De Openboarunk von Johanes19
1No dise Dinja hieed ekj eene groote Stemm von eene groote Volkjshäad em Himmel, dee säd: Haleluja! De Radunk un de Harlichkjeit un de Iea un de Macht to däm Harn, onsem Gott!2Wiels woarhauftich un jerajcht sent siene Jerechten; wiels Hee haft de groote Hua jerecht, woone de Ieed met äare Huararie vedorf un haft siene Kjnajchts äa Bloot von äare Haunt jefoddat. 5Mo 32:43; Opb 6:103Un dee säden toom tweedemol: Haleluja! Un äa Ruak jeit nopp fa emma un emma.4Un de vea-un-twintich Eltestasch un de vea Tieren follen dol un bäden Gott aun, dee doa opp däm Troon sett, un säden: Amen, Haleluja! Ps 106:48; Opb 4:4,6; 5:115Un eene Stemm kjeem von ut däm Troon un säd: Loft onsen Gott, aul jie siene Kjnajchts un dee, waut Am ferchten, beides, Kjliene un Groote.6Un ekj hieed soo aus de Stemm von eene groote Volkjshäad un soo aus daut Ruzhen von väle Wotasch un soo aus de Stemm von stoakjet Jedonna , dee säden: Haleluja! Wiels de Har, ons Gott, de Aulmajchtja, harscht.7Lot ons freien un sea froo sennen un Am de Iea jäwen; wiels de Kjast von daut Laum es jekomen, un siene Fru haft sikj reedjemoakt. Opb 21:98Un ar wort daut jejäft, daut see sull aunjetrocken sennen met feinet Lienzeich, rein un jlenzent; wiels daut feine Lienzeich es de Jerajchtichkjeit von de Heilje. Jes 61:109Un hee sajcht to mie: Schriew: Seelich sent dee, dee to daut Laum sien Kjastmol enjelot sent. Un hee sajcht to mie: Dit sent Gott siene woarhauftje Wieed. Luk 14:1510Un ekj foll ver siene Feet, om am aun to bäden. Un hee sajcht to mie: See doano, doo daut nich. Ekj sie dien Metkjnajcht un eena von diene Breeda, dee daut Zeichnis von Jesus haben. Bäd Gott aun. Wiels daut Zeichnis von Jesus es de Profezeiungs-Jeist. Opb 22:8-911Un ekj sach dän Himmel opjemoakt, un kjikj, een wittet Pieet, un dee, waut doabowen saut, heet Tru un Woarhauftich, un Hee recht un kjriecht en Jerajchtichkjeit. Mat 24:30; Opb 3:14; Jes 11:4-512Un siene Uagen wieren soo aus eene Fiaflaum, un opp sienem Kopp sent väle Kroonen; un Hee haud eenen Nomen jeschräwen, dän kjeena wist, buta Hee selfst. Opb 1:14; 3:1213Un Hee wia aunjetrocken met een Kjleet, en Bloot enjedukt, un sien Nomen heet: Daut Wuat Gottes.14Un de Armeeen em Himmel foljden Am opp witte Pieed, aunjetrocken en feinet Lienzeich, witt un rein. Opb 17:1415Un ut sien Mul jeit een schoapet Schwieet, om de Nazionen doamet to schlonen; un Hee woat äant rejieren met eene Iesastang, un Hee klunjt de Wienpras ut met de Wutt un Oaja von Gott, däm Aulmajchtjen. Ps 2:9; Opb 14:19-2016Un Hee haft opp sien Kjleet un opp siene Hoft eenen Nomen jeschräwen: Kjennich von Kjennichs un Har von Haren. 1Tim 6:15; Opb 1:517Un ekj sach eenen Enjel en de Sonn stonen, un dee schrieech met lude Stemm un säd to aule Väajel, dee medden em Himmel flieejen: Komt un saumelt junt fa dän grooten Gott sien Owentkost, Hes 39:4,17-2018om daut jie muchten fräten daut Fleesch von Kjennichs un daut Fleesch von bowaschte Offizieren un daut Fleesch von Stoakje un daut Fleesch von Pieed un dee doabowen setten un daut Fleesch von aule, beides, Friee un Sklowen, un beides, Kjliene un Groote.19Un ekj sach daut Tia un de Kjennichs von de Ieed un äare Armeeen vesaumelt Kjrich to moaken met däm, dee opp daut Pieet sett un met däm siene Armee. Opb 16:14,1620Un daut Tia wort jenomen un met am de faulscha Profeet, waut de Wundatieekjens ver am deed, wuamet hee dee vefieed, dee daut Moltieekjen von daut Tia neemen un dee, waut sien Bilt aunbäden; läwendich worden dise beid en dän Fiasee jeschmäten, dee met Schwäwelblitt brent. 2Tess 2:8; Opb 13:11-1721Un de äwaje worden dootjeschloagen met daut Schwieet, woont ut däm sien Mul kjeem, dee opp daut Pieet saut; un aule Väajel worden saut-jefoodat von dee äa Fleesch.
Lebenswasser