Evangelium Markus16
1Un aus de Sabat äwa wia, koften Maria Magdalena un Maria, Jakobus siene Mutta, un Salome Scheenrikjendet, toom komen un Am ensaulwen.2Un sea tiedich, aum ieeschten Dach en de Wäakj kjeemen see nom Grauf, aus de Sonn oppjinkj.3Un see säden to sikj unjarenaunda: Wäa rolt ons dän Steen von de Graufdäa wajch?4Un aus see oppkjikjten, sagen see, daut de Steen wajchjerolt wia; wiels dee wia sea groot.5Un see jinjen en daut Grauf nenn un sagen doa eenen jungen Maun to de rajchte Haunt setten, aunjetrocken met een langet wittet Kjleet. Un see veschrocken sikj.6Hee oba säd to äant: Veschrakjt nich! Jie sieekjen Jesus von Nazaret, dän Jekjriezichten. Hee es oppjestonen, Hee es nich hia; kjikjt no de Städ, wua see Am hanjelajcht hauden.7Oba got han, sajcht siene Jinja un Petrus, daut Hee ver junt hanjeit no Galiläa. Doa woa jie Am seenen, soo aus Hee junt jesajcht haft. Mrk 14:288See jinjen rut un randen schwind vom Grauf; wiels äant wia Zetren un Gruslen äwafollen; un see säden kjeenem waut, wiels see ferchten sikj.9Aus Hee oba tiedich, aum ieeschten Dach en de Wäakj, oppjestonen wia, erscheen Hee daut ieeschte Maria Magdalena, von dee Hee säwen Diewels rutjedräwen haud. Luk 8:210See jinkj han un säd dee daut, dee met Am toop jewast wieren, dee doa truaden un hielden.11Un aus dee hieeden daut Hee läwd, un von ar jeseenen worden wia, jleewden see daut nich.12No dit oba openboad Hee sikj to twee von äant en eene aundre Jestault, aus see opp daut Launt hanjinjen.13Un dise jinjen han un säden daut de Äwaje; uk äant jleewden see nich. Luk 24:13-3514Nohäa, aus see aum Desch sauten, openboad Hee sikj to de Alw un schull äaren Ongloowen un äa Hoathoatjet, daut see dee, dee Am oppjestonen jeseenen hauden, nich jejleeft hauden. 1Kor 15:515Un Hee säd to äant: Got han en de gaunze Welt un prädicht daut Evangelium to de gaunze Schepfunk. Mat 28:18-20; Mrk 13:1016Wäa jleeft un jedeept woat, woat seelich woaren; wäa oba nich jleeft, woat vedaumt woaren. Apj 2:38; 16:31,3317Dise Tieekjens oba woaren dee foljen, dee doa jleewen: En mienem Nomen woaren see Diewels rutdriewen, met niee Tungen räden; Apj 10:46; 16:18; 19:618Schlangen opphäwen, un wan see waut Dooteljet drinkjen, woat äant daut nich schoden; Kranke woaren see de Henj opplajen, un dee woaren jesunt woaren. Luk 10:19; Apj 28:3-6; Jak 5:14-1519Un de Har, nodäm Hee met äant jerät haud, wort Hee oppjenomen en dän Himmel un sad sikj dol aun Gott siene rajchte Haunt. Ps 110:1; Apj 1:2; 7:5520See oba jinjen rut un prädijden aulawäajen; un de Har wirkjt met äant un bekjraftijd daut Wuat derch de doaropp foljende Wundatieekjens. Amen. Apj 14:3; Heb 2:4
Lebenswasser