko wilik jino'q i kajaaw i k'amal kib'eeh aj tiij narusik'wiik chi riij chi rukojom i Urim reh chi ruk'ux je' wo' hoq i Tumim.64Eh chu'nchel i tinamit xkimol cho kiib' xi chalik Jerusaleem, kiib' roxk'ahl miil ruuk' ixib' siento ruuk' oxk'ahl taqe.65Eh chi ma' xi ajaljik ta haa' taqe i kimoso chi winaq chi ixoq wuquub' miil ruuk' ixib' siento ruuk' wuqlaj ru ka'winaq chi kiib'. Eh ma' xi ajaljik ta wo' haa' taqe kaj tz'uyineel chi winaq chi ixoq kiib' siento chi kiib'.66Eh wuq'uub' siento ruuk' waqlaj ru ka'winaq i ki imas kawáyu, eh kiib' siento ruuk' ho'oob' roxk'ahl i ki ixoq kawáyu.67Eh kijib' siento ruuk' ho'lajuuj ru ka'winaq i kicameyo, eh waqiib' miil ruuk' wuquub' siento ruuk' juninaq i kib'uruux.68Eh wilik taqe i kik'amwik kib'eeh i ju'jun chi patineel noq xi ponik Jerusaleem xponik kiq'asaj i kimayiij reh chi naa wo' chik rukorjiik chi korik i rupaat i Dios chupaam i ye'aab' korjinaq wii' pampeet.69Eh xkiyeew nik' kihaal i xkian ruye'ariik, yejemb'al reh chi korik i rupaat i Dios. Jinaj miil ruuk' lajeeb' ru ka'winaq libra i oro. Eh hoob' miil libra i plata, jinaj siento i kiso' i k'amal kib'eeh aj tiij xkiyeew.70Wilik taqe i aj Israel xi kahnik chi patinik ar Jerusaleem, wilik wo' taqe i k'amal kib'eeh aj tiij, taqe i aj Levíta xi kahnik ar. Eh re' taqe i kaj tz'uyineel re' taqe i kicha'jinik reh i ru puertahiil i rupaat i Dios, je' wo' taqe i ruk'ihaal aj Israel xi kahnik chi patinik pam kitinamiit chi kiju'junaal. Xkiyejaa' wo' chik i artaal loq'oomb'al reh i Dios1Noq wuquub' chik poh kisutinik chaloq i aj Israel wilkeeb' chik pan kitinamiit chi kiju'junaal, chu'nchel i tinamit xkimol wo' chik kiib' Jerusaleem.2Eh re' i Jesúa i rak'uun i Josadac, eh taqe i k'amal kib'eeh aj tiij taqe i kik'uliil, eh i Zorobabel rak'uun i Salatiel, taqe i ma' tokoom ta ruuk' xtohq'ik kiyejaam i ru artaal i qaDios i hoj, hoj aj Israel. Reh chi xkik'at i mayijimaj chikop chinaah, je' rukab' i ruq'or i k'uhb'aal ye'ooj ree Moisés raj kamanoom i Dios.3Eh xkiyejaa' i artaal aha' naq wilik pampeet ruum kiyo'jik kuum i tinamit wilkeeb' wach ak'al, xkik'at i mayijimaj chikop chinaah i artaal re' re', rajlaal wahq'eq, rajlaal xq'eq, ye'b'al ruloq'il i QaJaaw Dios.4Eh xkian ninq'iij reh kok' perpat, je' wo' rukab' i tz'ihb'amaj rehtaliil reh i t'iosinik chuwach i Dios, reh chi xiko'ljik. Eh rajlaal wo' q'iij inkiq'asaj chi mayiij i k'atoj chikop, je' rukab' i kanamaj rub'aan, eh paruq'ijil wo' xkian.5Eh kiq'asaj wo' hoq i k'atoj chikop chi kimayiij i re' i okrinaq taqe chi ye'arik eqal eqal inki q'aasaj, je' wo' hoq i mayiij reh i ak' poh, je' wo' hoq i k'atoj mayiij reh i nimaq wach ninq'iij loq'oomb'al reh i QaJaaw Dios, je' wo' i mayiij xan chalik pankik'ux ruye'ariik.6Eh pank'amb'al rub'eeh i ruwuuq poh xkitoq'aa' ruye'ariik i k'atoj chikop chi kimayiij loq'oomb'al reh i QaJaaw Dios atoob' ta komajaa' inkitoq'aa' ruyejeb'jiik i rupaat i Dios.7Eh kitoj wo' taqe i aj tz'aqool, je' wo' taqe i aj sehk, xkiyeew wo' kiwa' kihaa', kaseite i aj Tiro, i aj Sidón, reh chi naa kik'amam chaloq i holohaq chee' chakaltee' wilik ar Líbano. Reh chi xkik'am chaloq Jope nah palaw, je' rukab' i xye'arik q'ab' keh ruum Ciro kireey i aj Persia. Re' noq xtohq'ik wo' chik rukorb'eesjiik chi korik i rupaat i Dios8Eh parukab' poh reh i rukab' haab' kik'uliik iloq parupaat i Dios Jerusaleem i aj Israel noq xi elik cho Babilonia re' i Zorobabel rak'uun i Salariel, re' Jesúa rak'uun i Josadac re' taqe i k'amal kib'eeh aj tiij, taqe i aj Levíta taqe i xi sutinik chaloq xi okik chi ruyejeb'jiik i rupaat i Dios. Eh re' taqe i aj Levíta ik'inaq taqe juninaq haab' xkikanaa' chi rilariik i kamanik re' re'.9Re' taqe i xi k'amwik kib'eeh i xiyej-anik reh i rupaat i Dios je' wili kib'ihnaal: Jesúa ruch'ihil taqe rak'uun, re' taqe ma' tokoom ta ruuk', re' Cadmiel rak'uun Jodavias re' taqe i rak'uun, re' Henadad, re' taqe rak'uun, re' taqe ma' tokoom ta ruuk'. Chu'nchel i re' aj Levíta taqe.10Eh noq xkikoj raa' i rupaat i QaJaaw Dios taqe i aj tz'aqool, re' taqe i k'amal kib'eeh aj tiij xkikoj chikiij i kiso' inkikoj parukamaj Dios, eh wilik kituun pan kiq'ab'. Eh re' taqe i aj Levíta i riih taqe Asaf xkiq'ojej i kipulato q'ooj chi loq'oomb'al reh i QaJaaw Dios. Xkian wo' hoq je' rukab' i ruq'orom kahnoq i David wihinaq chi reyil Israel.11Wilik taqe i xkian kitz'uuy chi loq'oomb'al reh i QaJaaw Dios, eh chi, je' wili i xkiq'or: Qat'iosej taq i rotob'il i QaJaaw Dios ruum re' reh q'e' atoob', eh juneliik i ruketelaaj qawach i hoj, hoj aj Israel, inki taqe. Eh chu'nchel i tinamit suq kik'ux k'erlik kichii' chulooq'jiik Dios ruum k'ahchi' rukojariik chee raa' i rupaat i QaJaaw Dios.12Eh ma' k'isiin taqe i k'amal kib'eeh aj tiij re' ruuk' taqe i aj Levíta mama' winaq chik taqe i k'amal kib'eeh i ju'jun chi patineel xi ilwik reh i rupaat i Dios xwihik cho pampeet noq xkilow chi k'ahchi' rokiik i raa' i rupaat i Dios xak'erik chik kichii' chi oq'ik. Eh ma' k'isiin wo' taqe i k'erik kichii' ruum i rusuqkiil kik'ux.13Eh chi najt i nib'irjik chee oq'ik inki a'n xa re' la' ma' xkireq ta chi riij i tinamit awach taqe i k'erik kichii' ruum i rusuqkiil kik'ux, eh awach i oq'ik inki a'n. Re' taqe i aj ixowan kiwach i aj Israel xkaaj naq kiyojom wach i ruyejeb'jiik i rupaat i Dios1Eh noq re' taqe i nixowanik kiwach i aj Judá, i aj Benjamín xkib'iraj rib'iral chi re' taqe i xi sutinik cho pan tokoom tinamit k'ahchi' wo' chik kiyejaam i rupaat i Dios i qaDios i hoj, hoj aj Israel.2Re' keh xiooj ruuk' i Zorobabel ruuk' i Josúa, kuuk' k'amal kib'eeh i ju'jun chi patineel je' wili i xkiq'or:
Re' hoj inqaaj chi nee taq tiqatow chi rutinamiit i rupaat i Dios, ruum re' hoj inqayeew wo' ruloq'il taq aaDios je' rukab' i na a'n taq i hat. Eh inqaq'asaj wo' qamayiij chuwach i Dios, xa re' wo' rokiik cho chi reyil Asiria i Esar-hadón re' i xtaaq'anik cho qeh ayu', inki taqe.3Eh re' i Zorobabel, i Josúa, ruch'ihil taqe i k'amal kib'eeh i ju'jun ch'uq chi patineel je' wili i chaq'wik xkian:
Ma' chih taj ma' nee ta ruyeew riib' chi nee taq ti okik haa' chub'anariik wili. Re' i rupaat i qaDios i hoj, i hoj aj Israel, xa re' hoj aj Israel naa qayej-aniik reh ruum je' re' i xuq'or i Ciro kireey i aj Persia, inki taqe.4Je' re' noq re' taqe i aj ixowaal wilkeeb' chupaam i ye'aab' re' re' xtohq'ik kiyojom kik'ux taqe i aj Judá reh chi naa ruchaliik kiyo'jiik reh naq chi naa kikanaam ruyejeb'jiik i rupaat i QaJaaw Dios.5Re' taqe i aj ixowaal xkiyeew rutumiin taqe i kitaaq'anik chupaam i tinamit reh naq chi ma' naa ta kiye'em q'ab' keh i aj Israel chi naa kiyejaam i rupaat i Dios. Eh re' taqe i aj taq'oom xkinimaj i xkiq'or i aj ixowaal nik' najtiil xwihik chi reyil i Ciro ar Persia korehtaal chik xokik chi reyil i Dario ar Persia.6Eh noq xokik chi reyil ar i Asuero re' taqe i aj ixowaal xkitz'ihb'aaj i kimahk taqe i aj Judá, eh taqe i aj Jerusaleem.7Noq re' chik i Artajerjes wilik chi reyil Persia, re' Bislam, re' i Mitrídates, re' Tabeel, je' wo' kuch'ihil xkitz'ihb'aaj jinaj i huuj pan kiq'oral i aj arameo, eh xkiq'asaj pan kiq'oral i aj Persa, eh xkiq'asaj reh i Artajerjes.8Eh re' i Rehum i kajaaw i soldado, re' i Simsai i aj tz'ihb', xkitz'ihb'aaj jinaj i huuj kojb'al kimahk i aj Jerusaleem xkiq'asaj reh i Artajerjes.9Chupaam i q'iij re' re', wilik i xkitz'ihb'aaj reje jinaj i huuj i Rahum i kajaaw soldado, re' i Simsai, re' i aj tz'ihb', kuch'ihil taqe i q'atal q'orik, je' wo' taqe i kitaaq'anik chinaah i Persia, re' taqe i aj Erec, re' taqe i aj Babilonia, re' taqe aj Susa, iraaj ruq'orom chi re' taqe i aj elamita.10Eh kuch'ihil taqe i tokoom tinamit xitaq'ab'jik cho chi wihik Samaria ruum i Asnapar nim rajaawriik. Eh ruch'ihil taqe i k'amal b'eeh wilkeeb' chi juntar i nim ha' Éufrates.11Eh je' wili i ruq'or chupaam i huuj xkiq'asaj:
Hat reey Artajerjes re' hoj, i hoj awaj kamanoom wilkooj ayu' chi juntar i nim ha' inqataq'aaj rusuqkiil ak'ux.12Re' hat qajaaw reey inqaaj chi neenanab'eej chi re' taqe i aj Judío xi elik cho chupaam aatinamiit xi k'uloq Jerusaleem xtohq'ik wo' chik kiyejaam i tinamit yiib' wach kina'ojb'al, ma' kinimanik taj, xtohq'ik wo' chik kiyejaam i koraal tz'aq, xtohq'ik wo' chik kikojom i raa'.13Re' i hat reey inqaaj chi neenanab'eej chi wila' xkiyejaa' wo' chik chi korik i tinamit, wila' xkiyejaa' wo' chik i koraal tz'aq chi riij, re' taqe i tinamit ma' xta chik i neenkaaj kitojom riij. Wila' xkian i je' re' ma' k'isiin i tumiin nee naq'eb' i hat qareey.14Ruum chi re' hoj, k'ahchi'kooj atoob'eem ma' xata naa qilom chi ma' naa ta kinimam aak'uhb'aal i hat reey. Ruum aj re' inqataq'aaj ruq'orariik aweh taqe wili.15Re' hat qajaaw reey neerub'an chi neenasik' chupaam i huuj, ar neenareq chib'ih i xk'ularik cho chikiwach aamaam awati't. Ar neenareq chi re' taqe i tinamit Jerusaleem xa keh chi ma' kinimanik taj, eh ma' holohik taj i kina'ojb'al. Re' re' k'axik i ruk'am cho cha weh i hat, je' wo' chi keh i tinamit ruum yiib' wach i kina'ojb'al, re' re' sacharik wach i kitinamiit najtir.16Re' hoj qajaaw reey inqaq'or aweh chi wila' xkorjik wo' chik chi korik i tinamit, eh wila' xkorjik wo' chik i koraal tz'aq chi riij. Eh ma' nee ta chik inkaaj wihik chi ri'sil awajaawriik taqe i wilkeeb' ayu' chi juntar i nim ha' Éufrates, inki taqe reje panhuuj.17Noq xrib'iraj chi je' re' i reey Artajerjes, je' wili i xutaq'aaj ruq'orariik keh:
Re' hin nutz'ihb'aaj i huuj wili reh i Rehum i kajaaw soldado, reh i Simsai i aj tz'ihb', keh i kuch'ihil wilkeeb' Samaria, je' wo' keh i wilkeeb' chi juntar i nim ha'. Re' ta naq i suq kiil k'uxliis neen wihik taq awuuk'.18Re' huuj taq xataq'aaj cho weh x-ilarik chik wach chi nuwach.19Eh xnutaq'aaj ruq'orariik chi xsik'arik panhuuj, xkan wo' ar chi re' taqe i tinamit re' re' xama' inkinimaj ta wo' taqe i reey wihinaq taqe chaloq najtir, eh inkiq'at wach i kiq'oral i reey.20Eh Jerusaleem xi wihik wo' naq chee reey xti wilik kajaawriik, xwihik kajaawriik chi taaq'anik chikinaah i tinamit wilkeeb' ar chi juntar i nim ha' Éufrates, inkitoj riij chu'nchel i xa chib'ih jariik i wilik keh.21Je' re' noq re' hin i nuqor taq aweh i hat jinaj i k'uhb'aal chi cha q'or taq keh i winaq re' re' chi kipab'aa' i kamanik, kikanaa' ruyejeb'jiik i tinamit kore' chik i hin naa nuq'oriik jaruuj inkorjik.22Inwaaj i hin chi nee taq i na a'n chi korik i nuq'or taq aweh, maa yeew taq q'ab' chi nenooj chi nimaal i ti' k'axik chi qanaah i hoj i wilkooj chi reyil, inki reje.23Eh noq x-ilarik wach i huuj xutaq'aaj reje i reey Artajerjes chuwach i Rehum, chuwach i Simsai i aj tz'ihb', chikiwach i kuch'ihil. Re' keh kajimam kiib' xiooj Jerusaleem, pank'aah xkiq'or reh taqe i aj Judío chi kipab'aa' i kamanik xkitoq'aa' rub'aan.24Je' aj re' noq xkikanaa' i kamanoom ruyejeb'jiik i rupaat i Dios ar Jerusaleem. Korehtaal chik xponik parukab' haab' rokiik chi reyil i Dario ar Persia. Re' ruyejeb'jiik chi korik i rupaat i Dios1Re' taqe i jalal ruq'oral i Dios Hageo, i Zacarías rak'uun i Iddo xkiq'or reh taqe aj Judío wilkeeb' Judá, wilkeeb' Jerusaleem i xq'orarik keh ruum i qaDios i hoj, i hoj aj Israel re' i wilik kuuk'.2Noq xkib'iraj chi je' re' i Zorobabel rak'uun i Salatiel, ruch'ihil i Jesúa i rak'uun i Josadoc xi okik wo' chik chi kamanik ruka'peech chi rutinamiit i rupaat i Dios ar Jerusaleem. Eh re' taqe i jalal ruq'oral i Dios wilik i koq kuuk' chi kitoob'jiik.3Eh chupaam taqe q'iij re' re', re' i Tatnai re' i wilik chi taaq'anik i wilik wii' i nim ha' Éufrates ruch'ihil i Setar-boznai, haa' taqe i kuch'ihil junch'uq xi k'uloq kuuk' i kamanoom, je' wili i xkiq'or: ¿Awach taq xq'orik aweh chi xatokik wo' chik taq chi rutinamiit i rupaat i Dios, je' wo' hoq i koraal tz'aq? inki taqe.4Eh xkipahqaaj wo' chi je' wili: ¿Chib'ih kib'ihnaal i k'ahchi' keeb' chi rutinamiit taqe i wili? inki taqe.5Xa re' la', re' i QaJaaw Dios k'ahchi' rutoob'iniik keh i k'amal kib'eeh taqe i aj Judío, ruum aj re' ma' xkikanaa' taj i kamanik, korehtaal xkitaq'aaj reje ruq'orariik chi huuj reh i reey Dario reh chi naa ruchaq'weem chaloq mi neenkikanaa' i kamanik oon ma' nee ta nkikanaa'.6Re' Tatnai re' wilik chi taaq'anik chupaam i ye'aab' wilik reje parookb'aal q'iij chi juntar i nim ha' Éufrates, ruch'ihil Setar-boznai, haa' taqe i kuch'ihil xkitaq'aaj reje ruhuuj i reey Dario.7Je' wili i ruq'or chupaam:
Re' hat qajaaw reey Dario re' hoj inq'ataq'aaj reje rusuqkiil ak'ux.8Re' hoj inq'ataq'aaj reje ruq'orariik aweh chi xoj ponik chupaam i ye'aab' Judá xqilow chi k'ahchi' kiyejaam i rupaat i Dios nim rajaawriik, eh ruuk' i nimaq taq ab'aj, k'ahchi' kiyejaam. Eh k'ahchi' kib'urum i koq kiwach i tz'aq ruuk' taqe i holohaq chee' k'ahchi' kinik'eem kiq'iij chi kamanik, eh holohik k'ahchi' reliik chikiwach.9Re' hoj xqapahqaaj keh i k'amal kib'eeh i aj Judío chi awach xye'wik q'ab' keh chi xkitoq'aa' wo' chik ruyejeb'jiik rupaat i Dios, eh chi xkikoj i koq i holohaq chee' chuwach i tz'aq.10Eh xqapahqaaj wo' hoq chib'ih kib'ihnaal i k'ahchi' keeb' chi kamanik reh naq chi naa qataq'aam reje ruq'orariik i kib'ihnaal.11Re' keh je' wili i chaq'wik xkian:
Re' hoj, hoj raj kamanoom i QaJaaw Dios nim rajaawriik chikinaah i wilkeeb' pan taxaaj i je' wo' chikinaah i wilkeeb' wach ak'al. Re' reh k'ahchi' qayejaam i rupaat, re' wo' hoq i xuyejaa' kahnoq najtir i jinaj i runimaal wach reey wihinaq cho Israel.12Re' taqe i qamaam qati't xkijosaj wach i rujosq'iil i Dios wilik cho pan taxaaj, je' aj re' noq re' QaJaaw Dios xuq'asaj taqe pan q'ab' i Nabucodonosor i kireey i aj Babilonia, eh aj Caldeo. Re' i reey re' re' xyojwik reh i rupaat i Dios, eh xuk'am taqe reje i Babilonia i qamaam qati't.13Eh koq'uun chik noq jinaj chik haab' i rokiik chi reyil Babilonia i Ciro xuq'or chi naa wo' chik ruyejeb'jiik chi korik i rupaat i Dios.14Eh xuq'or wo' hoq i reey i Ciro chi xelik chaloq taqe i kulk, re' ruuk' i plata, i oro chupaam i rupaat taqe i tiyoox wilik Babilonia, re' taqe i xresaj reje i Nabucodonosor chupaam i rupaat i Dios ar Jerusaleem. Re' taqe i kulk re' re' xuq'asaj reh i Sesbasar, re' i Ciro xupab'aa' chi taaq'anik chikinaah aj Judá.15Eh je' wili i xuq'or i Ciro reh i Sesbasar: Chawesaj taqe i kulk nenooj aq'asaj chupaam i rupaat i Dios ar Jerusaleem, neenaq'or chi ar wo' chik neen korjik i rupaat i Dios aha' xkorjik wii' pampeet, inki.16Je' aj re' noq re' i Sesbasar xchalik Jerusaleem xukoj i raa' i rupaat i QaJaaw Dios. Ar aj xtohq'ik cho ruyejeb'jiik i rupaat i Dios, eh xakomajaa' ta wo' inkuxik ruyejeb'jiik.17Je' re' noq re' hoj qajaaw reey inqapahqaaj aweh chi sik'aroq chupaam i huuj molik chupaam i paat i na a'n wii' i taaq'anik ar Babilonia. Ar neenasik' chi riij mi korik chi re' reey Ciro, xataaq'anik ruq'orariik chi naa wo' chik rukorjiik i rupaat i Dios. Eh inqaaj chi nee naa taq'aaj cho ruq'orariik qeh aha' wilik inawaaj chi neenqa'an, inki taqe.1Eh re' reey Dario xutaq'aaj wo' rusik'ariik i huuj chupaam i paat i rub'an wii' i taaq'anik ar Babilonia.2Eh xponik wo' kireq i junb'oht chi huuj ar Acmeta chupaam i paat i rub'an wii' i taaq'anik i reey wilik paruyuq'ul Media je' wili i ruq'or i tz'ihb'amaj chupaam:3Pampeet haab' rokiik chi reyil i Ciro xukoj i k'uhb'aal chi riij i rupaat i Dios wilik Jerusaleem je' wili xuq'or: Chakoj taq i raa' i rupaat i Dios naa wo' chik taq ayejaam chi korik, reh chi ar naa ruq'ahteesjiik i mayiij. Eh lajeeb' ru ka'winaq b'ara runimaal wach, eh lajeeb' wo' ru ka'winaq b'ara runajtiil naah taq naa a'nam.4Noq naa taq ayejaam i tz'aq, oxlok' i nimaq ab'aj, junlok' i chee' ko ak' taq naa akojom, eh re' i tumiin naa rusachariik chi riij taqe re', re' reey naa rutojwiik.5Eh re' taqe kulk re' ruuk' i oro, i plata resam choo parupaat i Dios Jerusaleem i Nabucodonosor i xuk'am cho Babilonia, naa wo' chik ruk'amariik reje Jerusaleem naa wo' chik ruye'ariik parupaat i Dios, chupaam i ruye'aab', inki chupaam i huuj.6Je' aj re' noq re' reey Dario, je' wili i xuq'or reh i Tatnai i wilik chi taaq'anik chikinaah i tinamit wilkeeb' chi juntar i nim ha' je' wo' reh Setar-boznai, je' wo' keh i ruch'ihil chi taaq'anik. Eleen taq reje Jerusaleem.7Chakanaa' taq i wilik chi taaq'anik chinaah i tinamit Judá, je' wo' taqe i k'amal kib'eeh i xiyej-anik reh i peet i rupaat i Dios chupaam i ye'aab' korjinaq wii' pampeet.8Re' hin xin ye'wik taq aweh i k'uhb'aal nik' wach noq naa taq atoob'eem taqe i k'amal kib'eeh i aj Judío reh chi neenkiyejaa' i rupaat i Dios. Ruuk' i tooj naa ruchaliik taq awuuk' juntar i nim ha' Éufrates. Eh naa taq aye'em reh i reey re' re' naa ruye'ariik keh i kamanoom rajlaal, toob'al keh reh chi ma' nee ta pa'lojik i kamanik.9Eh re' taqe i k'amal kib'eeh aj tiij wilkeeb' Jerusaleem eqal eqal naa ruye'ariik keh i chikop naa rukamaniik keh chi mayiij chuwach i QaJaaw Dios wilik pan taxaaj, re' taqe imas wakax, taqe imas tentzun, taqe i rak'uun tentzun, je' wo' hoq i trigo, riis uuva, aatz'aam, i aseite.10Reh chi naa kiq'asam chi holohik laj mayiij chuwach i QaJaaw Dios wilik pan taxaaj, reh chi neenkipahqaaj i rotob'il i Dios chi wiij i hin, hin reey, je' wo' chikiij taqe i wak'uun wixq'uun.11Eh awach i ma' nee ta runimaj i k'uhb'aal wili neenehteesjik jino'q i rib'ojal i rupaat chuwach i chee' re' re' neent'uyub'jik noq neenkanteesjik. Re' i rupaat naa rusahchiik wach chi jumpech.12Re' ta naq i QaJaaw Dios xsik'wik wach i Jerusaleem chi ruye'aab' neensachwik wach i reey, i tinamit nee raaj ruyojom i rupaat i Dios. Re' hin i reey Dario xin ye'wik reh i k'uhb'aal wili koruman chi naa runimjiik chi korik i xnuq'or, inki i reey. Kuxik ruyejeb'jiik i rupaat i Dios, eh xkiq'asaj pan q'ab' i Dios13Eh re' i Tatnai wilik chi taaq'anik chi juntar i nim ha' Éufrates, ruch'ihil i Setar-boznai, je' wo' kuch'ihil junch'uq xkian chi korik i k'uhb'aal xuq'or i reey Dario14Je' re' noq re' taqe i k'amal kib'eeh i aj Judío ma' xkipab'aa' taj i ruyejeb'jiik i rupaat i Dios, je' rukab' i xuq'or Hageo, i Zacarías rak'uun i Iddo. Re' rupaat i Dios xkuxik wo' ruyejeb'jiik, je' rukab' i ruq'orom i QaJaaw i qaDios i hoj, hoj aj Israel, je' wo' rukab' i xuq'or i Ciro, i Dario, i Artajerjes, re' taqe i xi wihik chi reyil Persia.15Re' i rupaat i QaJaaw Dios xkuxik ruyejeb'jiik chupaam i rukab' q'iij reh i rupohool i Adar, re' noq waqiib' chik haab' rokiik chi reyil i Dario ar Persia.16Re' taqe i aj Israel, taqe i k'amal kib'eeh aj tiij, taqe i aj Levíta, eh chu'nchel i xi k'amarik reje Babilonia xi sutinik wo' chik cho Jerusaleem pansuqkiil k'uxliis xkiq'asaj pan q'ab' i Dios i rupaat xkorjik.17Eh noq xkikuxisaj i rupaat i Dios xkiq'asaj chi kimayiij i jinaj siento chi imas wakax, kiib' siento imas tentzun, kijib' siento i rak'uun tentzun, eh kab'laj imas kaprax, ju'jun chikiij i ju'jun ch'uq chi aj Israel. Re' taqe re' xkiyeew chi kimayiij pahqb'al kuyb'al kimahk i aj Israel.18Eh xkiyeew pan kiye'aab' taqe i k'amal kib'eeh aj tiij reh i kamanik, xkiyeew wo' pan kiye'aab' taqe i aj Levíta reh chi naa kianam i kikamaj chi kiju'junaal ar Jerusaleem, je' rukab' i k'uhb'aal tz'ihb'amaj chupaam i ruhuuj i Moisés.19Eh chu'nchel i aj Israel xi sutinik wo' chik cho Jerusaleem xkininq'ijeej i elik chaloq Egipto chupaam i kajlaj rub'eeh i peet poh reh i haab' re' re'.20Re' taqe i k'amal kib'eeh aj tiij, taqe aj Levíta kisaqb'isam chik kiib' noq xkininq'ijeej i elik chaloq Egipto, xkiq'asaj i mayijimaj chikop chu'nchel i xi sutinik wo' chik cho Jerusaleem. Eh pahqb'al wo' kuyb'al kimahk i kuch k'amal kib'eeh aj tiij junch'uq, eh pahqb'al wo' kuyb'al kimahk i keh.21Eh xkian kiwa' reh i runinq'ijiik i elik chaloq Egipto chu'nchel i aj Israel, xi sutinik wo' chik cho Jerusaleem, re' taqe i k'amooj reje Babilonia. Eh xkian wo' kiwa' haa' taqe i ma' re' ta aj Judío i xkikanaa' rub'aan i ch'uwa' wach na'ojb'al inki a'n i tinamit. Eh xkian jinaj wach kik'ux kuuk' i aj Judío chi rusik'ariik i QaJaaw i qaDios i hoj, i hoj aj Israel22Eh wuquub' q'iij xkininq'ijeej ruuk' suq kiil k'uxliis, eh xkik'ux i kaxlanwi'k ma' kojooj ta ch'amb'esb'al reh. Je' re' noq xye'arik cho rusuqkiil kik'ux ruum i Dios, re' reh xye'wik q'ab' chi xitoob'jik cho ruum i kireey i aj Persia ruuk' i ruyejeb'jiik chi korik i rupaat i qaDios i hoj, i hoj aj Israel. Re' Esdras haa' taqe i ruch'ihil xiooj k'oloq Jerusaleem1Noq xwihik Artajerjes chi reyil Persia xwihik chee jinaj winaq Esdras rub'ihnaal. Re' reh rak'uun i Seraías, re' Seraías rak'uun i Azarías, re' Azarías rak'uun i Hilcías.2Re' Hilcías re' re' rak'uun i Salum. Re' Salum rak'uun i Sadoc. Re' Sadoc rak'uun i Ahitob.3Re' Ahitob rak'uun i Amarías. Re' Amarías rak'uun i Azarías. Re' Azarías rak'uun i Meraiot.4Re' Meraiot rak'uun i Zeraías. Re' Zeraías rak'uun i Uzi. Re' Uzi rak'uun i Buqui.5Re' Buqui rak'uun i Abisúa. Re' Abisúa rak'uun i Fineses. Re' Fineses rak'uun i Eleazar. Re' Eleazar rak'uun i Aarón, re' peet k'amal kib'eeh aj tiij.6Eh re' i Esdras re' re' rutijem riib' chi korik ruuk' i k'uhb'aal ye'ooj reh i Moisés ruum i QaJaaw Dios, re' qaDios i hoj, hoj aj Israel. Ruum chi re' i QaJaaw Dios xtoob'inik reh i Esdras chu'nchel i xupahqaaj reh i reey Artajerjes xye'arik reh. Re' Esdras xelik cho Babilonia xchalik Jerusaleem.7Eh noq wuquub' chik haab' rokiik chi reyil i Artajerjes, wilik taqe i aj Israel xi sutinik cho chi riij Jerusaleem, wilik taqe i k'amal kib'eeh aj tiij, wilik taqe i aj Levíta, wilik taqe i aj tz'uyineel, wilik taqe i kicha'jinik reh taqe i ru puertahiil i rupaat i Dios, wilik taqe i kikamanik chupaam i rupaat i Dios.8Eh chupaam i roo' poh reh i ruwuuq haab' rokiik chi reyil i Artajerjes noq xponik Jerusaleem i Esdras.9Ruum re' i Esdras chupaam i k'amb'al rub'eeh i peet poh reh i haab' re' re' xelik cho Babilonia. Eh xponik Jerusaleem chupaam i k'amb'al rub'eeh roo' poh, eh re' i QaJaaw Dios xwihik ruuk' chi rutoob'jiik.10Re' Esdras xuyeew ruk'ux chutijiik chub'anariik i ruq'or i k'uhb'aal xq'orarik reh ruum i QaJaaw Dios. Eh xuyeew wo' ruk'ux chi k'uhtjiik keh i aj Israel i tz'ihb'amaj chupaam i ruk'uhb'aal i Dios.11Re' Esdras k'amal kib'eeh aj tiij, aj tz'ihb', rutijem riib' chi korik ruuk' chu'nchel i ruk'uhb'aal xq'orarik keh i aj Israel, je' wili i ruq'or i huuj xye'arik reh ruum i reey Artajerjes:12Re' hin i reey Artajerjes nim wajaawriik chikinaah taqe i reey. Re' hat Esdras k'amal kib'eeh aj tiij atijem wiib' ruuk' chu'nchel i ruk'uhb'aal i Dios wilik cho pan taxaaj, i nutaq'aaj reje rusuqkiil ak'ux.13Re' hin i xnuyeew jinaj i k'uhb'aal chi chu'nchel i aj Israel wilkeeb' chi ri'sil i wajaawriik, re' taqe i k'amal kib'eeh aj tiij, taqe i aj Levíta wila' inkaaj ojik Jerusaleem, neerub'an chi nee kiooj chawiij.14Ruum re' hin i reey wuch'ihil taqe i wuquub' chi kojol nuna'ojb'al k'ahchi' nutaaq'aniik taq reje aweh chi rilariik chib'ih jariik i k'ahchi' Judá, je' wo' Jerusaleem, eh mi k'ahchi' rub'aan aha' wilik i ruq'or i ruk'uhb'aal i Dios wilik panaq'ab'.15Eh re' i plata, i oro, xchalik panuk'ux ruye'ariik i hin, hin reey je' wo' xchalik pankik'ux ruye'ariik taqe i wuquub' chi kojol nuna'ojb'al neenuk'am reje, nee naq'asaj parupaat i QaJaaw i qaDios i hoj, hoj aj Israel ar Jerusaleem.16Eh re' plata, i oro, neenamol wach chupaam i ruyuq'ul i Babilonia. Eh re' taqe i naakisihim i tinamit, i naakisihim i k'amal kib'eeh aj tiij, naa ak'amam reje chi yejemb'al reh i rupaat i Dios ar Jerusaleem.17Ruuk' wo' tumiin re' re' naa aloq'om taqe kok' imas wakax, je' wo' taqe imas tentzun, je' wo' taqe i tentzun, je' wo' taqe i wach i tik xa chi naq'wach, je' wo' hoq i riis uuva. Re' taqe re' naa aq'asam taq chi amayiij chinaah i artaal wilik parupaat taq aaWaJaaw aaDios wilik Jerusaleem.18Eh re' i ruqox i oro, i plata, re' hat haa' taqe awuch'ihil cha a'n taq ruuk' chib'ih inawaaj taq i hat, xa re' la' je'-oq rukab' iraaj i QaJaaw Dios.19Eh re' taqe i kulk q'ahteesjik aweh inkamanik parukamaj i Dios chaq'asaj wo' chik i hat chupaam i rupaat i Dios ar Jerusaleem.20Wila' chib'ih chik jariik i xkamanik taq aweh chupaam i rupaat i Dios neerub'an chi nee taq inaloq' ruuk' i tumiin neenuyeew i hin, inki reey.21Re' hin i reey Artajerjes k'achi' nuye'em i k'uhb'aal wili keh i molol tumiin wilkeeb' chi juntar i nim ha' Éufrates chi kiyeew chi jumehq'iil chib'ih i neenapahqaaj i hat Esdras. Re' hat k'amal kib'eeh aj tiij atijem awiib' chi korik ruuk' chu'nchel i ruk'uhb'aal i Dios wilik cho pan taxaaj.22Neenkiyeew i kab'laj miil ruuk' ho'oob' siento kintaal chi plata, eh kiib' ru ka'winaq miil pajb'al i trigo, eh kiib' miil ruuk' kiib' siento nimaq lemeta i riis uuva, eh kiib' miil ruuk' kiib' siento nimaq lemeta i aseite, re' aatz'aam naakiye'em chi ma' pajooj taj.23Eh chu'nchel i rupahqaaj i Dios wilik cho pan taxaaj neen kamanik reh i rupaat, ajwaal wach chi naa ruye'ariik chi jumehq'iil. Reh chi ma' nee ta nchalik i ti' k'axik chikinaah i wilkeeb' chi ri'sil i wajaawriik, je' wo' chikinaah i wak'uun wixq'uun i hin.24Eh i nuq'or wo' hoq chi ma' naa ta kitojom riij i chib'ih keh chu'nchel i k'amal kib'eeh aj tiij, je' wo' taqe i aj Levíta, je' wo' taqe i aj tz'uyineel, je' wo' taqe i kicha'jinik reh taqe i ru puertahiil i rupaat i Dios. Eh ma' naa ta wo' rupahqaljiik i tooj keh i kikamanik chupaam i rupaat i Dios.25Eh re' hat Esdras ruuk' ana'ojb'al ruye'em aaDios chapab'aa' taqe i q'atal q'orik chapab'aa' wo' taqe i aj taq'oom chikinaah chu'nchel i tinamit wilkeeb' chi juntar i nim ha' Éufrates. Re' taqe i naa apab'aam koruman chi keht'al-oq chi korik taqe i ruk'uhb'aal aaDios, eh wila' ma' keht'al koruman chi naa ak'uhtaam keh.26Eh awach i ma' xub'an chi korik i ruk'uhb'aal aaDios, je' wo' nuk'uhb'aal i hin inchol ruq'atariik i q'orik chinaah chi jumehq'iil neenkanteesjik, oon neenehteesjik reje parutinamiit, oon neerutoj riij chi tumiin i ru mahk, inki reey. Re' Esdras xub'an rutiij27Eh re' Esdras xub'an rutiij je' wili xuq'or: Neeta naq inye'arik ruloq'il i QaJaaw re' ki Dios qamaam qati't, ruum re' reh xye'wik reh paránima i reey chi xuyeew ruloq'il i rupaat i Dios wilik Jerusaleem.28Ruum wo' hoq chi xirutoob'eej i hin, noq wilkiin chuwach i reey, je' wo' chikiwach i kojol runa'ojb'al, je' wo' chikiwach i nimaq kiwach kikamanik ruuk' i reey, xuyeew rukowiil nuk'ux. Eh ruuk' wo' rotob'il i Dios xnub'an rumolariik kiwach taqe i aj Israel nimaq kiwach reh chi naa kojiik chi wiij Jerusaleem, inki. Re' wili i kib'ihnaal i xi sutinik wo' chik cho Jerusaleem ruch'ihil i Esdras1Re' Esdras je' wili xuq'or: Re' wili i kib'ihnaal taqe i k'amal kib'eeh i ju'jun chi patineel, i xi chalik chi wiij noq xinelik cho Babilonia, noq wilik chi reyil i Artajerjes:2Re' xk'amwik cho kib'eeh i riih rumaam i Fineses re' Gersón. Re' xk'amwik cho kib'eeh i riih rumaam i Tamar, re' i Daniel. Re' xk'amwik cho kib'eeh i riih rumaam David, re' i Hatús.3Re' xk'amwik cho kib'eeh i riih rumaam i Secanías, ruch'ihil taqe i riih rumaam i Paros, re' i Zacarías. Eh wilik taqe i ma' tokoom ta ruuk' i Paros ruch'ihil jinaj siento ruuk' lajeeb' roxk'ahl taqe chi winaq.4Re' xk'amwik cho kib'eeh i riih rumaam Pahat-moab, re' Elioenai rak'uun Zacarías, ruch'ihil taqe i kiib' siento chi winaq.5Re' xk'amwik cho kib'eeh i riih rumaam, re' Secanías rak'uun i Jahaziel, ruch'ihil taqe ixib' siento chi winaq.6Re' i xk'amwik cho kib'eeh i riih rumaam i Adín, re' i Ebed rak'uun i Jonatán, ruch'ihil taqe i lajeeb' roxk'ahl chi winaq.7Re' xk'amwik cho kib'eeh i riih rumaam i Elam, re' i Jesaías rak'uun i Atalías, ruch'ihil taqe i lajeeb' ru kajwinaq chi winaq.8Re' xk'amwik cho kib'eeh i riih rumaam i Sefatías, re' i Zebadías rak'uun i Micael, ruch'ihil taqe i kajwinaq chi winaq.9Re' xk'amwik cho kib'eeh i riih rumaam i Joab, re' i Obadías rak'uun i Jehiel, ruch'ihil taqe i kiib' siento ruuk' waxaqlaj chi winaq.10Re' k'amwik cho kib'eeh i riih rumaam i Selomit, re' i rak'uun i Josifías, ruch'ihil taqe i jinaj siento ruuk' oxk'ahl chi winaq.11Re' xk'amwik cho kib'eeh i riih rumaam i Bebai, re' i Zacarías rak'uun i Bebai ruch'ihil taqe i waxiqiib' ru ka'winaq chi winaq.12Re' k'amwik cho kib'eeh i riih rumaam i Azgad, re' i Johanán rak'uun i Hacatán, ruch'ihil taqe i jinaj siento ruuk' lajeeb' chi winaq.13Re' xk'amwik cho kib'eeh i riih rumaam i Adonicam je' wili kib'ihnaal: Elifelet, Jeiel, Semaías, re' xi wihik koq'uun, kuch'ihil taqe i oxk'ahl chi winaq.14Re' xk'amwik cho kib'eeh i riih rumaam Bigvai, re' i Utai, i Zabud, kuch'ihil taqe i kijib' ru kajwinaq chi winaq.15Ar qamol qiib' chi chii' i nim ha' Ahava, wuch'ihil taqe i xi chalik chiqiij, eh ixib' q'iij xoj kahnik ar. Eh noq xnusik' chi kixilak i tinamit, chi kixilak i k'amal kib'eeh aj tiij taqe i aj Levíta, ma' jino'q i xnureq.16Je' re' noq re' hin xnuyuq'eej taqe i Eliezer, Ariel, i Semaías, i Elnatán, i Jarib, i Elnatán jinaj chik, i Zacarías, i Mesulam. Re' taqe winaq re' re' k'amal b'eeh taqe. Eh xnuyuq'eej wo' taqe Joiarib, i Elnatán, re' taqe re' aj tijoom.17Eh xnutaq'aaj taqe reje ruuk' i Iddo, re' k'amal b'eeh chupaam i ye'aab' Casifia. Eh xnuq'or reje keh chib'ih i naa kiq'orom ponoq reh i Iddo, je' wo' naa kiq'orom pookeh i ruch'ihil, re' taqe i kikamanik chupaam i rupaat i Dios wilik ar Casifia. Re' hin xnutaq'aaj taqe ar reh chi naa kik'amam cho qeh taqe i naakikamaniik chupaam i rupaat i Dios.18Ruum chi re' Dios xtoob'inik qeh xkireq chaloq i Serabías, reh chi xchalik chi kamanik, jinaj winaq holohik runa'ojb'al, re' ruuk' taqe i riih rumaam i Mahli aj Levíta. Eh xchalik ruch'ihil taqe i rak'uun, ruch'ihil taqe i ras, waxaqlaj chi kiib.19Eh xkik'am wo' cho qeh i Hasabías i Jesaías re' ruuk' taqe i riih rumaam i Merari, xi chalik wo' haa' i kas, haa' taqe i kak'uun xponik juninaq chi kiib'.20Eh xkik'am wo' cho qeh i kiib' siento ruuk' juninaq xi kamanik chupaam i rupaat i Dios re' ruuk' taqe i kiih kimaam i rupab'aam kahnoq i reey David, xukoj taqe chi kito'ariik i aj Levíta chi kamanik chupaam i rupaat i Dios. Eh tz'ihb'amaj i kib'ihnaal chi kiju'junaal.21Eh chi chii' i rooq haa' Ahava xnuq'or keh chi naa qa'nam qatiij chi ma' qa'nam ta qawa' chi naa qaloch'om qiib' chuwach i QaJaaw Dios. Reh chi xqapahqaaj reh chi xojrutoob'eej, chi ma' xta xqak'ul panqab'eeh i hoj, je' wo' taqe i kok' qaha'lak'uun, je' wo' taqe chib'ih qeh.22Je' re' xqa'an ruum re' hin xink'ixik chupahqaljiik reh reey taqe i soldado rij kawáyu kib'ehik reh chi xooj kiko'leej naq pan kiq'ab' i aj ixowaal wach b'eeh. Ruum wo' hoq chi qaq'orom chik ree reey chi re' i Dios intoob'inik keh awach i kinimanik reh i Dios. Eh ruyeew chee rujosq'iil i Dios chikinaah inkiq'eb' chi riij kik'ux i reh, kinki reh.23Je' aj re' noq xooj okik chi tiij chi ma' qa'nam ta qawa' qahaa', xqapahqaaj reh chu'nchel i re' xuyeew wo' qeh.24Eh jumehq'iil xnusik' kiwach i kab'laj chi k'amal kib'eeh aj tiij. Re' i Serebías, re' i Hasabías, eh lajeeb' chik i kuch'ihil.25Re' hin xnupaj xnuq'asaj keh i plata, i oro, taqe i kulk inkamanik parukamaj i Dios, re' taqe i ruq'asam chi rumayiij i reey reh i QaJaaw Dios, je' wo' i xkiyeew taqe i kojol nuna'ojb'al, i xkiyeew i nimaq wach kikamaj ruuk' i reey, i xkiyeew chu'nchel i aj Israel wilkeeb' ar.26Eh je' wili k'ihaal i xpajarik xnuq'asaj keh: Jinaj ru ka'winaq miil ruuk' kiib' siento ruuk' lajeeb' roxk'ahl pajb'al i plata, ixib' miil ruuk' ixib' siento pajb'al i oro, jinaj siento pajb'al i kulk re' ruuk' i plata inkamanik parukamaj i Dios.27Eh juninaq i kulk re' ruuk' i oro, waqlaj libra rahliil waxiqiib' pajb'al, kiib' i kulk re' ruuk' i q'an ch'ihch' xiik' naah holwochiil xan worwotik chik xa je' chik oro, xiik' naah k'ihaal tz'aaq'.28Chi riij i re' je' wili i xnuq'or keh: Re' taq i hat, hat taq q'asamaj pan q'ab' i QaJaaw Dios, je' rukab' taqe i kulk wili, taqe plata, taqe oro xq'ahteesjik chi mayiij chuwach i ki Dios i qamaam qati't.29Chawilow, chamol taq chi korik, korehtaal impajarik chikiwach i kajaaw i k'amal kib'eeh aj tiij, chikiwach i aj Levíta. Eh chikiwach i k'amal kib'eeh i ju'jun chi patineel wilkeeb' Jerusaleem. Ar taq neenapaj chupaam i rupaat i Dios, kinki keh.30Eh re' taqe i k'amal kib'eeh aj tiij xkik'ul wo' hoq i plata, oro, je' wo' taqe i kulk, noq pajooj chik taqe reh chi xkik'am cho chupaam i rupaat i QaJaaw Dios Jerusaleem.31Eh chupaam i k'amb'al rub'eeh i poh reh i haab' re' re' xoj ooj cho chi chii' i nim ha' Ahava, xoj chalik Jerusaleem. Eh re' i QaJaaw Dios xoj rutoob'eej, xoj ruko'leej wo' pan kiq'ab' i aj ixowaal yiib' wach kina'ojb'al wilkeeb' naq panqab'eeh.32Eh noq xoj k'ulik Jerusaleem ixib' q'iij xoj hi'lik.33Eh parukaaj q'iij i oro, i plata, je' wo' taqe i kulk chupaam i rupaat i QaJaaw Dios. Chu'nchel i re' xq'ahteesjik reh i k'amal kib'eeh aj tiij Meremol rub'ihnaal rak'uun i Urías, ruch'ihil i Eleazar rak'uun i Finees, ruch'ihil taqe i aj Levíta Jozabad i Jesúa, eh ruch'ihil i Noadías rak'uun i Binúi.34Eh xa chupaam wo' q'iij re' re' xkipaj xkajlaaj, eh xkitz'ihb'aaj nik' k'ihaal xelik chikiwach i xkik'am chaloq, eh xkiq'asaj.35Eh re' taqe aj Israel xi elik cho Babilonia xi chalik Jerusaleem xkik'at chi kimayiij taqe i chikop chuwach i QaJaaw Dios. Eh kab'laj chi kok' imas wakax i xkiq'asaj pankib'ihnaal i kab'laj ch'uq chi tinamit Israel, waqiib' chik ma' jinaj siento taqe imas tentzun, wuqlaj ru kajwinaq taqe i rak'uun tentzun, eh kab'laj taqe imas kaprax, re' taqe re' xkiq'asaj chi mayiij chuwach i QaJaaw Dios.36Eh xkiq'asaj keh i k'uhb'aal xuyeew i reey, xkiq'asaj wo' keh i wilkeeb' chi taaq'anik chupaam taqe tinamit wilkeeb' chi juntar i nim ha' Éufrates. Re' i xi okik haa' chuyejeb'jiik i rupaat i QaJaaw Dios. Re' mahk xkian i aj Israel, re' rutiij i Esdras1Chi riij chik taqe re', re' taqe i k'amal kib'eeh i aj Israel xi chalik wuuk' je' wili xkiq'or weh: Wilik taqe i quch aj Israel, wilik taqe i k'amal kib'eeh aj tiij, wilik taqe i aj Levíta, k'ahchi' kianam keh i yiib' wach na'ojb'al inki a'n i aj cananeo, aj heteo, aj ferezeo, aj jebuseo, aj amonita, taqe aj moabita, taqe aj Egipto, taqe aj amorreo, eh xkian jinaj wach kik'ux kuuk'.2Re' keh, eh re' kak'uun xkian kaxáro kuuk' i kixq'uun taqe tinamit re' re'. Je' re' noq re' rusantolaj tinamiit i Dios, xkian jinaj wach kik'ux kuuk' i tokoom tinamit. Re' taqe i peet xib'anik reh taqe mahk wili re' taqe i k'amal b'eeh, re' taqe i wilkeeb' chi taaq'anik, inki taqe.3Eh noq xb'iraj taqe i q'orik wili xnuxih i nuso' chi wiij, xnuchuq i rismaal nunaah, xnichuq wo' wusinchii'. Eh xnutzunaa' wiib' wach ak'al chi xiik' naah ti'kiil nuk'ux.4Eh chu'nchel i re' xkimol kiib' wuuk' xchalik kiyo'jiik chi re' Dios naa ruye'em chee ti' k'axik chikinaah ruum i mahk k'ahchi' keeb' taqe i kuch aj Israel xi sutinik wo' chik cho Jerusaleem. Re' hin ma' k'isiin ti'kiil nuk'ux xa xin kahnik wo' ar chi tzunulkiin, korehtaal xureq i ora reh i ruye'ariik i mayiij ree xq'eq.5Eh chupaam i ru orahiil i ruye'ariik i mayiij ree xq'eq xin wuktik johtoq aha' naq tzunulkiin wii' chi ti' nuk'ux, xa koxiheel wo' nuso' chi wiij xnuxuk'aa' wiib' xnujosaj johtoq i nuq'ab' chub'aan i nutiij chuwach i QaJaaw Dios,6je' wili i xnuq'or: WaJaaw nuDios, re' hin insahchik nuk'ux yohb'aal wach i nuk'ixiik noq i nujosaj johtoq i nuwach chaq'orob'jiik, ruum xiik' naah i mahk inqa'an chawach. Eh xiik' naah i yiib' wach na'ojb'al inqa'an, imponik kopan taxaaj.7Xa je' wo' re' i mahk xkian chee qamaam qati't, eh xa ko je' wo' re' i k'ahchi'kooj i hoj yu'naak. Eh ruum chi xiik' naah i qamahk i hoj, je' wo' taqe i k'amal qab'eeh, taqe i k'amal kib'eeh aj tiij, taqe i qareey, xoj q'ahtesjik pan kiq'ab' i kireey i tokoom tinamit, xoj kichop xoj kik'am reje pan tokoom tinamit. Wilik qeh i xi kanteesjik ruuk' i q'aslaj ch'ihch', xkelq'aaj i chee chib'ih qeh, xkik'uhtaaj qak'ixb'ilaal, eh xa ko je' wo' re' i k'ahchi' qak'ulum yu'naak.8Xa re' la' yu'naak waJaaw nuDios xaketelaaj qawach ruum xoj ako'leej i hoj, hoj awak'uun awixq'uun nik' chik qak'ihaal i koxoj kahnik chi k'achalkooj. Eh xayeew wo' chik qa ye'aab' chupaam i santo laj ye'aab' aha' ma' xta naa qak'ulum, inak'uhtaaj chi qawach i qab'eeh, xoj ayeew chi hi'lik junk'aam-oq.9Atoob' ta wilkooj wo' naq chi ri'sil i rajaawriik i kireey i aj Persia, re' hat xama' xoj akanaa' ta wo' chi qutkeel. Eh chikiwach i reey xak'uhtaaj qeh awotob'il, xayeew qak'achariik reh chi naa wo' chik qayejaam aapaat, re' i yojoj cho najtir. Re' hat xat ko'linik qeh ayu' Judá, je' wo' Jerusaleem.10Xa re' la' yu'naak waJaaw nuDios ¿Chib'ih jariik i neenqaq'or chi riij i xa a'n cho quuk' re' re'? Re' hoj ma' xqa'an ta taqe i ruq'or aak'uhb'aal.11Re' i xaq'or keh taqe i jalal aq'oral, re' taqe awaj kamanoom. Re' keh xkiq'or qeh chib'ih i ruq'or chupaam aak'uhb'aal, xaq'or keh i qamaam qati't chi re' ye'aab' naa kojiik wii' chi wihik nujinaq chi ch'uwa' wach na'ojb'al ruum i yiib' wach na'ojb'al inki a'n i tinamit wilkeeb' ar.12Eh xaq'or chi re' taqe i qixq'uun i hoj ma' naa ta kianam kaxáro kuuk' kak'uun i tokoom tinamit re' re'. Eh chi ma' naa ta kianam kaxáro i qak'uun i hoj kuuk' i kixq'uun i keh. Eh chi ma' naa ta qawihiik pansuqkiil k'uxliis kuuk' ni xata naa qatoob'eem taqe reh chi nee kielik korik. Reh chi re' hoj naa ruwihiik qakowiil, eh chi naaqanam rusuqkiil i suq atoob' wilik chupaam i ye'aab' re' re', chi naa qakanaam kahnoq keh chi juneliik qiih qamaam.13Re' ti k'axik xqak'ul ruum i ma' holohik taj, ruum i runimaal mahk xqa'an. Xa re' la' re' hat QaJaaw Dios ma' xoj ayeew ta chutojariik i qamahk je' naq rukab' i ruk'ul chi qeh, ma' xkuxik ta asacham qawach.14¿Mi neerub'an yu'naak re' chi neenqaq'et wachej taqe aak'uhb'aal neeqa a'n qeh je' rukab' i xkian i tinamit re' re' yiib' wach i kina'ojb'al? ¿Mi ma' nee naq inchalik re' aajosq'iil ruum i qamahk mi ma' nee naq inkuxik asacham qawach re'?15QaJaaw Dios, qaDios i hoj, hoj aj Israel, re' hat korik wach ak'ux quuk' ruum juntzuhb' qeh i hoj i xoj akanaa' chi k'achalkooj yu'naak xoj ako'leej. Xti korik wo' hoq chi wilik qamahk chawach, je' re' noq ma' ruk'ul taj chi tiqaq'o'reej johtoq, inki parutiij i Esdras. Re' noq xi ehteesjik reje ixoq kichalik pan tokoom tinamit1Noq k'ahchi' chi tiij i Esdras xuklik chuwach i rupaat i QaJaaw Dios, ruuk' oq'ik k'ahchi' rupahqaam kuyb'al ru mahk i tinamit. Eh xi ponik ruuk' i juntzuhb' chi aj Israel xkikotej riij, chi winaq chi ixoq, chi ha'lak'un, oq'ik inki a'n ruum i ruti'kiil kik'ux.2Eh re' i Secanías rak'uun i Jehiel, riih rumaam i Elam, je' wili i xuq'or reh i Esdras: Xti korik wo' hoq chi xoj mahkunik chuwach i qaDios, ruum re' hoj xqa'an kaxáro kuuk' ixoq kichalik pan tokoom tinamit. Atoob' ta je' re' i xqa'an koneeruyeew riib' chi neenqako'leej qiib' i hoj, hoj aj Israel.3Re' hoj naaqayejaam wach ruuk' i QaJaaw Dios chi naa qataq'aam taqe reje i qehk'een kichalik pan tokoom tinamit, je' wo' taqe i qak'uun qixq'uun wilik kuuk'. Reh chi neenb'aan inaq'or qeh i hat, inkiq'or i kiyohlinik reh i ruk'uhb'aal i Dios. Neeta naq imb'aan taqe i ruq'or i ruk'uhb'aal i Dios.4Je' re' noq wukteen johtoq i hat Esdras, ruum re' taqe i wili re' hat naa ab'aniik reh. Eh re' hoj wilkooj chi atoob'jiik, chakowej ak'ux chub'anariik, chatoq'aa' rub'aan, inki.5Eh re' Esdras xwuktik johtoq, xuq'or keh i k'amal kib'eeh aj tiij, keh i aj Levíta, eh keh chu'nchel i aj Israel chi naa kiq'orom i xti korik chi naa kianam aha' wilik i xkiq'or. Eh re' keh xkiq'or wo' i xti korik chi naa kianam chu'nchel i xq'orarik.6Re' Esdras xelik reje chuwach i rupaat i Dios, xooj parupaat i Johanán rak'uun i Eliasib, re' ixrik'saj wii' i jinaj aq'ab' chi ma' rub'anam ta ruwa' ruhaa'. Ruum xiik' naah tz'irkiil wach ruum i mahk xkian i aj Israel i xi sutinik wo' chik cho Jerusaleem.7Chi riij i re' xutaq'aaj ruq'orariik keh i aj Judá, je' wo' keh i aj Jerusaleem, chi naa kimolom kiib' pan tinamit Jerusaleem, re' taqe i xi sutinik wo' chik cho Jerusaleem.8Eh re' taqe i wilik kajaawriik, ruch'ihil taqe i k'amal kib'eeh i aj Judío, xkimol wach i tinamit. Awach i ma' xponik taj chuwach ixib' q'iij naa ruq'uchariik i chib'ih reh, eh naa rehtesjiik reje chi kixilak i aj Israel xi sutinik wo' chik cho Jerusaleem.9Eh paroox q'iij chu'nchel i winaq i aj Judá, taqe i aj Benjamín, xkimol kiib' Jerusaleem chupaam i juninaq rub'eeh i rub'eleej poh reh i haab' re' re'. Eh chi kunchelaal xkitzunaa' kiib' chupaam i tehlik wilik chucheel i rupaat i Dios, eh xakib'arb'otik chik ruum kiyo'jiik, ruum i naakik'ulum, eh ruum i jab' k'ahchi' kik'ulum.10Eh re' i Esdras k'amal kib'eeh aj tiij xpa'lojik johtoq je' wili xuq'or keh:
Re' taq i hat xat mahkunik taq ruum xa a'n taq kaxáro kuuk' ixoq kichalik pan tokoom tinamit. Je' re' noq xakoj taq ruman amahk i hat taq aj Israel.11Eh yu'naak cha pahqaaj taq kuyb'al amahk chuwach i QaJaaw Dios, ki Dios chaloq i qamaam qati't. Cha a'n taq iraaj i reh, chawesaj taq awiib' chi kixilak ma' kinimanik ta ree Dios, chach'aq taq awiib' kuuk' ixoq kichalik pan tokoom tinamit, inki.12Eh chu'nchel i tinamit kimolom kiib' ar, xkik'er kichii' chuq'orariik chi je' wili:
Neen qa'an je' rukab' i xaq'or i hat.13Xa re' la' re' hoj xiik' naah qak'ihaal wilkooj ayu' rij paat chuwach i runimaal jab', ma' nee ta rub'an chi neenqayejaa' wach ayu' ruum ma' nee ta nkorjik wach ruuk' i jinaj q'iij, ni xata ruuk' i kiib' q'iij, ruum xiik' naah qak'ihaal xoj b'anik reh taqe mahk re' re'.14Noq inqaq'or i hoj chi nee naq i rub'an chi xa re' taqe i k'amal qab'eeh nee kikahnik ayu', re' keh neekiq'orik chiqiij. Eh awach taqe i kianam kaxáro kuuk' ixoq aj pan tokoom tinamit, neerub'an chi nee kichalik chupaam chik jino'q i q'iij neen q'orarik keh. Neekichalik i wilkeeb' chupaam i ju'jun chi tinamit kuch'ihil taqe i q'atal q'orik, kuch'ihil taqe i wilkeeb' chi taaq'anik chupaam i kitinamiit, reh chi nee nelik i rujosq'iil i QaJaaw Dios chi qanaah, inki taqe.15Eh re' Jonatán i rak'uun i Asael, Jahazías rak'uun i Ticva, eh kiib' keh i aj Levíta, re' Mesulam, re' i Sabetai, ma' xuk'ul ta kik'ux i xkiq'or i tinamit, xa re' wo' re' ma' xuk'ul ta kik'ux.16Eh xb'aan wo' hoq i xkiq'or i tinamit. Re' i Esdras i k'amal kib'eeh aj tiij xusik' kiwach i winaq xtoob'inik keh. Re' taqe ink'amwik kib'eeh i ju'jun chi patineel, eh xiyuq'ub'jik ruuk' i kib'ihnaal chi kiju'junaal, pank'amb'al rub'eeh i ru lajeeb' poh reh i haab' re' re'. Re' keh xkisik' chi riij nik' wach noq wilkeeb' i tinamit.17Eh re' noq xuk'am rub'eeh i peet poh reh i haab' jinaj chik xkikohlaaj rusik'ariik chi riij awach taqe i winaq kianam kaxáro kuuk' ixoq kichalik pan tokoom tinamit.18Re' taqe i k'amal kib'eeh aj tiij kianam kaxáro kuuk' ixoq kichalik pan tokoom tinamit re' taqe wili:
Re' taqe i riih rumaam i Jesúa, rak'uun i Josadac, eh chi kixilak taqe i ruchaaq' re' taqe wili: Re' i Maasías, re' i Eliezer, re' i Jarib, re' i Jeladias.19Re' keh xkiq'or i xti korik chi naa kich'aqam kiib' ruuk' i kehk'een. Eh jinaj imas tentzun xkiq'asaj chi kimayiij pahqb'al kuyb'al kimahk chi riij taqe mahk xkian re' re'.20Eh chi kixilak taqe i riih rumaam i Imir, je' wili kib'ihnaal: Hanani, Zebadías.21Eh chi kixilak i riih rumaam i Harim je' wili kib'ihnaal: Maasías, Elías, Semaías, Jehiel, re' Uzías.22Eh chi kixilak i riih rumaam i Pasur je' wili kib'ihnaal: Elioenai, Maasías, Ismael, Natanael, Jozabad, Elasa.23Eh chi kixilak i riih rumaam i Leví je' wili kib'ihnaal: Jozabad, Simei, Kelaia, (re' wo' Kelita) Petaías, Judá, Eliezer.24Eh chi kixilak i aj tz'uyineel re' Eliasib. Eh chi kixilak taqe i kicha'jinik reh i ookb'al reh i rupaat i Dios je' wili kib'ihnaal: Salum, Telem, Uri.25Eh chi kixilak taqe i aj Israel xkian keh i mahk, re' taqe riih rumaam i Paros je' wili kib'ihnaal:
Ramia, Jezaías, Malquías, Senaias.26Eh chi kixilak i riih rumaam i Elam je' wili kib'ihnaal: Matanías, Zacarías, Jehiel, Abdi, Jeremot, Elías.27Eh chi kixilak i riih rumaam i Zatu je' wili kib'ihnaal: Elioenai, Eliasib, Matanías, Jeremot, Zabad, Aziza.28Eh chi kixilak i riih rumaam i Bebai je' wili kib'ihnaal: Johanán, Hananías, Zabai, Atlai.29Eh chi kixilak i riih rumaam i Bani je' wili kib'ihnaal: Mesulam, Meluc Adaía, Jasud, Seal, Ramot.30Eh chi kixilak i riih rumaam i Pahat-moab, je' wili kib'ihnaal: Adna, Quelal, Benaía, Maasías, Matanías, Bezaleel, Binúi Manasés.31Eh chi kixilak i riih rumaam i Harim je' wili kib'ihnaal: Eliezer, Isías, Malquías, Semaías, Simeón,32Benjamín, Maluc, Semarías.33Eh chi kixilak i riih rumaam i Hasum je' wili kib'ihnaal: Matenai, Matatá, Zabad, Elifelet, Jeremai, Manasés, Simei.34Eh chi kixilak i riih rumaam i Bani je' wili kib'ihnaal: Madai, Amram, Uel,35Benaía, Bedías, Queluhi,36Vanías, Meremot, Eliasib,37Matanías Matenai, Jaasai,38Eh chi kixilak i riih rumaam i Binúi je' wili kib'ihnaal: Simei39Selemías, Natán, Adaía,40Macnadebai, Sasai, Sarai,41Azareel, Selemías, Semarías,42Salum, Amarías, José.43Eh chi kixilak i riih rumaam i Nebo je' wili kib'ihnaal: Jeiel, Matatías, Zabad, Zebina, Jadau, Joel, re' Benaía.44Chu'nchel taqe winaq re' re' kianam kaxáro kuuk' ixoq aj pan tokoom tinamit, xa re' la' xkich'aq reje i kehk'een, je' wo' taqe i kak'uun kixq'uun.
Zorobabel, Jesúa, Nehemías, Seraías, Reelaias, Mardoqueo, Bilsán, Mizpar, Bigvai, Rehum, Baana, je' wili kik'ihaal i winaq aj Israel xi chalik:3Re' taqe i riih rumaam i Paros, kiib' miil ruuk' jinaj siento ruuk' kab'laj ru kajwinaq taqe.4Re' taqe i riih rumaam i Sefatías ixib' siento ruuk' kab'laj ru kajwinaq taqe.5Re' taqe i riih rumaam i Ara wuquub' siento ruuk' ho'lajuuj ru kajwinaq taqe.6Re' taqe i riih rumaam i Pahat-moab, re' ruuk' taqe chaloq i Jeúsa, i Joab kiib' miil ruuk' waxiqiib' siento ruuk' kab'laj taqe.7Re' taqe i riih rumaam i Elam, kiib' miil ruuk' kiib' siento ruuk' kajlaj roxk'ahl taqe.8Re' taqe i riih rumaam i Zatu, b'elejeeb' siento ruuk' hoob' roxk'ahl taqe.9Re' taqe riih rumaam Zacai, wuquub' siento ruuk' oxk'ahl taqe.10Re' taqe i riih rumaam Bini, waqiib' siento ruuk' kiib' roxk'ahl taqe.11Re' taqe riih rumaam i Bebai, waqiib' siento ruuk' ixib' ru ka'winaq taqe.12Re' taqe riih rumaam i Azgad, jinaj miil ruuk' kiib' siento ruuk' kiib' ru ka'winaq taqe.13Re' taqe i riih rumaam i Adonicam waqiib' siento ruuk' waqiib' ru kajwinaq taqe.14Re' taqe i riih rumaam i Bigvai, kiib' miil ruuk' waqlaj roxk'ahl taqe.15Re' taqe i riih rumaam i Adín, kijib' siento ruuk' kajlaj roxk'ahl taqe.16Re' taqe i riih rumaam i Ater, re' ruuk' taqe Ezequías kiib' chik ma' jinaj siento taqe.17Re' taqe riih rumaam i Bezai, ixib' siento ruuk' ixib' ru ka'winaq taqe.18Re' taqe riih rumaam i Jora jinaj siento ruuk' kab'laj taqe.19Re' taqe i riih rumaam Hasum, kiib' siento ruuk' ixib' ru ka'winaq taqe.20Re' taqe i riih rumaam i Gibar ho'oob' chik ma' jinaj siento taqe.21Re' taqe i riih rumaam i Belén jinaj siento ruuk' ixib' ru ka'winaq taqe.22Re' taqe i riih rumaam i Netofa, waqlaj roxk'ahl taqe.23Re' taqe i riih rumaam i Anatot, jinaj siento ruuk' waxiqiib' ru ka'winaq taqe.24Re' taqe i riih rumaam i Azmavet kiib' roxk'ahl taqe.25Re' taqe i kiih kimaam i Quiriat-jearim, i Cafira i Beerot, wuquub' siento ruuk' ixib' roxk'ahl taqe.26Re' taqe i kiih kimaam i Rama, i Geba waqiib' siento ruuk' jinaj ru ka'winaq taqe.27Re' taqe riih rumaam i Micmas, jinaj siento ruuk' kiib' ru ka'winaq, taqe.28Re' kiih kimaam i Bet-el, i Hai, kiib' siento ruuk' ixib' ru ka'winaq taqe.29Re' taqe riih rumaam i Nebo, kab'laj roxk'ahl taqe.30Re' taqe i riih rumaam i Magbis, jinaj siento ruuk' waqlaj roxk'ahl taqe.31Re' taqe i riih rumaam i Elam jinaj chik, jinaj miil ruuk' kiib' siento ruuk' kajlaj roxk'ahl taqe.32Re' taqe riih rumaam i Harim, ixib' siento ruuk' juninaq taqe.33Re' taqe kiih kimaam i Lod, i Hadid, i Ono, wuquub' siento ruuk' ho'oob' ru ka'winaq taqe.34Re' taqe i riih rumaam i Jericó, ixib' siento ruuk' ho'oob' roxk'ahl taqe.35Re' taqe i riih rumaam i Senaa, ixib' miil ruuk' waqiib' siento ruuk' lajeeb' ru ka'winaq taqe.36Re' taqe i k'amal kib'eeh aj tiij re' ruuk' taqe i riih rumaam Jedaías, re' ruuk' taqe i Jesua b'elejeeb' siento ruuk' oxlaj ru kajwinaq taqe.37Re' taqe i riih rumaam i Imer, jinaj miil ruuk' kab'laj roxk'ahl taqe.38Re' taqe i riih rumaam i Pasur jinaj miil ruuk' kiib' siento ruuk' wuquub' roxk'ahl taqe.39Re' taqe i riih rumaam Harim jinaj miil ruuk' wuqlaj taqe.40Re' taqe i aj Levíta Jesúa, re' ruuk' taqe Cadmiel, re' wo' ruuk' i taqe i riih rumaam i Hadavías kajlaj rukajwinaq taqe.41Eh re' taqe i aj tz'uyineel re' ruuk' taqe riih rumaam i Asaf jinaj siento ruuk' waxiqiib' ru ka'winaq taqe.42Re' taqe i kicha'jinik reh i ru puertahiil i rupaat i Dios re' ruuk' taqe i riih rumaam i Salum, i Ater, i Talmón, i Acub, i Hatita, i Sabai, jinaj siento ruuk' b'elejlaj ru ka'winaq taqe.43Re' taqe i kikamanik parupaat i Dios re' taqe i kiih kimaam Sihá, i Hasufa, i Tobaot,44i Queros, i Siaha, i Padón,45i Lebana, i Hagaba, i Acub,46Hagab, i Salmai, i Hanán,47i Gidel, i Gahar, i Reaía,48Re' taqe i kiih kimaam Rezín, Necoda, i Gazam,49Re' taqe i kiih kimaam i Uza, i Paseah, i Besai,50Re' kiih kimaam i Asena, i Meunim, Nefusim.51Re' kiih kimaam i Bacbuc, i Hacufa, i Harhur,52Re' kiih kimaam Bazlut, i Mehída, i Harsa.53Re' taqe i kiih kimaam i Barcos, i Sisara, i Tema.54Re' taqe i kiih kimaam Nezía, Hatifa.55Re' taqe i kiih kimaam taqe i xi kamanik ruuk' i reey Salomón, re' ruuk' taqe i kiih kimaam Sotai i Soferet, i Peruda.56Re' taqe kiih kimaam i Jaala, i Darcón, i Gidel.57Re' taqe i kiih kimaam i Sefatías, i Hatil, i Poqueret-hazebaim, i Ami.58Eh chu'nchel i xi kamanik chupaam i rupaat i Dios, re' taqe i kiih kimaam i xi kamanik ruuk' i Salomón ach waxiqiib' ma' kijib' siento taqe.59Re' taqe i wili xi chalik Tel-mela, i Tel-harsa, Querub, Addán, Imer, eh re' taqe i ma' eht'alimaj taj mi re' ruuk' taqe i aj Israel oon ma' re' taj re' taqe wili:60Re' taqe i kiih kimaam i Delaía, i Tobías, i Necoda, waqiib' siento ruuk' kab'laj roxk'ahl taqe.61Re' taqe i kiih kimaam i k'amal kib'eeh aj tiij re' taqe wili: Re' i riih Habaía re' taqe i riih i Cos, re' taqe i riih rumaam i Barzilai, re' i xub'an kaxáro ruuk' jinaj ixoq re' ruuk' taqe i rixq'uun i Barzilai aj Galaad, xukoj i rub'ihnaal chi je' rukab' i kib'ihnaal i keh.62Re' taqe re', xsik'arik i kib'ihnaal i kimaam kati't panhuuj, chi ma' xkan taj i kib'ihnaal ruum aj re' ma' xikojarik ta chi k'amal kib'eeh aj tiij.63Eh re' intaaq'anik chupaam i tinamit xuq'or chi ma' naa ta kik'uxum keh i k'uxumb'al kuxisamaj ko wilik jino'q i kajaaw i k'amal kib'eeh aj tiij narusik'wiik chi riij chi rukojom i Urim reh chi ruk'ux je' wo' hoq i Tumim.64Eh chu'nchel i tinamit xkimol cho kiib' xi chalik Jerusaleem, kiib' roxk'ahl miil ruuk' ixib' siento ruuk' oxk'ahl taqe.65Eh chi ma' xi ajaljik ta haa' taqe i kimoso chi winaq chi ixoq wuquub' miil ruuk' ixib' siento ruuk' wuqlaj ru ka'winaq chi kiib'. Eh ma' xi ajaljik ta wo' haa' taqe kaj tz'uyineel chi winaq chi ixoq kiib' siento chi kiib'.66Eh wuq'uub' siento ruuk' waqlaj ru ka'winaq i ki imas kawáyu, eh kiib' siento ruuk' ho'oob' roxk'ahl i ki ixoq kawáyu.67Eh kijib' siento ruuk' ho'lajuuj ru ka'winaq i kicameyo, eh waqiib' miil ruuk' wuquub' siento ruuk' juninaq i kib'uruux.68Eh wilik taqe i kik'amwik kib'eeh i ju'jun chi patineel noq xi ponik Jerusaleem xponik kiq'asaj i kimayiij reh chi naa wo' chik rukorjiik chi korik i rupaat i Dios chupaam i ye'aab' korjinaq wii' pampeet.69Eh xkiyeew nik' kihaal i xkian ruye'ariik, yejemb'al reh chi korik i rupaat i Dios. Jinaj miil ruuk' lajeeb' ru ka'winaq libra i oro. Eh hoob' miil libra i plata, jinaj siento i kiso' i k'amal kib'eeh aj tiij xkiyeew.70Wilik taqe i aj Israel xi kahnik chi patinik ar Jerusaleem, wilik wo' taqe i k'amal kib'eeh aj tiij, taqe i aj Levíta xi kahnik ar. Eh re' taqe i kaj tz'uyineel re' taqe i kicha'jinik reh i ru puertahiil i rupaat i Dios, je' wo' taqe i ruk'ihaal aj Israel xi kahnik chi patinik pam kitinamiit chi kiju'junaal. Xkiyejaa' wo' chik i artaal loq'oomb'al reh i Dios1Noq wuquub' chik poh kisutinik chaloq i aj Israel wilkeeb' chik pan kitinamiit chi kiju'junaal, chu'nchel i tinamit xkimol wo' chik kiib' Jerusaleem.2Eh re' i Jesúa i rak'uun i Josadac, eh taqe i k'amal kib'eeh aj tiij taqe i kik'uliil, eh i Zorobabel rak'uun i Salatiel, taqe i ma' tokoom ta ruuk' xtohq'ik kiyejaam i ru artaal i qaDios i hoj, hoj aj Israel. Reh chi xkik'at i mayijimaj chikop chinaah, je' rukab' i ruq'or i k'uhb'aal ye'ooj ree Moisés raj kamanoom i Dios.3Eh xkiyejaa' i artaal aha' naq wilik pampeet ruum kiyo'jik kuum i tinamit wilkeeb' wach ak'al, xkik'at i mayijimaj chikop chinaah i artaal re' re', rajlaal wahq'eq, rajlaal xq'eq, ye'b'al ruloq'il i QaJaaw Dios.4Eh xkian ninq'iij reh kok' perpat, je' wo' rukab' i tz'ihb'amaj rehtaliil reh i t'iosinik chuwach i Dios, reh chi xiko'ljik. Eh rajlaal wo' q'iij inkiq'asaj chi mayiij i k'atoj chikop, je' rukab' i kanamaj rub'aan, eh paruq'ijil wo' xkian.5Eh kiq'asaj wo' hoq i k'atoj chikop chi kimayiij i re' i okrinaq taqe chi ye'arik eqal eqal inki q'aasaj, je' wo' hoq i mayiij reh i ak' poh, je' wo' hoq i k'atoj mayiij reh i nimaq wach ninq'iij loq'oomb'al reh i QaJaaw Dios, je' wo' i mayiij xan chalik pankik'ux ruye'ariik.6Eh pank'amb'al rub'eeh i ruwuuq poh xkitoq'aa' ruye'ariik i k'atoj chikop chi kimayiij loq'oomb'al reh i QaJaaw Dios atoob' ta komajaa' inkitoq'aa' ruyejeb'jiik i rupaat i Dios.7Eh kitoj wo' taqe i aj tz'aqool, je' wo' taqe i aj sehk, xkiyeew wo' kiwa' kihaa', kaseite i aj Tiro, i aj Sidón, reh chi naa kik'amam chaloq i holohaq chee' chakaltee' wilik ar Líbano. Reh chi xkik'am chaloq Jope nah palaw, je' rukab' i xye'arik q'ab' keh ruum Ciro kireey i aj Persia. Re' noq xtohq'ik wo' chik rukorb'eesjiik chi korik i rupaat i Dios8Eh parukab' poh reh i rukab' haab' kik'uliik iloq parupaat i Dios Jerusaleem i aj Israel noq xi elik cho Babilonia re' i Zorobabel rak'uun i Salariel, re' Jesúa rak'uun i Josadac re' taqe i k'amal kib'eeh aj tiij, taqe i aj Levíta taqe i xi sutinik chaloq xi okik chi ruyejeb'jiik i rupaat i Dios. Eh re' taqe i aj Levíta ik'inaq taqe juninaq haab' xkikanaa' chi rilariik i kamanik re' re'.9Re' taqe i xi k'amwik kib'eeh i xiyej-anik reh i rupaat i Dios je' wili kib'ihnaal: Jesúa ruch'ihil taqe rak'uun, re' taqe ma' tokoom ta ruuk', re' Cadmiel rak'uun Jodavias re' taqe i rak'uun, re' Henadad, re' taqe rak'uun, re' taqe ma' tokoom ta ruuk'. Chu'nchel i re' aj Levíta taqe.10Eh noq xkikoj raa' i rupaat i QaJaaw Dios taqe i aj tz'aqool, re' taqe i k'amal kib'eeh aj tiij xkikoj chikiij i kiso' inkikoj parukamaj Dios, eh wilik kituun pan kiq'ab'. Eh re' taqe i aj Levíta i riih taqe Asaf xkiq'ojej i kipulato q'ooj chi loq'oomb'al reh i QaJaaw Dios. Xkian wo' hoq je' rukab' i ruq'orom kahnoq i David wihinaq chi reyil Israel.11Wilik taqe i xkian kitz'uuy chi loq'oomb'al reh i QaJaaw Dios, eh chi, je' wili i xkiq'or: Qat'iosej taq i rotob'il i QaJaaw Dios ruum re' reh q'e' atoob', eh juneliik i ruketelaaj qawach i hoj, hoj aj Israel, inki taqe. Eh chu'nchel i tinamit suq kik'ux k'erlik kichii' chulooq'jiik Dios ruum k'ahchi' rukojariik chee raa' i rupaat i QaJaaw Dios.12Eh ma' k'isiin taqe i k'amal kib'eeh aj tiij re' ruuk' taqe i aj Levíta mama' winaq chik taqe i k'amal kib'eeh i ju'jun chi patineel xi ilwik reh i rupaat i Dios xwihik cho pampeet noq xkilow chi k'ahchi' rokiik i raa' i rupaat i Dios xak'erik chik kichii' chi oq'ik. Eh ma' k'isiin wo' taqe i k'erik kichii' ruum i rusuqkiil kik'ux.13Eh chi najt i nib'irjik chee oq'ik inki a'n xa re' la' ma' xkireq ta chi riij i tinamit awach taqe i k'erik kichii' ruum i rusuqkiil kik'ux, eh awach i oq'ik inki a'n. Re' taqe i aj ixowan kiwach i aj Israel xkaaj naq kiyojom wach i ruyejeb'jiik i rupaat i Dios1Eh noq re' taqe i nixowanik kiwach i aj Judá, i aj Benjamín xkib'iraj rib'iral chi re' taqe i xi sutinik cho pan tokoom tinamit k'ahchi' wo' chik kiyejaam i rupaat i Dios i qaDios i hoj, hoj aj Israel.2Re' keh xiooj ruuk' i Zorobabel ruuk' i Josúa, kuuk' k'amal kib'eeh i ju'jun chi patineel je' wili i xkiq'or:
Re' hoj inqaaj chi nee taq tiqatow chi rutinamiit i rupaat i Dios, ruum re' hoj inqayeew wo' ruloq'il taq aaDios je' rukab' i na a'n taq i hat. Eh inqaq'asaj wo' qamayiij chuwach i Dios, xa re' wo' rokiik cho chi reyil Asiria i Esar-hadón re' i xtaaq'anik cho qeh ayu', inki taqe.3Eh re' i Zorobabel, i Josúa, ruch'ihil taqe i k'amal kib'eeh i ju'jun ch'uq chi patineel je' wili i chaq'wik xkian:
Ma' chih taj ma' nee ta ruyeew riib' chi nee taq ti okik haa' chub'anariik wili. Re' i rupaat i qaDios i hoj, i hoj aj Israel, xa re' hoj aj Israel naa qayej-aniik reh ruum je' re' i xuq'or i Ciro kireey i aj Persia, inki taqe.4Je' re' noq re' taqe i aj ixowaal wilkeeb' chupaam i ye'aab' re' re' xtohq'ik kiyojom kik'ux taqe i aj Judá reh chi naa ruchaliik kiyo'jiik reh naq chi naa kikanaam ruyejeb'jiik i rupaat i QaJaaw Dios.5Re' taqe i aj ixowaal xkiyeew rutumiin taqe i kitaaq'anik chupaam i tinamit reh naq chi ma' naa ta kiye'em q'ab' keh i aj Israel chi naa kiyejaam i rupaat i Dios. Eh re' taqe i aj taq'oom xkinimaj i xkiq'or i aj ixowaal nik' najtiil xwihik chi reyil i Ciro ar Persia korehtaal chik xokik chi reyil i Dario ar Persia.6Eh noq xokik chi reyil ar i Asuero re' taqe i aj ixowaal xkitz'ihb'aaj i kimahk taqe i aj Judá, eh taqe i aj Jerusaleem.7Noq re' chik i Artajerjes wilik chi reyil Persia, re' Bislam, re' i Mitrídates, re' Tabeel, je' wo' kuch'ihil xkitz'ihb'aaj jinaj i huuj pan kiq'oral i aj arameo, eh xkiq'asaj pan kiq'oral i aj Persa, eh xkiq'asaj reh i Artajerjes.8Eh re' i Rehum i kajaaw i soldado, re' i Simsai i aj tz'ihb', xkitz'ihb'aaj jinaj i huuj kojb'al kimahk i aj Jerusaleem xkiq'asaj reh i Artajerjes.9Chupaam i q'iij re' re', wilik i xkitz'ihb'aaj reje jinaj i huuj i Rahum i kajaaw soldado, re' i Simsai, re' i aj tz'ihb', kuch'ihil taqe i q'atal q'orik, je' wo' taqe i kitaaq'anik chinaah i Persia, re' taqe i aj Erec, re' taqe i aj Babilonia, re' taqe aj Susa, iraaj ruq'orom chi re' taqe i aj elamita.10Eh kuch'ihil taqe i tokoom tinamit xitaq'ab'jik cho chi wihik Samaria ruum i Asnapar nim rajaawriik. Eh ruch'ihil taqe i k'amal b'eeh wilkeeb' chi juntar i nim ha' Éufrates.11Eh je' wili i ruq'or chupaam i huuj xkiq'asaj:
Hat reey Artajerjes re' hoj, i hoj awaj kamanoom wilkooj ayu' chi juntar i nim ha' inqataq'aaj rusuqkiil ak'ux.12Re' hat qajaaw reey inqaaj chi neenanab'eej chi re' taqe i aj Judío xi elik cho chupaam aatinamiit xi k'uloq Jerusaleem xtohq'ik wo' chik kiyejaam i tinamit yiib' wach kina'ojb'al, ma' kinimanik taj, xtohq'ik wo' chik kiyejaam i koraal tz'aq, xtohq'ik wo' chik kikojom i raa'.13Re' i hat reey inqaaj chi neenanab'eej chi wila' xkiyejaa' wo' chik chi korik i tinamit, wila' xkiyejaa' wo' chik i koraal tz'aq chi riij, re' taqe i tinamit ma' xta chik i neenkaaj kitojom riij. Wila' xkian i je' re' ma' k'isiin i tumiin nee naq'eb' i hat qareey.14Ruum chi re' hoj, k'ahchi'kooj atoob'eem ma' xata naa qilom chi ma' naa ta kinimam aak'uhb'aal i hat reey. Ruum aj re' inqataq'aaj ruq'orariik aweh taqe wili.15Re' hat qajaaw reey neerub'an chi neenasik' chupaam i huuj, ar neenareq chib'ih i xk'ularik cho chikiwach aamaam awati't. Ar neenareq chi re' taqe i tinamit Jerusaleem xa keh chi ma' kinimanik taj, eh ma' holohik taj i kina'ojb'al. Re' re' k'axik i ruk'am cho cha weh i hat, je' wo' chi keh i tinamit ruum yiib' wach i kina'ojb'al, re' re' sacharik wach i kitinamiit najtir.16Re' hoj qajaaw reey inqaq'or aweh chi wila' xkorjik wo' chik chi korik i tinamit, eh wila' xkorjik wo' chik i koraal tz'aq chi riij. Eh ma' nee ta chik inkaaj wihik chi ri'sil awajaawriik taqe i wilkeeb' ayu' chi juntar i nim ha' Éufrates, inki taqe reje panhuuj.17Noq xrib'iraj chi je' re' i reey Artajerjes, je' wili i xutaq'aaj ruq'orariik keh:
Re' hin nutz'ihb'aaj i huuj wili reh i Rehum i kajaaw soldado, reh i Simsai i aj tz'ihb', keh i kuch'ihil wilkeeb' Samaria, je' wo' keh i wilkeeb' chi juntar i nim ha'. Re' ta naq i suq kiil k'uxliis neen wihik taq awuuk'.18Re' huuj taq xataq'aaj cho weh x-ilarik chik wach chi nuwach.19Eh xnutaq'aaj ruq'orariik chi xsik'arik panhuuj, xkan wo' ar chi re' taqe i tinamit re' re' xama' inkinimaj ta wo' taqe i reey wihinaq taqe chaloq najtir, eh inkiq'at wach i kiq'oral i reey.20Eh Jerusaleem xi wihik wo' naq chee reey xti wilik kajaawriik, xwihik kajaawriik chi taaq'anik chikinaah i tinamit wilkeeb' ar chi juntar i nim ha' Éufrates, inkitoj riij chu'nchel i xa chib'ih jariik i wilik keh.21Je' re' noq re' hin i nuqor taq aweh i hat jinaj i k'uhb'aal chi cha q'or taq keh i winaq re' re' chi kipab'aa' i kamanik, kikanaa' ruyejeb'jiik i tinamit kore' chik i hin naa nuq'oriik jaruuj inkorjik.22Inwaaj i hin chi nee taq i na a'n chi korik i nuq'or taq aweh, maa yeew taq q'ab' chi nenooj chi nimaal i ti' k'axik chi qanaah i hoj i wilkooj chi reyil, inki reje.23Eh noq x-ilarik wach i huuj xutaq'aaj reje i reey Artajerjes chuwach i Rehum, chuwach i Simsai i aj tz'ihb', chikiwach i kuch'ihil. Re' keh kajimam kiib' xiooj Jerusaleem, pank'aah xkiq'or reh taqe i aj Judío chi kipab'aa' i kamanik xkitoq'aa' rub'aan.24Je' aj re' noq xkikanaa' i kamanoom ruyejeb'jiik i rupaat i Dios ar Jerusaleem. Korehtaal chik xponik parukab' haab' rokiik chi reyil i Dario ar Persia. Re' ruyejeb'jiik chi korik i rupaat i Dios1Re' taqe i jalal ruq'oral i Dios Hageo, i Zacarías rak'uun i Iddo xkiq'or reh taqe aj Judío wilkeeb' Judá, wilkeeb' Jerusaleem i xq'orarik keh ruum i qaDios i hoj, i hoj aj Israel re' i wilik kuuk'.2Noq xkib'iraj chi je' re' i Zorobabel rak'uun i Salatiel, ruch'ihil i Jesúa i rak'uun i Josadoc xi okik wo' chik chi kamanik ruka'peech chi rutinamiit i rupaat i Dios ar Jerusaleem. Eh re' taqe i jalal ruq'oral i Dios wilik i koq kuuk' chi kitoob'jiik.3Eh chupaam taqe q'iij re' re', re' i Tatnai re' i wilik chi taaq'anik i wilik wii' i nim ha' Éufrates ruch'ihil i Setar-boznai, haa' taqe i kuch'ihil junch'uq xi k'uloq kuuk' i kamanoom, je' wili i xkiq'or: ¿Awach taq xq'orik aweh chi xatokik wo' chik taq chi rutinamiit i rupaat i Dios, je' wo' hoq i koraal tz'aq? inki taqe.4Eh xkipahqaaj wo' chi je' wili: ¿Chib'ih kib'ihnaal i k'ahchi' keeb' chi rutinamiit taqe i wili? inki taqe.5Xa re' la', re' i QaJaaw Dios k'ahchi' rutoob'iniik keh i k'amal kib'eeh taqe i aj Judío, ruum aj re' ma' xkikanaa' taj i kamanik, korehtaal xkitaq'aaj reje ruq'orariik chi huuj reh i reey Dario reh chi naa ruchaq'weem chaloq mi neenkikanaa' i kamanik oon ma' nee ta nkikanaa'.6Re' Tatnai re' wilik chi taaq'anik chupaam i ye'aab' wilik reje parookb'aal q'iij chi juntar i nim ha' Éufrates, ruch'ihil Setar-boznai, haa' taqe i kuch'ihil xkitaq'aaj reje ruhuuj i reey Dario.7Je' wili i ruq'or chupaam:
Re' hat qajaaw reey Dario re' hoj inq'ataq'aaj reje rusuqkiil ak'ux.8Re' hoj inq'ataq'aaj reje ruq'orariik aweh chi xoj ponik chupaam i ye'aab' Judá xqilow chi k'ahchi' kiyejaam i rupaat i Dios nim rajaawriik, eh ruuk' i nimaq taq ab'aj, k'ahchi' kiyejaam. Eh k'ahchi' kib'urum i koq kiwach i tz'aq ruuk' taqe i holohaq chee' k'ahchi' kinik'eem kiq'iij chi kamanik, eh holohik k'ahchi' reliik chikiwach.9Re' hoj xqapahqaaj keh i k'amal kib'eeh i aj Judío chi awach xye'wik q'ab' keh chi xkitoq'aa' wo' chik ruyejeb'jiik rupaat i Dios, eh chi xkikoj i koq i holohaq chee' chuwach i tz'aq.10Eh xqapahqaaj wo' hoq chib'ih kib'ihnaal i k'ahchi' keeb' chi kamanik reh naq chi naa qataq'aam reje ruq'orariik i kib'ihnaal.11Re' keh je' wili i chaq'wik xkian:
Re' hoj, hoj raj kamanoom i QaJaaw Dios nim rajaawriik chikinaah i wilkeeb' pan taxaaj i je' wo' chikinaah i wilkeeb' wach ak'al. Re' reh k'ahchi' qayejaam i rupaat, re' wo' hoq i xuyejaa' kahnoq najtir i jinaj i runimaal wach reey wihinaq cho Israel.12Re' taqe i qamaam qati't xkijosaj wach i rujosq'iil i Dios wilik cho pan taxaaj, je' aj re' noq re' QaJaaw Dios xuq'asaj taqe pan q'ab' i Nabucodonosor i kireey i aj Babilonia, eh aj Caldeo. Re' i reey re' re' xyojwik reh i rupaat i Dios, eh xuk'am taqe reje i Babilonia i qamaam qati't.13Eh koq'uun chik noq jinaj chik haab' i rokiik chi reyil Babilonia i Ciro xuq'or chi naa wo' chik ruyejeb'jiik chi korik i rupaat i Dios.14Eh xuq'or wo' hoq i reey i Ciro chi xelik chaloq taqe i kulk, re' ruuk' i plata, i oro chupaam i rupaat taqe i tiyoox wilik Babilonia, re' taqe i xresaj reje i Nabucodonosor chupaam i rupaat i Dios ar Jerusaleem. Re' taqe i kulk re' re' xuq'asaj reh i Sesbasar, re' i Ciro xupab'aa' chi taaq'anik chikinaah aj Judá.15Eh je' wili i xuq'or i Ciro reh i Sesbasar: Chawesaj taqe i kulk nenooj aq'asaj chupaam i rupaat i Dios ar Jerusaleem, neenaq'or chi ar wo' chik neen korjik i rupaat i Dios aha' xkorjik wii' pampeet, inki.16Je' aj re' noq re' i Sesbasar xchalik Jerusaleem xukoj i raa' i rupaat i QaJaaw Dios. Ar aj xtohq'ik cho ruyejeb'jiik i rupaat i Dios, eh xakomajaa' ta wo' inkuxik ruyejeb'jiik.17Je' re' noq re' hoj qajaaw reey inqapahqaaj aweh chi sik'aroq chupaam i huuj molik chupaam i paat i na a'n wii' i taaq'anik ar Babilonia. Ar neenasik' chi riij mi korik chi re' reey Ciro, xataaq'anik ruq'orariik chi naa wo' chik rukorjiik i rupaat i Dios. Eh inqaaj chi nee naa taq'aaj cho ruq'orariik qeh aha' wilik inawaaj chi neenqa'an, inki taqe.1Eh re' reey Dario xutaq'aaj wo' rusik'ariik i huuj chupaam i paat i rub'an wii' i taaq'anik ar Babilonia.2Eh xponik wo' kireq i junb'oht chi huuj ar Acmeta chupaam i paat i rub'an wii' i taaq'anik i reey wilik paruyuq'ul Media je' wili i ruq'or i tz'ihb'amaj chupaam:3Pampeet haab' rokiik chi reyil i Ciro xukoj i k'uhb'aal chi riij i rupaat i Dios wilik Jerusaleem je' wili xuq'or: Chakoj taq i raa' i rupaat i Dios naa wo' chik taq ayejaam chi korik, reh chi ar naa ruq'ahteesjiik i mayiij. Eh lajeeb' ru ka'winaq b'ara runimaal wach, eh lajeeb' wo' ru ka'winaq b'ara runajtiil naah taq naa a'nam.4Noq naa taq ayejaam i tz'aq, oxlok' i nimaq ab'aj, junlok' i chee' ko ak' taq naa akojom, eh re' i tumiin naa rusachariik chi riij taqe re', re' reey naa rutojwiik.5Eh re' taqe kulk re' ruuk' i oro, i plata resam choo parupaat i Dios Jerusaleem i Nabucodonosor i xuk'am cho Babilonia, naa wo' chik ruk'amariik reje Jerusaleem naa wo' chik ruye'ariik parupaat i Dios, chupaam i ruye'aab', inki chupaam i huuj.6Je' aj re' noq re' reey Dario, je' wili i xuq'or reh i Tatnai i wilik chi taaq'anik chikinaah i tinamit wilkeeb' chi juntar i nim ha' je' wo' reh Setar-boznai, je' wo' keh i ruch'ihil chi taaq'anik. Eleen taq reje Jerusaleem.7Chakanaa' taq i wilik chi taaq'anik chinaah i tinamit Judá, je' wo' taqe i k'amal kib'eeh i xiyej-anik reh i peet i rupaat i Dios chupaam i ye'aab' korjinaq wii' pampeet.8Re' hin xin ye'wik taq aweh i k'uhb'aal nik' wach noq naa taq atoob'eem taqe i k'amal kib'eeh i aj Judío reh chi neenkiyejaa' i rupaat i Dios. Ruuk' i tooj naa ruchaliik taq awuuk' juntar i nim ha' Éufrates. Eh naa taq aye'em reh i reey re' re' naa ruye'ariik keh i kamanoom rajlaal, toob'al keh reh chi ma' nee ta pa'lojik i kamanik.9Eh re' taqe i k'amal kib'eeh aj tiij wilkeeb' Jerusaleem eqal eqal naa ruye'ariik keh i chikop naa rukamaniik keh chi mayiij chuwach i QaJaaw Dios wilik pan taxaaj, re' taqe imas wakax, taqe imas tentzun, taqe i rak'uun tentzun, je' wo' hoq i trigo, riis uuva, aatz'aam, i aseite.10Reh chi naa kiq'asam chi holohik laj mayiij chuwach i QaJaaw Dios wilik pan taxaaj, reh chi neenkipahqaaj i rotob'il i Dios chi wiij i hin, hin reey, je' wo' chikiij taqe i wak'uun wixq'uun.11Eh awach i ma' nee ta runimaj i k'uhb'aal wili neenehteesjik jino'q i rib'ojal i rupaat chuwach i chee' re' re' neent'uyub'jik noq neenkanteesjik. Re' i rupaat naa rusahchiik wach chi jumpech.12Re' ta naq i QaJaaw Dios xsik'wik wach i Jerusaleem chi ruye'aab' neensachwik wach i reey, i tinamit nee raaj ruyojom i rupaat i Dios. Re' hin i reey Dario xin ye'wik reh i k'uhb'aal wili koruman chi naa runimjiik chi korik i xnuq'or, inki i reey. Kuxik ruyejeb'jiik i rupaat i Dios, eh xkiq'asaj pan q'ab' i Dios13Eh re' i Tatnai wilik chi taaq'anik chi juntar i nim ha' Éufrates, ruch'ihil i Setar-boznai, je' wo' kuch'ihil junch'uq xkian chi korik i k'uhb'aal xuq'or i reey Dario14Je' re' noq re' taqe i k'amal kib'eeh i aj Judío ma' xkipab'aa' taj i ruyejeb'jiik i rupaat i Dios, je' rukab' i xuq'or Hageo, i Zacarías rak'uun i Iddo. Re' rupaat i Dios xkuxik wo' ruyejeb'jiik, je' rukab' i ruq'orom i QaJaaw i qaDios i hoj, hoj aj Israel, je' wo' rukab' i xuq'or i Ciro, i Dario, i Artajerjes, re' taqe i xi wihik chi reyil Persia.15Re' i rupaat i QaJaaw Dios xkuxik ruyejeb'jiik chupaam i rukab' q'iij reh i rupohool i Adar, re' noq waqiib' chik haab' rokiik chi reyil i Dario ar Persia.16Re' taqe i aj Israel, taqe i k'amal kib'eeh aj tiij, taqe i aj Levíta, eh chu'nchel i xi k'amarik reje Babilonia xi sutinik wo' chik cho Jerusaleem pansuqkiil k'uxliis xkiq'asaj pan q'ab' i Dios i rupaat xkorjik.17Eh noq xkikuxisaj i rupaat i Dios xkiq'asaj chi kimayiij i jinaj siento chi imas wakax, kiib' siento imas tentzun, kijib' siento i rak'uun tentzun, eh kab'laj imas kaprax, ju'jun chikiij i ju'jun ch'uq chi aj Israel. Re' taqe re' xkiyeew chi kimayiij pahqb'al kuyb'al kimahk i aj Israel.18Eh xkiyeew pan kiye'aab' taqe i k'amal kib'eeh aj tiij reh i kamanik, xkiyeew wo' pan kiye'aab' taqe i aj Levíta reh chi naa kianam i kikamaj chi kiju'junaal ar Jerusaleem, je' rukab' i k'uhb'aal tz'ihb'amaj chupaam i ruhuuj i Moisés.19Eh chu'nchel i aj Israel xi sutinik wo' chik cho Jerusaleem xkininq'ijeej i elik chaloq Egipto chupaam i kajlaj rub'eeh i peet poh reh i haab' re' re'.20Re' taqe i k'amal kib'eeh aj tiij, taqe aj Levíta kisaqb'isam chik kiib' noq xkininq'ijeej i elik chaloq Egipto, xkiq'asaj i mayijimaj chikop chu'nchel i xi sutinik wo' chik cho Jerusaleem. Eh pahqb'al wo' kuyb'al kimahk i kuch k'amal kib'eeh aj tiij junch'uq, eh pahqb'al wo' kuyb'al kimahk i keh.21Eh xkian kiwa' reh i runinq'ijiik i elik chaloq Egipto chu'nchel i aj Israel, xi sutinik wo' chik cho Jerusaleem, re' taqe i k'amooj reje Babilonia. Eh xkian wo' kiwa' haa' taqe i ma' re' ta aj Judío i xkikanaa' rub'aan i ch'uwa' wach na'ojb'al inki a'n i tinamit. Eh xkian jinaj wach kik'ux kuuk' i aj Judío chi rusik'ariik i QaJaaw i qaDios i hoj, i hoj aj Israel22Eh wuquub' q'iij xkininq'ijeej ruuk' suq kiil k'uxliis, eh xkik'ux i kaxlanwi'k ma' kojooj ta ch'amb'esb'al reh. Je' re' noq xye'arik cho rusuqkiil kik'ux ruum i Dios, re' reh xye'wik q'ab' chi xitoob'jik cho ruum i kireey i aj Persia ruuk' i ruyejeb'jiik chi korik i rupaat i qaDios i hoj, i hoj aj Israel. Re' Esdras haa' taqe i ruch'ihil xiooj k'oloq Jerusaleem1Noq xwihik Artajerjes chi reyil Persia xwihik chee jinaj winaq Esdras rub'ihnaal. Re' reh rak'uun i Seraías, re' Seraías rak'uun i Azarías, re' Azarías rak'uun i Hilcías.2Re' Hilcías re' re' rak'uun i Salum. Re' Salum rak'uun i Sadoc. Re' Sadoc rak'uun i Ahitob.3Re' Ahitob rak'uun i Amarías. Re' Amarías rak'uun i Azarías. Re' Azarías rak'uun i Meraiot.4Re' Meraiot rak'uun i Zeraías. Re' Zeraías rak'uun i Uzi. Re' Uzi rak'uun i Buqui.5Re' Buqui rak'uun i Abisúa. Re' Abisúa rak'uun i Fineses. Re' Fineses rak'uun i Eleazar. Re' Eleazar rak'uun i Aarón, re' peet k'amal kib'eeh aj tiij.6Eh re' i Esdras re' re' rutijem riib' chi korik ruuk' i k'uhb'aal ye'ooj reh i Moisés ruum i QaJaaw Dios, re' qaDios i hoj, hoj aj Israel. Ruum chi re' i QaJaaw Dios xtoob'inik reh i Esdras chu'nchel i xupahqaaj reh i reey Artajerjes xye'arik reh. Re' Esdras xelik cho Babilonia xchalik Jerusaleem.7Eh noq wuquub' chik haab' rokiik chi reyil i Artajerjes, wilik taqe i aj Israel xi sutinik cho chi riij Jerusaleem, wilik taqe i k'amal kib'eeh aj tiij, wilik taqe i aj Levíta, wilik taqe i aj tz'uyineel, wilik taqe i kicha'jinik reh taqe i ru puertahiil i rupaat i Dios, wilik taqe i kikamanik chupaam i rupaat i Dios.8Eh chupaam i roo' poh reh i ruwuuq haab' rokiik chi reyil i Artajerjes noq xponik Jerusaleem i Esdras.9Ruum re' i Esdras chupaam i k'amb'al rub'eeh i peet poh reh i haab' re' re' xelik cho Babilonia. Eh xponik Jerusaleem chupaam i k'amb'al rub'eeh roo' poh, eh re' i QaJaaw Dios xwihik ruuk' chi rutoob'jiik.10Re' Esdras xuyeew ruk'ux chutijiik chub'anariik i ruq'or i k'uhb'aal xq'orarik reh ruum i QaJaaw Dios. Eh xuyeew wo' ruk'ux chi k'uhtjiik keh i aj Israel i tz'ihb'amaj chupaam i ruk'uhb'aal i Dios.11Re' Esdras k'amal kib'eeh aj tiij, aj tz'ihb', rutijem riib' chi korik ruuk' chu'nchel i ruk'uhb'aal xq'orarik keh i aj Israel, je' wili i ruq'or i huuj xye'arik reh ruum i reey Artajerjes:12Re' hin i reey Artajerjes nim wajaawriik chikinaah taqe i reey. Re' hat Esdras k'amal kib'eeh aj tiij atijem wiib' ruuk' chu'nchel i ruk'uhb'aal i Dios wilik cho pan taxaaj, i nutaq'aaj reje rusuqkiil ak'ux.13Re' hin i xnuyeew jinaj i k'uhb'aal chi chu'nchel i aj Israel wilkeeb' chi ri'sil i wajaawriik, re' taqe i k'amal kib'eeh aj tiij, taqe i aj Levíta wila' inkaaj ojik Jerusaleem, neerub'an chi nee kiooj chawiij.14Ruum re' hin i reey wuch'ihil taqe i wuquub' chi kojol nuna'ojb'al k'ahchi' nutaaq'aniik taq reje aweh chi rilariik chib'ih jariik i k'ahchi' Judá, je' wo' Jerusaleem, eh mi k'ahchi' rub'aan aha' wilik i ruq'or i ruk'uhb'aal i Dios wilik panaq'ab'.15Eh re' i plata, i oro, xchalik panuk'ux ruye'ariik i hin, hin reey je' wo' xchalik pankik'ux ruye'ariik taqe i wuquub' chi kojol nuna'ojb'al neenuk'am reje, nee naq'asaj parupaat i QaJaaw i qaDios i hoj, hoj aj Israel ar Jerusaleem.16Eh re' plata, i oro, neenamol wach chupaam i ruyuq'ul i Babilonia. Eh re' taqe i naakisihim i tinamit, i naakisihim i k'amal kib'eeh aj tiij, naa ak'amam reje chi yejemb'al reh i rupaat i Dios ar Jerusaleem.17Ruuk' wo' tumiin re' re' naa aloq'om taqe kok' imas wakax, je' wo' taqe imas tentzun, je' wo' taqe i tentzun, je' wo' taqe i wach i tik xa chi naq'wach, je' wo' hoq i riis uuva. Re' taqe re' naa aq'asam taq chi amayiij chinaah i artaal wilik parupaat taq aaWaJaaw aaDios wilik Jerusaleem.18Eh re' i ruqox i oro, i plata, re' hat haa' taqe awuch'ihil cha a'n taq ruuk' chib'ih inawaaj taq i hat, xa re' la' je'-oq rukab' iraaj i QaJaaw Dios.19Eh re' taqe i kulk q'ahteesjik aweh inkamanik parukamaj i Dios chaq'asaj wo' chik i hat chupaam i rupaat i Dios ar Jerusaleem.20Wila' chib'ih chik jariik i xkamanik taq aweh chupaam i rupaat i Dios neerub'an chi nee taq inaloq' ruuk' i tumiin neenuyeew i hin, inki reey.21Re' hin i reey Artajerjes k'achi' nuye'em i k'uhb'aal wili keh i molol tumiin wilkeeb' chi juntar i nim ha' Éufrates chi kiyeew chi jumehq'iil chib'ih i neenapahqaaj i hat Esdras. Re' hat k'amal kib'eeh aj tiij atijem awiib' chi korik ruuk' chu'nchel i ruk'uhb'aal i Dios wilik cho pan taxaaj.22Neenkiyeew i kab'laj miil ruuk' ho'oob' siento kintaal chi plata, eh kiib' ru ka'winaq miil pajb'al i trigo, eh kiib' miil ruuk' kiib' siento nimaq lemeta i riis uuva, eh kiib' miil ruuk' kiib' siento nimaq lemeta i aseite, re' aatz'aam naakiye'em chi ma' pajooj taj.23Eh chu'nchel i rupahqaaj i Dios wilik cho pan taxaaj neen kamanik reh i rupaat, ajwaal wach chi naa ruye'ariik chi jumehq'iil. Reh chi ma' nee ta nchalik i ti' k'axik chikinaah i wilkeeb' chi ri'sil i wajaawriik, je' wo' chikinaah i wak'uun wixq'uun i hin.24Eh i nuq'or wo' hoq chi ma' naa ta kitojom riij i chib'ih keh chu'nchel i k'amal kib'eeh aj tiij, je' wo' taqe i aj Levíta, je' wo' taqe i aj tz'uyineel, je' wo' taqe i kicha'jinik reh taqe i ru puertahiil i rupaat i Dios. Eh ma' naa ta wo' rupahqaljiik i tooj keh i kikamanik chupaam i rupaat i Dios.25Eh re' hat Esdras ruuk' ana'ojb'al ruye'em aaDios chapab'aa' taqe i q'atal q'orik chapab'aa' wo' taqe i aj taq'oom chikinaah chu'nchel i tinamit wilkeeb' chi juntar i nim ha' Éufrates. Re' taqe i naa apab'aam koruman chi keht'al-oq chi korik taqe i ruk'uhb'aal aaDios, eh wila' ma' keht'al koruman chi naa ak'uhtaam keh.26Eh awach i ma' xub'an chi korik i ruk'uhb'aal aaDios, je' wo' nuk'uhb'aal i hin inchol ruq'atariik i q'orik chinaah chi jumehq'iil neenkanteesjik, oon neenehteesjik reje parutinamiit, oon neerutoj riij chi tumiin i ru mahk, inki reey. Re' Esdras xub'an rutiij27Eh re' Esdras xub'an rutiij je' wili xuq'or: Neeta naq inye'arik ruloq'il i QaJaaw re' ki Dios qamaam qati't, ruum re' reh xye'wik reh paránima i reey chi xuyeew ruloq'il i rupaat i Dios wilik Jerusaleem.28Ruum wo' hoq chi xirutoob'eej i hin, noq wilkiin chuwach i reey, je' wo' chikiwach i kojol runa'ojb'al, je' wo' chikiwach i nimaq kiwach kikamanik ruuk' i reey, xuyeew rukowiil nuk'ux. Eh ruuk' wo' rotob'il i Dios xnub'an rumolariik kiwach taqe i aj Israel nimaq kiwach reh chi naa kojiik chi wiij Jerusaleem, inki. Re' wili i kib'ihnaal i xi sutinik wo' chik cho Jerusaleem ruch'ihil i Esdras1Re' Esdras je' wili xuq'or: Re' wili i kib'ihnaal taqe i k'amal kib'eeh i ju'jun chi patineel, i xi chalik chi wiij noq xinelik cho Babilonia, noq wilik chi reyil i Artajerjes:2Re' xk'amwik cho kib'eeh i riih rumaam i Fineses re' Gersón. Re' xk'amwik cho kib'eeh i riih rumaam i Tamar, re' i Daniel. Re' xk'amwik cho kib'eeh i riih rumaam David, re' i Hatús.3Re' xk'amwik cho kib'eeh i riih rumaam i Secanías, ruch'ihil taqe i riih rumaam i Paros, re' i Zacarías. Eh wilik taqe i ma' tokoom ta ruuk' i Paros ruch'ihil jinaj siento ruuk' lajeeb' roxk'ahl taqe chi winaq.4Re' xk'amwik cho kib'eeh i riih rumaam Pahat-moab, re' Elioenai rak'uun Zacarías, ruch'ihil taqe i kiib' siento chi winaq.5Re' xk'amwik cho kib'eeh i riih rumaam, re' Secanías rak'uun i Jahaziel, ruch'ihil taqe ixib' siento chi winaq.6Re' i xk'amwik cho kib'eeh i riih rumaam i Adín, re' i Ebed rak'uun i Jonatán, ruch'ihil taqe i lajeeb' roxk'ahl chi winaq.7Re' xk'amwik cho kib'eeh i riih rumaam i Elam, re' i Jesaías rak'uun i Atalías, ruch'ihil taqe i lajeeb' ru kajwinaq chi winaq.8Re' xk'amwik cho kib'eeh i riih rumaam i Sefatías, re' i Zebadías rak'uun i Micael, ruch'ihil taqe i kajwinaq chi winaq.9Re' xk'amwik cho kib'eeh i riih rumaam i Joab, re' i Obadías rak'uun i Jehiel, ruch'ihil taqe i kiib' siento ruuk' waxaqlaj chi winaq.10Re' k'amwik cho kib'eeh i riih rumaam i Selomit, re' i rak'uun i Josifías, ruch'ihil taqe i jinaj siento ruuk' oxk'ahl chi winaq.11Re' xk'amwik cho kib'eeh i riih rumaam i Bebai, re' i Zacarías rak'uun i Bebai ruch'ihil taqe i waxiqiib' ru ka'winaq chi winaq.12Re' k'amwik cho kib'eeh i riih rumaam i Azgad, re' i Johanán rak'uun i Hacatán, ruch'ihil taqe i jinaj siento ruuk' lajeeb' chi winaq.13Re' xk'amwik cho kib'eeh i riih rumaam i Adonicam je' wili kib'ihnaal: Elifelet, Jeiel, Semaías, re' xi wihik koq'uun, kuch'ihil taqe i oxk'ahl chi winaq.14Re' xk'amwik cho kib'eeh i riih rumaam Bigvai, re' i Utai, i Zabud, kuch'ihil taqe i kijib' ru kajwinaq chi winaq.15Ar qamol qiib' chi chii' i nim ha' Ahava, wuch'ihil taqe i xi chalik chiqiij, eh ixib' q'iij xoj kahnik ar. Eh noq xnusik' chi kixilak i tinamit, chi kixilak i k'amal kib'eeh aj tiij taqe i aj Levíta, ma' jino'q i xnureq.16Je' re' noq re' hin xnuyuq'eej taqe i Eliezer, Ariel, i Semaías, i Elnatán, i Jarib, i Elnatán jinaj chik, i Zacarías, i Mesulam. Re' taqe winaq re' re' k'amal b'eeh taqe. Eh xnuyuq'eej wo' taqe Joiarib, i Elnatán, re' taqe re' aj tijoom.17Eh xnutaq'aaj taqe reje ruuk' i Iddo, re' k'amal b'eeh chupaam i ye'aab' Casifia. Eh xnuq'or reje keh chib'ih i naa kiq'orom ponoq reh i Iddo, je' wo' naa kiq'orom pookeh i ruch'ihil, re' taqe i kikamanik chupaam i rupaat i Dios wilik ar Casifia. Re' hin xnutaq'aaj taqe ar reh chi naa kik'amam cho qeh taqe i naakikamaniik chupaam i rupaat i Dios.18Ruum chi re' Dios xtoob'inik qeh xkireq chaloq i Serabías, reh chi xchalik chi kamanik, jinaj winaq holohik runa'ojb'al, re' ruuk' taqe i riih rumaam i Mahli aj Levíta. Eh xchalik ruch'ihil taqe i rak'uun, ruch'ihil taqe i ras, waxaqlaj chi kiib.19Eh xkik'am wo' cho qeh i Hasabías i Jesaías re' ruuk' taqe i riih rumaam i Merari, xi chalik wo' haa' i kas, haa' taqe i kak'uun xponik juninaq chi kiib'.20Eh xkik'am wo' cho qeh i kiib' siento ruuk' juninaq xi kamanik chupaam i rupaat i Dios re' ruuk' taqe i kiih kimaam i rupab'aam kahnoq i reey David, xukoj taqe chi kito'ariik i aj Levíta chi kamanik chupaam i rupaat i Dios. Eh tz'ihb'amaj i kib'ihnaal chi kiju'junaal.21Eh chi chii' i rooq haa' Ahava xnuq'or keh chi naa qa'nam qatiij chi ma' qa'nam ta qawa' chi naa qaloch'om qiib' chuwach i QaJaaw Dios. Reh chi xqapahqaaj reh chi xojrutoob'eej, chi ma' xta xqak'ul panqab'eeh i hoj, je' wo' taqe i kok' qaha'lak'uun, je' wo' taqe chib'ih qeh.22Je' re' xqa'an ruum re' hin xink'ixik chupahqaljiik reh reey taqe i soldado rij kawáyu kib'ehik reh chi xooj kiko'leej naq pan kiq'ab' i aj ixowaal wach b'eeh. Ruum wo' hoq chi qaq'orom chik ree reey chi re' i Dios intoob'inik keh awach i kinimanik reh i Dios. Eh ruyeew chee rujosq'iil i Dios chikinaah inkiq'eb' chi riij kik'ux i reh, kinki reh.23Je' aj re' noq xooj okik chi tiij chi ma' qa'nam ta qawa' qahaa', xqapahqaaj reh chu'nchel i re' xuyeew wo' qeh.24Eh jumehq'iil xnusik' kiwach i kab'laj chi k'amal kib'eeh aj tiij. Re' i Serebías, re' i Hasabías, eh lajeeb' chik i kuch'ihil.25Re' hin xnupaj xnuq'asaj keh i plata, i oro, taqe i kulk inkamanik parukamaj i Dios, re' taqe i ruq'asam chi rumayiij i reey reh i QaJaaw Dios, je' wo' i xkiyeew taqe i kojol nuna'ojb'al, i xkiyeew i nimaq wach kikamaj ruuk' i reey, i xkiyeew chu'nchel i aj Israel wilkeeb' ar.26Eh je' wili k'ihaal i xpajarik xnuq'asaj keh: Jinaj ru ka'winaq miil ruuk' kiib' siento ruuk' lajeeb' roxk'ahl pajb'al i plata, ixib' miil ruuk' ixib' siento pajb'al i oro, jinaj siento pajb'al i kulk re' ruuk' i plata inkamanik parukamaj i Dios.27Eh juninaq i kulk re' ruuk' i oro, waqlaj libra rahliil waxiqiib' pajb'al, kiib' i kulk re' ruuk' i q'an ch'ihch' xiik' naah holwochiil xan worwotik chik xa je' chik oro, xiik' naah k'ihaal tz'aaq'.28Chi riij i re' je' wili i xnuq'or keh: Re' taq i hat, hat taq q'asamaj pan q'ab' i QaJaaw Dios, je' rukab' taqe i kulk wili, taqe plata, taqe oro xq'ahteesjik chi mayiij chuwach i ki Dios i qamaam qati't.29Chawilow, chamol taq chi korik, korehtaal impajarik chikiwach i kajaaw i k'amal kib'eeh aj tiij, chikiwach i aj Levíta. Eh chikiwach i k'amal kib'eeh i ju'jun chi patineel wilkeeb' Jerusaleem. Ar taq neenapaj chupaam i rupaat i Dios, kinki keh.30Eh re' taqe i k'amal kib'eeh aj tiij xkik'ul wo' hoq i plata, oro, je' wo' taqe i kulk, noq pajooj chik taqe reh chi xkik'am cho chupaam i rupaat i QaJaaw Dios Jerusaleem.31Eh chupaam i k'amb'al rub'eeh i poh reh i haab' re' re' xoj ooj cho chi chii' i nim ha' Ahava, xoj chalik Jerusaleem. Eh re' i QaJaaw Dios xoj rutoob'eej, xoj ruko'leej wo' pan kiq'ab' i aj ixowaal yiib' wach kina'ojb'al wilkeeb' naq panqab'eeh.32Eh noq xoj k'ulik Jerusaleem ixib' q'iij xoj hi'lik.33Eh parukaaj q'iij i oro, i plata, je' wo' taqe i kulk chupaam i rupaat i QaJaaw Dios. Chu'nchel i re' xq'ahteesjik reh i k'amal kib'eeh aj tiij Meremol rub'ihnaal rak'uun i Urías, ruch'ihil i Eleazar rak'uun i Finees, ruch'ihil taqe i aj Levíta Jozabad i Jesúa, eh ruch'ihil i Noadías rak'uun i Binúi.34Eh xa chupaam wo' q'iij re' re' xkipaj xkajlaaj, eh xkitz'ihb'aaj nik' k'ihaal xelik chikiwach i xkik'am chaloq, eh xkiq'asaj.35Eh re' taqe aj Israel xi elik cho Babilonia xi chalik Jerusaleem xkik'at chi kimayiij taqe i chikop chuwach i QaJaaw Dios. Eh kab'laj chi kok' imas wakax i xkiq'asaj pankib'ihnaal i kab'laj ch'uq chi tinamit Israel, waqiib' chik ma' jinaj siento taqe imas tentzun, wuqlaj ru kajwinaq taqe i rak'uun tentzun, eh kab'laj taqe imas kaprax, re' taqe re' xkiq'asaj chi mayiij chuwach i QaJaaw Dios.36Eh xkiq'asaj keh i k'uhb'aal xuyeew i reey, xkiq'asaj wo' keh i wilkeeb' chi taaq'anik chupaam taqe tinamit wilkeeb' chi juntar i nim ha' Éufrates. Re' i xi okik haa' chuyejeb'jiik i rupaat i QaJaaw Dios. Re' mahk xkian i aj Israel, re' rutiij i Esdras1Chi riij chik taqe re', re' taqe i k'amal kib'eeh i aj Israel xi chalik wuuk' je' wili xkiq'or weh: Wilik taqe i quch aj Israel, wilik taqe i k'amal kib'eeh aj tiij, wilik taqe i aj Levíta, k'ahchi' kianam keh i yiib' wach na'ojb'al inki a'n i aj cananeo, aj heteo, aj ferezeo, aj jebuseo, aj amonita, taqe aj moabita, taqe aj Egipto, taqe aj amorreo, eh xkian jinaj wach kik'ux kuuk'.2Re' keh, eh re' kak'uun xkian kaxáro kuuk' i kixq'uun taqe tinamit re' re'. Je' re' noq re' rusantolaj tinamiit i Dios, xkian jinaj wach kik'ux kuuk' i tokoom tinamit. Re' taqe i peet xib'anik reh taqe mahk wili re' taqe i k'amal b'eeh, re' taqe i wilkeeb' chi taaq'anik, inki taqe.3Eh noq xb'iraj taqe i q'orik wili xnuxih i nuso' chi wiij, xnuchuq i rismaal nunaah, xnichuq wo' wusinchii'. Eh xnutzunaa' wiib' wach ak'al chi xiik' naah ti'kiil nuk'ux.4Eh chu'nchel i re' xkimol kiib' wuuk' xchalik kiyo'jiik chi re' Dios naa ruye'em chee ti' k'axik chikinaah ruum i mahk k'ahchi' keeb' taqe i kuch aj Israel xi sutinik wo' chik cho Jerusaleem. Re' hin ma' k'isiin ti'kiil nuk'ux xa xin kahnik wo' ar chi tzunulkiin, korehtaal xureq i ora reh i ruye'ariik i mayiij ree xq'eq.5Eh chupaam i ru orahiil i ruye'ariik i mayiij ree xq'eq xin wuktik johtoq aha' naq tzunulkiin wii' chi ti' nuk'ux, xa koxiheel wo' nuso' chi wiij xnuxuk'aa' wiib' xnujosaj johtoq i nuq'ab' chub'aan i nutiij chuwach i QaJaaw Dios,6je' wili i xnuq'or: WaJaaw nuDios, re' hin insahchik nuk'ux yohb'aal wach i nuk'ixiik noq i nujosaj johtoq i nuwach chaq'orob'jiik, ruum xiik' naah i mahk inqa'an chawach. Eh xiik' naah i yiib' wach na'ojb'al inqa'an, imponik kopan taxaaj.7Xa je' wo' re' i mahk xkian chee qamaam qati't, eh xa ko je' wo' re' i k'ahchi'kooj i hoj yu'naak. Eh ruum chi xiik' naah i qamahk i hoj, je' wo' taqe i k'amal qab'eeh, taqe i k'amal kib'eeh aj tiij, taqe i qareey, xoj q'ahtesjik pan kiq'ab' i kireey i tokoom tinamit, xoj kichop xoj kik'am reje pan tokoom tinamit. Wilik qeh i xi kanteesjik ruuk' i q'aslaj ch'ihch', xkelq'aaj i chee chib'ih qeh, xkik'uhtaaj qak'ixb'ilaal, eh xa ko je' wo' re' i k'ahchi' qak'ulum yu'naak.8Xa re' la' yu'naak waJaaw nuDios xaketelaaj qawach ruum xoj ako'leej i hoj, hoj awak'uun awixq'uun nik' chik qak'ihaal i koxoj kahnik chi k'achalkooj. Eh xayeew wo' chik qa ye'aab' chupaam i santo laj ye'aab' aha' ma' xta naa qak'ulum, inak'uhtaaj chi qawach i qab'eeh, xoj ayeew chi hi'lik junk'aam-oq.9Atoob' ta wilkooj wo' naq chi ri'sil i rajaawriik i kireey i aj Persia, re' hat xama' xoj akanaa' ta wo' chi qutkeel. Eh chikiwach i reey xak'uhtaaj qeh awotob'il, xayeew qak'achariik reh chi naa wo' chik qayejaam aapaat, re' i yojoj cho najtir. Re' hat xat ko'linik qeh ayu' Judá, je' wo' Jerusaleem.10Xa re' la' yu'naak waJaaw nuDios ¿Chib'ih jariik i neenqaq'or chi riij i xa a'n cho quuk' re' re'? Re' hoj ma' xqa'an ta taqe i ruq'or aak'uhb'aal.11Re' i xaq'or keh taqe i jalal aq'oral, re' taqe awaj kamanoom. Re' keh xkiq'or qeh chib'ih i ruq'or chupaam aak'uhb'aal, xaq'or keh i qamaam qati't chi re' ye'aab' naa kojiik wii' chi wihik nujinaq chi ch'uwa' wach na'ojb'al ruum i yiib' wach na'ojb'al inki a'n i tinamit wilkeeb' ar.12Eh xaq'or chi re' taqe i qixq'uun i hoj ma' naa ta kianam kaxáro kuuk' kak'uun i tokoom tinamit re' re'. Eh chi ma' naa ta kianam kaxáro i qak'uun i hoj kuuk' i kixq'uun i keh. Eh chi ma' naa ta qawihiik pansuqkiil k'uxliis kuuk' ni xata naa qatoob'eem taqe reh chi nee kielik korik. Reh chi re' hoj naa ruwihiik qakowiil, eh chi naaqanam rusuqkiil i suq atoob' wilik chupaam i ye'aab' re' re', chi naa qakanaam kahnoq keh chi juneliik qiih qamaam.13Re' ti k'axik xqak'ul ruum i ma' holohik taj, ruum i runimaal mahk xqa'an. Xa re' la' re' hat QaJaaw Dios ma' xoj ayeew ta chutojariik i qamahk je' naq rukab' i ruk'ul chi qeh, ma' xkuxik ta asacham qawach.14¿Mi neerub'an yu'naak re' chi neenqaq'et wachej taqe aak'uhb'aal neeqa a'n qeh je' rukab' i xkian i tinamit re' re' yiib' wach i kina'ojb'al? ¿Mi ma' nee naq inchalik re' aajosq'iil ruum i qamahk mi ma' nee naq inkuxik asacham qawach re'?15QaJaaw Dios, qaDios i hoj, hoj aj Israel, re' hat korik wach ak'ux quuk' ruum juntzuhb' qeh i hoj i xoj akanaa' chi k'achalkooj yu'naak xoj ako'leej. Xti korik wo' hoq chi wilik qamahk chawach, je' re' noq ma' ruk'ul taj chi tiqaq'o'reej johtoq, inki parutiij i Esdras. Re' noq xi ehteesjik reje ixoq kichalik pan tokoom tinamit1Noq k'ahchi' chi tiij i Esdras xuklik chuwach i rupaat i QaJaaw Dios, ruuk' oq'ik k'ahchi' rupahqaam kuyb'al ru mahk i tinamit. Eh xi ponik ruuk' i juntzuhb' chi aj Israel xkikotej riij, chi winaq chi ixoq, chi ha'lak'un, oq'ik inki a'n ruum i ruti'kiil kik'ux.2Eh re' i Secanías rak'uun i Jehiel, riih rumaam i Elam, je' wili i xuq'or reh i Esdras: Xti korik wo' hoq chi xoj mahkunik chuwach i qaDios, ruum re' hoj xqa'an kaxáro kuuk' ixoq kichalik pan tokoom tinamit. Atoob' ta je' re' i xqa'an koneeruyeew riib' chi neenqako'leej qiib' i hoj, hoj aj Israel.3Re' hoj naaqayejaam wach ruuk' i QaJaaw Dios chi naa qataq'aam taqe reje i qehk'een kichalik pan tokoom tinamit, je' wo' taqe i qak'uun qixq'uun wilik kuuk'. Reh chi neenb'aan inaq'or qeh i hat, inkiq'or i kiyohlinik reh i ruk'uhb'aal i Dios. Neeta naq imb'aan taqe i ruq'or i ruk'uhb'aal i Dios.4Je' re' noq wukteen johtoq i hat Esdras, ruum re' taqe i wili re' hat naa ab'aniik reh. Eh re' hoj wilkooj chi atoob'jiik, chakowej ak'ux chub'anariik, chatoq'aa' rub'aan, inki.5Eh re' Esdras xwuktik johtoq, xuq'or keh i k'amal kib'eeh aj tiij, keh i aj Levíta, eh keh chu'nchel i aj Israel chi naa kiq'orom i xti korik chi naa kianam aha' wilik i xkiq'or. Eh re' keh xkiq'or wo' i xti korik chi naa kianam chu'nchel i xq'orarik.6Re' Esdras xelik reje chuwach i rupaat i Dios, xooj parupaat i Johanán rak'uun i Eliasib, re' ixrik'saj wii' i jinaj aq'ab' chi ma' rub'anam ta ruwa' ruhaa'. Ruum xiik' naah tz'irkiil wach ruum i mahk xkian i aj Israel i xi sutinik wo' chik cho Jerusaleem.7Chi riij i re' xutaq'aaj ruq'orariik keh i aj Judá, je' wo' keh i aj Jerusaleem, chi naa kimolom kiib' pan tinamit Jerusaleem, re' taqe i xi sutinik wo' chik cho Jerusaleem.8Eh re' taqe i wilik kajaawriik, ruch'ihil taqe i k'amal kib'eeh i aj Judío, xkimol wach i tinamit. Awach i ma' xponik taj chuwach ixib' q'iij naa ruq'uchariik i chib'ih reh, eh naa rehtesjiik reje chi kixilak i aj Israel xi sutinik wo' chik cho Jerusaleem.9Eh paroox q'iij chu'nchel i winaq i aj Judá, taqe i aj Benjamín, xkimol kiib' Jerusaleem chupaam i juninaq rub'eeh i rub'eleej poh reh i haab' re' re'. Eh chi kunchelaal xkitzunaa' kiib' chupaam i tehlik wilik chucheel i rupaat i Dios, eh xakib'arb'otik chik ruum kiyo'jiik, ruum i naakik'ulum, eh ruum i jab' k'ahchi' kik'ulum.10Eh re' i Esdras k'amal kib'eeh aj tiij xpa'lojik johtoq je' wili xuq'or keh:
Re' taq i hat xat mahkunik taq ruum xa a'n taq kaxáro kuuk' ixoq kichalik pan tokoom tinamit. Je' re' noq xakoj taq ruman amahk i hat taq aj Israel.11Eh yu'naak cha pahqaaj taq kuyb'al amahk chuwach i QaJaaw Dios, ki Dios chaloq i qamaam qati't. Cha a'n taq iraaj i reh, chawesaj taq awiib' chi kixilak ma' kinimanik ta ree Dios, chach'aq taq awiib' kuuk' ixoq kichalik pan tokoom tinamit, inki.12Eh chu'nchel i tinamit kimolom kiib' ar, xkik'er kichii' chuq'orariik chi je' wili:
Neen qa'an je' rukab' i xaq'or i hat.13Xa re' la' re' hoj xiik' naah qak'ihaal wilkooj ayu' rij paat chuwach i runimaal jab', ma' nee ta rub'an chi neenqayejaa' wach ayu' ruum ma' nee ta nkorjik wach ruuk' i jinaj q'iij, ni xata ruuk' i kiib' q'iij, ruum xiik' naah qak'ihaal xoj b'anik reh taqe mahk re' re'.14Noq inqaq'or i hoj chi nee naq i rub'an chi xa re' taqe i k'amal qab'eeh nee kikahnik ayu', re' keh neekiq'orik chiqiij. Eh awach taqe i kianam kaxáro kuuk' ixoq aj pan tokoom tinamit, neerub'an chi nee kichalik chupaam chik jino'q i q'iij neen q'orarik keh. Neekichalik i wilkeeb' chupaam i ju'jun chi tinamit kuch'ihil taqe i q'atal q'orik, kuch'ihil taqe i wilkeeb' chi taaq'anik chupaam i kitinamiit, reh chi nee nelik i rujosq'iil i QaJaaw Dios chi qanaah, inki taqe.15Eh re' Jonatán i rak'uun i Asael, Jahazías rak'uun i Ticva, eh kiib' keh i aj Levíta, re' Mesulam, re' i Sabetai, ma' xuk'ul ta kik'ux i xkiq'or i tinamit, xa re' wo' re' ma' xuk'ul ta kik'ux.16Eh xb'aan wo' hoq i xkiq'or i tinamit. Re' i Esdras i k'amal kib'eeh aj tiij xusik' kiwach i winaq xtoob'inik keh. Re' taqe ink'amwik kib'eeh i ju'jun chi patineel, eh xiyuq'ub'jik ruuk' i kib'ihnaal chi kiju'junaal, pank'amb'al rub'eeh i ru lajeeb' poh reh i haab' re' re'. Re' keh xkisik' chi riij nik' wach noq wilkeeb' i tinamit.17Eh re' noq xuk'am rub'eeh i peet poh reh i haab' jinaj chik xkikohlaaj rusik'ariik chi riij awach taqe i winaq kianam kaxáro kuuk' ixoq kichalik pan tokoom tinamit.18Re' taqe i k'amal kib'eeh aj tiij kianam kaxáro kuuk' ixoq kichalik pan tokoom tinamit re' taqe wili:
Re' taqe i riih rumaam i Jesúa, rak'uun i Josadac, eh chi kixilak taqe i ruchaaq' re' taqe wili: Re' i Maasías, re' i Eliezer, re' i Jarib, re' i Jeladias.19Re' keh xkiq'or i xti korik chi naa kich'aqam kiib' ruuk' i kehk'een. Eh jinaj imas tentzun xkiq'asaj chi kimayiij pahqb'al kuyb'al kimahk chi riij taqe mahk xkian re' re'.20Eh chi kixilak taqe i riih rumaam i Imir, je' wili kib'ihnaal: Hanani, Zebadías.21Eh chi kixilak i riih rumaam i Harim je' wili kib'ihnaal: Maasías, Elías, Semaías, Jehiel, re' Uzías.22Eh chi kixilak i riih rumaam i Pasur je' wili kib'ihnaal: Elioenai, Maasías, Ismael, Natanael, Jozabad, Elasa.23Eh chi kixilak i riih rumaam i Leví je' wili kib'ihnaal: Jozabad, Simei, Kelaia, (re' wo' Kelita) Petaías, Judá, Eliezer.24Eh chi kixilak i aj tz'uyineel re' Eliasib. Eh chi kixilak taqe i kicha'jinik reh i ookb'al reh i rupaat i Dios je' wili kib'ihnaal: Salum, Telem, Uri.25Eh chi kixilak taqe i aj Israel xkian keh i mahk, re' taqe riih rumaam i Paros je' wili kib'ihnaal:
Ramia, Jezaías, Malquías, Senaias.26Eh chi kixilak i riih rumaam i Elam je' wili kib'ihnaal: Matanías, Zacarías, Jehiel, Abdi, Jeremot, Elías.27Eh chi kixilak i riih rumaam i Zatu je' wili kib'ihnaal: Elioenai, Eliasib, Matanías, Jeremot, Zabad, Aziza.28Eh chi kixilak i riih rumaam i Bebai je' wili kib'ihnaal: Johanán, Hananías, Zabai, Atlai.29Eh chi kixilak i riih rumaam i Bani je' wili kib'ihnaal: Mesulam, Meluc Adaía, Jasud, Seal, Ramot.30Eh chi kixilak i riih rumaam i Pahat-moab, je' wili kib'ihnaal: Adna, Quelal, Benaía, Maasías, Matanías, Bezaleel, Binúi Manasés.31Eh chi kixilak i riih rumaam i Harim je' wili kib'ihnaal: Eliezer, Isías, Malquías, Semaías, Simeón,32Benjamín, Maluc, Semarías.33Eh chi kixilak i riih rumaam i Hasum je' wili kib'ihnaal: Matenai, Matatá, Zabad, Elifelet, Jeremai, Manasés, Simei.34Eh chi kixilak i riih rumaam i Bani je' wili kib'ihnaal: Madai, Amram, Uel,35Benaía, Bedías, Queluhi,36Vanías, Meremot, Eliasib,37Matanías Matenai, Jaasai,38Eh chi kixilak i riih rumaam i Binúi je' wili kib'ihnaal: Simei39Selemías, Natán, Adaía,40Macnadebai, Sasai, Sarai,41Azareel, Selemías, Semarías,42Salum, Amarías, José.43Eh chi kixilak i riih rumaam i Nebo je' wili kib'ihnaal: Jeiel, Matatías, Zabad, Zebina, Jadau, Joel, re' Benaía.44Chu'nchel taqe winaq re' re' kianam kaxáro kuuk' ixoq aj pan tokoom tinamit, xa re' la' xkich'aq reje i kehk'een, je' wo' taqe i kak'uun kixq'uun.
Bible Society in Guatemala