De Openboarunk von Johanes20
1Un ekj sach eenen Enjel vom Himmel raufkomen, dee haud dän Schlätel fa dän Aufgrunt un eene groote Kjäd en siene Haunt. Opb 9:12Un hee jreep dän Drachen, de oole Schlang, woona de Diewel un Soton es un bunk am dusent Joa Opb 12:93un schmeet am en dän Aufgrunt un veschloot am un vesäajeld äwa am, daut hee de Nazionen nich mea vefieren sull, bat de dusent Joa sullen to Enj sennen. Un nohäa mott hee eene korte Tiet loosjeloten woaren.4Un ekj sach Troonen, un see sauten doabowen, un daut Jerecht wort äant jejäft; un de Seelen von dee, waut aufjekopt wieren wäajens daut Zeichnis von Jesus un wäajens Gott sien Wuat, un woone daut Tia nich aunjebät hauden uk nich sien Bilt uk nich daut Moltieekjen aun äare Stiern jenomen hauden ooda opp äare Haunt, dise läwden un rejieeden met Christus dusent Joa. Mat 19:28; 1Kor 6:2; Opb 3:21; Dan 7:225Oba de äwaje von de Doodje läwden nich wada, bat de dusent Joa verecht wieren. Dit es de ieeschte Opparstonunk. 1Tess 4:166Seelich un heilich, wäa Deel haft aun de ieeschte Opparstonunk. Äwa soone haft de tweeda Doot kjeene Macht, oba dee woaren Gott un Christus siene Priesta sennen un woaren dusent Joa met Am rejieren.7Un wan de dusent Joa to Enj sent, woat de Soton loosjeloten woaren von ut sien Jefenkjnis8un woat rutgonen, de Nazionen to vefieren, waut opp de vea Akjen von de Ieed sent, dän Gog un Magog, dee toom Kjrich to saumlen; dee äare Somm es soo aus de Saunt vom Mäa. Hes 38:29Un dee jinjen nopp äwa de Breed von de Ieed un omkjrensten de Heilje äa Loaga un de jeleewde Staut; un doa kjeem Fia rauf von Gott ut däm Himmel un freet äant.10Un de Diewel, dee äant vefieed, wort en däm Fia- un Schwäwelblitt-See jeschmäten, wua daut Tia un de faulscha Profeet es; un dee sellen Dach un Nacht jekjwält woaren fa emma un emma. Opb 19:2011Un ekj sach eenen grooten witten Troon un dän, waut doabowen saut, ver wäms Aunjesecht de Ieed un de Himmel wajchfluagen; un doa wort kjeene Städ fa dee jefungen. Mat 25:31-46; 2Pe 3:7,10,1212Un ekj sach de Doodje, groote un kjliene, ver Gott stonen, un de Bieekja worden opjemoakt; un een aundret Buak wort opjemoakt, woont daut Läwens-Buak es. Un de Doodje worden jerecht no daut, waut en de Bieekja jeschräwen wia, no äare Woakjen. Dan 7:10; Joh 5:28-2913Un daut Mäa jeef de Doodje, dee doabennen wieren, un de Doot un de Hal jeewen de Doodje, dee doabennen wieren, un dee worden jerecht, een jiedra no siene Woakjen.14Un de Doot un de Hal worden en dän Fiasee jeschmäten. Dit es de tweeda Doot. 1Kor 15:26,5515Un wan irjentwäa nich jefungen wort em Läwens-Buak jeschräwen, dän wort en dän Fiasee jeschmäten.
Lebenswasser