De Openboarunk von Johanes18
1Un no dise Dinja sach ekj eenen aundren Enjel vom Himmel raufkomen, dee haud groote Macht; un de Ieed wort dach von siene Harlichkjeit. Hes 43:22Un hee schrieech ut Macht met groote Stemm un säd: Babelon, de groote, es jefollen, jefollen un es eene Diewels -Woninj jeworden un eene Bewoarunk fa jieda onreina Jeist un eene Bewoarunk fa jieda onreinet un jehaustet Voagel. Jer 50:39; Opb 14:83Wiels aule Nazionen haben von däm Wien von de Wutt von äare Huararie jedrunken, un de Kjennichs von de Ieed haben met ar jehuat, un de Haundelslied von de Ieed sent rikj jeworden derch de Groosoatichkjeit von äa Vemieejen. Jer 51:7; Nah 3:44Un ekj hieed eene aundre Stemm von ut däm Himmel, dee säd: Got von ar rut, miene Menschen, daut jie nich Deelnäma sent aun äare Sinden, un daut jie nich von äare Ploagen kjrieen. Jes 48:20; Jer 50:8; 2Kor 6:175Wiels äare Sinden sent bat aum Himmel jelangt, un Gott haft aun äare Ojjerajchtichkjeiten jedocht. 1Mo 18:20-21; Jer 51:96Tolt ar soo, aus see uk junt jetolt haft, un vedobbelt ar daut dobbelde no äare Woakjen; en daut Kuffel, woont see enjerieet haft, rieet ar daut dobbelde en. Ps 137:8; Jer 50:15,29; 2Tess 1:67Doano, aus see sikj veharlicht haft un woollostich läwd, sooväl Kwol un Trua jäft ar. Wiels see sajcht en äa Hoat: Ekj sett aus Kjennijin, un eene Wätfru sie ekj nich un woa kjeen Truaren seenen. Jes 47:7-98Doawäajens woaren äare Ploagen komen en een Dach: Doot un Truaren un Hungaschnoot, un see saul met Fia vebrent woaren; wiels stoakj es de Har Gott, dee ar recht.9Un de Kjennichs von de Ieed, dee met ar jehuat un woollostich jeläft haben, woaren ar behielen un bekloagen, wan see dän Ruak von äa Braunt seenen woaren;10see stonen wietauf, wäajens Forcht fa äare Kwol un sajen: Wee, wee de groote Staut Babelon, de majchtje Staut! Wiels en eene Stund es dien Jerecht jekomen. Jer 51:811Un de Haundelslied von de Ieed hielen un truaren äwa ar, wiels kjeena kjaft mea äare Woa:12De Woa von Golt un Selwa un diere Steena un Parlen un feinet Lienzeich un Purpur un Siedzeich un Schoarlach un aulahaunt scheenrikjendet Holt un veschiedne Sachen von Aulfenbeen un veschiedenste Jefässa von dieeschtet Holt un von Brons un von Iesa un von Marmor,13un Kerneel un Parfum un Saulw un Weiruak un Wien un Eelj un fienet Mäl un Weit un Vee un Schop, un von Pieed un von Woages un von Sklowen un von Menschen-Seelen.14Un daut Oft, wua diene Seel no jelest, es von die veloten, un aul dee feine un prachtvolle Dinja haben die veloten, un du woascht dee nienich mea finjen.15De Haundelslied von dise Dinja, dee von ar sent rikj jeworden, woaren von wietauf stonen, wäajens de Forcht fa äare Kwol, hielen un truaren16un sajen: Wee, wee, de groote Staut, dee aunjetrocken wia en feinet Lienzeich un Purpur un Schoarlach un äwalajcht met Golt un diere Steena un Parlen! Opb 17:417Wiels en eene Stund es een soon groota Rikjtum to Grunt jegonen. Un jieda Scheppmeista un aul dee, waut opp Schäp reisen un Seemana un soone, waut oppem Mäa schaufen, stunden von wietauf Hes 27:27-3618un schrieejen, aus see dän Ruak von äa Braunt sagen, un säden: Waut es soo aus dise groote Staut?19Un see schmeeten Stoff opp äare Kjap un schrieejen, hielden un truaden un säden: Wee, wee, de groote Staut, wuarenn aule, dee Schäp oppem Mäa hauden, rikj worden derch äare Kostboakjeit, wiels en eene Stund es see to Grunt jegonen.20Frei die äwa ar, du Himmel un jie heilje Apostel un jie Profeeten, wiels Gott haft jun Uadeel aun ar jerajchent. Jer 51:4821Un een stoakja Enjel hoof eenen Steen opp, soo aus een groota Molsteen un schmeet dän en daut Mäa un säd: Soo aus dit woat de groote Staut Babelon met Jewault raufjeschmäten woaren un saul nienich mea jefungen woaren. Jer 51:63-6422Un de Stemm von Hoapenspäla un Musikaunten un Fleetenspäla un Trompeetenspäla woaren nienich mea en die to hieren sennen, un kjeen Kjenstla von irjent eene Konst woat mea en die to finjen sennen, un daut Jereisch von däm Molsteen woat nienich mea en die to hieren sennen, Jes 24:8; Hes 26:1323un daut Licht von ne Laump woat nienich mea en die schienen, un de Stemm von däm Briegaum un von de Brut woaren nienich mea en die to hieren sennen; wiels diene Haundelslied wieren de Groote von de Ieed; wiels derch diene Zaubarie worden de Velkja vefieet. Jes 23:8; Jer 25:1024Un en ar wort daut Bloot von de Profeeten jefungen un von de Heilje un von aul de Jeschlachte opp Ieeden. Opb 6:10; 17:6
Lebenswasser