Read 1 CRONICAS 1

1 CRONICAS1

¹Re' Adán rajaaw i Set, re' Set rajaaw i Enós.²Re' Enós rajaaw i Cainán, re' i Cainán rajaaw i Mahalaleel rajaaw Jared.³Re' Jared rajaaw i Enoc, re' Enoc rajaaw i Matusalén, re' Matusalén rajaaw i Lamec, re' Lameac rajaaw i Noé. Re' taqe wili i rak'uun, eh riih rumaam Noé (Gen 10.1-32)

⁴Re' Noé je' wili i kib'ihnaal i rak'uun: Sem, Cam, Jafet.

⁵Re' Jafet je' wili i kib'ihnaal i rak'uun: Gomer, Magog, Madai, Javán, Tubal, Mesec, Tiras.⁶Re' Gomer je' wili i kib'ihnaal i rak'uun: Askenaz, Rifat, Togarma.⁷Re' Javán je' wili kib'ihnaal i rak'uun: Elisa, Tarsis, Quitim, Dodanim.

⁸Re' Cam je' wili i kib'ihnaal i rak'uun: Cus, Mizraim, Fut, Canaán.⁹Re' Cus je' wili i kib'ihnaal i rak'uun: Seba, Havila, Sabta, Raama, Sabteca. Re' i Raama je' wili kib'ihnaal i rak'uun: Seba, Dedán.¹⁰Re' Cus rajaaw i Nimrod re' i peet xwihik rajaawriik chupaam i ye'aab' re' re'.¹¹Re' i Mizraim, rumaam rati't taqe aj Ludim, taqe i aj Anamim, taqe aj Lehabim, taqe i aj Naftuhim.¹²Je' wo' taqe i aj Patrusim, taqe i aj Casluhim. Re' i Patrusim, i Casluhim re' taqe re' i kimaam kati't aj filisteo, je' wo' taqe i aj Caftoreos.¹³Re' i Canaán re' i rajaaw i Sidón i peet rak'uun, eh re' i Het.¹⁴Re' i Canaán rumaam rati't taqe i aj jebuseo, taqe i aj amorreo, taqe i aj gergeseo.¹⁵Je' wo' taqe i aj heveo, taqe i aj araceo,¹⁶taqe i aj arvadeo, taqe i aj zemareo, taqe i aj hamateo.

¹⁷Re' taqe i rak'uun i Sem, je' wili kib'ihnaal: Elam, Asur, Arfaxad, Lud, Aram. Re' taqe rak'uun i Aram je' wili i kib'ihnaal: Uz, Hul, Geter, Masec.¹⁸Re' Arfaxad rajaaw i Sela. Re' i Sela rajaaw i Heber.¹⁹Re' Heber kiib' i rak'uun xwihik, re' peet rak'uun Peleg i rub'ihnaal ruum chupaam i ruq'ijil i reh xkich'aqib'eej kiib' i k'achareel wach ak'al. Re' rak'uun jinaj chik i Joctán.²⁰Re' Joctán rajaaw i Almodad, i Selef, i Hazar-mavet i Jera,²¹i Adoram, i Uzal, i Dicla,²²i Ebal, i Abimael, i Seba,²³i Ofir, i Havila, i Jobab, chu'nchel i re' rak'uun i Joctán. Re' taqe i riih rumaam Sem (Gen 11.10-26)

²⁴Re' Sem rajaaw i Arfaxad, re' Arfaxad rajaaw i Sela.²⁵Eh re' Sela rajaaw i Heber, re' i Heber rajaaw i Peleg, re' i rajaaw i Reu.²⁶Re' Reu rajaaw i Serug, re' Serug rajaaw i Nacor, re' i rajaaw i Taré.²⁷Re' Taré rajaaw i Abram, eh Abraham wo' inkiq'or reh. Re' taqe i riih rumaam Ismael i Cetura (Gen 25.1-6,12-18)

²⁸Re' Abraham, Isaac, Ismael kib'ihnaal i rak'uun.²⁹Re' Abraham je' wili kib'ihnaal i riih rumaam: Nebaiot i peet rak'uun, Ismael, re' Cedar Adbeel, Mibsam.³⁰Mismá, Duma, Maasa, Hadad, Tema.³¹Re' Jetur, Nofis, i Cedema chu'nchel i re' rak'uun taqe i Ismael.

³²Re' i Cetura rukab'ruxoqil i Abraham, je' wili kib'ihnaal i rak'uun: Zimram, Jocsán, Medán, Madián, Isbac, Súa. Re' i Jocsán Seba, Dedán kib'ihnaal i rak'uun.³³Re' Madián je' wili i kib'ihnaal i rak'uun, Efa, Efer, Hanoc, Abida, Elda. Chu'nchel i re' riih rumaam i Cetura. Re' taqe i riih rumaam Esaú (Gen 36.1-43)

³⁴Re' Abraham rajaaw Isaac. Re' Isaac kajaaw Esaú, i Israel, Jacob wo' inkiq'or reh.³⁵Re' Esaú je' wili kib'ihnaal i rak'uun: Elifaz, Reuel, Jeús, Jaalam, Coré.³⁶Re' i Elifaz je' wili i kib'ihnaal i rak'uun: Temán, Omar, Zefo, Gatam, Cenaz, eh re' i Amalec re' i xwihik ruuk' i Timna rukab'ruxoqil.³⁷Re' Reuel je' wili i kib'ihnaal i rak'uun: Nahat, Zera, Sama, Mizá.

³⁸Re' Seir je' wili kib'ihnaal i rak'uun: Lotán, Sobal, Zibeón, Aná, Disón, Ezer, Disán.³⁹Re' Lotán je' wili kib'ihnaal i rak'uun: Hori, Homam. Re' i Timna ranaab' i Lotán.⁴⁰Re' Sobal je' wili kib'ihnaal i rak'uun: Alván, Manahat, Ebal, Sefo, Onam. Re' taqe rak'uun i Zibeón, re' Aja, re' Aná.⁴¹Re' Aná rajaaw i Disón. Re' Disón je' wili kib'ihnaal i rak'uun: Amram, Esbán, Itrán, Querán.⁴²Re' Ezer je' wili kib'ihnaal i rak'uun: Bilhán, Zaaván, Jaacán. Re' taqe rak'uun i Disán, re' Uz, re' i Arán.

⁴³Re' i reey xi wihik chi taaq'anik Edom noq komajaa' chih kireey i aj Israel, je' wili kib'ihnaal: Re' peet re' Bela rak'uun i Beor aj pan tinamit Dinaba.⁴⁴Noq xkimik reje i Bela re' chik i Jobab rak'uun i Zera xkahnik chi reyil chi jilow, aj pan tinamit Bosra.⁴⁵Noq xkimik reje i Jobab, re' chik i Husam xkahnik chi reyil chi jilow, aj panruyuq'ul i Temán.⁴⁶Noq xkimik reje i Husam re' chik i Hadad rak'uun i Bedad xkahnik chi reyil chi jilow. Re' Hadad re' i xb'anik keh i aj Madián chupaam i ye'aab' Moab aj pan tinamit Avit.⁴⁷Noq xkimik reje i Hadad re' chik i Samla xkahnik chi reyil chi jilow aj pan tinamit Masreca.⁴⁸Noq xkimik reje i Samla re' chik i Saúl xkahnik chi reyil chi jilow aj pan tinamit Rehobot wilik chi chii' i nim ha' Éufrates.⁴⁹Noq xkimik reje i Saúl, re' chik i Baal-hanán i rak'uun i Acbor xkahnik chi reyil chi jilow.⁵⁰Noq xkimik reje i Baal-hanán re' chik i Hadad xkahnik chi reyil chi jilow, aj pan tinamit Poi. Re' i rehk'een i Hadad Mehetabel i rub'ihnaal rixq'uun i Matred, eh riih i Mezaab.

⁵¹Noq xkimik reje i Hadad re' taqe i k'amal kib'eeh i aj Edom je' wili i kib'ihnaal: Timna, Alva, Jetet.⁵²Re' Aholibama, Ela, Pinón,⁵³Cenaz, Temán, Mibzar,⁵⁴Magdiel, Iram. Chu'nchel i re' xi wihik chi k'amal kib'eeh i aj Edom. Re' taqe i rak'uun i Israel (Jacob wo' inkiq'or reh) (Gen 35.22-26)

¹Re' Israel je' wili i kib'ihnaal i rak'uun: Rubén, Simeón, Leví, Judá, Isacar, Zabulón.²Dan, José, Benjamín, Neftalí, Gad, Aser. Re' taqe i rak'uun, eh re' taqe i riih rumaam Judá

³Re' Judá je' wili kib'ihnaal i rak'uun: Er, Onán, Sela. Re' i kituut ixib' chi rak'uun wili, re' Súa aj cananeo. Re' Er i peet rak'uun i Judá q'e' yiib' wach i runa'ojb'al xub'an chuwach i QaJaaw Dios, ruum i re' xkanteesjik ruum i Dios.⁴Re' i Tamar i ril-iib' naq i Judá re' re' rutuut i Fares, i Zera. Je' re' noq re' Judá ho'oob' chi kiib' i rak'uun xwihik.

⁵Re' Fares je' wili kib'ihnaal i rak'uun: Hezrón, Hamul.⁶Re' Zera je' wili kib'ihnaal i rak'uun: Zimri, Etán, Hemán, Calcol, Dara, ho'oob' taqe chi kiib'.

⁷Re' Carmi, Acán b'ih i rak'uun, re' i xk'amwik chee ti' k'axik chikinaah i aj Israel ruum i xuk'am chee reh taqe i ruq'orom i Dios chi naa rusahchiik kiwach.

⁸Re' Etán Azarías b'ih i rak'uun.

⁹Re' Hezrón je' wili kib'ihnaal i rak'uun: Jerameel, Ram, Quelubai.¹⁰Re' Ram rajaaw i Aminadab, eh re' i Aminadab rajaaw i Naasón. Re' k'amal kib'eeh taqe rak'uun i Judá.¹¹Re' Naasón rajaaw Salmón, re' Salmón rajaaw Booz.¹²Re' Booz rajaaw Obed, re' Obed rajaaw Isaí.¹³Re' peet rak'uun i Isaí re' Eliab, re' rukab' re' Abinadab, re' roox, re' i Simea.¹⁴Re' rukaaj re' Natanael, re' roo' re' Radai.¹⁵Re' ruwaaq', re' i Ozem, re' ruwuuq', re' David.¹⁶Re' Sarvia, i Abigail kanaab' i wuq'uub' chi rak'uun i Isaí. Re' i Sarvia ixib' i rak'uun xwihik je' wili kib'ihnaal: Abisai, Joab, Asael.¹⁷Re' Abigail jinaj i rak'uun xwihik Amasa i rub'ihnaal, re' i Jeter i rajaaw aj Ismaelita.

¹⁸Eh re' Caleb rak'uun i Hezrón xwihik rak'uun ruuk' i rehk'een Azuba, Jeriot rub'ihnaal. Re' taqe rak'uun i reh je' wili kib'ihnaal: Jéser, Sobab, Ardón.¹⁹Eh noq xkimik reje i Azuba re' Caleb xub'an kaxáro ruuk' i Efrata, xwihik jinaj i rak'uun ruuk' Hur i rub'ihnaal.²⁰Re' Hur rajaaw Uri, eh re' Uri rajaaw Bezaleel.

²¹Eh oxk'ahl haab' i wilik reh Hezrón noq xub'an kaxáro ruuk' i rixq'uun i Maquir, re' rajaaw Galaad, jinaj i rak'uun xwihik ruuk' Segub.²²Re' Segub rajaaw i Jair, re' i xwihik chi taaq'anik chinaah ixib' ru ka'winaq seht chi tinamit wilik ar Galaad.²³Xa re' la' re' Gesur, ruch'ihil i Aram xkichop naah i oxk'ahl seht chi rutinamiit i Jair, xkichop naah i tinamit Kenat ruch'ihil taqe i kok' ye'aab' wilkeeb' wii' patineel. Eh chu'nchel i re', re' ruuk' taqe i riih rumaam i Maquir rajaaw i Galaad.

²⁴Re' Hezrón xkimik ar Caleb wilik paruyuq'ul i Efrata. Noq kamnaq chik Hezrón xwihik jinaj i rak'uun i Abías, Asur i rub'ihnaal, re' Asur rajaaw i Tecoa.

²⁵Re' Jerameel i peet rak'uun i Hezrón je' wili kib'ihnaal i rak'uun: Rama i b'ih i peet rak'uun, Buna, Orén, Ozem, Ahías.²⁶Re' Jerameel xwihik wo' chik jinaj i rehk'een Atara i rub'ihnaal, re' i rutuut i Onam.

²⁷Eh re' Ram i peet rak'uun i Jerameel je' wili i kib'ihnaal i rak'uun: Maaz, Jamín, Eker.²⁸Re' Onam je' wili i kib'ihnaal i rak'uun: Samai, Jada. Re' Samai je' wili kib'ihnaal i rak'uun: Nadab, Abisur.²⁹Re' i Abisur, Abihail rub'ihnaal i rehk'een. Re' rutuut i Ahbán, ruch'ihil i Molid.³⁰Re' Nadab je' wili kib'ihnaal i rak'uun: Seled, Apaim. Re' Seled xkimik reje chi ma' xwihik ta ruha'lak'uun.³¹Re' Apaim rajaaw i Isi, re' Isi rajaaw i Sesán, re' Sesán rajaaw i Ahlai.

³²Re' Jada ruchaaq' i Samai je' wili kib'ihnaal i rak'uun: Jeter, Jonatán. Re' Jeter xkimik reje chi ma' xwihik ta ruha'lak'uun.³³Re' Jonatán je' wili kib'ihnaal i rak'uun: Pelet, Zaza, Re' taqe re' i riih rumaam Jerameel.

³⁴Re' Sesán ma' xwihik ta jino'q rak'uun xarixq'uun i xi wihik, jinaj i rumoso ruloq'om xwihik re' ruuk' aj Egipto Jarha i rub'ihnaal.³⁵Re' Sesán xuyeew jinaj i rixq'uun chi rehk'een i Jarha i rumoso xwihik jinaj rak'uun ruuk' Atai i rub'ihnaal.³⁶Re' Atai rajaaw i Natán. Re' Natán rajaaw i Zabad.³⁷Re' Zabad rajaaw i Eflal. Re' Eflal rajaaw i Obed.³⁸Re' Obed rajaaw i Jehú. Re' Jehú rajaaw i Azarías.³⁹Re' Azarías rajaaw i Heles. Re' Heles rajaaw i Elasa.⁴⁰Re' Elasa rajaaw i Sismai. Re' Sismai rajaaw i Salum.⁴¹Re' Salum rajaaw i Jecamías. Re' Jecamías rajaaw i Elisama.

⁴²Re' Caleb i ruchaaq' i Jerameel je' wili kib'ihnaal i rak'uun: Re' peet rak'uun Mesa rajaaw i Zif. Re' rukab' rak'uun Maresá rajaaw i Hebrón.⁴³Re' i Hebrón je' wili kib'ihnaal i rak'uun: Coré, Tapúa, Requem, Sema.⁴⁴Re' Sema rajaaw i Raham, re' rajaaw i Jorcoam. Re' Requem rajaaw i Samai.⁴⁵Re' Samai Maón rub'ihnaal i rak'uun. Re' Maón rajaaw Bet-sur.

⁴⁶Re' Efa i xwihik chi rukab'ruxoqil i Caleb ixib' i rak'uun xwihik je' wili kib'ihnaal: Harán, Mosa, Gazez. Re' Harán i rajaaw i Gazez jinaj chik.

⁴⁷Re' Jahdai, je' wili kib'ihnaal i rak'uun: Regem, Jotam, Gesam, Pelet, Efa, Saaf.

⁴⁸Re' Maaca i xwihik chiruxoqil i Caleb kiib' i rak'uun xwihik je' wili kib'ihnaal: Seber, Tirhana.⁴⁹Re' Maaca, re' wo' re' i rutuut i Saaf, re' rajaaw i Madmana, rutuut wo' Seba rajaaw i Macbena, rutuut wo' Gibea. Eh re' Caleb xwihik wo' jinaj rixq'uun Acsa i rub'ihnaal.

⁵⁰Re' taqe i riih rumaam i Caleb re' taqe wili:
Re' taqe rak'uun i Hur i peet rak'uun i xwihik ruuk' i Efrata, je' wili kib'ihnaal: Sobal, re' rajaaw i Quiriat-jearim.⁵¹Re' Salma re' rajaaw i Belén, re' Haref rajaaw i Bet-gader.⁵²Re' taqe i rak'uun i Sabal i rajaaw Quiriat-jearim, je' wili i kib'ihnaal: Haroe kimaam kati't yejaal reh i tinamit Manahetita.⁵³Re' Sobal re' wo' taqe i kimaam kati't i aj Quiriat-jearim. Re' taqe aj Itritas, re' taqe i aj Futitas, re' taqe i aj Sumatitas, re' taqe i aj Mistraítas. Re' taqe i re' i kimaam kati't i Zoratitas, je' wo' taqe estaolitas.

⁵⁴Re' i Salma i kimaam kati't i aj Belén, taqe aj Netofatitas, taqe Atrot-bet-joab, eh je' wo' yejaal reh i tinamit Manahetitas, je' wo' taqe i aj Zoraitas.⁵⁵Eh re' wo' Salma kimaam kati't taqe i aj tz'ihb' wilkeeb' ar Jabes. Re' taqe i aj Tirateo, taqe i aj Simeateo, taqe i aj Sucateo. Re' taqe re' i aj kenita re' ruuk' taqe i riih rumaam i Hamat rajaaw i Recab. Re' taqe i rak'uun i reey David (2 Sam 3.1-5; 5.13-16; 1 Cron 14.3-7)

¹Re' taqe wili i rak'uun i David xi aasjik ar Hebrón, re' peet rak'uun Amnón i rub'ihnaal, re' rutuut Ahinoam i rub'ihnaal aj Jezreel. Re' rukab' rak'uun Daniel i rub'ihnaal, re' rutuut Abigail i rub'ihnaal aj Carmel.²Re' roox rak'uun Absalón i rub'ihnaal, re' rutuut Maaca i rub'ihnaal rixq'uun i Talmai kireey i aj Gesur. Re' rukaaj rak'uun Adonías i rub'ihnaal, re' rutuut Haguit i rub'ihnaal.³Re' roo' rak'uun Sefatías i rub'ihnaal, re' rutuut Abital rub'ihnaal. Re' ruwaaq rak'uun Itream rub'ihnaal, re' rutuut Egla rub'ihnaal re' rehk'een jinaj chik i David.⁴Re' taqe i waq'iib' chi rak'uun i David re' re' ar xi-aasjik Hebrón. Re' i xwihik wii' chi reyil i David chuwach i wuquub' haab' ruuk' waq'iib' poh. Chi riij i re', re' David oxlaj ru ka'winaq haab' xwihik chi reyil Jerusaleem.⁵Re' reey David kijib' chik i rak'uun xi-aasjik Jerusaleem, je' wili kib'ihnaal: Simea, Sobab, Natán, Salomón. Re' kituut kikajcheel i re', re' i Betsabé rixq'uun i Amiel.⁶Re' David kob'elejeeb' chik i rak'uun xi wihik, je' wili kib'ihnaal: Ibhar, Elisama, Elifelet,⁷re' Noga, Nefeg, Jofía,⁸Elisama, Eliada, Elifelet,⁹eh chu'nchel i re' rak'uun taqe David, jinaj i kanaab' Tamar i rub'ihnaal. Eh ma' xi okik ta haa' i rak'uun xi wihik kuuk' iruxoqil tokoom. Re' taqe i rak'uun i riih rumaam Salomón

¹⁰Re' taqe i wili i rak'uun i riih rumaam Salomón. Re' Salomón rajaaw i Roboam. Re' Roboam rajaaw i Abías. Re' Abías rajaaw i Asa. Eh re' Asa rajaaw i Josafat.¹¹Re' Josafat rajaaw i Joram. Re' Joram rajaaw i Ocozías. Re' Ocozías rajaaw i Joás.¹²Re' Joás rajaaw i Amasías. Re' Amasías rajaaw i Azarías. Re' Azarías rajaaw i Jotam.¹³Re' Jotam rajaaw i Acaz. Re' Acaz rajaaw i Ezequías. Re' Ezequías rajaaw i Manasés.¹⁴Re' Manasés rajaaw i Amón. Re' Amón rajaaw i Josías.¹⁵Re' Josías re' taqe wili i rak'uun: Re' peet rak'uun Johanán rub'ihnaal, re' rukab' rak'uun Joacim i rub'ihnaal. Re' roox rak'uun Sedequías rub'ihnaal. Re' rukaaj rak'uun Salum i rub'ihnaal.¹⁶Eh re' i Joacim kiib' i rak'uun xwihik je' wili kib'ihnaal: Jeconías, Sedequías.

¹⁷Re' Jeconías je' wili kib'ihnaal i rak'uun: Asir, Salatiel.¹⁸Malquiram, Pedaías, Senazar, Jecamías, Hosama, Nedabías.

¹⁹Re' Pedaías je' wili kib'ihnaal i rak'uun: Zorobabel, Simei. Re' Zorobabel je' wili kib'ihnaal i rak'uun: Mesulam, Hananías, eh jinaj i kanaab' Selomit rub'ihnaal.²⁰Re' i Zorobabel ho'oob' chik i rak'uun xwihik je' wili kib'ihnaal: Hasuba, Ohel, Berequías, Hasadías, Jusab-hesed.

²¹Re' Hananías kiib' i rak'uun xwihik je' wili kib'ihnaal: Pelatías, Jesaías. Re' Jesaías rajaaw i Refaías. Re' Refaías rajaaw i Arnán. Re' Arnán rajaaw i Abdías. Re' Abdías rajaaw i Secanías.²²Re' Secanías waqiib' i rak'uun xwihik je' wili kib'ihnaal: Semaías, Hatús, Igal, Barías, Nearías, Sefat.

²³Re' Nearías ixib' i rak'uun xwihik je' wili kib'ihnaal: Elioenai, Ezequías, Azricam.

²⁴Re' Elioenai wuquub' i rak'uun xwihik je' wili kib'ihnaal: Hodavías, Eliasib, Pelaías, Acub, Johanán, Dalaías, Anani. Re' taqe i rak'uun, eh re' taqe i riih rumaam i Judá

¹Re' Judá je' wili kib'ihnaal i rak'uun: Fares, Hezrón, Carmi, Hur Sobal,²Re' Reaía i rak'uun i Sobal re' re' rajaaw i Jahat. Re' Jahat rajaaw i Ahumai, ruch'ihil i Lahad re' taqe re' kimaam kati't i aj Zoratitas.

³Re' Etam je' wili kib'ihnaal i rak'uun: Jezreel Isma, Ibdas, eh jinaj i kanaab' Naze-lelponi rub'ihnaal.

⁴Re' Penuel rajaaw i Gedor, re' Ezer rajaaw i Husa, re' taqe re' rak'uun i Hur, peet rak'uun i Efrata. Eh re' Hur kimaam kati't i aj Belén.

⁵Re' Asur i rajaaw Tecoa, kiib' iruxoqil xwihik, je' wili kib'ihnaal: Hela, Naara.⁶Eh re' Asur re' re' kijib' i rak'uun xwihik ruuk' i Naara, je' wili kib'ihnaal: Ahuzam, Hefer, Temeni, Ahastari.⁷Eh re' taqe rak'uun ruuk' i Ela je' wili kib'ihnaal: Zeret, Jezoar, Etnán.

⁸Re' Cos rajaaw i Anub rajaaw wo' hoq i Zobeba. Re' taqe re' rumaam rati't Aharhel, re' rak'uun i Harum.

⁹Re' Jabes jinaj winaq wilik rib'iral chi kow riib' chikiwach taqe i ras, eh ruchaaq. Re' rutuut Jabes i rub'ihnaal xukoj ruum q'e' xik'ik chi ti' noq x-aasjik i rak'uun re' re'.¹⁰Eh re' Jabes xub'an rutiij chuwach i qaDios i hoj, hoj aj Israel je' wili xuq'or: QaJaaw Dios kinakuxisaj tii chayeew weh i nimlaj ye'aab'. Neeta tii ti wihik wuuk' reh chi ma' xta neekiruchej i ti' k'axik neenchalik chi nunaah, inki. Eh xye'arik wo' reh ruum i Dios i xupahqaaj.

¹¹Re' Quelub i ras i Súa rajaaw i Mehir. Eh re' Mehir rajaaw i Estón.¹²Re' Estón rajaaw i Bet-rafa, rajaaw wo' i Paseah, je' wo' hoq i Tehina. Re' i Tehina, re' i xtooq'anik reh i tinamit i Nahas. Re' taqe wili i wilkeeb' ar Reca.

¹³Re' Cenaz je' wili i kib'ihnaal i rak'uun, Otoniel. Seraías. Re' i Otoniel je' wili i kib'ihnaal i rak'uun:¹⁴Hatat, Meonotai. Re' Meonotai rajaaw i Ofra. Eh re' Seraías rajaaw i Joab. Re' Joab kimaam kati't taqe i patim wach k'ixkaab' Carisim, ruum re' keh kichol kamanik chi korik.

¹⁵Re' taqe rak'uun i Caleb i rak'uun i Jefone, je' wili kib'ihnaal: Iru, Ela, eh Naam. Eh re' i Ela rajaaw i Cenaz.

¹⁶Re' Jehalelel, je' wili kib'ihnaal i rak'uun: Zif, Zifa, Tirías, Asarel.

¹⁷Re' Esdras je' wili kib'ihnaal i rak'uun: Jeter, Mered, Efer, Jalón. Re' Mered xub'an kaxáro ruuk' i rixq'uun i kireey i aj Egipto xwihik rak'uun ruuk' je' wili kib'ihnaal: Jeter Mered, Eter Jalón, eh re' María Samai, Isba. Re' Isba rajaaw i Estemoa.¹⁸Re' Mered xwihik jinaj rehk'een aj Judá xwihik rak'uun ruuk', Jered i rub'ihnaal, rajaaw i Gedor, re' i jinaj Heber, rajaaw i Soco, eh re' jinaj chik Jecutiel i rub'ihnaal, rajaaw i Zanoa. Re' taqe wili i rak'uun Bitia rixq'uun i kireey i aj Egipto re' xub'an kaxáro ruuk' i Mered.

¹⁹Re' rehk'een i Hodías ranaab' i Naham, jinaj keh i rak'uun ruuk' ixoq re' re' rajaaw i Keila, aj garmita, eh jinaj chik i rak'uun rajaaw i Estemoa aj Maacateo.

²⁰Re' i Simón je' wili i kib'ihnaal i rak'uun: Amnón, Rina, Ben-hanán, Tilón. Re' Isi, je' wili kib'ihnaal i rak'uun: Zohet, Benzohet.

²¹Re' Sela i rak'uun i Judá je' wili i kib'ihnaal i rak'uun: Re' Er i rajaaw i Leca, re' Laada, i rajaaw i Maresá, re' taqe i kikamanik ruuk' itz'ihy lino ar Bet-asbea.²²Re' Jocim re' taqe i winaq xi patinik chupaam i tinamit Cozeba, re' Joás, re' Saraf, re' i k'amal kib'eeh i aj Moab, xooj kian kaxáro kuuk' ixoq aj Lehem je' rukab' i kitz'ihb'aam kahnoq i aj najtir q'iij.²³Re' taqe re' i aj yej-an xa chib'ih jariij ruuk' saq ak'al chupaam i tinamit Netaim, eh Gedera. Eh ruuk' i reey kikamanik. Re' taqe rak'uun, eh taqe i riih rumaam i Semeón

²⁴Re' Simeón je' wili kib'ihnaal i rak'uun: Nemuel, Jamín, Jarib, Zera, Saúl.²⁵Re' Saúl rajaaw i Salum. Re' Salum rajaaw i Mibsam. Re' Mibsam rajaaw i Mismá.²⁶Re' Mismá, Hamuel rub'ihnaal i rak'uun. Re' Zacuur Simei rub'ihnaal i rak'uun.²⁷Re' Simei waqlaj i rak'uun xwihik, eh waqiib' i rixq'uun re' taqe i ras i ruchaaq i Simei, xa re' la' ma' k'ih ta taqe i kak'uun kixq'uun i xwihik. Ruum aj re' ma' q'e' ta xi k'ihaaxb'ik i riih rumaam i Semeón. Ma' xponik ta chi je' k'ihaal i riih rumaam i Judá.

²⁸Re' taqe i rak'uun rixq'uun i Simeón ar xi patinik Beerseba Molada, eh Hazar-sual.²⁹Eh chupaam taqe i tinamit Bilha i Ezem Tolad.³⁰Betuel, Horma, Siclag.³¹Bet-marcabot Hazar-susim, Bet-birai, Saaraim. Re' taqe re' i kitinamiit korehtaal xokik chi reyil i David.³²Eh ho'oob' wo' chik i kitinamiit chi riij taqe re', je' wili kib'ihnaal: Etam, Aín, Rimón, Toquén, Asán.³³Eh chupaam chu'nchel i kok' ye'aab' wilkeeb' wii' chi kijunsuut i tinamit re' re' korehtaal xponik Baal. Eh chupaam taqe ye'aab' re' re' xi patinik taqe i kiih kimaam.

³⁴Je' wili kib'ihnaal: Mesobab, Jamlec, Josías rak'uun Amasías.³⁵Joel, Jehú, rak'uun i Josibías. Re' i Josibías rak'uun i Seraías. Re' Seraías rak'uun i Asiel.³⁶Elioenai, Jaacoba, Jesohaía, Asaías, Adiel, Jesimiel, Benaía.³⁷Ziza, re' Ziza rak'uun i Sifi. Re' Sifi rak'uun Alón. Re' Alón rak'uun chee Jedaías. Re' Jedaías rak'uun i Simri. Re' Simri rak'uun i Semaías.³⁸Re' taqe xq'orarik kib'ihnaal wili, re' taqe re' xi kahnik chi k'amal kib'eeh taqe i ju'jun ch'uq chi xak'uuk' kiib'. Eh ma' k'isiin ta xi k'ihaaxb'ik i awach keh.³⁹Ruum aj re' xiooj k'oloq chi korkiil ireelb'aali q'iij kopanookb'al reh i Gerar, xkisik' i ye'aab' aha' xkireq wii' ruwa' i kitentzuun.⁴⁰Eh xponik kireq i runimaal ye'aab' q'e' holohik, eh q'e' wo' holohik i ch'ahn chupaam ruwa' i kichikoop. Eh ar suq xi wihik ma' awach ta xtz'a'inik keh ruum re' taqe i riih rumaam i Cam xi wihik cho ar pampeet.⁴¹Eh re' taqe i tz'ihb'amaj kib'ihnaal re' re' xi ponik chupaam i ye'aab' re' re' noq wilik chi reyil ar Judá i Ezequías. Noq xi ponik xkisach wach i patim taqe ar, xkiyojib'eej i kipaat. Re' chik i keh xi okik chi patinik ar chi kijilow. Eh ar xi kahnik chi patinik chi jumpech, ruum ar xkireq ruwa' i kichikoop.⁴²Eh hoob' siento taqe i re' ruuk' i riih rumaam i Simeón xiooj chinaah i yuuq' Seir. Re' taqe i xk'amwik reje kib'eeh je' wili i kib'ihnaal: Pelatías, Nearías, Repaías, Uziel rak'uun Isi.⁴³Noq xi ponik ar xkuxik xkisacham wach taqe i kiqox i aj Amalec. Eh ar xi kahnik chi k'acharik chi jumpech. Re' taqe rak'uun, eh taqe i riih rumaam i Rubén

¹Re' Rubén i peet rak'uun i Israel, ruum chi xumin riib' ruuk' i rukab'ruxoqil i rajaaw ma' xuk'ul taj i rukooch naa naq ruye'ariik reh ruum chi peet ak'un ma' xye'arik ta chik reh. Re' chik i rak'uun i Israel José i rub'ihnaal xk'ulwik reh i rukooch naq i Rubén. Eh ma' xkiyeew ta chik rajaawriik chi peet ak'uunb'ees.²Re' José xk'ulwik reh i rukooch i peet ak'un xa re' la' re' taqe i riih rumaam i Judá xwihik kajaawriik chikinaah i kuch tinamitaal. Eh chi kixilak wo' keh xelik chaloq jinaj i aj taq'oom chikinaah.³Re' Rubén i peet rak'uun i Israel je' wili kib'ihnaal i rak'uun: Hanoc, Hezrón, Falú, Carmi.

⁴Re' Joel, Semaías i rub'ihnaal i rak'uun. Re' Semaías Gog rub'ihnaal i rak'uun. Re' Gog Simei i rub'ihnaal i rak'uun.⁵Re' Simei Micaía i rub'ihnaal i rak'uun. Re' Micaía Reaía rub'ihnaal i rak'uun. Re' Reaía Baal rub'ihnaal i rak'uun.⁶Re' i Baal Beera rub'ihnaal i rak'uun, re' i xk'amarik reje ruum i Tiglat-pileser kireey i aj Asiria. Re' Beera, re' naq i k'amal kib'eeh i riih rumaam i Rubén.⁷Re' taqe i ruchaaq' i Beera xtz'ihb'jik i kib'ihnaal nik' kik'ihaal taqe i kak'uun kixq'uun. Re' taqe i k'amal kib'eeh je' wili i kib'ihnaal Jeiel i Zacarías.⁸Bela rak'uun i Azaz. Re' Azaz rak'uun i Sema. Re' Sema rak'uun i Joel. Re' taqe re' xi wihik ar Aroer, ko xi ponik Nebo, eh Baal-meón.⁹Eh xi wihik wo' hoq chi korkiil reje ireelb'aalq'iij, ar xtohq'ik reje chi chii' i ye'aab' chiq yuuq' korehtaal xi ponik chi chii' i nim ha' Éufrates, ruum xiik' naah k'ihaal i kichikoop wilik paruyuq'ul i Galaad.

¹⁰Eh noq xwihik i Saúl chi reyil chikinaah i riih rumaam i Rubén xkian i q'aq'inik kuuk' i aj agarenos, eh xkian reh. Je' re' noq re' chik i keh xkiyejaa' ki-itz'ihy naah paat, chi korkiil reje ireelb'aalq'iij reh i Galaad. Re' taqe i rak'uun, eh taqe i riih rumaam i Gad

¹¹Eh re' taqe i riih rumaam i Gad ar xi patinik chi kik'ulwaach reje xi wihik wii' i riih rumaam i Rubén. Ar paruyuq'ul i Basán, ko xi ponik Salca.¹²Re' i Joel xti xwihik rajaawriik chi peet ar Basán, chi riij i reh re' Safán, chi riij i reh, re' Jaanai, chi riij i reh re' i Safat.

¹³Eh re' taqe i junch'uq chik chi riih rumaam je' wili kib'ihnaal k'amal kib'eeh: Micael, Mesulam, Seba, Jorai, Jacán, Zía, Heber, wuquub' chi kiib'.

¹⁴Re' taqe i wili rak'uun i riih i Abihail rak'uun i Huri. Re' Huri rak'uun i Jaroa. Re' Jaroa rak'uun i Galaad. Re' Galaad rak'uun i Micael. Re' Micael rak'uun i Jesisai. Re' Jesisai rak'uun i Jahdo. Re' Jahdo rak'uun i Buz.¹⁵Eh re' i Ahí rak'uun i Abdiel. Re' Abdiel rak'uun i Guni. Re' Ahí xwihik chi k'amal kib'eeh taqe re'.¹⁶Chu'nchel i re' ar xi k'acharik paruyuq'ul i Galaad, eh Basán, je' wo' chupaam taqe i kok' ye'aab', je' wo' chupaam i ye'aab' Sarón, re' wilik wii' i holohaq ch'ahn.¹⁷Eh chu'nchel i re' xi ajaljik chi ch'uhqaal noq xwihik i Jotam chi kireey i aj Judá. Eh noq xwihik i Jeroboam chi kireey i aj Israel. Re' i k'utaaj chikiij taqe i ka'ch'uq ruuk' ruyej-aal

¹⁸Re' taqe i junch'uq chi riih rumaam Rubén, ruch'ihil i Gad, ruch'ihil i yejaal ch'uq chi riih rumaam i Manasés. Re' keh kowlaj soldado taqe chi q'aq'inik, wilik kinimaq pulato ch'ihch', wilik kiq'aslaj ch'ihch', eh wilik kiflecha, tijimaj taqe chi korik reh i q'aq'inik. Eh kijib' roxk'ahl miil ruuk' wuquub' siento ruuk' oxk'ahl chi kiib', kichol q'aq'inik chi korik.¹⁹Re' taqe re' xkian i q'aq'inik kuuk' i aj agareno, je' wo' kuuk' i kiih kimaam i Jetur, Nifis, eh Nadab.²⁰Re' keh re' Dios xtoob'inik keh ruum xkiyeew kik'ux ruuk', eh xkipahqaaj i rotob'il noq k'ahchi' keeb' chi q'aq'inik. Eh re' taqe i aj agarenos, ruch'ihil taqe i k'ahchi' naq rutoob'iniik keh xkiq'asaj kiib' pan kiq'ab'. Ruum re' Dios xtoob'inik keh.²¹Eh xkiq'uch i kichikoop i nixowanik kiwach, lajeeb' roxk'ahl miil i kicameyo, kiib' siento ruuk' lajeeb' roxk'ahl miil kitentzuun, eh kiib' siento miil i kib'uruux. Eh xkichop reje i jinaj siento miil i tinamit.²²Eh ma' k'isiin i aj ixowaal xkikansaj i riih rumaam i Rubén i Gad, ruum re' i Dios xtoob'inik keh chi xi elik korik ruuk' i q'aq'inik. Ar xi patinik chupaam taqe ye'aab' re' re' korehtaal chik xi k'amarik reje pan tokoom tinamit.

²³Eh re' taqe i yejaal i ch'uq reh i riih rumaam i Manasés, ma' k'isiin ta noq xik'ihaaxb'ik. Eh ar xi patinik Basán, eh ar Baal-hermón, Senir, eh ko xi ponik chupaam i ye'aab' Hermón.²⁴Eh re' taqe i ju'jun ch'uq je' wili kib'ihnaal ink'amwik kib'eeh: Efer, Isi, Eliel, Azriel, Jeremías. Hodavías, Jandiel. Re' taqe winaq wili kow kiib' chi q'aq'inik eht'alimaj kiwach, eh k'amal kib'eeh taqe i awach keh.²⁵Xa re' la' re' keh xkiq'eb' chi riij kik'ux i Dios xkinimaj chaloq i qamaam kati't i hoj, hoj aj Israel. Re' chik taqe i tiyoox xtohq'ik kiloq'em, re' ki dios i tokoom tinamit. Re' taqe i tiyoox xresaj reje chikiwach i aj Israel noq xi okik chupaam i ye'aab'.²⁶Je' aj re' noq re' i QaJaaw Dios xuyeew paruk'ux i Pul inkiq'or reh re' wo' hoq i Tiglat-pileser i kireey i aj Asiria chi naa rojiik chi q'aq'inik kuuk' i riih rumaam i Rubén, kuuk' i riih rumaam i Gad, je' wo' kuuk' i yejaal i ch'uq i riih rumaam i Manasés. Eh xuk'am taqe reje chupaam taqe i tinamit Halah, Habor, Hara, re' wilik wii' i nim ha' Gozán, eh ar xi kahnik chi jumpech. Re' taqe rak'uun, eh taqe i riih rumaam i Leví

¹Re' Leví je' wili kib'ihnaal i rak'uun: Gersón, Coat, Merari.²Re' Coat je' wili kib'ihnaal i rak'uun: Amram, Izhar, Hebrón, Uziel.³Re' Amram je' wili kib'ihnaal i rak'uun: Aarón, Moisés, re' i María i rixq'uun. Re' Aarón je' wili kib'ihnaal i rak'uun: Nadab, Abiú, Eleazar, Itamar.⁴Eh re' Eleazar rajaaw i Finees. Re' Finees rajaaw i Abisúa.⁵Re' Abisúa rajaaw i Buqui. Re' Buqui rajaaw i Uzi.⁶Re' Uzi rajaaw i Zeraías. Re' Zeraías rajaaw i Meraiot.⁷Re' Meraiot rajaaw i Amarías. Re' Amarías rajaaw i Ahitob.⁸Re' Ahitob rajaaw Sadoc. Re' Sadoc rajaaw Ahimaas.⁹Re' Ahimaas rajaaw i Azarías. Re' Azarías rajaaw i Johanán.¹⁰Re' Johanán rajaaw i Azarías, re' xkamanik chi k'amal kib'eeh aj tiij chupaam i rupaat i Dios xuyejaa' i reey Salomón ar Jerusaleem.¹¹Re' Azarías rajaaw i Amarías. Re' Amarías rajaaw Ahitob.¹²Re' Ahitob rajaaw i Sadoc. Re' Sadoc rajaaw i Salum.¹³Re' Salum rajaaw Hilcías. Re' Hilcías rajaaw i Azarías.¹⁴Re' Azarías rajaaw i Seraías. Re' Seraías rajaaw i Josadac.¹⁵Eh re' Josadac xchoparik noq re' i QaJaaw Dios xukanaa' taqe i aj Judá, i aj Jerusaleem pan q'ab' i reey Nabucodonosor reh chi xuk'am taqe reje pan tokoom tinamit. Re' taqe rak'uun, eh taqe i riih rumaam i Leví

¹⁶Re' Leví je' wili kib'ihnaal i rak'uun: Gersón, Coat, Merari.¹⁷Re' Gersón je' wili kib'ihnaal i rak'uun: Libni, Simei.¹⁸Re' Coat je' wili kib'ihnaal i rak'uun: Amram, Izhar, Hebrón, Uziel.¹⁹Re' Merari je' wili kib'ihnaal i rak'uun: Mahli, Musi. Re' taqe wili i riih rumaam i Leví xi wihik cho kuuk' i rak'uun.²⁰Re' Gersón, Libni rub'ihnaal i rak'uun. Re' Libni Johat i rub'ihnaal i rak'uun. Re' i Johat Zima i rub'ihnaal i rak'uun.²¹Re' Zima Joa i rub'ihnaal i rak'uun. Re' Joa, Iddo rub'ihnaal i rak'uun. Re' Iddo Zera rub'ihnaal i rak'uun. Re' Zera Jeatrai.

²²Re' Coat, re' Aminadab rub'ihnaal i rak'uun. Re' Aminadab Coré rub'ihnaal i rak'uun. Re' Coré Asir rub'ihnaal i rak'uun.²³Re' Asir Elcana rub'ihnaal i rak'uun. Re' Elcana Ebiasaf rub'ihnaal i rak'uun. Re' Ebiasaf Asir rub'ihnaal i rak'uun.²⁴Re' Asir Tahat rub'ihnaal i rak'uun. Re' Tahat Uriel rub'ihnaal i rak'uun. Re' Uriel Uzías rub'ihnaal i rak'uun. Re' Uzías Saúl rub'ihnaal i rak'uun.²⁵Re' Elcana je' wili kib'ihnaal i rak'uun: Amasai, Ahimot.²⁶Re' Ahimot Elcana rub'ihnaal i rak'uun, re' Elcana Zofai rub'ihnaal i rak'uun. Re' Sofai, Nahat rub'ihnaal i rak'uun.²⁷Re' Nahat Eliab rub'ihnaal i rak'uun. Re' Eliab Jeroham rub'ihnaal i rak'uun. Re' Jeroham Elcana rub'ihnaal i rak'uun.²⁸Re' Samuel je' wili rub'ihnaal i peet rak'uun: Vasni, re' rukab', eh Abías i rub'ihnaal.

²⁹Re' Merari, Mahli rub'ihnaal i rak'uun. Re' Mahli Libni rub'ihnaal i rak'uun. Re' Libni Simei rub'ihnaal i rak'uun. Re' Simei Uza rub'ihnaal i rak'uun.³⁰Re' Uza Simea rub'ihnaal i rak'uun. Re' Simea Haguía rub'ihnaal i rak'uun. Re' Haguía Asaías rub'ihnaal i rak'uun. Re' i kib'ihnaal i xupab'aa' taqe chi tz'uuy parupaat i Dios i David

³¹Re' taqe winaq wili xupab'aa' i reey David reh chi xitz'uyinik chupaam i rusanto laj itz'ihy naah paat i Dios, noq xkiyeew ar i ruloq'laj kaxa molik wii' i k'uhb'aal.³²Xankijal kiib' chi tz'uuy ar chupaam i santo laj itz'ihy naah paat molb'al iib'. Je' re' i xkian korehtaal chik xuyejaa' i rupaat i Dios i Salomón ar Jerusaleem. Re' keh xkian i kikamaj je' rukab' i xq'orarik keh.

³³Re' taqe wili kitz'uyinik ruch'ihil taqe i kak'uun, haa' taqe i riih rumaam i Coat je' wili kib'ihnaal: Re' i Hemán i aj tz'uuy rak'uun i Joel, re' Joel rak'uun i Samuel.³⁴Re' Samuel rak'uun i Elcana. Re' Elcana rak'uun Jeroham. Re' Jeroham rak'uun i Eliel. Re' Eliel rak'uun i Toa.³⁵Re' Toa rak'uun i Zuf. Re' i Zuf rak'uun i Elcana. Re' Elcana rak'uun i Mahat. Re' Mahat rak'uun i Amasai.³⁶Re' Amasai rak'uun i Elcana. Re' Elcana rak'uun i Joel. Re' Joel rak'uun i Azarías. Re' Azarías rak'uun i Sofonías.³⁷Re' Sofonías rak'uun i Tahat. Re' Tahat rak'uun i Asir. Re' Asir rak'uun i Ebiasaf. Re' Ebiasaf rak'uun i Coré, re' Coré rak'uun i Izhar,³⁸Re' Izhar rak'uun i Coat. Re' Coat rak'uun i Leví, re' Leví rak'uun i Israel.

³⁹Eh parusak'aaj i Hemán i rupab'aa' i koq riib' Asaf ma' tokoom ta ruuk', rak'uun i Berequías, rak'uun i Simea.⁴⁰Re' Simea rak'uun i Micael. Re' Micael rak'uun i Baasías. Re' Baasías rak'uun i Malquías.⁴¹Re' Malquías rak'uun i Etni. Re' Etni rak'uun i Zera. Re' Zera rak'uun i Adaía.⁴²Re' Adaía rak'uun i Etán. Re' Etná rak'uun i Zima. Re' Zima rak'uun i Simei.⁴³Re' Simei rak'uun i Jahat. Re' Jahat rak'uun i Gersón. Re' Gersón rak'uun i Leví.

⁴⁴Eh parutz'eet i Hemán inkipab'aa' i koq kiib' taqe i ma' tokoom ta ruuk' re' taqe i riih rumaam i Merari, je' wili kib'ihnaal: Re' Etán rak'uun i Quisi. Re' Cis i rak'uun i Abdi. Re' Abdi rak'uun i Maluc.⁴⁵Re' Maluc rak'uun i Hasabías. Re' Hasabías rak'uun i Amasías. Re' Amasías rak'uun i Hilcías.⁴⁶Re' Hilcías rak'uun i Amsi. Re' Amsi rak'uun i Bani. Re' Bani rak'uun i Semer.⁴⁷Re' Semer rak'uun i Mahli. Re' Mahli rak'uun i Musi. Re' Musi rak'uun i Merari. Re' Merari rak'uun i Leví.

⁴⁸Eh re' taqe junch'uq ma' tokoom ta ruuk' i riih rumaam taqe i Leví xipa'ab'jik chub'anariik chu'nchel i kamanik imb'aanchupaam i itz'ihy naah paat.

⁴⁹Eh re' Aarón ruch'ihil taqe rak'uun riih rumaam kik'atwik reh i insensia. Eh re' wo' keh kik'atwik reh i mayiij chinaah i artaal, re' wo' hoq inkik'at wii' i mayiij. Eh re' wo' keh kib'anik kamanik chupaam i santo laj ye'aab'. Eh re' keh kiq'asaniik reh i mayiij inkiyeew i aj Israel chi pahqb'al kuyb'al kimahk chuwach i QaJaaw Dios. Eh xkian wo' chu'nchel i xq'orarik reh i Moisés ruum i QaJaaw Dios. Re' taqe rak'uun, eh taqe i riih rumaam i Aarón

⁵⁰Re' taqe i rak'uun i riih rumaam i Aarón, je' wili i kib'ihnaal: Re' Eleazar, rak'uun i Aarón. Re' Finees rak'uun i Eleazar. Re' Abisúa rak'uun i Finees.⁵¹Re' Buqui rak'uun i Abisúa. Re' Uzi rak'uun i Buqui. Re' Zeraías rak'uun i Uzi.⁵²Re' Meraiot rak'uun i Zeraías. Re' Amarías rak'uun i Meraiot. Re' Ahitob rak'uun i Amarías.⁵³Re' Sadoc rak'uun i Ahitob. Re' Ahimaas rak'uun i Sadoc. Re' taqe i ye'aab' xi wihik wii' i riih rumaam i Leví (Jos 21.1-42)

⁵⁴Re' taqe wili ye'aab' xye'arik keh i rak'uun i riih rumaam i Aarón noq xsik'arik chi riij aha' wili i ye'aab' xye'arik keh. Re' taqe riih rumaam i Coat.⁵⁵Xye'arik keh i tinamit Hebrón wilik paruyuq'ul i Judá, je' wo' kok' ye'aab' wilkeeb' chi junsuut.⁵⁶Re' i tinamit ruch'ihil i kok' ye'aab' xye'arik reh i Caleb i rak'uun i Jefone.⁵⁷Eh re' taqe i riih rumaam i Aarón, xye'arik wo' keh i tinamit re' Hebrón, re' inkamanik chi ko'lb'al iib' je' wo' taqe i kok' ye'aab' Libna, Jatir, Estemoa.⁵⁸Xye'arik wo' keh i tinamit Hilén, je' wo' taqe i kok' ye'aab', je' wo' hoq i tinamit Debir je' wo' taqe i kok' ye'aab' wili chi kijunsuut.⁵⁹Re' i tinamit Asán, je' wo' hoq i tinamit Bet-semes je' wo' i kok' ye'aab' wilkeeb' chi kijunsuut.⁶⁰Eh xq'ahteesjik keh i ye'aab' kuum taqe i riih rumaam Benjamín, re' taqe i tinamit wili: Geba, Alemet, Anatot, eh je' wo' taqe i kok' ye'aab' wilik chi kijunsuut. Re' taqe i riih rumaam i Aarón oxlaj seht chi tinamit i xye'arik keh.

⁶¹Eh re' taqe jar ch'uq chik chi riih rumaam i Coat lajeeb' seht chi tinamit i xye'arik keh kuum i yejaal ch'uq chi riih rumaam i Manasés.⁶²Re' taqe i riih rumaam i Gersón, oxlaj seht chi tinamit ixye'arik keh i kuum i riih rumaam i Isacar, kuum i riih rumaam i Aser, kuum i riih rumaam i Neftalí, eh kuum i riih rumaam i Manasés.⁶³Re' taqe i riih rumaam i Merari re' q'oreel jar ch'uq chi kiib' kab'laj seht chi tinamit i ye'arik keh kuum i riih rumaam i Rubén, kuum i riih rumaam i Gad, kuum i riih rumaam i Zabulón.

⁶⁴Eh re' taqe i aj Israel xkiq'asaj taqe i tinamit re' re' je' wo' taqe i kok' ye'aab' wilik chi kijunsuut keh taqe i riih rumaam i Leví.⁶⁵Re' taqe i junch'uq chi riih rumaam i Judá, re' taqe junch'uq chi riih rumaam Simeón, taqe i junch'uq chi riih rumaam Benjamín, re' taqe tinamit xq'orarik kib'ihnaal xkiyeew reh taqe i riih rumaam i Leví, re' i xsik'arik wach chi keh.

⁶⁶Eh wilik taqe i re' ruuk' i riih rumaam i Leví, ye'arik keh i ye'aab' wilik paruyuq'ul i kitinamiit taqe i riih rumaam i Efraín.⁶⁷Eh xye'arik wo' keh i tinamit Siquem inko'ljik wii' iib' wilik chinaah i yuuq' wilkeeb' wii' i riih rumaam i Efraín, xye'arik wo' keh i kok' ye'aab', je' wo' hoq i tinamit Gezer.⁶⁸Je' wo' hoq i tinamit Jocmeam, je' wo' hoq i tinamit Bet-horón, je' wo' taqe i kok' ye'aab' wilkeeb' chi kijunsuut.⁶⁹Xye'arik wo' keh i tinamit Ajalón, je' wo' tinamit Gat-rimón, je' wo' taqe i kok' ye'aab' wilkeeb' chi kijunsuut.⁷⁰Eh re' i yejaal i ch'uq reh i riih rumaam i Manasés i tinamit Aner, je' wo' tinamit Bileam je' wo' taqe i kok' ye'aab' wilkeeb' chi kijunsuut xkiyeew reh i riih rumaam i Coat komajaa' naq inkireq kiye'aab'.

⁷¹Re' taqe i yejaal i ch'uq i riih rumaam i Manasés xkiyeew reh taqe i riih rumaam i Gersón i tinamit Golán wilik paruyuq'ul i Basán, je' wo' hoq i tinamit Astarot, je' wo' taqe i kok' ye'aab' wilkeeb' chi kijunsuut.⁷²Eh re' taqe i riih rumaam i Isacar xkiyeew wo' keh taqe re' i tinamit Cedes, je' wo' hoq i tinamit Daberat, je' wo' taqe i kok' ye'aab' wilkeeb' chi kijunsuut.⁷³Xye'arik wo' keh i tinamit Ramot, je' wo' tinamit Anem, je' wo' taqe i kok' ye'aab' wilkeeb' chi kijunsuut.⁷⁴Eh re' junch'uq chi riih rumaam i Aser xkiyeew wo' reh taqe re' i tinamit Mesal, je' wo' hoq i tinamit Abdón, je' wo' taqe kok' ye'aab' wilkeeb' chi kijunsuut.⁷⁵Xkiyeew wo' hoq i tinamit Hucoc, je' wo' hoq i tinamit Rehob, je' wo' taqe i kok' ye'aab' wilkeeb' chi kijunsuut.⁷⁶Re' taqe i riih rumaam i Neftalí xkiyeew wo' keh taqe re' i tinamit Cedes wilik paruyuq'ul i Galilea, je' wo' hoq i tinamit Hamón, je' wo' hoq i tinamit Quiriataim, je' wo' taqe i kok' ye'aab' wilkeeb' chi kijunsuut.

⁷⁷Eh re' taqe i riih rumaam i Zabulón, re' tinamit Rimón, je' wo' tinamit Tabor, je' wo' taqe i kok' ye'aab' wilkeeb' chi kijunsuut xkiyeew reh taqe i riih rumaam i Merari.⁷⁸Eh re' taqe i riih rumaam i Rubén xkiyeew i ye'aab' i wilik reje chi juntar i nim ha' Jordán i wilik reje chuwach i tinamit Jericó, pareelb'aal reje reh i q'iij wilik wii' i nim ha' Jordán, je' wo' hoq i ye'aab' i Beser, wilik reje panchiq yuuq', re' taqe ye'aab' Jaza.⁷⁹Eh xye'arik wo' keh i tinamit Cademot, je' wo' tinamit Mefáat, je' wo' taqe i kok' ye'aab' wilkeeb' chi kijunsuut.⁸⁰Re' taqe i riih rumaam i Gad xkiyeew wo' reh taqe re' i tinamit Ramot wilik paruyuq'ul i Galaad, je' wo' tinamit Mahanaim, je' wo' taqe i kok' ye'aab' wilkeeb' chi kijunsuut.⁸¹Je' wo' tinamit Hesbón, i tinamit Jazer, je' wo' taqe i kok' ye'aab' wilkeeb' chi kijunsuut. Re' taqe rak'uun, eh taqe i riih rumaam i Isacar

¹Re' taqe i kijib' chi rak'uun i Isacar je' wili i kib'ihnaal: Tola, Fúa, Jasub Simrón.

²Re' Tola je' wili i kib'ihnaal taqe i rak'uun: Uzi, Refaías Jeriel, Jahmai, Jibsam, Semuel. Eh re' taqe i re' xi kahnik chi k'amal kib'eeh taqe i ju'jun ch'uq chi riih rumaam i Tola. Re' taqe re' kow kiib' chi q'aq'inik, eh xi ponik kiib' ru ka'winaq miil ruuk' waqiib' siento noq xwihik chi reyil i David.

³Re' i Uzi, Israhías rub'ihnaal i rak'uun. Eh re' Israhías je' wili kib'ihnaal i kijib' chi rak'uun: Micael, Obadías, Joel, Isías, xmanlojik ho'oob' taqe i k'amal b'eeh ruuk' i reh.⁴Re' keh ma' k'isiin taqe i kixoqil ruum aj re' ma' k'isiin ta xik'ihaaxb'ik i kak'uun kixq'uun, i kiih kimaam, korehtaal xponik waqlaj ru ka'winaq miil chi soldado chi kixilak, kow kiib' chi q'aq'inik.

⁵Eh noq xi ajaljik chu'nchel i riih rumaam i Isacar xi ponik kajwinaq miil ruuk' wuquub' miil chi soldado taqe kow kiib' chi q'aq'inik. Re' taqe rak'uun, eh taqe i riih rumaam Benjamín

⁶Re' taqe ixib' chi rak'uun i Benjamín je' wili kib'ihnaal: Bela, Bequer, Jediael.⁷Eh re' taqe i ho'oob' chi rak'uun i Bela je' wili kib'ihnaal: Ezbón, Uzi, Uziel, Jerimot, Iri. Eh re' taqe i ho'oob' re' re' xi k'amwik kib'eeh i riih rumaam i Bela. Ma' k'isiin ta xi k'ihaaxb'ik noq xi ajaljik xi ponik kiib' ru ka'winaq miil ruuk' kajlaj ru ka'winaq chi soldado kow kiib' chi q'aq'inik.

⁸Re' Bequer je' wili kib'ihnaal i rak'uun: Zemira, Joás, Eliezer, Elioenai, Omri, Jerimot, Abías, Anatot, Alamet.⁹Re' taqe re' i k'amal kib'eeh i ruk'ihaal chi riih rumaam i Bequer, juninaq miil ruuk' kiib' siento chi kiib' kow kiib' chi q'aq'inik.

¹⁰Re' Jediael, Bilhán rub'ihnaal i rak'uun: Re' Bilhán je' wili kib'ihnaal i rak'uun: Jeús, Benjamín, Aod, Quenaana, Zetán, Tarsis, Ahisahar.¹¹Re' taqe re' k'amal b'eeh taqe chi kixilak i ju'jun ch'uq chi riih rumaam Jediael, kow kiib' reh ojik chi q'aq'inik. Eh wuqlaj miil ruuk' kiib' siento chi kiib' chu'nchel.

¹²Re' Hir je' wili kib'ihnaal i rak'uun: Supim, Hupim. Re' i Aher, Husim rub'ihnaal i rak'uun. Re' taqe rak'uun, eh re' taqe riih rumaam i Neftalí

¹³Re' Neftalí je' wili kib'ihnaal i rak'uun: Jahzeel, Guni, Salum. Re' taqe re' i riih rumaam i Bilha. Re' taqe rak'uun, eh i riih rumaam i Manasés

¹⁴Re' Manasés kiib' i rak'uun xwihik ruuk' i rukab' rixolqil aj Siria je' wili kib'ihnaal: Asriel, Maquir. Re' i Maquir rajaaw i Galaad.¹⁵Eh re' Maquir xub'an kaxáro ruuk' i Maaca ma' tokoom ta ruuk' Hupim, i Supim. Eh re' ranaab' i Maquir Maaca i rub'ihnaal. Re' chaq'b'ees rak'uun i Maquir Zelofehad rub'ihnaal, eh re' reh xarixq'uun taqe i xi wihik ma' jino'q rak'uun.

¹⁶Re' Maaca i rehk'een i Maquir kiib' i rak'uun xwihik. Re' peet rak'uun Peres i rub'ihnaal, re' i chaaq'b'ees rak'uun Seres rub'ihnaal. Eh re' i Seres je' wili kib'ihnaal i rak'uun: Ulam, Requem.¹⁷Re' i Ulam Bedán rub'ihnaal i rak'uun, chu'nchel re' riih rumaam taqe i Galaad. Eh riih taqe i Maquir. Re' Maquir rak'uun i Manasés.

¹⁸Re' Galaad xwihik jinaj i ranaab' Hamolequet rub'ihnaal ixib' i rak'uun xwihik je' wili kib'ihnaal: Isod, Abiezer, Mahala.

¹⁹Re' Semida je' wili kib'ihnaal i rak'uun: Ahián, Siquem, Likhi, Aniam. Re' taqe rak'uun, eh re' taqe i riih rumaam Efraín

²⁰Re' taqe i rak'uun i riih rumaam Efraín re' i rak'uun i Efraín Sutela i b'ih. Re' Sutela, Bered i b'ih i rak'uun. Re' Bered, Tahat i b'ih i rak'uun. Re' Tahat, Elada i b'ih i rak'uun. Re' Elada, Tahat i b'ih i rak'uun.²¹Re' Tahat re' re' Zabad i b'ih i rak'uun. Re' Zabad Sutela wo' chik i b'ih i rak'uun. Eh kiib' chik i rak'uun i Efraín, je' wili kib'ihnaal: Ezer, Elad. Re' taqe kiib' re' re' xi kanteesjik noq k'ahchi' naq kelq'aam taqe i ruchikoop i Gat wilkeeb' chupaam i ye'aab' re' re'.²²Re' Efraín k'ih q'iij xtib'ik ruk'ux chi riij i kikimiik i rak'uun. Kox k'ulik chik ye'aroq rusuqkiil ruk'ux kuum taqe i ma' tokoom ta ruuk'.²³Chi riij i re' xukanaa' wo' chik wach k'acharik i rehk'een i Efraín. Eh noq Xasjiik i rak'uun Bería i rub'ihnaal xukoj ruum ma' k'isiin i ti' kiil k'uxliis parupaat.

²⁴Eh re' i rixq'uun i Efraín Seera i b'ih. Eh re' reh xtooq'anik reh i kiib' chi tinamit Bet-horón, jinaj wilik taxaaj, jinaj wilik panyuuq', eh re' wo' reh xtooq'anik reh i tinamit Uzen-seera.

²⁵Re' i Bería je' wili kib'ihnaal i rak'uun, i riih rumaam Refa. Re' Refa Resef i b'ih i rak'uun. Re' Resef Telah i b'ih i rak'uun. Re' Telah Tahán i b'ih i rak'uun.²⁶Re' i Tahán Laadán i b'ih i rak'uun. Re' Laadán Amiud i b'ih i rak'uun. Re' Amiud Elisama i b'ih i rak'uun.²⁷Re' Elisama Nun i b'ih i rak'uun. Re' Nun Josué i b'ih i rak'uun.

²⁸Re' taqe i tinamit xi wihik wii' re' taqe wilik Bet-el, wilik reje parelb'aal q'iij. Naarán wilik reje parookb'aal q'iij Gezer, Siquem xponik ko Gaza. Re' taqe i tinamit re' re' haa' taqe i kok' ye'aab' wilkeeb' chi kijunsuut.²⁹Re' taqe i riih rumaam i Manasés ar xi wihik chupaam i tinamit Bet-seán, Taanac, Meguido, Dor, je' wo' taqe i kok' ye'aab' wilkeeb' chi junsuut i ju'jun chi tinamit re' re', chupaam wo' taqe i ye'aab' re' re' xi wihik i riih rumaam i José rak'uun i Israel. Re' taqe rak'uun, eh taqe i riih rumaam i Aser

³⁰Re' Aser kijib' i rak'uun je' wili kib'ihnaal: Imna, Isúa, Isúi, Bería, eh jinaj i kanaab' Sera rub'ihnaal.

³¹Re' Bería je' wili kib'ihnaal i rak'uun: Heber, Malquiel, rajaaw i Birzavit.³²Re' Heber je' wili kib'ihnaal i rak'uun i Jaflet, Somer, Hotam, jinaj i kanaab' Súa rub'ihnaal.

³³Re' Jaflet je' wili i kib'ihnaal i rak'uun: Pasac, Bimhal, Asvat.

³⁴Re' Semer je' wili kib'ihnaal i rak'uun Ahí, Rohga, Jehúba, Aram.

³⁵Re' Helem ruchaaq' i Semer je' wili kib'ihnaal i rak'uun: Zofa, Imna, Seles, Amal.³⁶Re' Zofa je' wili kib'ihnaal i rak'uun: Súa, Harnefer, Súal, Beri, Imra.³⁷Eh Beser, Hod, Sama, Silsa, Itrán, Beera.

³⁸Re' Jeter je' wili kib'ihnaal i rak'uun: Jefone, Pispa, Ara.

³⁹Re' Ula je' wili kib'ihnaal i rak'uun: Ara, wo' chik, Haniel, Rezia.

⁴⁰Chu'nchel i re' riih rumaam i Aser. Re' taqe i xi kahnik chi k'amal kib'eeh ju'junch'uq chi xak'uuk' kiib'. Q'e' kow kiib' chi q'aq'inik, eh chu'nchel re' waq'iib' ru ka'winaq miil chi winaq taqe. Re' taqe rak'uun, eh re' taqe i riih rumaam i Benjamín

¹Re' Benjamín Bela i b'ih i peet rak'uun, re' rukab' rak'uun Asbel i b'ih, re' roox rak'uun Ahara i b'ih.²Eh re' rukaaj rak'uun Noha i b'ih, re' roo' rak'uun Rafa i b'ih.³Eh re' Bela je' wili kib'ihnaal i rak'uun: Adar, Gera, Abiud.⁴Eh Abisúa, Naamán, Ahoa,⁵Gera, Sefufán, Hiram.

⁶Re' taqe rak'uun i xi k'amwik rub'eeh i ju'jun ch'uq chi riih rumaam i Benjamín. Re' taqe i xi wihik ar Geba, Xa re' la' xi k'amarik reje ko Manahat.⁷Eh re' Aod je' wili kib'ihnaal i rak'uun: Naamán, Ahías, Gera. Re' Gera rajaaw i Uza, ruch'ihil i Ahiud. Re' i Gera xk'amwik reje keh Manahat.

⁸Re' Saharaim, xuch'aq riib' ruuk' i kiib' chi rehk'een, Husim i b'ih jinaj, eh Baara i b'ih i jinaj. Eh koxwihik wo' chik rak'uun ar Moab.⁹Eh re' taqe i rak'uun xwihik ruuk' i rehk'een jinaj chik Hodes i rub'ihnaal, je' wili kib'ihnaal: Jobab, Sibia, Mesa, Malcam,¹⁰Eh Jeúz, Saquías, Mirma. Re' taqe i rak'uun wili xi k'amwik b'eeh chi kixilak i ju'jun ch'uq chi riih rumaam i Benjamín.

¹¹Re' Saharaim wihik wo' kiib' i rak'uun ruuk' i Husim, je' wili kib'ihnaal: Abitob, Elpaal.¹²Re' i Elpaal je' wili kib'ihnaal i rak'uun: Heber, Misam, Semed, re' i xtooq'anik reh i tinamit Ono, Lod, ruch'ihil taqe i kok' ye'aab' wilik chi kijunsuut.¹³Re' i Bería, i Sema xi k'amwik b'eeh chi kixilak i ju'jun ch'uq chi riih rumaam i Benjamín wilkeeb' Ajalón. Eh re' keh xi esanik keh i tinamit wilkeeb' chupaam i ye'aab' Gat.

¹⁴Re' Bería je' wili kib'ihnaal i rak'uun: Ahío, Sasac, Jeremot.¹⁵Zebadías, Arad, Ader,¹⁶Micael, Ispa, Joha.

¹⁷Re' i Elpaal je' wili kib'ihnaal i rak'uun: Zebadías, Mesulam, Hizqui, Heber,¹⁸Ismerai, Jezlías, Jobab.

¹⁹Re' Semei je' wili kib'ihnaal i rak'uun: Jaquim, Zicri, Zabdi,²⁰Elianai, Ziletai, Eliel,²¹Adaías, Beraías, Simrat.

²²Re' Sasac je' wili kib'ihnaal i rak'uun: Ispán, Heber, Eliel.²³Eh Abdón, Zicri, Hanán,²⁴Hananías, Elam, Anatotías,²⁵Ifdaías, Peniel.

²⁶Re' Jeroham je' wili kib'ihnaal i rak'uun: Samserai, Seharías, Atalías.²⁷Eh Jaresías, Elías, Zicri.

²⁸Re' taqe i re' xi k'amwik b'eeh chi kixilak i ju'jun ch'uq chi riih rumaam i Benjamín, xi wihik ar Jerusaleem.

²⁹Eh pan tinamit Gabaón xpatinik i Abigabaón Jehiel wo' inkiq'or reh. Eh re' rehk'een Maaca rub'ihnaal.³⁰Re' taqe i rak'uun je' wili kib'ihnaal: Abdón, Zur, Cis, Baal, Nadab.³¹Eh Gedor, Ahío, Zeker,³²Miclot, re' reh i rajaaw i Simea. Re' taqe i re' xi patinik Jerusaleem chikiwach reje taqe i junch'uq chi ma' tokoom ta kuuk'. Re' taqe rak'uun, eh taqe i riih rumaam i Saúl

³³Re' Ner rajaaw i Cis. Re' Cis rajaaw i Saúl. Re' Saúl rajaaw i Jonatán, i Malquisúa, i Abinadab, i Es-baal.³⁴Re' Jonatán rajaaw i Marib-baal. Re' i Merib-baal rajaaw i Micaía.³⁵Eh re' i Micaía je' wili kib'ihnaal i rak'uun: Pito, Melec, Terea, Acaz,³⁶Eh re' Acaz rajaaw i Joada. Re' Joada rajaaw i Alemet, i Azmavet, i Zimri. Re' i Zimri rajaaw i Mosa.³⁷Re' Mosa rajaaw i Bina. Re' Bina rajaaw i Rafa. Rafa rajaaw i Elasa. Re' Elasa rajaaw i Azel.³⁸Re' taqe i rak'uun i Azel waq'iib' taqe je' wili kib'ihnaal: Azricam, Bocru, Ismael, Seraías, Obadías, Hanán.

³⁹Eh re' Esec i ruchaaq' i Azel, xwihik ixib' i rak'uun, re' peet rak'uun Ulam rub'ihnaal, re' rukab' rak'uun Jehús rub'ihnaal, re' roox rak'uun Elifelet rub'ihnaal.⁴⁰Re' taqe rak'uun i Ulam kow kiib' chi q'aq'inik ruuk' flecha. Ma' k'isiin i kak'uun kixq'uun i kiih kimaam xwihik, jinaj siento ruuk' lajeeb' roxk'ahl chi kiib'.
Chu'nchel re' riih rumaam taqe i Benjamín. Re' taqe i xi elik cho Babilonia (Neh 11.1-24)

¹Chu'nchel i aj Israel tz'ihb'amaj i kib'ihnaal chupaam i kihuuj taqe i xi wihik chi reyil Israel, tz'ihb'amaj i kib'ihnaal taqe i kak'uun kiih kimaam.
Eh chu'nchel i aj Judá xi k'amarik reje Babilonia, ruum xkikanaa' runimjiik i QaJaaw Dios.²Re' taqe i aj Israel xi elik cho chi peet ar i xi okik wo' chik chupaam i kitinamiit re' taqe i aj Israel re' taqe i aj tiij, taqe aj Levíta, re' taqe i kikamanik chupaam i rupaat i Dios.

³Eh pan tinamit Jerusaleem xi okik chi patinik taqe i riih rumaam i Judá, taqe i riih rumaam i Benjamín, taqe i riih rumaam i Efraín, taqe i riih rumaam i Manasés.⁴Utai i k'amal kib'eeh i riih rumaam i Fares i rak'uun i Judá. Re' Utai rak'uun i Amiud. Re' Amiud rak'uun i Omri. Re' Omri rak'uun i Imri. Re' Imri rak'uun i Bani. Re' Bani re' ruuk' taqe i rak'uun i Fares, i rak'uun i Judá.⁵Eh xi okik wo' chik chi patinik ar i Asaías k'amal kib'eeh i riih rumaam i Sela i rak'uun i Judá.⁶Je' wo' hoq i Jeuel k'amal kib'eeh i taqe i riih rumaam i Zera rak'uun i Judá. Eh ach lajeeb' ma' wuquub' siento chi kiib' chu'nchel i riih rumaam i Judá.

⁷Eh xi okik wo' chik chi patinik Jerusaleem. Re' taqe wili i riih rumaam i Benjamín: Salú, rak'uun i Mesulam. Re' Mesulam rak'uun i Hodavías. Re' Hodavías rak'uun i Asenuá.⁸Re' Ibniaías rak'uun i Jeroham. Re' Ela rak'uun i Uzi. Re' Uzi rak'uun i Micri, re' Mesulam rak'uun i Sefatías rak'uun i Reuel. Re' Reuel rak'uun i Ibnías.⁹B'elejeeb' siento ruuk' waqlaj roxk'ahl chi kiib' chu'nchel i riih rumaam i Benjamín, chu'nchel i re' k'amal b'eeh taqe chupaam i ju'junch'uq chi patineel.

¹⁰Eh re' taqe wili i k'amal kib'eeh aj tiij xi okik chi patinik Jerusaleem: Jedaías, Joiarib, Jaquín.¹¹Re' Azarías rak'uun i Hilcías. Re' Hilcías rak'uun i Mesulam. Re' Mesulam rak'uun i Sadoc. Re' Sadoc rak'uun i Meraiot. Re' Meraiot rak'uun i Ahitob. Re' ink'amwik rub'eeh i kamanik imb'aan parupaat i Dios.¹²Eh xwihik wo' ar i Adaía rak'uun i Jeroham. Re' Jeroham rak'uun i Pasur. Re' Pesur rak'uun i Malquías, i Masai i rak'uun i Adiel. Re' Adiel rak'uun i Jazera. Re' Jazera rak'uun i Mesulam. Re' Mesulam rak'uun i Mesilemit. Re' Mesilemit rak'uun i Imer.¹³Eh re' taqe i k'amal kib'eeh aj tiij kik'amwik b'eeh chupaam i ju'jun ch'uq chi tinamit jinaj miil ruuk' wuq'uub' siento ruuk' oxk'ahl keht'al rub'anariik chi korik i kamanik chupaam i rupaat i Dios.

¹⁴Eh re' taqe i riih rumaam i Leví, je' wili kib'ihnaal: Semaías, rak'uun i Hasub. Re' Hasub rak'uun i Azricam. Re' Azricam, rak'uun i Hasabías. Re' Hasabías re' ruuk' taqe i riih rumaam i Merari.¹⁵Eh xi wihik wo' ar i Bakbakar, Heres i Galal, i Matanías, rak'uun i Micaías. Re' Micaías rak'uun i Zicri, re' Zicri rak'uun i Asaf.¹⁶Eh xwihik wo' ar i Obadías rak'uun i Semaías. Re' i Semaías rak'uun i Galal. Re' Galal rak'uun i Jedutún. Xwihik wo' ar i Berequías rak'uun i Asa. Re' Asa rak'uun i Elcana. Re' taqe re' xi patinik chupaam i kok' ye'aab' i aj Netofatitas.

¹⁷Eh re' taqe i kicha'jinik reh i rokb'aal i rupaat i Dios je' wili kib'ihnaal: Salum, Acub, Talimón, Ahimán, re' kichaaq'. Re' Salum i k'amal kib'eeh.¹⁸Eh xi kahnik chi rucha'jaljiik chi jumpech i ookb'al re' re' i kiokik wii' taqe i reey i wilkeeb' reje parelb'aal q'iij. Re' taqe keh kicha'jinik reh i ookb'al reh i kiye'aab' taqe i riih rumaam i Leví.¹⁹Re' i Salum ruch'ihil taqe i ma' tokoom ta ruuk' i xicha'jinik reh i ookb'al reh i rupaat i Dios, je' rukab' noq xkicha'jeej chee ookb'al reh i santo laj itz'ihy naah paat i kimaam kati't. Eh re' i Salum rak'uun i Coré. Re' Coré rak'uun Ebiasaf. Re' Ebiasaf rak'uun i Coré jinaj chik.²⁰Eh pampeet chaloq re' i rak'uun i Eleazar xwihik chi k'amal kib'eeh re' i QaJaaw Dios xwihik ruuk'.²¹Re' i Zacarías rak'uun Meselemías incha'jinik reh i rookb'aal i santo laj itz'ihy naah paat molb'al iib'.²²Re' taqe i xicha'jinik reh i ookb'al sik'ooj cho kiwach kiib' siento ruuk' kab'laj chi kiib' noq xi ajaljik chi kixilak awach keh patim taqe wii'. Eh re' reey David, re' Samuel jalal ruq'oral i Dios xpaab'anik keh.²³Je' re' noq re' taqe re' xan kijal kiib' ruuk' i kak'uun chi rucha'jaljiik i ookb'al reh i rusanto laj itz'ihy naah paat i QaJaaw Dios.²⁴Eh re' taqe i cha'jen reh taqe i ookb'al re' re'. Wilik i xi wihik parelb'aal reje i q'iij i xi wihik parookb'aal reje i q'iij, wilik i xi wihik pantz'eet reh i rookb'aal i q'iij, wilik i xi wihik pansak'aaj reh i rookb'aal i q'iij.²⁵Eh re' taqe i wilkeeb' cho chupaam i kikok' ye'aab' rajlaal ruwuuq' q'iij kichalik chi to'ooj chi rucha'jaljiik taqe i ookb'al.²⁶Xa re' la' re' taqe i kijib' chi winaq kik'amwik b'eeh eliik wilkeeb' chucha'jaljiik taqe i ookb'al. Eh re' wo' keh kicha'jinik i kok' paat i molol keeb' wii' taqe i k'ih taq tz'aq inkamanik parupaat i Dios.²⁷Re' keh ki-ik'ik aq'ab' chi junsuut i rupaat i Dios, ruum re' keh kicha'jinik reh, eh re' keh kitehwik reh pantaq wahq'eq.

²⁸Eh wilik wo' keh taqe re' i kicha'jinik reh taqe i xa chib'ih jariik inkamanik chupaam i rupaat i Dios. Re' keh kiesanik cho reh, kimolwik i koq reh, eh tiklik kajlaam.²⁹Eh wilik wo' keh i kicha'jinik reh taqe i xa chib'ih jariik inkamanik chupaam i santo laj ye'aab'. Eh i kicha'jeej wo' hoq i arina, i riis uuva, i aseite, i insensia, ink'ohnik laj iq'oom³⁰Eh wilik taqe i kak'uun i k'amal kib'eeh aj tiij kiyej-anik reh ink'ohnik laj iq'oom inkamanik chupaam i rupaat i Dios.³¹Eh jinaj i re' ruuk' taqe i riih rumaam i Leví Matatías rub'ihnaal peet rak'uun i Salum re' reh inilwik reh taqe ink'iljik wach pan xartiin inye'arik chi mayiij.³²Wilik taqe i rak'uun i Coat, i kak'uun taqe i ma' tokoom ta ruuk' kiyej-anik reh i kab'laj chi kaxlanwi'k inkiyeew nah mexa chupaam i santo laj ye'aab' chupaam taqe i ju'jun chi hi'limb'al q'iij.³³Eh wilik wo' taqe i aj tz'uuy i re' ruuk' i riih rumaam i Leví i k'amal kib'eeh i ju'jun ch'uq chi tinamit. Re' taqe re' chupaam i kok' paat wilik chucheel i rupaat i Dios xi patinik ruum chi q'iij chi aq'ab' kikamanik ar.

³⁴Re' k'amal b'eeh reh taqe i ju'jun ch'uq chi tinamit aj Levíta nik' pa' k'ihaal i kak'uun kixq'uun. Re' taqe re' i k'amal b'eeh xi wihik ar Jerusaleem. Re' taqe rak'uun, eh taqe i riih rumaam i Saúl

³⁵Re' Jediel ar xpatinik pan tinamit Gabaón, rajaaw i Gabaón. Re' rehk'een i Jehiel Maaca i rub'ihnaal.³⁶Re' Jehiel je' wili kib'ihnaal i rak'uun: Abdón i peet rak'uun, eh Zur, Cis, Baal, Ner, Nadab.³⁷Eh Gedor, Ahío, Zacarías, Miclot.³⁸Re' Miclot rajaaw i Simeam. Re' keh xi patinik wo' Jerusaleem i xi patinik wii' taqe i ras i ruchaaq'.

³⁹Re' Ner rajaaw i Cis. Re' Cis rajaaw i Saúl. Re' Saúl rajaaw i Jonatán. Malquisúa, re' Abinadab, re' Es-baal⁴⁰Re' Jonatán Merib-baal rub'ihnaal i rak'uun. Eh re' Merib-baal rajaaw i Micaía.⁴¹Re' i Micaía je' wili kib'ihnaal i rak'uun: Pitón, Melec, Tarea, Acaz.⁴²Re' Acaz rajaaw i Jera. Re' Jera rajaaw i Alemet, Azmavet, Zimri. Re' Zimri rajaaw i Mosa.⁴³Re' Mosa rajaaw i Bina, re' rak'uun i Bina Refaías rub'ihnaal, eh re' rak'uun i Refaías Elasa. Re' rak'uun i Elasa Azel rub'ihnaal.⁴⁴Re' Azel waq'iib' i rak'uun xwihik je' wili kib'ihnaal: Azricam, Bocru, Ismael, Searías, Obadías, Hanán. Re' i rukimiik i reey Saúl, ruch'ihil taqe rak'uun (1 Sam 31.1-13)

¹Re' taqe i aj filisteo xkian i q'aq'inik kuuk' i aj Israel. Eh xkimol chi elik i aj Israel chikiwach, ma' k'isiin i xkikansaj chinaah i yuuq' wilik Gilboa.²Eh re' taqe i aj filisteo xkajimaj reje i Saúl ruch'ihil taqe i rak'uun korehtaal xkikansaj i Jonatán, Abinadab, i Malquisúa rak'uun taqe i reey Saúl.³Chi riij i re' kow xkitoq'aa' q'aq'inik chi rukanteesjiik i Saúl, korehtaal xkireq ruuk' kiflecha.⁴Eh noq ti' chik wilik i Saúl je' wili i xuq'or reh ink'amwik reh ch'ihch' ko'lb'al riib': Chawesaj chaa q'aslaj ch'ihch' kinakansaj chi jumpech. Re' hin ma' inwaaj taj chi nee kinki kaq se'laaj i ma' keht'al ta wach i Dios noq nee kinki kansaj, inki. Xa re' la' re' i winaq ma' xraaj ta rub'aan ruum ma' k'isiin inyo'jik. Eh re' Saúl xuchop chee q'as ju' ch'ihch' xumin riib' chi ju'.⁵Eh noq xrilow ink'amwik reh i ru nimlaj pulato ch'ihch' chi re' Saúl kamnaq chik xumin wo' riib' chi ju' ruq'as ju' ch'ihch' i reh, eh xkimik.⁶Je' aj re' noq xkimik i reey Saúl ruch'ihil ixib' chi rak'uun, eh chu'nchel i awach reh parupaat junkimiik taqe ruuk'.⁷Eh noq xkib'iraj chu'nchel i aj Israel patim taqe wach k'ixkaab' i xkimol chi elik, chi xkanteesjik i reey Saúl ruch'ihil taqe rak'uun, xkiq'eb' chaloq taqe i kitinamiit, re' chik taqe i aj filisteo xiooj chi patinik ar.

⁸Eh noq xi ponik chi junwaar taqe i aj filisteo chi q'uchariik i chib'ih keh i kamnaq, xponik kireq chi tuch'lik i ruti'jolal i Saúl ruch'ihil i kiti'jolal i rak'uun chinaah i yuuq' wilik Gilboa.⁹Eh xkesaj i ruso' reh q'aq'inik chi riij i Saúl xkik'am reje i naah ruch'ihil taqe i rutz'a'amb'aal. Eh xkitaq'aaj ruq'orariik chupaam i chu'nchel i kitinamiit i aj filisteo chi xkimik chik i Saúl. Eh xkitaq'aaj wo' ruq'orariik chupaam i rupaat i kitz'aqoj tiyoox.¹⁰Chi riij i re' xkiyeew ruq'aslaj ch'ihch' chupaam i rupaat taqe i kitiyoox. Eh xkit'uyaa' i naah chupaam i rupaat i kitiyoox Dagón rub'ihnaal.

¹¹Noq xkib'iraj rib'iral i aj Jabes, taqe i aj Galaad chib'ih jariik i xkian i aj filisteo reh i Saúl.¹²Xkimol kiib' chu'nchel i winaq aj Jabes. Re' taqe i kow kiib' chi q'aq'inik xiooj reje xponik kik'am i ruti'jolal i Saúl je' wo' kiti'jolal ixib' chi rak'uun, xkik'am reje Jabes. Eh ar xkimuq'aa' chi ri'sil i juniwal i chee' tz'inuj, ruum i re' wuquub' q'iij ma' xkian ta kiwa' kihaa'.

¹³Je' aj re' noq xkimik i reey Saúl ruum ma' xunimaj taj i QaJaaw Dios, xuq'ehtaaj i ruq'oral, eh xupahqaaj runa'ojb'al ruuk' jinaj ixoq aj q'iij.¹⁴Ma' re' ta ruuk' i QaJaaw Dios xupahqaaj runa'ojb'al. Ruum i re' xuyeew q'ab' i Dios chi xkanteesjik. Eh re' chik i David i rak'uun i Isaí xupab'aa' chi reyil ar Israel. Re' David xkipab'aa' chi reey ar Israel (2 Sam 5.1-5)

¹Re' taqe i aj Israel xkimol reje kiib' chi kunchelaal xiooj Hebrón chi q'orob'jiik i David, je' wili xkiq'or reh: Re' hoj quuk' q'iib' awuuk'.²Eh jank'alnaak noq kore' i Saúl wilik chi reyil chi qanaah xa re' wo' hat ti k'amwik reje kib'eeh qaj q'aq'ineel. Re' wo' chik i hat ti' k'amwik cho keh. Re' i aaWaJaaw aaDios je' wo' wili i ruq'orom aweh: Re' hat naa ak'amwiik kib'eeh i nutinamiit, re' hat naa akahniik chi reyil chinaah, inki.

³Eh je' aj re' noq chu'nchel i k'amal kib'eeh i aj Israel xiooj ruuk' i David ar Hebrón. Eh re' reh wilik i xuyejaa' wach kuuk' chuwach i Dios. Re' keh xkijalk'iij aseite wach naah i xkipab'aa' chi kireey, je' rukab' xq'orarik keh ruum i QaJaaw Dios ruuk' chii' i Samuel. Re' reey David xuchop naah i ye'aab' Sión kolemb'al iib' i korjinaq chi korik (2 Sam 5.6-10)

⁴Re' David ruch'ihil taqe chu'nchel i aj Israel xooj pan tinamit Jerusaleem, Jebús wo' inkiq'or reh. Eh wilik taqe i aj jebuseo wilkeeb' chi patinik chupaam i ye'aab' re' re'.⁵Eh re' taqe i aj jebuseo je' wili xkiq'or reh i reey David: Re' hat ma' naa ta wokiik ayu', inki taqe reh. Xa re' la' re' i David xa xichop wo' naah i ye'aab' Sión, korjinaq chi korik ko'lemb'al riib' re' rutinamiit i David.⁶Re' reey David je' wili i ruq'orom pampeet: Awach i neenokik chi peet chub'anariik keh aj jebuseo, neenukoj chi k'amal b'eeh, inki. Eh re' Joab rak'uun i Sarvia xokik chi peet, eh xpa'ab'jik wo' chi k'amal b'eeh.⁷Eh re' David xokik chi wihik chupaam i ye'aab' ko'lemb'al iib' korjinaq chi korik ruum aj re' rutinamiit i David i rub'ihnaal xkikoj.⁸Re' reey David xuyejaa' wo' chik i tinamit re' re', ar xutoq'aa' reje Milo xponik ruuk' i tz'aq kotimaj wii' riij i tinamit. Eh re' i yejaal re' chik i Joab xyej-anik reh.⁹Eh re' i reey David xak'ahchi' rutiqiik naah i rajaawriik ruum re' i QaJaaw Dios wilik ruuk' chi rutoob'jiik. Re' i ma' holohik taj xkian i ru soldado i David (2 Sam 23.8-39)

¹⁰Re' taqe i wili i k'amal kib'eeh taqe i ru soldado i David q'e' kow kiib' chi q'aq'inik, re' taqe i xitowik reh noq xwihik chi reyil, eh kuch'ihil taqe chu'nchel i aj Israel noq xkipab'aa' chi reey je' wo' rukab' i xuq'or i QaJaaw Dios keh i aj Israel.

¹¹Re' taqe wili i kib'ihnaal i ru soldado i David q'e' kow kiib': Re' Jasobeam rak'uun i Hacmoni, wilik rajaawriik chikinaah i lajeeb' ru ka'winaq chi soldado Eh re' i Jasobeam ruuk' i ruq'aslaj ch'ihch' xukansaj ixib' siento chi winaq.¹²Re' rukab' re' i Eleazar rak'uun Dodo. Re' reh re' ruuk' taqe i awach re' i Ahod. Re' Eleazar re' i jinaj keh ixib' chi k'amal b'eeh kow kiib' chi q'aq'inik.¹³Re' Eleazar xwihik ruuk' i David noq xub'an i q'aq'inik kuuk' i aj filisteo ar Pas-damim, re' noq xkimol chi elik i aj Israel. Eh ar naq wilik i junseht chi ye'aab' tikooj sebada chupaam.¹⁴Eh re' i Eleazar ruch'ihil taqe i ru soldado kipab'aa' kiib' chi q'aq'inik chi yejaal i tik re' re', eh ar kian reh taqe i aj filisteo, xi elik korik ruum xitoob'jik ruum i Dios.

¹⁵Pan jinaj q'iij ixib' keh i lajeeb' ru ka'winaq k'amal kib'eeh soldado xiooj i wilik wii' i nimlaj ab'aj wilik ma' najt ta ruuk' i paat ab'aj wilik ar Adulam. Eh re' taqe i aj filisteo ar kiyejaam ki-itz'ihy naah paat wach k'ixkaab' Refaim.¹⁶Eh noq re' reey David ar wilik chupaam i ye'aab' ko'lb'al iib' wilik taqe i aj filisteo xi okik chupaam i tinamit Belén.¹⁷Re' David xchalik ruchiqiik chii' je' wili xuq'or: Awach ta naq jino'q neenk'amwik cho nuhaa' chupaam i jul ha' wilik panookb'al reh i tinamit Belén, inki.¹⁸Re' taqe ixib' chi winaq kow kiib' xponik kimin kiib' chupaam i ye'aab' wilkeeb' wii' i aj filisteo. Eh xkilik i ha' chupaam i jul ha' wilik panookb'al reh i Belén xkik'am cho reh i David. Xa re' la' re' David xama' xuk'ej ta wo' hoq xujalk'iij wach ak'al chi jilow rumayiij chuwach i QaJaaw Dios.¹⁹Eh je' wili xuq'or: Re' ta naq i Dios neentoob'inik weh chi ma' nee tan wuk'ej i ha' wili ruum wixwuk'ej je' naa re' i kikik'eel i winaq wili i neen wuk'ej, ruum re' keh xkiyeew kiib' pankimik noq xponik kik'am i ha' wili, inki. Re' David xama' xuk'ej ta wo' hoq i ha'. Re' taqe wili xkian ixib' chi soldado kow kiib'.

²⁰Eh re' i Abisai ruchaaq' i Joab i k'amal kib'eeh i lajeeb' ru ka'winaq kow kiib', eh xukansaj taqe ixib' siento chi soldado, ruuk' i ruq'as ju' ch'ihch'. Ruuk' i re' xelik rib'iral chi wilik rajaawriik xureq chi je' kikab' ixib' chi soldado kow kiib'.²¹Re' i Abisai naab'imaj wach chi kixilak i lajeeb' ru ka'winaq, eh xkahnik chi k'amal kib'eeh, xa re' la' re' rajaawriik ma' xureq ta chi je' rukab' i kajaawriik ixib' q'e' kow kiib'.

²²Eh re' Benaía rak'uun i Joida inchalik ar Cabseel, eht'alimaj wach, ma' k'isiin i nimaq wach na'ojb'al xub'an. Re' i reh xkansanik keh i kiib' chi rak'uun i Ariel aj Moab. Eh pan jinaj q'iij noq k'ahchi' chi qajik i saq suutz', re' Benaía xqajik chupaam jinaj i jul ar xukansaj jinaj i kaq b'ahlam.²³Eh xukansaj wo' hoq jinaj i qaman winaq aj Egipto kiib' b'ara ruuk' yejaal i b'ara runajtiil i rooq wihik ruq'as ju' ch'ihch' pan q'ab' je' ruwii' i chee' reh keem. Re' i Benaías xuchop jinaj i chee' xtohq'ik ruk'ulb'ilem korehtaal xuq'uch reh i ruq'as ju' ch'ihch'. Eh ruuk' i q'as ju' ch'ihch' re' re' xukansaj i aj Egipto.²⁴Eh ruuk' taqe i xub'an re' re' i Benaía rak'uun i Joiada xwihik i rajaawriik chi kixilak taqe i lajeeb' ru ka'winaq chi kow kiib'.²⁵Eh xye'arik rajaawriik chi kixilak i lajeeb' ru ka'winaq chi soldado, xa re' la' ma' xureq ta chi je' rukab' i ixib' chi kiib' wilik kajaawriik. Re' reey David xukoj i Benaía chi k'amal kib'eeh i soldado incha'jinik ree reh.

²⁶Re' taqe i soldado q'e' kow kiib' je' wili i kib'ihnaal: Asael ruchaaq i Joab, Elhanan rak'uun i Dodo aj Belén.²⁷Re' i Samot aj ar Harod Heles aj ar Pelón.²⁸Re' Ira, rak'uun Ikes aj ar Tecoa, Abiazer aj ar Anatot.²⁹Re' Sibecai aj ar Husat, Ilai aj ar Ahod.³⁰Re' Maharai, Heleb rak'uun i Baana aj ar Netofa.³¹Re' Itai rak'uun i Ribai aj ar Gabaa. Re' ruuk' taqe i riih rumaam i Benjamín. Re' i Benaía aj ar Piratón.³²Re' Hurai inchalik chi rooq i nim ha' wilik Gaza, re' Abiel aj ar Arabá.³³Re' Azmavet, aj ar Behurim, re' Eliaba, aj ar Saalbón.³⁴Re' taqe rak'uun i Hasem, aj ar gizonita, re' Jonatán rak'uun i Sage aj ar Arar.³⁵Re' Ahíam, rak'uun i Sakar, aj ar Arar, re' Elifal rak'uun i Ur.³⁶Re' Hefer, aj ar Meker, re' Ahías aj pan tinamit Pelón.³⁷Re' Hezro aj ar Carmel, re' Naarai rak'uun i Ezbai.³⁸Re' Joel ruchaaq' i Natán, re' Mibhar rak'uun i Hagrai.³⁹Re' Selec aj ar Amón, re' Naharai aj ar Beerot. Re' i Naharai re' re' ink'amwik reh i ch'ihch' inkamanik reh panq'aq'inik, rak'uun i Sarvia.⁴⁰Re' Ira, Gareb aj ar Itra taqe,⁴¹Re' Urías, heteo, Zabad rak'uun i Ahlai.⁴²Re' Adina rak'uun i Siza re' ruuk' taqe i riih rumaam i Rubén. Eh re' Adina ink'amwik kib'eeh taqe i riih rumaam i Rubén. Eh k'amal wo' kib'eeh i lajeeb' ru ka'winaq chi soldado⁴³Re' Hanán rak'uun i Maaca, Josafat aj ar Mitán.⁴⁴Re' Uzías aj ar Astarot, re' Sama, re' Jehiel rak'uun taqe i Hotán aj ar Aroer.⁴⁵Re' Jediael rak'uun i Simri, Joha ruchaaq' i Tizita.⁴⁶Re' Eliel, aj ar Mahan, re' Jerebai, re' Josavía rak'uun taqe Elnaam, re' Itma aj ar Moab.⁴⁷Re' Eliel, re' Obed, eh re' Jaasiel aj ar Mesoba taqe. Re' taqe i xkian jinaj kiwach ruuk' i David

¹Re' taqe wili i winaq xi chalik ruuk' i David chupaam i ye'aab' Siclag noq korukeb'aam riib' ar chuwach i Saúl rak'uun i Cis. Re' taqe i winaq wili kow kiib', re' taqe i xtoob'inik reh chi q'aq'inik.²Re' taqe re' wilik kuuk' taqe i kutb'al reh i flecha. Eh inkikut wo' ab'aj ruuk' tolo'x, kikutwik ruuk' rusak'aaj kiq'ab' je' wo' ruuk' rutz'eet kiq'ab'.
Re' taqe re' ma' tokoom ta taqe ruuk' i Saúl, re' ruuk' taqe i riih rumaam i Benjamín je' wili kib'ihnaal:³Re' Ahiezer i peet k'amal kib'eeh, re' rukab' re' Joás rak'uun taqe i Semaa aj Gabaa taqe. Re' taqe wili i soldado re' Jeziel, re' Pelet rak'uun taqe i Azmavet, re' Beraca re' Jehú, aj Anatot taqe.⁴Re' Ismaías aj Gabaón kow riib' chi kixilak i lajeeb' ru ka'winaq k'amal kib'eeh i soldado. Chi riij i re', re' Jeremías, Jahaziel, Johanán, Jozabad aj Gedera.⁵Re' Eluzai, Jerimot, Bealías, Semarías, Sefatías aj harufita.⁶Re' Elcana, Isías, Azareel, Joezer, Jasobeam, re' ruuk' taqe i riih rumaam i Coré.⁷Re' Joela, re' i Zebadías, re' taqe i rak'uun i Jeroham aj Gedor taqe.

⁸Eh wilik taqe i riih rumaam i Gad xkian jinaj wach kik'ux ruuk' i reey David noq wilik cho chupaam i paat ko'lemb'al iib' wilik panchiq yuuq'. Eh re' taqe winaq wili kow kiib' chi q'aq'inik. Eh wilik pan kiq'ab' taqe i ko'lemb'al kiib' nimaq pulato ch'ihch', taqe i kiq'as ju' ch'ihch'. Eh xa josq' chik i kiwach xa je' chik wach kaq b'ahlam, xti kichol elik je' rukab' noq kielik i keej pantaq ch'ahn.⁹Re' taqe re' je' wili kib'ihnaal: Re' peet Ezer, re' rukab', Obadías, re' roox Eleab.¹⁰Re' rukaaj Mismaná, re' roo' Jeremías,¹¹Re' ruwaaq, Atai, re' ruwuuq' Eliel.¹²Re' ruwahxaaq Johanán, re' rub'eleej Elzabad.¹³Re' ru lajeeb' Jeremías, re' rujunlaaj Macbani,¹⁴Re' taqe wili ink'amwik kib'eeh taqe i ki soldado i riih rumaam i Gad. Re' ma' q'e' ta kow riib' xa jinaj siento chi soldado i ruk'am rub'eeh. Eh re' xti kow riib' jinaj miil chi soldado i ruk'am rub'eeh.¹⁵Re' taqe re' xiq'atwik wach i nim ha' Jordán paruq'ijil jab' noq elik i rub'an i ha' chupaam i peet poh reh i haab' re' re'. Eh xkikaaj taqe chu'nchel i wilkeeb' wach k'ixkaab', chi je' wilkeeb' reje pareelb'aal q'iij, chi je' wilkeeb' reje parookb'aal q'iij.

¹⁶Eh wili taqe i riih rumaam Benjamín, taqe i riih rumaam i Judá ki a'n jinaj wach kik'ux ruuk' i David wilik chupaam i ye'aab' ko'lemb'al iib'.¹⁷Eh re' reey David xelik cho chi kik'ulariik je' wili xuq'or keh:
Wila' suq kiil k'uxliis i nak'am taq cho weh, wila' hat taq to'ool weh xat chalik, neenuk'ulaa' chi neen qa'an jinaj wach qak'ux taq awuuk'. Eh wila' xa re' taq inawaaj chi nee taq kinaq'asaj pan kiq'ab' i ki-ixowanik nuwach, atoob' ta ma' xta numahk. Re' ta naq i Dios inkinimaj chaloq taqe aamaam awati't neen ye'wik taq aweh chutojariik taq amahk, inki.

¹⁸Re' Amasai i k'amal kib'eeh i lajeeb' ru ka'winaq chi soldado wilik ruuk' i Santolaj Uxlab'al je' wili i xuq'or:
Re' hoj wilkooj awuuk', hoj aweh David hat rak'uun i Isaí. Suuqb'oq ak'ux, suq kiil k'uxliis wih-oq awuuk' i hat suuqb'oq wo' kik'ux i kitoob'inik aweh, ruum re' aaDios xtoob'inik aweh, inki.
Eh re' reey David xuk'ul wo' taqe ruuk', xukoj taqe chi kixilak i k'amal kib'eeh soldado.

¹⁹Eh wilik taqe i riih rumaam i Manasés xiooj kikoj kiib' pan jinaj wach k'uxliis ruuk' i reey David, noq k'uch'ihil taqe i aj filisteo xooj chi q'aq'inik ruuk' i ru soldado i Saúl, xama' xkitob'eej ta wo' hoq i David ruum re' i ki soldado i aj filisteo ma' nkaaj ta ojik haa' chi q'aq'inik chi riij. Ruum xkikapaaj i keh chinee-oq inkiq'asaj kiib' chi kixilak i ru soldado i Saúl.²⁰Eh noq ojik i rub'an i reey David ar Siclag, re' taqe i riih rumaam i Manasés xi okik haa' ruuk' je' wili kib'ihnaal: Adnas, Jozabad, Jediael, Micael, Jozabad jinaj chik Eliú, Ziletai re' taqe re' k'amal kib'eeh i nimlaj ch'uq chi ki soldado i riih rumaam i Manasés.²¹Re' taqe re' xitoob'inik reh i reey David chi q'aq'inik kuuk' taqe i kiokik chi i leq' chupaam i ye'aab' re' re'. Ruum chu'nchel i xtoob'inik reh re' re', kow kiib' re' keh xi kojarik chi k'amal kib'eeh taqe i soldado.²²Eh eqal eqal imponik i to'ool reh i reey David korehtaal xi ponik chi k'ih laj soldado, eh korik wo' hoq chi xi ponik chi ruk'ihaal soldado.

²³Je' wili kik'ihaal taqe i wilik kitz'a'amb'aal taqe i k'amal kib'eeh taqe i kow kiib' chi q'aq'inik xkian jinaj wach kik'ux ruuk' i David ar Hebrón reh chi xkipab'aa' i David chi reey chi jilow i reey Saúl, je' rukab' i ruq'orom i QaJaaw Dios.²⁴Re' taqe i riih rumaam i Judá waqiib' miil ruuk' waxiqiib' siento chi winaq kow kiib' chi q'aq'inik kiyohq'eem kinimlaj pulato ch'ihch', eh kiyohq'eem kiq'as ju' ch'ihch'.²⁵Eh re' taqe i riih rumaam i Semeón wuquub' miil ruuk' jinaj siento chi winaq taqe kow kiib', wilik kitz'amb'aal, eh kiyejaam kiib' chi q'aq'inik.²⁶Eh re' taqe i riih rumaam Leví kijib' miil ruuk' waq'iib' siento chi winaq taqe.²⁷Eh re' taqe i riih rumaam i Aarón ixib' miil ruuk' wuquub' siento chi winaq taqe. Re' Joiada i k'amal kib'eeh.²⁸Eh re' Sadoc i komanlik ak'un kow riib' chi q'aq'inik kiib' ru ka'winaq chi winaq i ruch'ihil re' taqe i k'amwik kib'eeh i awach reh i rajaaw.²⁹Eh re' taqe i riih rumaam i Benjamín ma' tokoom ta wo' taqe ruuk' i Saúl ixib' miil chi winaq taqe. Chupaam i q'iij re' re' kochiriij naq i Saúl wilkeeb'.³⁰Eh re' taqe i riih rumaam Efraín juninaq miil ruuk' waxiqiib' siento chi winaq taqe i kow kiib' chi q'aq'inik, eh wilik kib'iral chi wilik kajaawriik chi kixilak i awach keh.³¹Eh re' i xi elik cho chi kixilak taqe i yejaal i ch'uq reh i riih rumaam i Manasés waxaqlaj miil chi winaq taqe. Re' keh xsik'arik kiwach chi xooj kipab'aa' i David chi reey.³²Eh re' taqe i riih rumaam i Isacar kiib' siento chi winaq k'amal kib'eeh. Re' ruuk' taqe i wilik kina'ojb'al keht'al chib'ih i naa ki a'nam i kuch aj Israel. Aha' wilik inkiq'or i keh re' wo' inki a'n i kuch kitinamitaal.³³Eh re' taqe i riih rumaam i Zabulón lajeeb' roxk'ahl miil chi winaq taqe kiyejaam kiib' kow kiib' chi q'aq'inik, wilik kitz'amb'aal chi korik. Eh ma' rub'an ta kiib' kik'ux noq kiooj chi q'aq'inik.³⁴Eh re' taqe i riih rumaam Efraín jinaj miil chi kajaaw soldado, kuch'ihil taqe i wuqlaj ru ka'winaq miil chi soldado wilik kinimaq pulato ch'ihch', wilik kiq'as ju' ch'ihch'.³⁵Eh re' taqe i riih rumaam i Dan kiyejaam kiib' chi q'aq'inik waxiqiib' ru ka'winaq miil ruuk' waqiib' siento chi winaq taqe.³⁶Eh re' taqe i riih rumaam i Aser ka'winaq miil chi winaq kiyejaam kiib' chi q'aq'inik.³⁷Eh chi juntar i nim ha' Jordán xi chalik jinaj siento miil ruuk' juninaq miil chi winaq re' taqe i riih rumaam i Rubén i riih rumaam i Gad, eh haa' taqe i yejaal ch'uq reh i riih rumaam i Manasés, eh k'ih b'uhr wach i tz'a'amb'al reh q'aq'inik wilik kuuk'.

³⁸Chu'nchel i winaq wili kiyejaam kiib' chi q'aq'inik kitusum kiib', eh chu'nchel i kik'ux noq xiooj Hebrón chupa'ab'jiik i David chi reyil chikinaah i aj Israel. Eh xkian jinaj wach kik'ux chu'nchel i aj Israel chupa'ab'jiik i David chi reyil.³⁹Eh chu'nchel i re' ixib' q'iij xi wihik ar ruuk' i David, ar xkian kiwa' kihaa' ruum re' taqe i kuch tinamitaal xiyej-anik kiwa' kihaa'.⁴⁰Eh je' wo' taqe i tinamit ma' najt ta wilik ar, je' wo' taqe i riih rumaam i Isacar, taqe i riih rumaam i Zabulón, taqe i riih rumaam i Efraín xkik'am chaloq i kiwa' kihaa', chikiij taqe b'uurux, taqe cameyo, taqe b'ooyax, taqe i tentzun, taqe imas wakax. Eh xkik'am wo' chaloq arina, i ma' kow ta laj kaxlanwi'k higo korjinaq wii', chiqiij laj uuva, raax uuva k'ih i xkik'am chaloq ruum jinaj runimaal suq kiil k'uxliis ar Israel. Re' reey David xuyejaa' wach chi naa ruk'amam reje Jerusaleem i loq'laj kaxa molik wii' i k'uhb'aal

¹Re' reey David xupahqaaj keh k'amal kib'eeh i jinaj miil chi soldado, je' wo' keh i k'amal kib'eeh i jinaj siento chi soldado, je' wo' keh i kajaaw i soldado.²Eh je' wili i xuq'or keh i aj Israel kimolom kiib' ar: Wila' ruk'ul ak'ux taq i hat, wila' je' re' i xraaj i QaJaaw Dios chi neenqataq'aaj kik'amariik taqe i quch tinamitaal wilkeeb' chupaam chu'nchel i qatinamiit Israel. Eh nee wo' inqataq'aaj kik'amariik i k'amal kib'eeh aj tiij re' ruuk' taqe i aj Levíta wilkeeb' pan kitinamiit, pan kiye'aab' reh chi neenchalik kimol kiib' quuk' ayu'.³Reh chi neenqak'am chaloq i hoj i loq'laj ru kaxa i QaJaaw Dios ruum nik' najtiil xub'an chi reyil i Saúl sahchinaq panqak'ux chi jumpech, inki.

⁴Eh chu'nchel i tinamit kimolom kiib' ar xuk'ul kik'ux i xuq'or, eh xkiq'or chi ma' xta reet chi neenb'aan. Re' David xraaj naq ruk'amam chaloq i loq'laj kaxa (2 Sam 6.1-11)

⁵Eh re' i reey David xumol kiwach chu'nchel i aj Israel xutoq'aa' reje pan tinamit Sihor wilik pank'ula't reh i Egipto, eh xponik panookb'al reh i Hamat. Reh chi xkesaj chee ru kaxa i QaJaaw Dios wilik ar Quiriat-jearim xkik'am cho Jerusaleem.⁶Eh re' David ruch'ihil taqe chu'nchel i aj Israel xiooj Quiriat-jearim Baala wo' inkiq'or reh wilik paruyuq'ul i Judá re' chi xkesaj cho ar i ruloq'laj kaxa i QaJaaw Dios wilik chi kixilak taqe i k'achaach wilik kixiik' re' wo' hoq inq'orarik wii' i rub'ihnaal.⁷Chi riij i re' xkesaj chaloq parupaat i Abinadab i loq'laj ru kaxa i QaJaaw Dios xkiyeew cho chupaam i jinaj ak' laj kareta. Eh re' Uza ruch'ihil i Ahío kib'esanik ree kareta.⁸Re' David ruch'ihil chu'nchel i aj Israel xakipisk'anik chik pankooq ruum rusuqkiil kik'ux chuwach i Dios, k'ahchi' keeb' chi tz'uuy, k'ahchi' kiq'ojem i arpa, kik'ahaam wach q'ooj, kisetesaq q'ooj intz'ilininik, kipulato q'ooj, i kituun.⁹Eh noq xi ponik chupaam i ye'aab' i resaj wii' riij i rutrigo i Quidón xkitoxk'iij i kooq i b'oyax kiqerinik ree kareta, eh re' Uza xuchohpaaj i ruloq'laj kaxa i QaJaaw Dios reh chi ma' xq'ehb'ik taj.¹⁰Eh re' i QaJaaw Dios ma' k'isiin ta xchalik rujosq'iil chinaah i Uza ruum xuchop reje i loq'laj kaxa, ruum i re' xa re' yu' xukansaj i Uza.

¹¹Re' David ma' xponik ta chuwach i xub'an i QaJaaw Dios chi xukansaj i Uza. Ruum aj re', re' ye'aab' re' re' Pérez-uza i rub'ihnaal, eh je' re' rub'ihnaal xkahnik chi jumpech.¹²Eh re' David chupaam q'iij re' re' ma' k'isiin ta xchalik ruyo'jiik chuwach i Dios, je' wili i xuq'or: Re' hin ma' ruk'ul ta chi neenuk'am reje i ruloq'laj kaxa i QaJaaw Dios, inki.¹³Eh ma' xkik'am ta chaloq i loq'laj kaxa Jerusaleem parutinamiit i David. Ar la' xutaq'aaj rukanab'jiik chupaam i rupaat i Obed-edom patim pan tinamit Gat.¹⁴Eh re' i ruloq'laj kaxa i QaJaaw Dios ixib' poh xkahnik chupaam i rupaat i Obed-edom. Re' QaJaaw Dios xukuxisaj i Obed-edom, je' wo' chu'nchel i chib'ih wilik reh. Re' Hiram xutaq'aaj reje i raj taqareel ruuk' i reey David (2 Sam 5.11-12)

¹Re' Hiram i kireey i aj Tiro xutaq'aaj taqe reje i raj taqareel ruuk' i reey David. Eh wilik taqe tz'aqool, taqe i aj sehk xutaq'aaj reje, wilik taqe i chee' chakaltee' xutaq'aaj, reh chi naa kiyejaam rupaat i reey David.²Re' David xureq chi riij chi re' Dios xpaab'anik reh chi reyil chikinaah i Israel. Eh xureq wo' chi riij chi re' Dios xtoob'inik reh chi xelik korik i ruk'axariik i rutinamiit Israel xub'an. Re' taqe i rak'uun i David xi-aasjik Jerusaleem (2 Sam 5.13-16; 1 Cron 3.5-9)

³Re' reey David k'ih taqe iruxoqil xuk'am ar Jerusaleem, eh k'ih taqe i rak'uun, rixq'uun xwihik kuuk'.⁴Re' taqe i rak'uun xi-aasjik Jerusaleem je' wili kib'ihnaal: Samúa, Sobab, Natán, Salomón.⁵Eh Ibhar, Elisúa, Elpelet,⁶Noga, Nefeg, Jafía,⁷Eh Elisama, Beeliada, Elifelet. Re' reey David xub'an keh i aj filisteo (2 Sam 5.17-25)

⁸Eh noq xkib'iraj i aj filisteo chi re' i David xpa'ab'jik chi reyil chikinaah chu'nchel i aj Israel, xkimol cho kiib' xi chalik chi q'aq'inik ruuk'. Eh noq xrib'iraj i David chi je' re' xooj taqe ruk'ulb'ilej.⁹Eh re' taqe i aj filisteo xkijil cho kiib', ar xi kahnik wach k'ixkaab' Refaim.¹⁰Eh re' reey David xupahqaaj ree Dios parutiij je' wili xuq'or:
Jaaw, ¿Mi ruk'ul chi nee kinooj chi kik'ulb'ejiik taqe i aj filisteo? ¿Mi nee taqe naaq'asaj panuq'ab'? inki.
Re' QaJaaw Dios je' wili i xuq'or:
Neerub'an chi nee tiooj chi kik'ulb'ejiik, re' hin naa nuq'asam taqe panaq'ab', i nuchjik.

¹¹Eh re' reey David ruch'ihil taqe i ru soldado xiooj chupaam i ye'aab' Baal-perazim, ar xkian reh taqe i aj filisteo. Eh re' David je' wili i xuq'or: Re' QaJaaw Dios xusach kiwach i ki-ixowanik qawach, je' naa elal ha' xik'ik k'amwoq keh, inki. Re' ye'aab' re' re' Baal-perazim i rub'ihnaal xkikoj.¹²Eh re' taqe i aj filisteo xkimol chi elik xkiq'eb' kahnoq ar taqe i kitiyoox, eh re' David xutaq'aaj kik'atariik.

¹³Re' taqe i aj filisteo kimol wo' chik kiib' wach k'ixkaab' Refaim.¹⁴Eh re' reey David xupahqaaj wo' chik ree Dios Parutiij, re' QaJaaw Dios je' wili i xuq'or: Neerub'an chi nee taq inooj ak'ulb'ilej taqe, xa re' la' ma' nee ta ti okik taq chikiwach cha sutej taq kiij ar taq neenak'ulb'ilej taqe i wilkeeb' wii' i chee' balsamo.¹⁵Eh noq neenab'iraj i choqik chi ju' taqe i chee' balsamo, nee tiooj chi kik'ulb'ejiik ruum re' hin naa wojiik chi peet chawach re' hin naa nuye'em q'ab' chi nee taq a'nam keh i ki soldado i aj filisteo, inki.

¹⁶Eh re' reey David xub'an wo' hoq i xq'orarik reh ruum i re' xkian reh taqe i kisolado i aj filisteo. Ar xkitoq'aa' reje pan tinamit Gabaón, eh ko xi ponik pan tinamit Gezer.¹⁷Re' taqe i xub'an re' re' i David xelik rib'iral xa aha' yuuq'. Eh re' QaJaaw Dios xuyeew q'ab' chi chu'nchel i nimaq tinamit xiyo'jik ruum i reey David. Re' reey David xuk'am chaloq i ruloq'laj kaxa i QaJaaw Dios Jerusaleem (2 Sam 6.12-23)

¹Re' reey David xuyejaa' i rupaat Jerusaleem re' rutinamiit i David. Eh xuyejaa' wo' hoq i ye'aab' re' xuyejaa' wii' jinaj itz'ihy naah paat ye'aab' reh i ruloq'laj kaxa i QaJaaw Dios.²Re' David je' wili xuq'or: Re' i ruloq'laj kaxa i QaJaaw Dios ma' awach taj i tokoom naa ruk'amwiik cho reh. Xa re' wo' taqe i aj Levíta naakik'amwiik cho reh ruum xa re' wo' keh sik'ooj kiwach ruum i QaJaaw Dios chuk'amariik. Eh chi eliik naa kiwihik parukamaj i Dios, inki.

³Eh re' reey David xumol kiwach chu'nchel i aj Israel ar Jerusaleem, reh chi xi okik haa' chuk'amariik chaloq i loq'laj ru kaxa i QaJaaw Dios chupaam i ye'aab' xuyejaa' i David.⁴Eh re' David xumol wo' kiwach i riih rumaam i Aarón, je' wo' taqe i riih rumaam i Leví, je' wili kik'ihaal.⁵Re' taqe i riih rumaam i Coat xi ponik jinaj siento ruuk' juninaq chi winaq xa kuuk' kiib'. Eh re' i Uriel i k'amal kib'eeh.⁶Eh re' taqe i riih rumaam i Merari xi ponik kiib' siento ruuk' juninaq chi winaq xa kuuk' kiib'. Eh re' i Asaías i k'amal kib'eeh.⁷Eh re' taqe i riih rumaam i Gersón xi ponik jinaj siento ruuk' lajeeb' ru ka'winaq chi winaq xa kuuk' kiib'. Eh re' i Joel k'amal kib'eeh.⁸Eh re' taqe i riih rumaam i Elizafán, xi ponik kiib' siento chi winaq xa kuuk' kiib'. Eh re' i Semaías i k'amal kib'eeh.⁹Eh re' taqe i riih rumaam i Hebrón xi ponik kajwinaq chi winaq xa kuuk' kiib'. Eh re' i Eliel k'amal kib'eeh.¹⁰Eh re' taqe i re' ruuk' i riih rumaam i Uziel xi ponik jinaj siento ruuk' kab'laj chi winaq xa kuuk' kiib'. Eh re' i Aminadab k'amal kib'eeh.

¹¹Chi riij i re', re' David xutaq'aaj kik'amariik taqe i kajaaw i k'amal kib'eeh aj tiij aj Levíta je' wili kib'ihnaal Sadoc, Abiatar. Eh je' wo' taqe i k'amal kib'eeh aj tiij Uriel, Asaías, Joel, Semaías Eliel, Aminadab.¹²Je' wili xuq'or keh: Re' taq i hat, i hat taq k'amal kib'eeh taqe i riih rumaam Leví cha santoheej awiib' taq i hat, je' wo' chu'nchel i awach aweh, reh chi nee taq i na a'n cho ruk'amariik i loq'laj ru kaxa i QaJaaw i qaDios i hoj, hoj aj Israel. Reh chi neen wihik chupaam i ye'aab' xnuyejaa'.¹³Ruum chi ma' re' ta taq i hat i xat k'amwik cho reh i ru kaxa i QaJaaw Dios pampeet. Re' QaJaaw Dios wilik taqe i xukansaj, ruum chi ma' xqapahqaaj ta reh nik' wach rub'aan naa qa'nam, inki.

¹⁴Je' aj re' noq re' taqe i k'amal kib'eeh aj tiij aj Levíta xkisantoheej kiib' reh chi xkian cho ruk'amariik i ruloq'laj kaxa i QaJaaw re' i qaDios i hoj aj Israel.¹⁵Eh re' taqe i riih rumaam i Leví xkik'am wo' chaloq i ruloq'laj kaxa i QaJaaw Dios xkitehlaaj cho naah kitileb' ruuk' i chee' tehlb'al reh je' rukab' i ruq'orom i Dios ruuk' chii' i Moisés.

¹⁶Eh re' i reey i David je' wili i xuq'or keh i k'amal kib'eeh i aj Levíta, chi naa rusik'im wach taqe i aj tz'uuy chi kixilak reh chi naa kianam kitz'uuy chi suq kik'ux ruuk' i kiarpa, ruuk' kikok' k'ahaam wach q'ooj, ruuk' i setesaq q'ooj kitzilininik.¹⁷Re' taqe i aj Levíta je' wili i kib'ihnaal i xkisik' wach: Hemán rak'uun i Joel, Asaf rak'uun i Berequías, ma' tokoom ta wo' ruuk' i Hemán riih rumaam i Merari. Eh xkisik' wo' wach i Etán rak'uun i Cusaías.¹⁸Eh wilik taqe i ma' tokoom ta kuuk' chi xi okik haa' chub'aan i kamanik ma' q'e' ta nim wach, je' wili kib'ihnaal: Zacarías, Jaaziel, Semiramot, Jehiel, Uni, Eliab, Benaía, Maasías, Matatías, Elifelehu, Micnías. Eh kisik' wo' wach taqe i kicha'jinik reh i ookb'al, je' wili kib'ihnaal: Obed-edom, Jeiel.

¹⁹Eh re' taqe i aj tz'uuy Hemán, Asaf, i Etán re' keh ye'ooj chikinaah chi naa kiq'ojem taqe i pulato q'ooj intz'ilininik re' ruuk' taqe i q'an ch'ihch'.²⁰Eh re' taqe i kik'amwik rub'eeh ruuk' i ruq'ojiik i kikok' k'ahaam wach q'ooj, re' Zacarías, Aziel, Semiramot, Jehiel, Uni, Eliab, Maasías, Benaía.²¹Eh re' taqe ink'ulb'ilinik keh chi tz'uuy ruuk' i ruq'ojiik i kiarpa re' i Matatías, Elifelehu, Micnías, Obed-edom, Jeiel, Azazías.²²Re' Quenanías, i k'amal kib'eeh taqe i aj Levíta kitz'uyinik ruuk' i kiq'ooj, ruum re' reh inchol q'ooj, eh inchol tz'uuy chi korik.²³Eh re' Berequías, ruch'ihil i Elcana kicha'jinik reh i ruloq'laj kaxa i QaJaaw Dios.²⁴Eh re' taqe i kixulinik reh i tuun i kiooj chi peet b'eeh chuwach i ruloq'laj kaxa i QaJaaw Dios, re' taqe i k'amal kib'eeh aj tiij je' wili kib'ihnaal: Sebanías, Josafat, Natanael, Amasai, Zacarías, Benaía, Eliezer. Eh re' Ebed-edom, Jehías cha'jen reh i ruloq'laj kaxa i QaJaaw Dios.

²⁵Eh re' David ruch'ihil taqe i k'amal kib'eeh i aj Israel ruch'ihil taqe i k'amal kib'eeh i ju'jun nimaq ch'uq chi soldado, xiooj chi suq kik'ux parupaat i Obed-edóm chi rehtesjiik i ruloq'laj kaxa i QaJaaw Dios.²⁶Eh noq xkilow i aj Levíta chi xitoob'jiik ruum i Dios chuk'amariik chaloq i loq'laj kaxa, wuquub' i k'ijool wakax, eh wuquub' i imas tentzun xkiq'asaj chi kimayiij.²⁷Re' reey David saq i ruso' rukojom, re' ruuk' i holohik itz'ihy lino, rukojom wo' ruso' xama' nim ta rooq, je' wo' taqe i aj Levíta kitehlanik reh i loq'laj kaxa. Eh je' wo' hoq i Quinanías i k'amwik kib'eeh i aj tz'uuy.²⁸Eh chu'nchel i aj Israel xi k'amwik cho reh i ruloq'laj kaxa i QaJaaw Dios molik wii' i k'uhb'aal, xasuq chik kik'ux xkixulej paam taqe i ruk'aa' kaprax, taqe i tuun, xkiq'ojej taqe i pulato q'ooj, xkiq'ojej taqe i kok' k'ahaam wach q'ooj je' wo' taqe i kiarpa.²⁹Eh noq re' i ruloq'laj kaxa i QaJaaw Dios molik wii' i ruk'uhb'aal xponik Jerusaleem re' rutinamiit i David. Re' Mical i rixq'uun i Saúl xrilow cho pan ventana chi re' reey David xampisk'anik chik parooq ruum i rusuqkiil ruk'ux, eh ma' k'isiin ta xchalik ruk'aa' chinaah.

¹Eh re' i loq'laj ru kaxa i QaJaaw Dios ar xkiyeew chupaam i itz'ihy naah paat xuyejaa' i reey David. Eh kik'at taqe i chikop chi kimayiij chuwach i QaJaaw Dios, xkiq'asaj wo' hoq i kimayiij k'amb'al kiib' panotob'il ruuk' i QaJaaw Dios.²Eh noq xukohlaaj i David ruq'ahteesjiik i k'atoj chikop chi mayiij, je' wo' taqe i mayiij k'amb'al kiib' panotob'il ruuk' i QaJaaw Dios, xukuxisaj taqe i tinamit parub'ihnaal i QaJaaw Dios.³Eh chu'nchel i tinamit chi nimaq chi kok' taq xuyeew ju'jun ki suq laj kaxlanwi'k, eh xuyeew wo' ju'jun kikaxlanwi'k korjinaq ruuk' i chiq uuva, eh xuyeew wo' ju'jun t'ohr kib'ahoj tiib'.

⁴Eh re' David wilik taqe i aj Levíta xupab'aa' chi xkian i rukamaj i QaJaaw Dios chuwach i loq'laj ru kaxa i QaJaaw. Reh chi xkian i pahqanik, i loq'inik, i t'iosinik, chuwach i QaJaaw i qaDios i hoj, hoj aj Israel.⁵Re' taqe i aj Levíta xusik' wach, je' wili kib'ihnaal: Re' peet Asaf, re' rukab' Zacarías, re' Matatías, re' Eliab, re' Benaía, re' Obed-edom, re' i Jeiel jinaj chik, wilik taqe kiq'ooj, wilik kok' kiq'ooj k'ahaam wach, wilik kiarpa. Eh re' i Asaf inq'ojinik reh i pulato q'ooj.⁶Eh re' taqe i k'amal kib'eeh aj tiij Benaía, Jahaziel kixulinik reh taqe i tuun chuwach i ruloq'laj kaxa i QaJaaw Dios molik wii' i ruk'uhb'aal. Re' tz'uuy xub'an i reey David t'iosb'al reh i rotob'il i Dios (Sal 96.1-13; 105.1-15; 106.47-48)

⁷Chupaam i q'iij re' re' kore' peet xuq'or i David reh i Asaf, je' wo' keh taqe i ruch'ihil chi naa kit'iosem i rotob'il i QaJaaw Dios ruuk' taqe i tz'uuy wili:

⁸Chat'iosej taq reh i QaJaaw Dios i rotob'il cha q'or taq rib'iral rub'ihnaal. Eh chayeew taq keh chi naab'jik chu'nchel i tinamit taqe rub'anam chaloq.⁹Cha a'n taq atz'uuy ye'b'al ruloq'il, chawesaj taq i ruq'orkiil i nimaq wach na'ojb'al rub'anam chaloq.

¹⁰Chayeew taq ruloq'il i rusantolaj b'ihnaal. Eh chawuncheelaal taq i hat i ti sik'wik taq reh i QaJaaw Dios suuqb'oq taq ak'ux.¹¹Chasik' taq i rajaawriik i QaJaaw Dios, juneliik taq cha pahqaaj i rotob'il.¹²Mansahchik taq panak'ux i nimaq wach na'ojb'al, taqe i nimaq wach ma' ilooj taj rub'anam. K'oloq taq panak'ux i q'ataj q'orik i rub'an.¹³Re' taq i hat, i hat taq riih rumaam i Israel i raj kamanoom i Dios. Hat taq riih rumaam i Jacob i rusik'im taq chawach i QaJaaw Dios.¹⁴Chanab'eej taq chi re' reh i QaJaaw i qaDios. Re' wo' reh wilik chi taaq'anik chinaah chu'nchel i wach ak'al.¹⁵Re' reh wilik paruk'ux chi juneliik i ruq'orom chaloq chi naa rub'anam. Xajarub' pa' ch'iht i k'acharik neenik'ik xama' jaruuj wo' neenik'ik paruk'ux.¹⁶Re' wo' hoq i ruq'orom cho reh pampeet i Abraham, chi naa rub'anam ruuk'. Je' wo' hoq noq xuq'or chee xti korik chi riij i xub'an cho ruuk' i Isaac.¹⁷Eh xuyejaa' wach ruuk' i Jacob, xuyeew rajaawriik chi je' jinaj k'uhb'aal, xuyejaa' wach kuuk' i aj Israel chi naa kianam chi juneliik.¹⁸Re' noq xuq'or cho keh chi je' wili: Re' hin naa taq nuye'em aweh chi akooch i ye'aab' Canaán, naa taq awehchaam chi jumpech, inki.

¹⁹Je' re' i xq'orarik keh atoob' ta ma' q'e' ta k'ih taqe, xa je' taqe aj patal ponoq chupaam i ye'aab' re' re'.²⁰Eh xata wo' jarub' i tinamit ki-ik'ik wii' chi je' pankok' tinamit, chi je' panimaq tinamit.²¹Re' Dios ma' xuyeew ta q'ab' chi awach ta xb'anik ti' k'axik keh xuq'il la' taqe i reey je' wili xuq'or keh:²²Ma'an taq ti' k'axik keh i wak'uun wixq'uun nusik'im cho kiwach. Eh ma' chih wo' awuchej taqe ijalal nuq'oral, inki.

²³Eh chawunchelaal taq i hat i wilkaat taq ayu' wach ak'al cha tz'uyej taq wach i QaJaaw Dios. Eh rajlaal i q'iij taq cha q'or rib'iral chi re' reh aj ko'loom.²⁴Chaq'or wo' taq rib'iral ruloq'il keh chu'nchel i tinamit, Je' wo' hoq i nimaq kiwach ma' ilooj taj i rub'an.²⁵Re' QaJaaw Dios xiik' naah nimaal wach, ruum aj re' i ruk'ul chi naaqaye'em ruloq'il. Eh xa re' wo' reh nim rajaawriik chikiwach taqe i tiyoox.²⁶Re' i ki dios i tokoom tinamit xa tiyoox taqe, ma' xta kajaawriik. Raaj i qaDios i hoj re' reh xyej-anik reh i taxaaj.²⁷Ma' k'isiin ta saqumaal chii' wach i QaJaaw Dios. Eh xiik' naah nimaal i rajaawriik, je' wo' hoq i ruloq'il ink'ularik chupaam i rusantolaj paat.

²⁸Eh chawunchelaal taq i hat tinamit wilkaat taq ayu' wach ak'al, chayeew taq rajaawriik, ruloq'il i QaJaaw Dios.²⁹Chayeew taq ruloq'il i QaJaaw Dios ruum xa re' wo' reh i ruk'ul chi naa taq aloq'em. Eh chaxuk'aa' taq awiib' chuwach chak'am taq chaloq aamayiij chupaam i ru santo laj paat.³⁰Chu'nchel ta naq i tinamit neekiyohlinik reh, ruum re' reh xye'wik reh panruye'aab' i wach ak'al reh chi ma' awach ta neenk'uyu'sanik reh.³¹Neeta naq insuuqb'ik ruk'ux i taxaaj, je' wo' wach ak'al. Eh cha q'or taq keh chu'nchel i tinamit chi re' i QaJaaw Dios xti manlik reey.³²Neeta naq ink'uyu'jik i palaw, je' wo' i wilkeeb' chupaam. Eh nee ta naq insuuqb'ik ruk'ux i wach ak'al, je' wo' taqe i wilkeeb' chupaam.³³Neeta naq insuuqb'ik kik'ux chuwach i QaJaaw Dios taqe i chee' wilkeeb' pantaq ch'ahn, ruum re' reh xchalik chi q'ataj q'orik chinaah i wach ak'al.

³⁴Chat'iosej taq reh i Dios, ruum re' reh q'e' atoob' juneliik wilik ketelinik wachiis ruuk'.³⁵Eh je' taq wili i cha q'or reh: QaJaaw Dios qoh ako'leej tii ruum xa re' wo' hat ti ko'linik qeh. Neeta tii qoh awesaj chi kixilak i tokoom tinamit. Reh chi neenqaq'or rib'iral asantolaj b'ihnaal, reh chi suq qak'ux noq neetiqaloq'eej.³⁶Neeta naq inye'arik ruloq'il i qaDios i hoj, hoj aj Israel, je' ta naq re' i neenb'aan reh chi juneliik, inki David.
Eh je' ta naq re' inki taqe chu'nchel i tinamit, eh xkiloq'ej i QaJaaw Dios. Re' taqe i aj Levíta xi kahnik chi rilariik i loq'laj kaxa

³⁷Eh re' reey David xukanaa' i Asaf, ruch'ihil taqe i ma' tokoom ta ruuk' aha' wilik wii' i loq'laj kaxa molik wii' i ruk'uhb'aal i QaJaaw. Reh chi xkian i kamanik rajlaal q'iij re' i ajwaal wach chi b'anarik.³⁸Eh xukanaa' wo' ar i Abed-edom ruch'ihil taqe i waxiqiib' ru ka'winaq chi winaq ma' tokoom ta ruuk'. Eh re' Obed-edom, rak'uun i Jedutún, ruch'ihil i Hosa xi kahnik chi kamanik panookb'al.³⁹Eh re' i Sadoc ruch'ihil taqe i ruch aj tiij xipa'ab'jik chuk'amariik rub'eeh i loq'inik i chupaam i rusanto laj itz'ihy naah paat i QaJaaw Dios ar Gabaón chinaah inajt naah ye'aab'.⁴⁰Reh chi re' taqe i keh xik'atwik reh i mayiij rajlaal wahq'eq, rajlaal xq'eq chinaah i artaal chuwach i QaJaaw Dios. Reh chi xkian nik' wach i tz'ihb'amaj rehtaliil chupaam i ruk'uhb'aal i QaJaaw Dios, je' rukab' i xuq'or keh i aj Israel.⁴¹Eh xkahnik wo' kuuk' i Hemán, ruch'ihil i Jedutún chi kitoob'jiik i xsik'arik kiwach ruuk' irulooq'jiiki QaJaaw Dios ruum re' reh juneliik wilik ketelinik wachiis ruuk'.⁴²Eh re' i Hemán, re' i Jehutún kixulinik reh taqe tuun, re' wo' keh kiq'ojinik reh i pulato q'ooj, eh inkik'ulb'ilej taqe inkik'er kichii' chi tz'uuyjik wach i QaJaaw Dios. Re' taqe i rak'uun i Jedutún kikamanik panookb'al.

⁴³Chi riij i re', chu'nchel i tinamit xi sutinik reje pankipaat. Eh re' reey David xsutinik wo' reje parupaat, reh chi xponik rukuxisaj taqe i awach reh. Re' i QaJaaw Dios wilik i xuyejaa' wach ruuk' i reey David (2 Sam 7.1-29)

¹Noq re' reey David wilik chik chupaam i paat i rub'an wii' taaq'anik je' wili i xuq'or reh i Natán jalal ruq'oral i Dios:
Chakoj rehtaal re' hin wilkiin chupaam jinaj i paat korjinaq ruuk' i chee' chakaltee', eh re' i ruloq'laj kaxa i QaJaaw xa chupaam i itz'ihy naah paat wilik, inki.

²Eh re' Natán je' wili i xuq'or:
Re' hat cha a'n taqe chu'nchel inawaaj rub'aan, ruum re' Dios wilik awuuk' chatoob'jiik, inki.

³Eh xa chupaam wo' aq'ab' re' re' q'orob'jik chee Natán ruum i Dios je' wili xq'orarik reh:⁴Hiy ruuk' i David i waj kamanoom cha q'or reh re' QaJaaw Dios je' wili i ruq'or: Re' hat David ma' re' tee hat naa ayej-aniik reh i nupaat naa nuwihiik wii'.⁵Re' hin xti korik i nuq'or chi ma' jank'al ta kimpatinik chupaam jino'q i paat, i wesam taqe chaloq i nutinamiit Israel, ar Egipto, eh xink'uloq ayu' yu'naak. Re' hin xa pan itz'ihy kinaah paat wo' kinwihik.⁶Re' hin nik' najtiil xwuch'ihleej taqe chaloq i nutinamiit Israel. Re' taqe i xnukoj chi taaq'anik chikinaah i aj Israel ma' nik' ta xnuq'or keh chi naa kiyejaam jino'q nupaat chee' chakaltee' naa rukorjiik wii'.⁷Je' re' noq cha q'or reh i waj kamanoom David chi re' hin i Dios nim wajaawriik je' wili i nuq'or reh: Re' hin xat wesaj cho chi cha'jinik tentzun, reh chi xat nupab'aa' chi reyil chinaah i nutinamiit Israel.⁸Re' hin xintoob'inik aweh xa aha' pa' xat ponik. Eh xnuq'asaj taqe panaq'ab' i ki-ixowanik awach. Xnuyeew awajaawriik je' rukab' i kajaawriik i winaq, xti wilik kajaawriik wilkeeb' wach ak'al.⁹Eh xnuyeew wo' kiye'aab' i nutinamiit Israel reh chi ar naakipatiniik chupaam i kiye'aab' chi suq kik'ux. Reh wo' hoq chi ma' awach ta neenjot'wik keh, eh ma' awach ta neenquchwik i chib'ih keh, je' rukab' imb'aan keh pampeet.¹⁰Xa re' wo' noq xnupab'aa' taqe chaloq i q'atal q'orik chikinaah i nutinamiit Israel xtohq'ik cho ti' k'axik keh. Eh re' hat yu'naak naa kaat nuhi'lisam, ma' naa ta chik kaat kijot'om i ki-ixowanik awach, i nuq'or wo' aweh i hin, hin Dios chi naa nuye'em awak'uun, awixq'uun.¹¹Eh noq naa ruponiik i q'iij noq naa akimiik reje naa rojiik taqe areqem aamaam awati't. Re' hin jinaj keh awak'uun naa nukojom chajilow, chi reyil.¹²Eh re' reh naa ruyej-aniik i nupaat. Eh re' hin naa nukojwiik reh chi reyil chi juneliik.¹³Re' hin naa nukahniik chi hin raJaaw, eh re' reh naa rukahniik chi wak'uun. Re' hin ma' naa ta nukanaam ruketeljiik wach, je' rukab' noq xnukanaa' ruketeljiik kiwach i xwihik cho chi reyil peet chawach i hat.¹⁴Re' hin naa nuye'em rajaawriik chinaah i nutinamiit naa wo' nuye'em rajaawriik chi juneliik chi reyil. Eh naa ruwihiik jino'q awiih aamaam naa rokiik chi reyil, tiko'q reh, inki i Dios.

¹⁵Eh re' Natán jalal ruq'oral i Dios xooj wo' ruuk' i David xooj ruq'or reh chu'nchel i xq'orarik reh, je' wo' hoq i xk'uhtjik reh.

¹⁶Noq xrib'iraj i David chi je' re' xokik i koq chupaam i itz'ihy naah paat chi tiij chuwach i QaJaaw Dios je' wili xuq'or: ¿Chib'ih nub'anam i hin chib'ih kianam i wak'uun wixq'uun chi xayeew weh awotob'il wili?¹⁷QaJaaw Dios re' hat ma' xata re' wili xaq'or la' wo' hoq chi re' taqe i wiih numaam i hin, hin awaj kamanoom naa kiwihiik chi reyil chi juneliik. QaJaaw Dios chawach i hat hin jinaj winaq wilik rajaawriik.¹⁸¿Chib'ih chik jariik i nupahqaaj chi riij i nuloq'il xayeew? Re' hat aweht'al chik nik' wach i nuna'ojb'al i hin, hin awaj kamanoom.¹⁹QaJaaw Dios ruum chi q'e' kinak'ax panawánima hin awaj kamanoom xa a'n wuuk' i runimaal wach na'ojb'al wili. Reh chi naa ruk'utiniik taqe i runimaal awajaawriik.²⁰QaJaaw Dios ma' xta chik jino'q Dios chi je' rukab' i hat, eh ma' awach ta neemb'anik i na a'n je' wo' rukab' i qib'iram cho rib'iral.²¹Eh ma' jino'q i tinamit wach ak'al chi je' rukab' aatinamiit Israel. QaJaaw Dios re' hat xat ko'linik cho keh reh chi xakoj taqe chi aatinamiit. Re' hat xa a'n taq i nimaq wach ma' ilooj taj i nimaq wach sahchb'al k'uxliis re' noq xawesaj taqe i tokoom tinamiit pan kiye'aab' aatinamiit. Eh xawesaj taqe cho ar Egipto.²²Re' hat xasik' kiwach i aj Israel, reh chi xi kahnik chi aatinamiit taqe chi juneliik. Eh chi re' hat xat kahnik chi ki Dios.

²³QaJaaw Dios nee ta tii na a'n cho chi juneliik i xaq'or weh, i hin, hin awaj kamanoom. Neeta naq inwihik kajaawriik taqe i wiih numaam chi reyil je' rukab' i xaq'or weh.²⁴Neeta naq inye'arik runimaal wach ab'ihnaal chi juneliik. Eh nee ta naq inq'orarik rib'iral chi re' hat i Dios nim awajaawriik qaDios i hoj, hoj aj Israel. Neeta naq i nacha'jeej taqe chi juneliik i wiih numaam chi reyil, i hin, hin awaj kamanoom.²⁵QaJaaw Dios re' hat xayeew weh chi naab'jik chi naa nuwihiik chi reyil. Eh chi re' taqe i wiih numaam naa akojom chi reyil chi juneliik. Je' aj re' noq re' hin, hin awaj kamanoom k'ahchi' kiin chi tiij chawach.²⁶Re' hat Jaaw, hat Dios aq'orom rib'iral chi naa aye'em weh aawotob'il, i hin, hin awaj kamanoom.²⁷QaJaaw Dios i nupahqaaj aweh chi chakuxisaj taqe chi juneliik i wiih numaam i hin, hin awaj kamanoom ruum xaq'or chi naa ruwihiik kajaawriik chi juneliik chawach. Ruum aq'orom chi naa kiin akuxisam hin, eh je' wo' taqe i wiih numaam, inki David. Re' q'aq'inik xub'an i reey David (2 Sam 8.1-14)

¹Eh koq'uun chik re' David xub'an wo' chik i q'aq'inik kuuk' i aj filisteo. Eh xusach wach i kajaawriik, xuq'uch keh i tinamit Gat, je' wo' hoq i kok' ye'aab' wilik chi junsuut.²Eh xub'an wo' keh i aj Moab xi kahnik chi ri'sil i rajaawriik, eh xkitoj chik riij reh i kiye'aab'.

³Re' David xub'an wo' reh i Hadad-ezer kireey i aj Soba re' wilik ar Hamat. Re' noq ojik naq i rub'an Hada-ezer chi ruchopariik naah i ye'aab' wilik wii' i nim ha' Éufrates.⁴Re' David xuchop taqe i jinaj miil chi kareta reh q'aq'inik, je' wo' taqe i wuq'uub' miil chi soldado wilkeeb' rij kawáyu, je' wo' taqe i juninaq miil chi soldado ojik inki a'n chi kooq. Eh xutoqib'eej kooq i kawáyu, xa re' chik i kawáyu kiqerinik reh i jinaj siento chi kareta xukanaa'.

⁵Re' taqe i aj Siria wilkeeb' Damasco xi chalik chi rutoob'jiik i Hadad-ezer kireey i aj Soba, Xa re' la', re' David xub'an keh i aj Siria xukansaj taqe i kiib' ru ka'winaq miil.⁶Re' David xukoj taqe i ru soldado chi kicha'jaljiik i aj Siria wilkeeb' Damasco. Re' taqe i aj Siria xi kahnik chi ri'sil i rajaawriik i David, eh inkitoj chik riij i kiye'aab'. Eh xa aha' inooj i David chi q'aq'inik inye'arik q'ab' reh ruum i Dios chi rub'aan keh.

⁷Re' David xuk'am cho Jerusaleem i kinimaq pulato ch'ihch' oro xuq'uch chaloq, re' inkiko'leej wii' kiib' i ru soldado Hadad-ezer.⁸Eh re' taqe tinamit Tibhat, Cun, re' i xi wihik chi ri'sil i rajaawriik i reey Hadad-ezer. Re' reey David ma' k'isiin taqe i q'an ch'ihch' xuk'am chaloq ar. Ruuk' taqe re' xuyejaa' i ye'aab' haa' i reey Salomón, je' wo' taqe i rooq paat, je' wo' taqe i kikamanik chupaam i rupaat i Dios.

⁹Noq xrib'iraj rib'iral i Toi reey ar Hamat chi re' David xkuxik rub'anam reh i ru soldado i Hadad-ezer kireey i aj Soba.¹⁰Re' i reey Toi xutaq'aaj i Adoram i rak'uun ruuk' i reey David reh chi xooj ruyeew rusuqkiil ruk'ux ruuk' i q'unil xuq'or reh chi ma' xta reet i xub'an. Re' Toi xutaq'aaj reje i chi rukooch i David re' ruuk' taqe i xa chib'ihjariik oro, plata, q'an ch'ihch' korjinaq wii', ruum chi xub'an keh i ru soldado i Hada-ezer, ruum re' reh k'ih pech wo' xub'an i q'aq'inik ruuk'.¹¹Re' reey David xuq'asaj chuwach i QaJaaw Dios taqe i kooch xye'arik reh ruch'ihil i plata i oro xuq'uch chaloq noq xub'an i q'aq'inik kuuk' i aj Edóm, i aj Moab, i aj Amón, i aj filisteo, i aj Amalec.

¹²Eh je' wo' hoq i Abisai rak'uun i Sarvia xukansaj taqe i waxaqlaj miil chi aj Edóm wach k'ixkaab' i wilik wii' i aatz'aam.¹³Eh re' reey xukoj taqe i ru soldado pan tinamit Edóm. Eh chu'nchel i aj Edom xi kahnik chi ri'sil i rajaawriik i David. Xa aha' inooj i David chi q'aq'inik inye'arik q'ab' reh ruum i Dios chi rub'an keh. Re' i xi kamanik ruuk' i reey David (2 Sam 8.15-18; 20.23-26)

¹⁴Re' David xwihik chi reyil chikinaah chu'nchel i aj Israel, eh xub'an i taaq'anik parub'ehel, parukorkiil chikinaah chu'nchel i tinamit.¹⁵Re' xwihik chi k'amal kib'eeh i soldado re' i Joab rak'uun i Saravia. Re' xwihik chi raj tz'ihb' i reey, re' i Josafat rak'uun i Ahilud.¹⁶Re' taqe xi wihik chi k'amal kib'eeh i aj tiij re' Sadoc, rak'uun i Ahitob, re' Ahimelec rak'uun i Abiatar, eh re' i Savsa i xwihik chi aj tz'ihb'¹⁷Re' i Benaía, rak'uun i Joiada xwihik chi k'amal b'eeh chi kixilak i aj Cereteo, taqe i Peleteo. Eh re' taqe i rak'uun i David xi wihik chi nimaq wach k'amal b'eeh chi kixilak. Re' reey David xub'an keh i aj Siria je' wo' i aj Amón (2 Sam 10.1-19)

¹Koq'uun chik xkimik reje i Nahas kireey i aj Amón, eh re' chik i Hanún i rak'uun xokik chi reyil chi jilow.²Re' reey David je' wili i xuq'or: Re' hin naa nuwihiik panotob'il ruuk' i Hanún je' rukab' noq xinwihik panotob'il ruuk' i Nahas, i rajaaw, inki. Je' aj re' noq xutaq'aaj taqe reje i raj taqareel i David ruuk' Hanún, re' ruye'ariik i rusuqkiil ruk'ux ruum koxkimik i rajaaw. Eh noq xi ponik i aj taqareel chupaam i kitinamiit i aj Amón.³Re' taqe k'amal kib'eeh i aj Amón, je' wili i xkiq'or reh i Hanún: ¿Mi nanimaj i hat chi re' reey David xutaq'aaj chaloq taqe i aj taqareel chuye'ariik rusuqkiil ak'ux, chi ruye'ariik runimaal wach i kamnaq awajaaw? Noq inqaq'or i hoj chi xa ilool xakojol taqe rehtaal nik' wach noq wilik i qatinamiit, inki taqe.

⁴Noq xrib'iraj i Hanún chi je' re', xuchop taqe i raj taqareel i David xutaq'aaj rujoyariik i kusinchii', eh xkiyok' panyejaal i kiso', xponik kopankaa' johtoq. Chi riij i re' xutaq'aaj taqe reje.⁵Eh noq xunab'eej i reey David chi je' re' i xkik'ul i raj taqareel xutaq'aaj kik'ulariik, ruum ma' k'isiin ta xchalik kik'ixiik. Eh xutaq'aaj ruq'orariik keh chi kikahnoq pee Jericó korehtaal ink'ihik i kusinchii' kora'j neekisutinik cho re', inki.

⁶Eh re' taqe i aj Amón xkireq chi riij chi xkikanaa' kiib' panixowaal ruuk' i reey David ruum aj re', re' Hanún ruch'ihil taqe aj Amón xkitaq'aaj i waqiib' siento ruuk' oxk'ahl kintaal chi plata tojb'al keh i kareta. Eh tojb'al keh i soldado wilkeeb' riij kawáyu reh chi xiooj chi q'aq'inik ruuk' i David. Re' taqe re' ar kichalik Mesopotamia, Siria, Maaca, i Soba.⁷Ruuk' i plata re' re' xkitoj taqe i kab'laj ru ka'winaq miil chi kareta reh q'aq'inik, eh xkitoj wo' hoq i kireey i aj Maaca, je' wo' taqe i ru soldado. Re' taqe i re' xponik kiyejaa' i itz'ihy naah paat chi k'ulwaach i tinamit Medeba. Eh re' taqe i aj Amón keh xkimol cho kiib' xi elik cho pan kitinamiit xiooj chi q'aq'inik.

⁸Eh noq xunab'eej i David chi je' re' xutaq'aaj i Joab ruch'ihil chu'nchel i ru soldado kow kiib' chi q'aq'inik.⁹Re' taqe i ki soldado i aj Amón xooj kimol kiib' panookb'al reh i kitinamiit xkiyejaa' kiib' chi q'aq'inik. Eh re' taqe i reey kuch'ihil noq xi chalik chi q'aq'inik pan tokoom ye'aab' xkiyeew reje kiib'.¹⁰Eh noq xukoj rehtaal i Joab chi naa kichaliik chuwach, eh wilik taqe q'aq'ineel naa kichaliik chi riij xusik' kiwach chi kixilak i aj Israel i soldado xti kow kiib', reh chi xutaq'aaj taqe chi q'aq'inik kuuk' i aj Siria.¹¹Eh re' Joab xikoj i ruchaaq' Abisai rub'ihnaal chi k'amal kib'eeh i kiqox i soldado reh chi xooj kik'ulb'ilej taqe i aj Amón.¹²Je' wili xuq'or reh i ruchaaq': Wila' xtohq'ik kiq'atam nuwach i aj Siria, neetichalik chi nutoob'jiik i hat. Eh wila' xtohq'ik kiq'atam awach i aj Amón i hat, re' hin nee kinooj cha toob'jiik.¹³Kow-oq ak'ux qachop qak'ux chi ko'ljiik i qatinamiit Israel, re' wo' i rutinamiit i QaJaaw Dios. Eh nee ta naq i rub'an chee QaJaaw Dios aha' wilik i ruk'ul chuwach i reh, inki.

¹⁴Je' re' noq re' Joab xooj reje chuwach chi kik'ulb'ejiik i ki soldado i aj Siria, xa re' la' re' keh xkimol chi elik chuwach.¹⁵Eh noq xkilow i ki soldado i aj Amón chi xkimol chi elik i ki soldado i aj Siria chuwach i Joab xkimol wo' chi elik i keh chuwach i Abisai, xooj kikeb'aa' kiib' pan kitinamiit. Eh re' Joab xsutinik wo' chik cho Jerusaleem.

¹⁶Eh noq xkilow i ru soldado i aj Siria chi xb'aan keh ruum i ki soldado i aj Israel xkitaq'aaj ruk'amariik i aj Siria wilkeeb' chi juntar nim ha' Éufrates. Eh re' i Sofac k'amal kib'eeh i ki soldado, eh re' wo' hoq i Hada-ezer i k'amal kib'eeh.¹⁷Noq xrib'iraj rib'iral i reey David chi je' re' xumol kiwach chu'nchel i ki soldado i aj Israel xiooj xi q'ahxik reje chi juntar i nim ha' Jordán xkiyejaa' kiib' chi q'aq'inik. Re' David xuq'or keh chi xiooj chi kik'ulb'ejiik taqe i ki soldado i aj Siria.¹⁸Eh re' i ki soldado i aj Siria xkimol chi elik chikiwach i ki soldado i aj Israel. Eh re' David xkikansaj i ka'winaq miil chi soldado re' ruuk' taqe i xa chi kooq kiooj, eh xkikansaj wo' wuquub' miil i wilkeeb' pan kareta. Eh xkikansaj wo' i Sofac re' k'amal kib'eeh i ki soldado i aj Siria.¹⁹Eh noq xkilow taqe i reey i k'ahchi' naq kitowiik reh i Hadad-ezer chi xb'aan keh ruum i ki soldado i aj Israel, xkik'am kiib' panotob'il kuuk' i ki soldado i aj Israel. Eh kiyeew kiib' chi ri'sil i rajaawriik i reey David. Re' i ki soldado i aj Siria ma' xkaaj ta chik kitob'eem i aj Amón. Re' i reey David xuchop naah i tinamit Rabá (2 Sam 12.26-31)

¹Chupaam i haab' jinaj chik paruq'ijil i siq'jil noq kiooj i reey chi q'aq'inik, re' Joab i xuk'am taqe reje i ru soldado chi q'aq'inik, eh xusach wach i kitinamiit i aj Amón. Eh xooj kikotej riij i tinamit Rabá, eh xusach kiwach. Xa re' la' re' reey David xkahnik Jerusaleem.²Eh noq re' David xponik Rabá xkiq'uch reh i ru corona i kireey i aj Rabá, wach naah chik i David xkikoj. Re' corona re' re' oro wilik wo' hoq i holohaq ab'aj chuwach ixib' aroba naa rahliil. Re' David ma' k'isiin taqe i xa chib'ih jariik k'ih taq tz'aaq xresaj chaloq chupaam tinamit re' re'.³Re' David xresaj taqe chaloq chu'nchel i tinamit koxikahnik ar xukoj taqe chi taraj chee', chi k'otooj paam ak'al ruuk' ch'ihch', chi ch'irij sii' ruuk' ikej. Eh je' wo' re' i xub'an keh chu'nchel i aj Amón. Chi riij i re', re' David ruch'ihil chu'nchel i ru soldado xi sutinik wo' chik cho Jerusaleem. Re' taqe raj q'aq'ineel i David xkikansaj i nimaq kooq winaq (2 Sam 21.18-22)

⁴Chi riij i re', re' taqe i aj Israel xiooj wo' chik chi q'aq'inik kuuk' i aj filisteo ar Gezer. Re' Sibecai aj pan tinamit Husa xukansaj i Sipai re' ruuk' i kiih taqe i nimaq winaq.⁵Eh xiooj wo' chik chi q'aq'inik kuuk' i aj filisteo. Re' i Elhanán rak'uun i Jair xukansaj i Lahmi ruchaaq' i Goliat aj geteo, xiik' wo' naq naah nimaal rooq. Re' i ruche'el i ruq'as ju' ch'ihch' je' nimaal i ruche'el i nimlaj keem.

⁶Eh xwihik wo' chik i jinaj i q'aq'inik ar Gat, ar xwihik jinaj winaq nim rooq waqtaq i ju'q'ab' chi ju'juntar, eh waqtaq i naah rooq chi ju'juntar kijib' ru ka'winaq chu'nchel. Eh re' reh re' ruuk' i kiih taqe i nimaq winaq.⁷Re' winaq re' re' xub'aj taqe i aj Israel, ruum aj re' xkanteesjik ruum i Jonatán rak'uun i Simea, ruchaaq' i David.⁸Re' taqe nimaq kooq winaq wili aj Gat taqe re' ruuk' riih rumaam i Rafa i nim rooq winaq. Re' winaq re' re' xkanteesjik ruum i David, eh ruum taqe i ru soldado. Re' reey David xrik'saj i ajlanik chikinaah i aj Israel (2 Sam 24.1-25)

¹Re' aj yahm xraaj chi xchalik i ti' k'axik chikinaah i aj Israel, ruum aj re' xuyeew paruk'ux i reey David chi xrik'saj i ajlanik chikinaah i aj Israel.²Re' David je' wili i xuq'or reh i Joab, eh keh i k'amal kib'eeh tinamit:
Re' taq i hat hiy taq chawik'saj i ajlanik chikinaah i aj Israel ar taq neenatoq'aa' reje Beerseba korehtaal taq ti ponik Dan. Eh nee taq ink'ulik aq'or weh, reh chi neenunab'eej jarub' chi tinamit i wilkeeb' ar, inki.

³Eh re' Joab je' wili i xuq'or:
Re' ta naq i QaJaaw Dios neenk'ihaax b'isanik ree rutinamiit Israel jino'q chik chi je' k'ihaal i wilkeeb' yu'naak. ¿Mi ma' chi ri'sil re' i awajaawriik wilkeeb' chu'nchel i aj Israel? ¿Chib'ih reet noq q'e' suq ak'ux chi kajaljiik yu'naak? ¿Chib'ih reet noq naa taqe aye'em pamahk i aj Israel? inki.

⁴Eh re' reey David kow xumin chupaam i Joab chi xooj rik'saj i ajlanik, xooj rub'ehuj paam i kitinamiit i ju'jun ch'uq chi aj Israel, eh xsutinik wo' chik cho Jerusaleem xk'ulik ruq'or reh i David jarub' chi kiib'.⁵Re' qate i xponik rutz'ihb'aaj ajlaamb'al keh xi ponik jinaj miyón ruuk' jinaj siento miil chi winaq wilik kiq'aslaj ch'ihch' kuuk'. Eh chi kixilak i aj Judá xi ajaljik kijib' siento miil ruuk' lajeeb' ru kajwinaq wilik kiq'aslaj ch'ihch' kuuk'.⁶Xa re' la' re' Joab ma' xrajlaaj ta taqe haa' i junch'uq chi riih rumaam i Leví, je' wo' taqe i riih rumaam i Rubén ruum re' Joab ma' xuk'ul ta ruk'ux i xuq'or i reey David.

⁷Eh ma' xponik ta wo' chuwach i Dios i xub'an David ruum i re' xuyeew chee ti' k'axik chikinaah i aj Israel.⁸Eh re' reey David xub'an rutiij je' wili i xuq'or reh i Dios:
Jaaw re' hin nimlaj mahk i xnub'an chawach cha kuy chasach ti weh i numahk i hin, hin awaj kamanoom. Ruum pan tehwachiil xnub'an i wili, inki.

⁹Re' QaJaaw Dios xuq'oreej i Gad jalal ruq'oral re' inkojwik runa'ojb'al i David je' wili xuq'or reh:¹⁰Hiy ruuk' i David cha q'or reh chi je' wili re' hin i nuq'or: Ixib' wach i ti' k'axik i nuyeew chuwach, eh neerub'an chi nee rusik' wach reh ixib' re' re' iraaj chi neenuyeew, tiko'q reh, inki.

¹¹Eh re' Gad xponik wo' ruq'or reh i David aha' wilik i xuq'or i Dios.¹²Je' wili i xuq'or reh: Re' hat cha sik' wach i ti' k'axik inawaaj ¿Mi re' ixib' haab' chi wi'jaleel? oon re' chi neenkian aweh chuwach ixib' poh i ki-ixowanik awach, oon re' chi nee ruyeew chee kaq yab'ilaal chuwach ixib' q'iij. Re' noq re' i ruánjel i QaJaaw naa rukansam chu'nchel i tinamit chupaam i ye'aab' Israel. Chaq'or weh aha' wilik inawaaj reh chi nee nuq'or i hin reh i Dios xtaaq'anik cho weh, inki i Gad.

¹³Eh re' David je' wili i xuq'or:
Re' hin q'e' ti' nuk'ux i rub'an i ti' k'axik wilkiin wii'. Ma' xta reet chi re' i QaJaaw Dios neemb'anik ti' k'axik weh ruum re' reh q'e' nim i ruk'axb'al chuwach chi re' i ki-ixowanik nuwach nee kib'anik ti' k'axik weh, inki.

¹⁴Je' aj re' noq re' i QaJaaw Dios xutaq'aaj chaloq i kaq yab'ilaal chikinaah i aj Israel, eh xikimik i lajeeb' ru kajwinaq miil.¹⁵Eh re' QaJaaw Dios xutaq'aaj wo' chaloq jinaj i ruánjel chi rusachariik wach i Jerusaleem. Noq k'ahchi' chik rusacham wach i tinamit re' re', je' wili i xuq'or reh i ruánjel: Maa sach chik kiwach manlik ikaansanik xa a'n inki. Re' ánjel re' re' ar naq wilik i resaj wii' riij i rutrigo i Ornán aj jebuseo.¹⁶Eh noq tz'ehtanik johtoq i David xrilow wach i ruánjel i QaJaaw chi pa'lik panteew panyejaal i taxaaj ruuk' i wach ak'al ruchopom i ruq'aslaj ch'ihch' resam parupaat ruq'eb'aam reje chinaah i Jerusaleem. Re' i David, ruch'ihil taqe i k'amal kib'eeh i aj Israel xkixuk'aa' kiib' korehtaal xkireq i wach ak'al ruuk' i yejal kiwach, eh kikojom chikiij i kiq'as wach so' ruum ruti'kiil kik'ux.¹⁷Re' i David je' wili xuq'or reh i Dios:
Re' hin xin taaq'anik kajaljiik i tinamit, re' hin ximahkunik, re' hin ximb'anik i ma' holohik taj. Re' taqe atentzuun wili ma' xta kimahk. Re' hin i nupahqaaj aweh chi, chi nunaah i hin, eh chikinaah taqe i awach weh chayeew chee ti' k'axik wili maayeew chikinaah aatinamiit, inki.

¹⁸Eh re' i ruánjel i QaJaaw Dios xuq'or reh i Gad chi naa ruq'orom reh i David chi naa ruyejaam jino'q i artaal loq'oomb'al ree Dios chupaam i ye'aab' i resaj wii' riij i rutrigo i Ornán i aj jebuseo.¹⁹Re' David xooj wo' rub'an parub'ihnaal i QaJaaw Dios i xq'orarik reh ruum i Gad.²⁰Eh re' i Ornán k'ahchi' resam riij i rutrigo noq xrilow reje wach i ánjel, eh re' taqe i kijib' chi rak'uun xooj kikeb'aa' kiib'.²¹Noq xrilow i Ornán chi xk'uloq i David xelik cho chupaam i ye'aab' i resaj wii' riij i rutrigo xelik cho chi k'ulariik i David xuxuk'aa' riib' chuwach korehtaal xureq wach ak'al ruuk' i yejal wach.²²Re' David je' wili i xuq'or reh i Ornán:
Re' hin inwaaj chi neenak'ayej weh aaye'aab', nee wo' nutoj tz'aaq aweh chi korik reh chi neenuyejaa' jino'q i artaal ar loq'oomb'al reh i QaJaaw Dios. Reh chi nee nelik i ti' k'axik, reh chi nee nelik i runimaal yab'ilaal chinaah i tinamit, inki.

²³Re' Ornán je' wili xuq'or reh i David:
Ma' xta reet qajaaw reey chak'am taqe imponik chawach, wili taqe i kiib' chi b'ooyax neerub'an chi nee taqe nak'at chi amayiij re' taqe i chee' inkamanik chi ehteesb'al riij i trigo neenkamanik aweh chi sii'. Eh nee wo' nuyeew i trigo nee nayeew chi mayiij, inki.

²⁴Eh re' reey David je' wili xuq'or reh i Ornán:
Rint'ioos aweh, xa re' la' re' hin naa nutojom aweh i tz'aaq chi manlik i nupahqaaj aweh. Re' hin ma' ruk'ul taj chi nee nuq'uch i chib'ih aweh, eh chi nee nuk'at chi numayiij chuwach i Dios i xa chi siih neenye'arik weh, inki.

²⁵Je' re' noq re' David xuloq' wo' reh i Ornán i ye'aab' i resaj wii' riij i rutrigo, eh waqiib' siento chi tumiin re' ruuk' i oro xutoj reh.²⁶Eh re' David ar xuyejaa' jinaj i artaal tusuj ab'aj loq'oomb'al ree QaJaaw, chinaah i re' xuk'at i mayiij xuq'asaj wo' hoq i mayiij k'amb'al iib' panotob'il ruuk' i Dios.
Eh re' i QaJaaw Dios xrib'iraj wo' hoq i xupahqaaj, eh xuqasaj chee q'aaq' pan taxaaj chinaah i artaal.²⁷Eh re' i QaJaaw Dios xuq'or reh i ánjel chi chumol parupaat i ruq'aslaj ch'ihch'.

²⁸Re' David noq xrilow chi x-ib'irjik chee rutiij xub'an chupaam i ye'aab' i resaj wii' riij i rutrigo i Ornán aj jebuseo xuq'asaj i rumayiij ar.²⁹Ruum re' itz'ihy naah paat ruyejaam chee Moisés chupaam i ye'aab' chiq yuuq ruch'ihil i artaal ink'atarik wii' i mayiij ko ar naq wilik chaloq chinaah i yuuq wilik Gabaón.³⁰Re' David ma' xooj ta ko ar chub'aan i rutiij chuwach i QaJaaw Dios ruum xyo'jik ruum i ruq'aslaj ch'ihch' i ruánjel i QaJaaw xukapaaj chi naa chik rokiik chi kansanik. Re' reey David xumol wach i naa rukamaniik chi korb'eesb'al reh i rupaat i Dios

¹Re' David je' wili xuq'or: Ayu' naa rukorjiik i rupaat i QaJaaw Dios, eh ayu' wo' naa rukorjiik i artaal naa kik'atam wii' i kimayiij i quch aj Israel, inki.

²Chi riij i re', re' David xutaq'aaj rumolariik kiwach taqe i tokoom tinamit patim Israel. Wilik taqe i xupab'aa' chi sehkanik wach ab'aj xkamanik chi yejemb'al reh i rupaat i QaJaaw Dios.³Eh xutaq'aaj wo' ruyejeb'jiik i ma' k'isa kalawux, je' wo' taqe ch'ihch' xkamanik chi chopb'al riib' i puerta reh i ookb'al. Eh ma' k'isiin wo' hoq i q'an ch'ihch' xkiyejaa' ma' pajooj ta rahliil.⁴Eh re' taqe i aj Sidón, i aj Tiro ma' k'isiin i holohaq chee chakaltee' xkik'am cho reh i David.

⁵Re' David je' wili xuq'or: Re' rupaat i Dios naa rukorjiik chi nim chi q'e' holohik, eh chi naa kiye'em ruloq'il chu'nchel i tinamit wach ak'al. Re' wak'uun Salomón ko k'isa k'un majaa' ta chih ruhab'ul, re' hin naa numolwiik kahnoq wach chib'ih i naa rukamaniik, inki. Je' aj re' noq re' David xuyejaa' kahnoq wach chu'nchel noq komajaa' inkimik.

⁶Chi riij i re' xutaq'aaj ruk'amariik i Salomón i rak'uun xuq'or reh chi re' reh naa ruyej-aniik reh i rupaat i QaJaaw i ki Dios i ruch aj Israel.⁷Eh je' wili xuq'or reh i rak'uun: Wak'uun, re' hin xnukapaaj naq chi re' hin naa nuyej-aniik reh i rupaat i QaJaaw i qaDios.⁸Xa re' la', re' QaJaaw Dios je' wili i ruq'orom weh: Re' hat ma' k'isiin ikaansanik a'nam, eh ma' k'isiin i q'aq'inik a'nam, ruum aj re' ma' naa ta nuye'em q'ab' aweh chi re' hat naa ayej-aniik reh i nupaat.⁹Xa re' la' jinaj awak'uun naa ruwihiik q'unil ruuk. Eh re' hin naa nuye'em q'ab' chi re' taqe i nixowanik wach chinaah i wach ak'al naakik'amaam chi k'acharik pansuqkiil. Ruum aj re' Salomón i naa rubíhnaam, naa ruwihiik chi reyil i reh ma' naa ta chik ruwihiik q'aq'inik Israel.¹⁰Re' awak'uun re' re' naa ruyej-aniik reh i nupaat, re' reh naa rukahniik chi wak'uun, eh re' hin naa nukahniik chi raJaaw. Eh re' hin naa nuye'em rajaawriik chi naa rukahniik chi reyil chi juneliik chikinaah i aj Israel, inki weh i Dios.¹¹Eh re' hat wak'uun re' ta naq i QaJaaw Dios neen wihik awuuk', nee ta naq ti elik korik ruuk' chib'ih i neena a'n. Eh nee ta wo' naq inayejaa' i rupaat i QaJaaw Dios je' rukab' i ruq'orom chaloq chi naa a'nam.¹²Re' ta naq i QaJaaw Dios neen ye'wik ana'ojb'al, neenk'uhtanik aweh chi nee na a'n aha' wilik taqe i ruq'or i ruk'uhb'aal, noq nee tirukoj chi reyil chikinaah i aj Israel.¹³Chu'nchel i neena a'n nee nelik korik chawach wila' xa a'n taqe i ruq'or i k'uhb'aal ye'ooj reh i Moisés xq'orarik keh i aj Israel wila' xa a'n i ruq'or aweh i QaJaaw Dios. Chachop ak'ux chub'aan mat yo'jik maa rub'an kiib' ak'ux.¹⁴Re' hin xnuchop nuk'ux chi rumolariik wach taqe i naa rukamaniik chi yejemb'al reh i rupaat i Dios. Xnumol wach i waqiib' ru kajwinaq miil kintaal i oro, eh waqiib' siento ruuk' oxk'ahl miil i kintaal i plata. Eh xnumol wach i ruk'ihaal i q'an ch'ihch' je' wo' hoq i xach'ihch' ma' pajooj ta rahliil, eh xnumol wo' wach taqe chee', taqe ab'aj, eh re' hat naa atiqim naah.¹⁵Eh re' hat ma' k'isiin taqe i awaj kamanoom, wilik taqe i sehkan wach ab'aj, wilik taqe i aj tz'aqool, wilik taqe i aj sehk. Eh xiik' naah kik'ihaal i kichol i xa reh reh wach chi kamanik.¹⁶Eh wilik chik i oro, i plata, i q'an ch'ihch', i xach'ihch', ma' pajooj ta k'ihaal, neerub'an chi nee tiokik chi kamanik. Re' ta naq i QaJaaw Dios neentoob'inik aweh chub'anariik, inki David.

¹⁷Re' David xuq'or keh i k'amal kib'eeh i aj Israel chi naa kitob'eem i Salomón i rak'uun.¹⁸Eh je' wili xuq'or keh: Re' taq i aaWaJaaw aaDios wilik taq awuuk', ruye'em taq aweh i rusuqkiil k'uxliis, xa aha' yuuq. Re' reh xye'wik chi ri'sil i wajaawriik chu'nchel i tinamit wilkeeb' pan qa ye'aab'. Re' qa ye'aab' chi ri'sil rajaawriik i QaJaaw Dios wilik, eh chi ri'sil taq awajaawriik i hat, hat taq rutinamiit.¹⁹Yu'naak taq i hat cha chop taq ak'ux chi rusik'ariik taq aaWaJaaw aaDios. Je' re' noq cha chop taq ak'ux chi rutinamiit i rupaat i Dios reh chi neen q'ahxik cho ayu' i kaxa molik wii' i ruk'uhb'aal i QaJaaw Dios. Eh nee wo' inq'ahxik cho parupaat i Dios taqe i kulk taqe xa chib'ih jariik inkamanik ar, inki i David. Re' kik'ihaal i riih rumaam i Leví, re' i kikamaj xkian

¹Ruum chi q'e' chik rijib' i David xupab'aa' i Salomón i rak'uun chi reyil chikinaah i aj Israel chi jilow.²Eh xumol kiwach chu'nchel i k'amal kib'eeh i aj Israel, je' wo' taqe i k'amal kib'eeh i aj tiij re' ruuk' taqe i aj Levíta.³Eh xkajlaaj taqe i riih rumaam Leví i wilik keh i lajeeb' ru ka'winaq haab' je' wo' taqe ik'inaq lajeeb' ru ka'winaq haab'. Noq kajlaam chik taqe i re' xi ponik waxaqlaj ru ka'winaq miil chi winaq.⁴Eh re' reey David xuq'or chi chi kixilak re' naakeliik i kijib' ru ka'winaq miil chi winaq naa kiyej-aniik reh i rupaat i QaJaaw Dios. Eh chi waqiib' miil chi winaq i naa kokiik chi k'amal kib'eeh, eh chi q'ataj q'orik.⁵Eh xuq'or wo' chi waqiib' miil i naakikamaniik panookb'al. Eh re' chik taqe i waqiib' miil naa kokiik chulooq'jiik i QaJaaw Dios ruuk' taqe i q'ooj, rutaq'aam ruyejeb'jiik i reey David.

⁶Re' David chi ch'uhqaal taqe xuyeew re' q'oreel nik' k'ihaal taqe i riih rumaam xwihik i Leví. Eh ixib' i rak'uun xi wihik je' wili kib'ihnaal: Gersón, Coat, Merari.

⁷Re' taqe rak'uun i Gersón je' wili kib'ihnaal: Laadán, Simei.⁸Re' Laadán ixib' i rak'uun xi wihik: Jehiel, i rub'ihnaal i aasb'ees, re' rukab' Zetam, re' roox Joel.⁹Re' Simei ixib' i rak'uun xi wihik, je' wili kib'ihnaal: Selomit, Haziel, Harán. Re' taqe re' i k'amal kib'eeh taqe i riih rumaam Laadán.¹⁰Eh re' Simei kijib' i rak'uun xi wihik je' wili kib'ihnaal: Jahat, Zina, Jeús, Bería.¹¹Re' Jahat re' aasb'ees, re' rukab' re' i Zina. Re' Jeús ruch'ihil i Bería xama' k'ih taj i kiha'lak'uun xwihik xi ajaljik chi xa jinaj taqe chi patineel.

¹²Re' Coat kijib' i rak'uun xi wihik je' wili kib'ihnaal: Amram, Izhar, Hebrón, Uziel.¹³Re' Amram je' wili kib'ihnaal i rak'uun: Aarón, Moisés. Re' Aarón, taqe i riih rumaam sik'arik kiwach ruum i Dios chi k'amal kib'eeh i aj tiij chi re' keh xib'anik reh i santo laj kamanik. Eh chuk'atariik i insensia je' wo' hoq i mayiij, eh chi kamanik chuwach i QaJaaw Dios, chupahqaljiik reh i QaJaaw Dios chi xukuxisaj chee tinamit.¹⁴Re' taqe i rak'uun i Moisés i raj kamanoom i Dios xi ajaljik haa' chi kixilak i riih rumaam i Leví.¹⁵Re' i Moisés je' wili kib'ihnaal i rak'uun: Gersón, Eliezer.¹⁶Eh re' Gersón Sebuel i rub'ihnaal i peet rak'uun, re' xwihik chi k'amal b'eeh.¹⁷Eh re' i Eliezer Rehabías rub'ihnaal i rak'uun, eh re' xwihik chi k'amal b'eeh. Re' Eliezer ma' xwihik ta chik rak'uun rixq'uun. Re' Rehabias reh k'ih taqe i rak'uun rixq'uun xi wihik.¹⁸Re' Izhar Selomit rub'ihnaal i peet rak'uun, re' xi wihik chi k'amal b'eeh.¹⁹Eh re' Hebrón je' wili kib'ihnaal i rak'uun. Re' peet, Jerías, re' rukab', Amarías, re' roox Jahaziel, re' rukaaj Jecamán.²⁰Re' Uziel kiib' taqe i rak'uun je' wili kib'ihnaal, re' peet Macaía, re' rukab' Isías.

²¹Re' Merari je' wili kib'ihnaal i rak'uun, Mahli, Musi. Eh re' Mahli je' wili kib'ihnaal i rak'uun: Eleazar, Cis.²²Re' Eleazar xkimik reje chi ma' xwihik ta jino'q rak'uun, xarixq'uun taqe i xi wihik, re' xkian kaxáro kuuk' taqe i rak'uun i Cis ma' tokoom ta kuuk'.²³Eh re' Musi ixib' i rak'uun xwihik je' wili kib'ihnaal: Mahli, Edar, Jeremot.

²⁴Re' taqe i rak'uun i riih rumaam Leví, nik' k'ihaal i kak'uun pankipaat i xiajlajiik. Re' taqe re' i k'amal b'eeh chi kixilak. Re' taqe re' i wilik keh i juninaq haab', eh ik'inaq taqe juninaq haab'. Chu'nchel i re' xi kamanik chupaam i rupaat i Dios.

²⁵Re' reey David je' wo' wili i ruq'orom: Re' qaDios i hoj, hoj aj Israel xoj ruyeew chi wihik pansuqkiil k'uxliis. Eh ayu' wo' Jerusaleem naa ruwihiik ruye'aab' chi juneliik.²⁶Chi je' re', re' taqe i aj Levíta, ma' ruman ta chik chi k'ul naa kojiik kuum itz'ihy naah paat inlooq'jik wii' i QaJaaw Dios, je' wo' taqe i xa chib'ih jariik inkamanik chupaam i rulooq'jiik i Dios.

²⁷Eh re' xuq'or i David noq xukohlaaj i rukamaj xb'aan wo' hoq, xi ajaljik wo' taqe chu'nchel i riih rumaam Leví wilik keh i juninaq haab', je' wo' taqe ik'inaq juninaq haab'.²⁸Re' taqe re' xi kahnik chi' ri'sil i kajaawriik i riih rumaam Aarón chi kito'arik chub'anariik i kamanik chupaam i rupaat i Dios. Eh i wilik i xi kamanik chi muuj i rupaat i Dios, wilik i xi kamanik chi rusaqb'eesjiik kiwach i xa chi b'ihjarik wilik kisantohiil. Eh xkian chu'nchel i kamanik chupaam i rupaat i Dios.²⁹Re' wo' keh i xi ilwik reh i kaxlanwi'k inye'arik nah mexa, inye'arik chi mayiij, je' wo' hoq i kaxlanwi'k ma' inkojarik ta ch'amb'eesb'al reh, je' wo' hoq i suq laj kaxlanwi'k. Re' wo' keh xi ilwik reh i mayiij ink'iljik wach pan xartiin, je' wo' hoq i pajb'al reh i mayiij xye'arik parupaat i Dios.³⁰Eh rajlaal wahq'eq, rajlaal xq'eq kiwihik chupaam i rupaat i Dios chi loq'inik, chi t'iosinik chuwach i Dios.³¹Re' wo' keh kik'atwik chikop chuwach i QaJaaw Dios pantaq hi'limb'al q'iij, inye'arik noq i ninq'ijik i ak' poh, je' wo' hoq inye'arik chupaam taqe i nimaq wach ninq'iij tokoom chik. Re' q'oreel jarub' chi kiib', eh chib'ih i kamanik xkian rajlaal i q'iij chuwach i QaJaaw Dios, inki.³²Re' taqe riih rumaam Leví re' re', re' wo' keh xi-ilwik reh i santo laj itz'ihy naah paat molb'al iib', je' wo' hoq i santo laj itz'ihy naah paat i Dios. Eh noq xkian i kamanik chupaam i rupaat i Dios chi ri'sil i kajaawriik taqe i riih rumaam Aarón.

¹Re' taqe i riih rumaam Aarón xiye'arik ch'uhqaal reh i kamanik. Eh re' i Aarón kijib' i rak'uun xwihik, je' wili kib'ihnaal: Nadab, Abiú, Eleazar, Itamar.²Eh ruum chi re' i Nadab i Abiú, xikimik reje chi peet chuwach i kajaaw chi ma' xwihik ta kak'uun. Eh re' Eleazar i Itamar xi okik chi kamanik chi k'amal kib'eeh aj tiij.

³Re' David xto'arik ruum i Sadoc re' taqe i riih rumaam Eleazar xto'arik wo' ruum i Ahimelec re' i riih rumaam Itamar, chi kiye'ariik chi ch'uhqaal taqe i riih rumaam Leví, reh chi xkian i rukamaj i Dios.⁴Ruum chi k'ih taqe i winaq wilik kajaawriik chi kixilak i riih rumaam Eleazar chuwach i riih rumaam Itamar, waqlaj ch'uq xi elik. Eh ju'jun k'amal kib'eeh xkojarik i riih rumaam i Eleazar. Eh waxiqiib' ch'uq xi elik i riih rumaam Itamar. Eh ju'jun k'amal kib'eeh xkojarik.⁵Eh koxkisik' chi riij i kamanik i lb'al reh nik' naa kokiik chi kamanik i ju'jun. Ruum chi kixilak taqe i riih rumaam Eleazar, je' wo' chi kixilak taqe i riih rumaam Itamar wilik i xi okik chi kamanik parupaat i Dios, eh wilik taqe i xi okik chi aj tiij.⁶Re' Semaías rak'uun i Natanael re' ruuk' taqe i aj Levíta re' intz'ihb'anik i kib'ihnaal chuwach i reey, je' wo' chikiwach i kitowik reh, je' wili kib'ihnaal: Sadoc re' i k'amal kib'eeh aj tiij, re' Ahimelec rak'uun i Abiatar. Eh re' taqe i kajaaw i k'amal kib'eeh aj tiij, re' taqe i aj Levíta. Eh peet xsik'arik chi riij nik' naa kokiik chi kamanik i riih rumaam Eleazar rukab' xsik'arik chi riij nik' naa kokiik chi kamanik i riih rumaam Itamar.

⁷Eh noq kisik'im chik chi riij, re' i peet i kahnik chinaah chi xokik chi kamanik re' i Joiarib, re' rukab' re' i Jedaías.⁸Re' roox, re' i Harim, re' rukaaj re' i Seorim.⁹Re' roo' re' i Malquías, re' ruwaaq, re' i Mijamín.¹⁰Re' ruwuuq re' i Cos, re' ruwaxaaq, re' i Abías.¹¹Re' rub'elejeeb' re' i Jesúa, re' ru lajeeb' re' i Sacanías.¹²Re' rujunlaaj re' i Eliasib, re' rukab'laaj re' i Jaquim.¹³Re' i roxlaj re' i Hupa, re' rukajlaal re' i Jesebeab.¹⁴Re' i ruho'lajuuj re' i Bilga, re' ruwaqlaaj re' i Imer.¹⁵Re' i ruwuqlaaj re' i Hezir, re' ruwaqlaaj re' i Afses.¹⁶Re' i rub'elejlaj re' i Petaías, re' i rujuninaq re' i Hezequiel.¹⁷Re' i rujinaj ru ka'winaq re' i Jaquín, re' rukab' ru ka'winaq re' i Gamul.¹⁸Re' i roox ru ka'winaq re' i Delaía, re' i rukaaj ru ka'winaq re' i Maazías.

¹⁹Je' re' noq xi kahnik pankikamaj i ju'jun reh chi xi okik chi kamanik parupaat i Dios. Je' rukab' i ruq'orom chee Aarón i xikin cho kimaam, re' i xq'orarik cho reh ruum i QaJaaw i qaDios i hoj, i hoj aj Israel.

²⁰Re' taqe i wili junch'uq chik chi riih rumaam Leví: Re' i Sabael re' ruuk' taqe i riih rumaam Amram, re' i Jehedías, re' ruuk' taqe riih rumaam i Subael.²¹Re' taqe i juntz'uhb' chi ruch'ihil i Rehabías re' k'amal kib'eeh re' i Isías, i peet rak'uun.²²Re' juntzuhb', chi ruch'ihil i Izharitas, re' i haa' Selomot, re' haa' Jahat i rak'uun.²³Re' taqe i riih rumaam chee Hebrón, je' wili i kib'ihnaal: Re' peet, re' Jerías, re' rukab' re' Amarías, re' roox re' i Jahaziel, re' rukaaj re' Jecamán.²⁴Haa' wo' hoq i Micaía rak'uun i Uziel, je' wo' hoq i Samir rak'uun i Micaía.²⁵Eh re' i rak'uun i Isías, i ruchaaq' i Micaía, re' i Zacarías.²⁶Re' taqe i rak'uun i Merari, re' i Mahli, re' i Musi, re' taqe i rak'uun i Jaazías, re' i Beno.²⁷Eh re' taqe i riih rumaam i Merari ruuk' i Jaazías je' wili i kib'ihnaal Beno, Soham, Zacuur, Ibri.²⁸Eh re' riih rumaam ruuk' i Mahli re' Eleazar, re' reh ma' xwihik ta rak'uun.²⁹Re' taqe i riih rumaam ruuk' i Cis, eh chi kixilak i re' wilik i rak'uun Jerameel.³⁰Re' Musi je' wili kib'ihnaal: Mahli, Edar, re' Jerimot.
Re' taqe re' i riih rumaam Leví, re' q'oreel nik' kik'ihaal i kak'uun i kiih kimaam i ju'jun ch'uq chi ajaab'ees.³¹Eh re' chib'ih i naa kianam xkisik' wo' chi riij chuwach i reey David chuwach i Sadoc, i Ahimelec, chuwach i kajaaw taqe i k'amal kib'eeh aj tiij, eh re' taqe i aj Levíta. Nik' wach i xkian kuuk' taqe i aasb'ees ak'un, je' wo' re' i xkian kuuk' taqe i chaq'b'ees ak'un xkian wo' kuuk', je' rukab' i xkian kuuk' taqe i riih rumaam Aarón. Re' taqe i aj q'ojineel, i aj tz'uyineel xsik'arik kiwach

¹Re' reey David, re' taqe i k'amal kib'eeh i aj Israel, xkisik' wach taqe i rak'uun i Asaf, taqe i rak'uun i Hemán, taqe rak'uun i Jehutun, taqe i kiq'orik rib'iral chib'ih ink'uhtjik cho chikiwach ruum i Dios. Eh noq xkiq'or rib'iral k'ahchi' kiq'ojem i kiarpa, i kikok' k'ahaam wach q'ooj, eh kipulato q'ooj.

²Eh re' Asaf, je' wili kib'ihnaal i rak'uun: Zacuur, José, Netanías, Asarela. Re' ink'amwik kib'eeh re' Asaf, re' inq'orwik rib'iral i chib'ih ink'uhtjik chikiwach ruum i Dios, je' rukab' intaq'ab'jik wii' ruum i reey David.

³Re' Jedutún, je' wili i kib'ihnaal i rak'uun: Gedalías, Zeri, Jesaías, Hasabías, Matatías, Simei, waqiib' chi kiib', re' Jedutún ink'amwik kib'eeh. Eh noq xkiq'or rib'iral ink'uhtjik chikiwach ruum i Dios i k'ahchi' kiq'ojem i kiarpa chi loq'oomb'al reh i Dios.

⁴Re' i Hemán, je' wili i kib'ihnaal i rak'uun: Buquías, Matanías, Uziel, Sebuel, Jeremot, Hananías, Hananías, Hanani, Eliata, Gidalti, Romanti-ezer, Josbecasa, Maloti, Hotir, Mahaziot.⁵Chu'nchel i re' rak'uun i Hemán, re' i xi kamanik chuwach i reey David chi jalal ruq'oral i Dios. Re' Hemán kajlaj i rak'uun ixib' rixq'uun xye'arik reh ruum i QaJaaw Dios ye'b'al ruloq'il.⁶Eh chu'nchel i re', re' Asaf, re' Jedutún, re' Hemán i kajaaw xk'amwik kib'eeh chi rulooq'jiik i QaJaaw Dios parupaat, ruuk' pulato q'ooj, ruuk' i kok' arpa, ruuk' i kok' k'ahaam wach q'ooj, xkian wo' hoq i xq'orarik keh ruum i reey David.⁷Eh kiib' siento ruuk' waxiqiib' ro'k'ahl chi kiib' chu'nchel i xi okik haa' chi tz'uuy, eh chi q'ojinik, chi loq'oomb'al reh i Dios. Tijimaj taqe chi korik, eh kik'uliil kiib'.

⁸Eh koxkisik' chi riij i lb'al reh nik' naa kokiik chi kamanik i ju'jun chi je' taqe mama' winaq, chi je' taqe kok'ijool, chi je' taqe k'amal b'eeh chi kamanik, chi je' taqe kore' k'ahchi' kitijem kiib'.

⁹Noq kisik' chi riij, re' peet xkahnik chinaah chi xokik chi kamanik: Re' i José, i rak'uun i Asaf, Re' rukab', re' i Gedalías ruch'ihil taqe rak'uun, ruch'ihil taqe i ma' tokoom ta ruuk' kab'laj chi kiib'.¹⁰Re' i roox, re' Zacuur, ruch'ihil taqe rak'uun, ruch'ihil taqe i ma' tokoom ta ruuk', kab'laj chi kiib'.¹¹Re' rukaaj, re' Izri, ruch'ihil taqe i rak'uun, ruch'ihil taqe i ma' tokoom ta ruuk', kab'laj chi kiib'.¹²Re' roo', re' Netanías, ruch'ihil taqe i rak'uun, ruch'ihil taqe i ma' tokoom ta ruuk', kab'laj chi kiib'.¹³Re' ruwaaq, re' i Buquías, ruch'ihil taqe i rak'uun, ruch'ihil taqe i ma' tokoom ta ruuk' kab'laj chi kiib'.¹⁴Re' ruwuuq, re' i Jesarela, ruch'ihil taqe i rak'uun, ruch'ihil taqe i ma' tokoom ta ruuk', kab'laj chi kiib'.¹⁵Re' ruwahxaaq, re' i Jesahías, ruch'ihil taqe i rak'uun, ruch'ihil taqe i ma' tokoom ta ruuk', kab'laj chi kiib'.¹⁶Re' rub'eleej, re' i Matanías ruch'ihil taqe i rak'uun, ruch'ihil taqe i ma' tokoom ta ruuk', kab'laj chi kiib'.¹⁷Re' rub'eleej, re' i Simei, ruch'ihil taqe i rak'uun, ruch'ihil taqe i ma' tokoom ta ruuk', kab'laj chi kiib'.¹⁸Re' rujunlaaj re' i Azareel, ruch'ihil taqe i rak'uun, ruch'ihil taqe i ma' tokoom ta ruuk' kab'laj chi kiib'.¹⁹Re' rukab'laaj re' i Hasabías, ruch'ihil taqe i rak'uun, ruch'ihil taqe i ma' tokoom ta ruuk' kab'laj chi kiib'.²⁰Re' roxlaaj re' i Subael, ruch'ihil taqe i rak'uun, ruch'ihil taqe i ma' tokoom ta ruuk' kab'laj chi kiib'.²¹Re' xkajlaaj re' i Matatías, ruch'ihil taqe i rak'uun, ruch'ihil taqe i ma' tokoom ta ruuk' kab'laj chi kiib' chu'nchel.²²Re' ruho'lajuuj, re' i Jeremot, ruch'ihil taqe i rak'uun, ruch'ihil taqe i ma' tokoom ta ruuk', kab'laj chi kiib'.²³Re' ruwaqlaaj, re' i Hananías, ruch'ihil taqe i rak'uun, ruch'ihil taqe ma' tokoom ta ruuk' kab'laj chi kiib'.²⁴Re' ruwuqlaaj, re' i Josbecasa, ruch'ihil taqe i rak'uun, ruch'ihil taqe i ma' tokoom ta ruuk', kab'laj chi kiib' chu'nchel.²⁵Re' ruwaxaqlaaj, re' i Hananías, ruch'ihil taqe i rak'uun, ruch'ihil taqe i ma' tokoom ta ruuk' kab'laj chi kiib'.²⁶Re' rub'elejlaj, re' i Maloti, ruch'ihil taqe i rak'uun, ruch'ihil taqe i ma' tokoom ta ruuk' kab'laj chi kiib'.²⁷Re' rujuninaq, re' i Eliata, ruch'ihil taqe i rak'uun, ruch'ihil taqe i ma' tokoom ta ruuk', kab'laj chi kiib'.²⁸Re' rujinaj ru ka'winaq, re' i Hotir, ruch'ihil taqe i rak'uun, ruch'ihil taqe i ma' tokoom ta ruuk' kab'laj chi kiib'.²⁹Re' i rukab' ru ka'winaq, re' i Gidalti, ruch'ihil taqe i rak'uun, ruch'ihil taqe i ma' tokoom ta ruuk' kab'laj chi kiib'.³⁰Re' roox ru ka'winaq, re' i Mahaziot, ruch'ihil taqe i rak'uun, ruch'ihil taqe i ma' tokoom ta ruuk', kab'laj chi kiib'.³¹Re' i rukaj ru ka'winaq, re' i Romanti-ezer, ruch'ihil taqe rak'uun, ruch'ihil taqe i ma' tokoom ta ruuk', kab'laj chi kiib'. Re' noq xiye'arik pankikamaj i xi kamanik panookb'al reh i rupaat i Dios

¹Xich'aqarik wo' taqe i xi okik chi kamanik panookb'al reh i rupaat i Dios.
Re' Meselamías rak'uun i Coré, eh re' Coré rak'uun i Asaf.²Eh re' i Meselamías je' wili kib'ihnaal i rak'uun: Re' peet rak'uun, re' i Zacarías, re' rukab', re' i Jediael, re' i roox re' i Zebadías, re' rukaaj re' i Jatniel.³Re' i roo', re' i Elam, re' i ruwaaq re' i Johanán, re' ruwuuq, re' i Elioenai.

⁴Re' i Obed-edom, je' wili kib'ihnaal i rak'uun. Re' peet rak'uun re' i Semaías, re' rukab' re' i Jozabad, re' i roox re' i Joa, re' i rukaaj re' Sakar, re' i roo' re' i Natanael.⁵Re' ruwaaq, re' i Amiel, re' i ruwuuq, re' i Isacar, re' ruwahxaaq, re' i Peultai. Re' Obed-edom kuxesjik cho ruum i Dios ruum aj re' k'ih i rak'uun xwihik.⁶Eh re' i Semaías rak'uun wo' i Obed-edom xi wihik wo' taqe rak'uun, re' chik i keh xi k'amwik kib'eeh i awach keh ruum kow kik'ux, eh kow kiib'.⁷Eh re' i Semaías je' wili kib'ihnaal i rak'uun: Otni, Rafael, Obed, Elzabad, Eliú, Samaquías, eh q'e' kow kik'ux.⁸Chu'nchel i re' riih rumaam taqe i Obed-edom. Eh kiib' ru kajwinaq chi kiib' taqe rak'uun ruch'ihil taqe i ma' tokoom ta ruuk', kow kik'ux chub'aan i kikamaj.⁹Eh re' i Meselemías, ruuk' taqe i rak'uun ruch'ihil taqe i ma' tokoom ta ruuk' waxaqlaj chi kiib' chu'nchel kow kiib'.

¹⁰Eh re' i Hosa, riih rumaam Merari xwihik taqe rak'uun jinaj i rak'uun Simri rub'ihnaal. Re' reh xkahnik chi k'amal kib'eeh i ma' tokoom ta ruuk' i rajaaw, re' reh xkanab'jik chi k'amal b'eeh ruum i rajaaw atoob' ta ma' re' reh i peet ak'un.¹¹Re' rukab' rak'uun i Hosa re' i Hilcías, re' roox re' i Tebalías, re' rukaaj, re' i Zacarías, ruch'ihil taqe i ma' tokoom ta ruuk' i Hosa oxlaj chi kiib' chu'nchel.

¹²Je' wili kiye'ariik pankamanik xib'aan taqe i xi kamanik chupaam i ookb'al reh i rupaat i Dios. Re' i keh je' wo' taqe i k'amal kib'eeh, je' wo' taqe i xa kamanoom, je' wo' i kuch'ihil re' taqe i xi kamanik chupaam i rupaat i QaJaaw Dios.¹³Eh xkisik' chi riij awach i naa kikahniik chi kamanik chupaam i ju'jun chi ookb'al. Je' re' xkian kuuk' i wilik chik kihab'ul chi korik, je' wo' re' i xkian kuuk' i ko k'ijool, re' q'oreel nik' kik'ihaal pankipaat.

¹⁴Eh chinaah i Selemías xkahnik chi re' reh naa ru cha'jinik reh, i chii' i ookb'al wilik reje parelb'aal q'iij. Eh re' i Zacarías i rak'uun wilik runa'ojb'al, inkojwik na'ojb'al, chinaah i reh i xkahnik chi re' reh naa rucha'jiniik i chii' i ookb'al wilik reje pantz'eet reh i rookb'aal q'iij.¹⁵Re' Obed-edom xkahnik chi cha'jinik chi chii' i ookb'al wilik reje pansak'aaj reh i rokb'aal i q'iij. Eh re' taqe i rak'uun xi kahnik, chi rucha'jaljiik i molarik wii' i xa chib'ih jariik inkamanik parupaat i Dios.¹⁶Eh re' Supim ruch'ihil i Hosa xi kahnik chi cha'jinik chi chii' i ookb'al wach johtik Salequet wilik reje parookb'aal q'iij. Eh eht'alimaj nik' naakokiik chi kamanik i ju'jun.¹⁷Eh waq taq chi aj Levíta i kiokik chi cha'jinik chi chii' i ookb'al wilik reje parelb'aal q'iij. Eh kajkaj i chi chii' i ookb'al wilik reje pansak'aaj reh i rookb'aal q'iij, eh kajkaj chi chii' i ookb'al wilik pantz'eet reh i rookb'aal q'iij. Eh ka'kab' i aj cha'joom inokik reh i ju'jun i molarik wii' taqe i xa chib'ih jariik.¹⁸Eh chupaam i ye'aab' i molarik wii' taqe i xa chib'ih jariik inkamanik parupaat i Dios kijib' i aj cha'joom inokik ar, eh pamb'eeh, chupaam i koq i ye'aab' ki'ib' i aj cha'joom inokik.¹⁹Je' aj re' noq xich'aqarik chi kamanik taqe i aj cha'jen taqe reh i ookb'al, re' taqe i riih rumaam Coré, i Merari.

²⁰Eh re' i Ahías re' ruuk' taqe riih rumaam Leví incha'jinik reh i molarik wii' taqe k'ih taq tz'aaq xa chib'ih jariik inkamanik chupaam i rupaat i Dios, je' wo' hoq i xa chib'ih jariik.²¹Re' taqe i rak'uun i Laadán re' keh k'amal kib'eeh i ju'junch'uq chi patineel. Eh Laadán rak'uun i Gersón. Eh re' Gersón rumaam rati't chaloq taqe i rak'uun Jehieli.²²Eh re' Jehieli, Zetam b'ih i rak'uun, eh Joel i b'ih i jinaj. Re' keh xicha'jinik reh xa chib'ih jariik wilkeeb' parupaat i Dios.

²³Eh xkiyeew wo' rukamaj taqe i riih rumaam i Amram, je' wo' taqe i riih rumaam i Izhar, je' wo' taqe i riih rumaam i Hebrón, je' wo' taqe i riih rumaam i Uziel.²⁴Re' Sebuel rak'uun i Gersón, eh riih i Moisés ink'amwik b'eeh chi rucha'jaljiik taqe xa chib'ih jariik i k'ih taq tz'aaq.²⁵Re' Eliezer ruchaaq' i Gersón je' wili kib'ihnaal i ma' tokoom ta ruuk'. Re' rak'uun i Eliezer, re' i Jesaías, re' rak'uun i Jesaías re' i Joram, re' rak'uun i Joram, re' i Zicri, re' rak'uun i Zicri, re' i Selomit.²⁶Eh re' Selomit ruch'ihil taqe i ruchaaq' xicha'jinik reh taqe i ye'aab' reh i xa chib'ih jariik q'e' looq'. Re' taqe i kiq'asam reh i QaJaaw Dios i reey David, taqe i k'amal kib'eeh i ju'jun chi patineel, taqe i k'amal kib'eeh i nimlaj ch'uq chi soldado, taqe i nimaq kiwach rajaaw soldado.²⁷Re' taqe i xkiq'asaj re' re' panq'aq'inik xkiq'uch chaloq. Xkiq'asaj reh chi xkamanik chi yejemb'al reh i rupaat i Dios.²⁸Eh wilik wo' ar i xuq'asaj parukamaj i Dios i Samuel i jalal ruq'oral, i Saúl, rak'uun i Cis i Abner, rak'uun i Ner, i Joab, rak'uun i Saravia. Chu'nchel i xa chib'ih jariik xkiq'asaj re' re', re' Selomit, ruch'ihil taqe i ruchaaq' xcha'jinik reh.

²⁹Eh chi kixilak taqe i riih rumaam i Izhar, re' Quenanías, re' taqe i rak'uun i xi kahnik chi k'amal kib'eeh i tinamit Israel, eh re' keh kib'anik i q'ataj q'orik.

³⁰Eh chi kixilak i riih rumaam Hebrón Hasabías, ruch'ihil taqe i ma' tokoom ta ruuk' xi kahnik chi k'amal kib'eeh i aj Israel wilkeeb' parelb'aal reje i q'iij, chi juntar i nim ha' Jordán. Re' taqe i k'amal b'eeh re' re' q'e' kow kiib' xi kamanik parukamaj i Dios, eh parukamaj i reey. Eh re' taqe re' jinaj miil ruuk' wuquub' siento chi kiib'.³¹Eh chi kixilak i riih rumaam Hebrón, re' Jerías, i k'amal kib'eeh, re' q'oreel nik' kik'ihaal i xtz'ihb'jik kib'ihnaal chi kich'uhqaal. Eh noq ka'winaq chik haab' rokiik chi reyil i David ar Israel, xi okik chi rajaljiik jarub' i tz'ihb'amaj kib'ihnaal. Eh xkikoj rehtaal chi k'ih taqe i winaq q'e' kow kiib' wilkeeb' chi kixilak i aj Jazer wilik Galaad.³²Re' David xusik' kiwach i kiib' miil ruuk' wuquub' siento chi winaq kow kiib'. Eh re' keh xi kahnik chi k'amal kib'eeh i ju'jun chi patineel xkikoj taqe chi k'amal kib'eeh taqe i riih rumaam Rubén, taqe i riih rumaam Galaad, chi k'amal kib'eeh taqe i yejaal ch'uq chi riih rumaam i Manasés. Re' taqe re' xi kamanik chuwach i Dios, eh xi kamanik wo' chuwach i reey David. Re' noq xi okik chi kamanik ruuk' i reey David i kajaaw i soldado, eh re' taqe i ma' re' ta soldado

¹Chupaam i ju'jun poh reh i haab' kijib' ru ka'winaq miil chi winaq kikamanik chi ki soldado i aj Israel. Eh chi kixilak i re' kiokik haa' i k'amal kib'eeh i ju'jun ch'uq chi aj patineel, je' wo' taqe i k'amal kib'eeh i soldado, je' wo' taqe nimaq wach kikamaj ruuk' i reey David. Eh re' q'oreel i poh kikamanik wii' i ju'jun ch'uq, eh je' wili kib'ihnaal ink'amwik kib'eeh:

²Re' peet ch'uq xi okik chi kamanik, kijib' ru ka'winaq miil taqe chi winaq, re' i xkahnik chi k'amal kib'eeh re' i Josobeam rak'uun i Zabdiel³Eh re' taqe i riih rumaam i Fares i xkahnik chi k'amal kib'eeh taqe i kajaaw soldado xi okik chi k'amanik chuwach i peet poh.

⁴Eh re' rukab' ch'uq xi okik chi kamanik chuwach i rukab' poh, kijib' ru ka'winaq miil chi winaq taqe, re' xkahnik chi k'amal kib'eeh re' i Dodai riih rumaam i Ahod, eh re' ruk'ab' k'amal b'eeh re' i Miclot.

⁵Eh re' i roox ch'uq xi okik chi kamanik chuwach i roox poh, re' xkahnik chi k'amal kib'eeh re' Benaía rak'uun i Jocadá kajaaw i k'amal kib'eeh i aj tiij.⁶Eh re' i Benaía kow riib' chi kixilak i lajeeb' ru ka'winaq chi soldado, re' reh i k'amal kib'eeh, i junch'uq re' re' wilik i Amisabad re' i rak'uun.

⁷Eh re' i rukaaj ch'uq xi okik chi kamanik parukaaj poh, kijib' ru ka'winaq miil chi winaq taqe, re' xkahnik chi k'amal kib'eeh, re' i Asael ruchaaq i Joab, chi riij i re', re' chik i Zebadías i rak'uun xkahnik chi k'amal b'eeh.

⁸Eh re' i roo' ch'uq i xi okik chi kamanik paroo' poh, kijib' ru ka'winaq miil chi winaq taqe, re' xkahnik chi k'amal kib'eeh, re' i Samhut aj Izraita.

⁹Eh re' i ruwaaq ch'uq xi okik chi kamanik paruwaaq poh, kijib' ru ka'winaq miil chi winaq taqe, re' i xkahnik chi k'amal kib'eeh, re' Ira, rak'uun i Ikes aj pan tinamit Tacoa.

¹⁰Re' i ruwuuq ch'uq xi okik chi kamanik paruwuuq poh, kijib' ru ka'winaq miil chi winaq taqe, re' i xkahnik chi k'amal kib'eeh, re' i Heles aj ar Pelón. Eh re' taqe i riih rumaam Efraín.

¹¹Re' ruwahxaaq ch'uq xi okik chi kamanik paruwahxaaq poh, kijib' ru ka'winaq miil chi winaq taqe, re' xkahnik chi k'amal kib'eeh re' Sibecai aj Husá, re' i riih rumaam Zérah.

¹²Re' rub'eleej ch'uq xi okik chi kamanik parub'elejeeb' poh, kijib' ru ka'winaq miil chi winaq taqe, re' i xkahnik chi k'amal kib'eeh, re' i Abiezer aj Anatot, re' taqe i riih rumaam i Benjamín.

¹³Re' ru lajeeb' ch'uq xi okik chi kamanik parulajeeb' poh, kijib' ru ka'winaq chi winaq taqe re' xkahnik chi k'amal kib'eeh, re' i Maharai i aj Netofa re' ruuk' taqe i riih rumaam i Zérah.

¹⁴Re' i rujunlaaj ch'uq xiokkik chi kamanik parujunlaaj poh, kijib' ru ka'winaq miil chi winaq taqe, re' xkahnik chi k'amal kib'eeh re' i Benaías aj Piratón, re' taqe i riih rumaam i Efraín.

¹⁵Re' rukab'laaj ch'uq xi okik chi kamanik parukab'laaj poh, kijib' ru ka'winaq miil chi winaq taqe, re' i xkahnik chi k'amal kib'eeh re' i Heldai aj Netofa, re' i riih rumaam i Otoniel.

¹⁶Re' i xi okik chi k'amal kib'eeh i kab'laj ch'uq chi riih rumaam i Israel je' wili i kib'ihnaal: Re' taqe i riih rumaam i Rubén re' i Eliezer rak'uun i Zicri. Re' taqe i riih rumaam i Semeón, re' i Sefatías rak'uun i Maaca xkahnik chi k'amal kib'eeh.¹⁷Re' taqe i riih rumaam i Leví re' xkahnik chi k'amal kib'eeh i re' i Hasabías rak'uun i Kemuel. Eh re' taqe i riih rumaam i Aarón, re' i Sadoc xkahnik chi k'amal kib'eeh.¹⁸Re' taqe i riih rumaam i Judá, re' i xkahnik chi k'amal kib'eeh, re' Eliú ras i David. Re' taqe i riih rumaam i Isacar, re' Omri rak'uun i Micael i xkahnik chi k'amal kib'eeh.¹⁹Re' taqe i riih rumaam i Zabulón, re' i xkahnik chi k'amal kib'eeh, re' i Ismaías, rak'uun i Abdías. Eh re' taqe i riih rumaam i Neftalí, re' Jerimot, rak'uun i Azriel i xkahnik chi k'amal kib'eeh.²⁰Re' taqe i riih rumaam i Efraín, re' i Oseas rak'uun i Azazías i xkahnik chi k'amal kib'eeh. Eh re' taqe yejaal i reh i riih rumaam i Manasés, re' i Joel rak'uun i Pedaías i xkahnik chi k'amal kib'eeh.²¹Eh re' i yejaal chik reh i riih rumaam i Manasés wilkeeb' Galaad, re' xkahnik chi k'amal kib'eeh, re' i Iddo rak'uun i Zacarías. Eh re' taqe i riih rumaam i Benjamín, re' xkahnik chi k'amal kib'eeh, re' Jaasiel rak'uun i Abner.²²Re' taqe i riih rumaam i Dan, re' i xkahnik chi k'amal kib'eeh re' i Azareel rak'uun i Jeroham. Re' taqe wili xi kahnik chi k'amal kib'eeh i kab'laj ch'uq chi riih rumaam i Israel.

²³Re' reey David ma' xrik'saj taj i ajlanik chikinaah i komajaa' kiponik juninaq haab'. Ruum re' i QaJaaw Dios ruq'orom chi naa ruk'ihaaxb'isam, taqe i aj Israel korehtaal kiponik chi je' kik'ihaal i ch'umiil wilkeeb' pan taxaaj.²⁴Re' Joab xutoq'aa' wo' naq rub'aan i tz'ihb' reh i kajaljiik xa re' la' ma' xukohlaaj ta rub'aan ruum chi xutoq'aa' naq ajlanik, xchalik i ti' k'axik chikinaah i aj Israel. Ruum aj re' ma' xtz'ihb'jik ta rehtalil chi manlik, jarub' chi kiib' i aj Israel i rutz'ihb'aaj wii' rehtaliil i reey David.

²⁵Re' i Azmavet rak'uun i Adiel incha'jinik reh i k'ih taq tz'aaq wilik reh i reey. Eh re' i Jonatán rak'uun i Uzías incha'jinik reh i k'ih taq tz'aaq wilkeeb' pantaq ab'iix, pantaq nimaq tinamit, pantaq kok' tinamit, je' wo' taqe i paat najt kinaah i kiko'leej wii' kiib'.²⁶Eh re' Ezri i rak'uun i Quelub xkahnik chi k'amal kib'eeh taqe i kiab'ixinik wach ak'al.²⁷Eh re' Simei i aj Romat xkahnik chi k'amal kib'eeh taqe i kitikwik reh i uuva. Eh re' Zabdi aj Sefam, xkahnik chi k'amal kib'eeh i kimolwik reh i riis uuva panye'aab' reh.²⁸Eh re' i Baal-hanán aj Gedera, xkahnik chi k'amal kib'eeh i kikamanik wach taqe chee' olivo, i chee' higo, re' taqe i wilkeeb' wach k'ixkaab' Sefela. Eh re' Joás xkahnik chi k'amal kib'eeh i kimolwik reh i aseite.²⁹Eh re' i Sitrai aj Sarón xkahnik chi k'amal kib'eeh i kicha'jinik reh taqe i Safat i rak'uun i Adlai xkahnik chi k'amal kib'eeh i kicha'jinik reh taqe chikop wilkeeb' wach k'ixkaab'.³⁰Eh re' i Obil, re' taqe i riih rumaam i Ismael, xkahnik chi k'amal kib'eeh taqe i kicha'jinik reh taqe i cameyo. Eh re' i Jehedías aj Meronat, incha'jinik taqe i b'uurux.³¹Eh re' i Jaziz, re' aj agareno xkahnik chi k'amal kib'eeh taqe i kicha'jinik reh taqe i tentzun. Re' taqe chu'nchel i wili xi kahnik chi k'amal kib'eeh taqe i xi ilwik reh chu'nchel i chib'ih xwihik reh i reey David.

³²Eh re' Jonatán rikaan i David re' reh kojol na'ojb'al, eh tijimaj chi korik holohik runa'ojb'al. Eh re' i Jehiel i rak'uun i Hacmoni inilwik keh i rak'uun i reey David.³³Eh re' Ahitofel intoob'inik reh i reey chukapeb'jiik riij chib'ih taqe i rub'an. Re' i Husai i aj arquita, xti atoob'laj ramigo i reey.³⁴Eh koq'uun chik re' i Joiada rak'uun i Benaía, re' Abiatar xi okik chi jilow Ahitofel. Re' Joab wilik chi k'amal kib'eeh taqe i ru soldado i reey David. Re' reey David xuq'or chi re' Salomón naa rokiik chi jilow

¹Re' reey David xumol kiwach ar Jerusaleem i wilik kajaawriik, taqe ink'amwik kib'eeh i ju'jun ch'uq chi aj Israel. Je' wo' taqe i k'amal kib'eeh kikamanik ruuk' i reey, je' wo' i k'amal kib'eeh i ju'jun ch'uq chi soldado Eh xumol kiwach i k'amal kib'eeh i ki-ilwik reh i rak'aal, chu'nchel i chib'ih i wilik reh i reey, je' wo' hoq i ki-ilwik keh i rak'uun, rixq'uun, xumol kiwach i nimaq kiwach, je' wo' chu'nchel i soldado kow kiib'.

²Eh re' reey David xpa'lojik johtoq, je' wili xuq'or: Chab'iraj taq i naa nuq'orom was nuchaaq', hat taq nutinamiit. Re' hin wilik naq panuk'ux chi naa nuyejaam jino'q i paat naa ruwihiik wii' chi juneliik i kaxa molik wii' i ruk'uhb'aal i QaJaaw Dios. Re' naq i ye'aab' re' re' naa ruwihiik wii' i QaJaaw Dios. Re' hin nuyejaam naq chik wach chi re' hin naa nuyej-aniik reh.³Xa re' la' re' Dios je' wili i xuq'or weh: Ma' re' tee hat naa ayej-aniik i nupaat ruum re' hat, hat aj q'aq'ineel ma' k'isiin ikaansanik a'nam, inki.⁴Xa re' la' re' i QaJaaw i qaDios i hoj aj Israel xusik' cho nuwach chi kixilak i awach weh reh chi xirukoj chi juneliik chi reyil ayu' Israel. Eh xusik' cho wach i Judá reh chi kixilak i riih rumaam xelik chaloq i naa kikahniik chi taaq'anik Israel. Eh chi kixilak i riih rumaam i Judá xusik' cho kiwach i re', xusik' cho nuwach chi xirukoj chi reey chinaah i Israel.⁵Eh re' i QaJaaw Dios k'ih taqe wak'uun xuyeew weh. Eh chi kixilak i re' xusik' wach i Salomón, reh chi re' chik i reh naa rokiik chi reyil chikinaah i aj Israel rutinamiit i Dios.⁶Re' QaJaaw Dios je' wili xuq'or weh: Re' i Salomón awak'uun naa ruyej-aniik reh i nupaat, je' wo' hoq i ye'aab' wilik chi junsuut. Eh re' reh naa rukahniik chi wak'uun, eh re' hin naa nukahniik chi ruDios.⁷Re' hin naa nuye'em paruye'aab' chi reyil chi juneliik, wila' ma' xukanaa' rub'aan taqe i ruq'or i nuk'uhb'aal, wila' xuchop ruk'ux chub'aan je' rukab' i k'ahchi' yu'naak, inki weh.

⁸Eh re' taq i hat was nuchaaq' chuwach i QaJaaw Dios, eh chikiwach chu'nchel quch aj Israel kimolom kiib' ayu', rutinamiit i Dios, chu'nchel nuk'ux i nuq'or taq aweh chi cha a'n taq chu'nchel i ruk'uhb'aal i Dios xuq'or qeh. Reh chi nee taq inako'leej riij i ye'aab' wili, eh reh chi neenkahnik taq aweh, reh chi nee taq inakanaa' keh taqe i awiih aamaam naa kiwihiik koq'uun.

⁹Eh re' hat Salomón i hat wak'uun cha nimaj aaDios, i nuDios i hin, hin awajaaw. Cha a'n i rukamaj chu'nchel ak'ux parukorkiil. Re' i QaJaaw Dios reht'al chib'ih jariik i wilik paránima i ju'jun, eh reht'al i runa'ojb'al i ju'jun. Wila' xasik' i QaJaaw Dios re' reh neentoob'inik aweh. Eh wila' xaq'eb' chi riij ak'ux i hat nee wo' ti ruq'eb' chi riij ruk'ux i reh chi jumpech.¹⁰Eh wilik-oq panak'ux chi re' i QaJaaw Dios sik' wik awach chi re' hat naa ayej-aniik reh i rupaat i rusantolaj ye'aab'. Je' re' noq chakowej ak'ux, okeen chi kamanik, inki i reey David.

¹¹Eh re' reey David xuq'asaj reh i Salomón re' i rak'uun i tz'ihb'amaj wii' rehtaliil nik' wach ruwii' i rupaat i Dios, naa rub'anam, je' wo' rehtaliil taqe i paat molb'al reh taqe xa chib'ih jariik, je' wo' taqe i ruxiik' inajt kinaah paat, kok' paat. Eh je' wo' rehtaliil i ye'aab' xti wilik rusantohiil.¹²Eh xuq'asaj wo' rehtalil nik' nimaal i kamanik xukapaaj rub'aan, re' taqe i ye'aab' wilkeeb' chi junsuut i rupaat i Dios, je' wo' taqe i kok' tasooj paam paat, naa ruwihiik chi junsuut. Eh xuyeew wo' reh i rehtaliil i molarik wii' taqe i xa chib'ih jariik, je' wo' hoq kimolarik wii' i mayiij wilik rusantohiil.¹³Xuq'asaj wo' reh i Salomón i rehtaliil nik' wach i kamanik naa kianam parupaat i Dios i ju'jun chi k'amal kib'eeh aj tiij re' taqe i riih rumaam i Leví. Eh nik' wach rilariik naa kianam i xa chib'ih jariik inkamanik parupaat i Dios.

¹⁴Eh k'ih i oro i plata xuyeew reh re' chi naa rukorjiik ruuk' oro, ruuk' plata chu'nchel i xa chib'ih jariik naa rukamaniik, parukamaj i Dios.¹⁵Eh xuq'asaj wo' i oro i plata yejemb'al reh taqe i ye'aab' kantela, je' wo' taqe i ye'aab' saqumb'al. Re' q'oreel nik' k'ihaal i oro, i plata naa rukorjiik wii' i ju'jun, je' wo' re' k'ihaal i xuq'asaj.¹⁶Eh xuq'asaj wo' reh i oro, i plata yejemb'al reh taqe i mexa inye'arik wii' i kaxlanwi'k inye'arik chi mayiij re' q'oreel nik' k'ihaal i naa rukorjiik wii' i ju'jun je' wo' re' k'ihaal i xuq'asaj.¹⁷Eh xuq'asaj wo' reh i xti manlik oro, i plata yejemb'al reh i chopb'al mayiij, je' wo' taqe i nimaq kulk, je' wo' taqe i xaro, je' wo' hoq i yejemb'al taqe reh i kulk uuk'b'al ha'. Re' q'oreel nik' k'ihaal inkorjik wii' i ju'jun, je' wo' re' k'ihaal i oro i plata, i tokoom chik ch'ihch' xuq'asaj.¹⁸Eh xuq'asaj wo' reh i xti manlik oro yejemb'al reh i artaal k'atb'al insensia. Eh xuq'asaj wo' hoq i oro i yejemb'al reh i kareta, je' wo' yejemb'al keh i kiib' chi je' kiwii' ánjel, ruuk' i kixiik' kib'urum naah i kaxa molik wii' i ruk'uhb'aal i QaJaaw Dios.

¹⁹Re' David je' wili i xuq'or reh i Salomón i rak'uun: Chu'nchel i wili re' i QaJaaw Dios xk'uhtanik weh. Re' hin xnutz'ihb'aaj rehtaliil reh chi nuq'asaj aweh xti nik' wach rub'aan naa a'nam i rupaat i QaJaaw Dios.

²⁰Re' David je' wili i xuq'or reh i Salomón: chakowb'isaj ak'ux, okeen chub'anariik i kamanik. Matyo'jik marub'an kiib' ak'ux, ruum re' i nuDios i hin naa ruwihiik awuuk'. Eh re' reh ma' jaruuj naa kaat rukanaam cha wutkeel korehtaal i naa kohlaaj ruyejeb'jiik chu'nchel i rupaat i QaJaaw Dios.²¹Re' taqe i ju'jun ch'uq chi aj tiij re' ruuk' taqe i riih rumaam Leví chayeew rukowiil kik'ux chub'aan chu'nchel i kamanik chupaam i rupaat i QaJaaw Dios. Eh chu'nchel i winaq kitijem kiib' chi kamanik naa kokiik haa' chato'ariik xa chi siih. Je' wo' taqe i k'amal b'eeh, je' wo' taqe chu'nchel i tinamit, naa wo' kianam chu'nchel i naa aq'orom i hat, inki.

¹Eh chi riij i re' je' wili i xuq'or i David keh i tinamit kimolom kiib': Xa re' wo' hoq i wak'uun Salomón xsik'arik wach ruum i QaJaaw Dios. Atoob' ta komajaa' k'ih i ruhab'ul nim wach i kamanik naa rub'anam. Ruum ma' re' ta rupaat jino'q i reey naa ruyejaam rupaat la' i QaJaaw Dios i naa ruyej-aam.²Re' hin xnuchop nuk'ux chi molariik wach taqe naa rukamaniik reh i rupaat i nuDios. Xnumol wach i oro reh i naa rukorjiik ruuk' oro, i plata reh i naa rukorjiik ruuk' plata, i q'an ch'ihch' reh i naa rukorjiik ruuk' q'an ch'ihch', i xach'ihch' reh i naa rukorjiik ruuk' i xach'ihch'. Eh numol wo' wach i chee' reh i naa rukorjiik ruuk' chee', je' wo' hoq i holohaq ab'aj ónice, je' wo' taqe i ab'aj k'ih tz'aaq, i q'eq ab'aj, taqe ab'aj xa reh reh wach kika'yik, taqe i holohoaq ab'aj marmol.³Atoob' ta xnumol kiwach chu'nchel wili chi yejemb'al reh i rupaat i Dios. Re' hin ruum chi q'e' i nuk'ax i rupaat i Dios naa nuq'asam i oro, i plata weh naq i hin chi yejemb'al reh i rupaat i Dios.⁴Re' hin naa nuq'asam i kiib' miil ruuk' kiib' siento kintaal i manlik oro. Eh hoob' miil ruuk' oxk'ahl kintaal i manlik plata, esamaj i ruch'uwa'iil wach. Re' taqe re' naa rokiik i koq chib'urb'al wach i rutz'aqiil taqe i paat.⁵Eh re' oro, re' i plata naa rukamaniik keh i naakiyej-aniik reh i xa chib'ihjariik ruuk' oro, ruuk' plata. Eh raaj taq i hat, ¿Mi ma' k'ulik taq panak'ux chi naa taq aye'em amayiij yejemb'al reh i rupaat i Dios? inki i David.

⁶Eh re' taqe i k'amal kib'eeh i ju'jun ch'uq chi patineel, taqe k'amal kib'eeh i ju'jun ch'uq chi aj Israel, taqe i k'amal kib'eeh i nimaq ch'uq chi soldado, taqe i k'amal kib'eeh i ki-ilwik reh i chib'ih i wilik reh i reey xkiyeew wo' kimayiij nik' k'ihaal i xchalik pankik'ux.⁷Eh ixib' miil ruuk' waxiqiib' siento kintaal ruuk' lajeeb' roxk'ahl kintaal i oro xkiyeew chi yejemb'al reh i rupaat i Dios, eh lajeeb' miil i tumiin oro, eh i wuquub' miil kintaal ruuk' kiib' siento ruuk' oxk'ahl kintaal i plata, eh oxlaj miil kintaal ruuk' kiib' siento kintaal i q'an ch'ihch'. Eh kab'laj ru kajwinaq miil ruuk' waqiib' siento kintaal i xach'ihch'.⁸Eh je' wo' taqe i wilik i holohaq ab'aj kuuk' xkiq'asaj chi yejemb'al reh i rupaat i Dios, eh kiq'asaj reh i Jehiel re' rak'uun i Gersón, re' i molwik reh i tumiin, reh i rupaat i Dios.⁹Re' taqe tinamit ma' k'isiin ta xsuuqb'ik kik'ux ruum xkiyeew reh i QaJaaw nik' k'ihaal i xchalik pankik'ux.

¹⁰Eh je' wo' i reey David ma' k'isiin ta xsuuqb'ik ruk'ux xuloq'ej i QaJaaw Dios chikiwach i tinamit kimolom kiib' ar, je' wili xuq'or: Neeta naq inye'arik aloq'il chi juneliik i hat QaJaaw Dios nim awajaawriik. Hat ruDios chee Israel re' qamaam qati't i hoj.¹¹QaJaaw Dios re' hat aweh i ajaawriik, i loq'il, i loq'inik. Eh i ruk'ul chi naa ruye'ariik runimaal awach, aloq'il, ruum chu'nchel i xa chib'ih jariik aweh taqe. Chi je' wilkeeb' pan taxaaj, chi je' wilkeeb' wach ak'al. Eh wilik runimaal awajaawriik. Xa re' wo' hat wilik runimaal awach chikiwach chu'nchel.¹²Eh re' wo' hat ti ye'wik reh i b'ehomal, i loq'il. Re' hat, hat q'oreel chinaah chib'ih wilik. Eh re' kowiil i awajaawriik panaq'ab' wilik, hat wo' ti ye'wik i runimaal wachiis, je' wo' hoq i awajaawriik.¹³Ruum aj re', re' hoj QaJaaw qaDios inqayeew runimaal wach, ruloq'il asantolaj b'ihnaal.¹⁴¿Mi wilik wajaawriik i hin? ¿Mi wilik rajaawriik i nutinamiit chi qayeew taqe aweh chu'nchel i wili? Xti korik wo' hoq chi re' hoj ma' xta wilik qeh, re' i xqayeew aweh re' wo' hat xat ye'wik qeh.¹⁵Re' hoj xa je' hoj tokoom tinamit chawach ruum xa ik'ik inqa a'n chinaah i wach ak'al wili, je' rukab' noq xi-ik'ik i qamaam qati't. Re' qak'achariik, ayu' wach ak'al xa re' yu' inooj kuxoq wach xa je' nik'ik jinaj muuj.¹⁶Loq'laj QaJaaw qaDios, re' wo' hat xat ye'wik cho qeh chu'nchel i xqamol wach wili yejemb'al reh aapaat naa rulooq'jiik wii' asantolaj b'ihnaal.¹⁷WaJaaw nuDios re' hin weht'al chi re' hat aweht'al i wilik cho paránima i ju'jun, eh chimponik chawach i rukorkiil wach k'uxliis. Ruum aj re', re' hin ruuk' i rukorkiil wach nuk'ux i nuq'asaj aweh chu'nchel i wili. Re' hin xnukoj rehtaal chi re' aatinamiit kimolom kiib' ayu' q'e' suq kik'ux noq xkiyeew aweh i kimayiij.¹⁸QaJaaw Dios ruDios chee i Abraham, i Isaac, i Jacob re' taqe i qamaam qati't. Chatoob'eej aatinamiit reh chi juneliik neen wihik pankanima ruye'ariik i kimayiij, je' rukab' i xkian yu'naak. Eh chi neen kiyeew i kánima awuuk'.¹⁹QaJaaw Dios i nupahqaaj aweh chi chayeew cho rukorkiil wach ruk'ux i wak'uun Salomón reh chi neerub'an taqe i ruq'or aak'uhb'aal, je' wo' hoq i neenataq'aaj wii'. Reh chi neerub'an ruye'jeb'jiik aapaat re' i xnuchop nuk'ux chumolariik wach i naa rukorjiik wii', inki David.

²⁰Chi riij i re', re' David je' wili i xuq'or keh i tinamit kimolom kiib' ar: Yu'naak chayeew taq ruloq'il i QaJaaw Dios, inki. Eh chu'nchel i tinamit xkiloq'ej i Dios re' ki Dios chee kimaam kati't. Eh kixuk'aa' kiib' chuwach i Dios, je' wo' chuwach i reey David.

²¹Eh chi junwaar chik xkiyeew i kimayiij xkik'at chi kimayiij jinaj miil i kok' imas wakax, jinaj miil imas tentzun jinaj miil i kok' tentzun. Eh xkiq'asaj wo' chi kimayiij i riis uuva, xiik' naah k'ihaal i mayiij xkiq'asaj pankib'ihnaal chu'nchel i aj Israel.²²Eh xkian kiwa' kihaa' chi suq kik'ux chuwach i QaJaaw Dios. Eh re' i Salomón i rak'uun i David xkipab'aa' wo' chik ruka'peech chi reey chinaah i rutinamiit, chuwach i Dios xkijalk'iij i aseite wach naah reh i rupa'ab'jiik chi reey. Eh xkipab'aa' i Sadoc chi k'amal kib'eeh i aj tiij.²³Je' aj re' noq re' Salomón xokik chi reyil chinaah i rutinamiit i Dios chi jilow i David i rajaaw, chu'nchel i xub'an xelik korik chuwach, eh chu'nchel i aj Israel xnimanik reh i taqe i xuq'or.²⁴Eh chu'nchel i wilik kajaawriik, je' wo' taqe i kow kiib' chi q'aq'inik, eh chu'nchel i rak'uun i reey David xkiyeew ruloq'il i reey Salomón.²⁵Eh re' i QaJaaw Dios xuyeew runimaal wach i reey Salomón chikiwach chu'nchel i aj Israel. Xuyeew ruloq'il i Salomón chi reey, eh ma' jino'q i reey Israel i xwihik cho chi peet chuwach i reey i Salomón xuyeew ruloq'il chi je' rukab' noq xuyeew ruloq'il i reh. Re' i reyil xub'an, re' i rukimiik i reey David (1 Rey 2.10-12)

²⁶Re' David rak'uun i Isaí xwihik chi reyil chinaah chu'nchel i tinamit Israel.²⁷Ka'winaq haab' xwihik chi reyil chinaah i tinamit Israel wuquub' haab' xwihik chi reyil ar Hebrón, eh oxlaj ru ka'winaq haab' xwihik chi reyil Jerusaleem.²⁸Eh xtirijib' chik chi korik noq xkimik reje i David k'ih laj haab' xk'acharik, xti wihik ruloq'il, rub'ehomal. Eh re' chik i Salomón i rak'uun xkahnik chi jilow chi reyil Israel.

²⁹Eh chu'nchel i xub'an i reey David noq xutoq'aa' chee rukamaj korehtaal xukohlaaj rutz'ihb'jiik rehtaliil i Samuel jalal ruq'oral i Dios rutz'ihb'aam wo' rehtaliil i Natán jalal ruq'oral i Dios, je' wo' hoq i Gad jalal ruq'oral i Dios.³⁰Eh tz'ihb'amaj wo' rehtaliil chib'ih taqe xub'an noq xwihik chi reyil, je' wo' hoq i rajaawriik. Eh tz'ihb'amaj wo' rehtaliil taqe xuk'ul i reh, je' wo' taqe i xk'ularik Israel, je' wo' hoq i xkik'ul taqe i tokoom tinamit.

Bible Society in Guatemala

https://app.library.bible/content/695aa4b9f902778f