Evangelium Lukas1
1Wiels väle sikj daut äwanomen haben eenen ordentlichen Berecht to jäwen von de Dinja, dee mank ons sechalich jejleeft woaren,2soo aus see ons dee äwajäft haben, dee doa von Aunfank aun Uagenzeijen un Deena em Wuat jewast sent, 1Joh 1:1-43scheen mie daut uk goot, wiels ekj aules von Aunfank aun jeneiw nojegonen sie, die daut no de Rieej no to beschriewen, huach-je-achta Teofilus, Apj 1:1; Kol 4:144daut du de Jewesheit äwa de Dinja erkjanst, en dee du unjarecht worden best.5En de Doag von Herodes, de Kjennich von Judäa, wia doa een jewessa Priesta met Nomen Zacharias, von Abija siene Deenstgrupp, un siene Fru wia eene von Aaron siene Dajchta, un äa Nomen wia Elisabet. 1Chr 24:10,196See wieren oba beid jerajcht ver Gott un waundelden fälaloos en aul de Jebooten un Sazungen vom Harn.7Un see hauden kjeen Kjint, wiels Elisabet onfruchtboa wia, un beid wieren en äare Doag en een huaget Ella.8Un daut passieed, aus hee sien Priestadeenst ver Gott verecht, enne Ordnunk von siene Deenstgrupp,9no de Jewanheit vom Priestadeenst, troff am daut Loss, en dän Tempel vom Harn to gonen, om to rieekjren. 2Mo 30:1-10; Ps 141:210Un de gaunze Häad Volkj stunt buten un bäd en de Rieekja-Stund.11Am erscheen oba een Enjel vom Harn, dee stunt aun de rajchte Sied vom Rieekja-Aultoa.12Un Zacharias veschrock, aus hee am sach, un Forcht foll äwa am.13Oba de Enjel säd to am: Fercht die nich Zacharias! Wiels dien Jebäd es erhieet, un diene Fru Elisabet woat die eenen Sän jebuaren, un du saust sienen Nomen Johanes nanen.14Un hee woat fa die eene Freid un Jubel sennen, un väle woaren sikj äwa siene Jeburt freien,15wiels hee woat groot sennen ver däm Harn; Wien un stoakjet Jedrenkj woat hee nich drinkjen, un met däm Heiljen Jeist woat hee aul em Muttalief jefelt woaren. Rech 13:4-516Un väle von de Kjinja Israel woat hee no däm Harn, äarem Gott, bekjieren.17Un hee woat ver Am hangonen em Jeist un en de Krauft von Elia, om de Vodasch äare Hoaten no de Kjinja to bekjieren un de Onjehuarsome to de Ensecht von de Jerajchte, däm Harn een reedjemoaktet Volkj reed to moaken. Mal 3:1; 4:5,6; Mat 17:11-1318Un Zacharias säd to däm Enjel: Wuaraun kaun ekj dit weeten? Wiels ekj sie oolt, un miene Fru es uk en äare Doag em huaget Ella. 1Mo 18:1119Un de Enjel auntwuad un säd to am: Ekj sie Gabriel, dee ver Gott steit, ekj sie jeschekjt, met die to räden un die dise goode Norecht to vekjindjen. Dan 8:1620Un kjikj, du woascht stomm sennen un nich räden kjennen bat aun dän Dach, waut dise Dinja passieren woaren, wiels du miene Wieed nich jejleeft hast, dee to siene Tiet erfelt woaren sellen.21Un daut Volkj luad no Zacharias; un see wundaden sikj, daut hee soo lang em Tempel bleef.22Aus hee oba rutkjeem, kunn hee nich to äant räden; un see moakjten, daut hee em Tempel een Jesecht jeseenen haud. Un hee wees äant met Tieekjens un bleef stomm.23Un daut passieed, aus de Doag von sien Deenst erfelt wieren, jinkj hee wajch no sien Hus.24No dise Doag wort Elisabet, siene Fru, schwanga un vestuak sikj selfst fief Moonat un säd:25Soo haft de Har aun mie jedonen en de Doag, en woone Hee mie aunjeseenen haft, om mien Spott mank de Menschen wajch to nämen. 1Mo 30:2326Un en de saste Moonat wort de Enjel Gabriel von Gott jeschekjt no eene Staut en Galiläa, met Nomen Nazaret,27no eene Junkfru, dee eenem Maun met Nomen Josef vesproaken wia, ut David sien Hus, un de Junkfru äa Nomen wia Maria. Mat 1:16,1828Un de Enjel kjeem bie ar nenn un säd: Sie jejreest, du Bejnodichte! De Har es met die; jesäajent best du mank de Frues!29Oba aus see am sach, veschrock see äwa siene Räd un wundad, waut daut fa een Gruss wia.30Un de Enjel säd to ar: Fercht die nich, Maria, wiels du hast bie Gott Jnod jefungen.31Un kjikj, du woascht schwanga woaren un eenen Sän jebuaren, un du saust sienen Nomen Jesus nanen. Jes 7:14; Mat 1:21-2332Dee woat groot sennen, un däm Hechsten sien Sän jenant woaren; un Gott de Har woat Am sien Voda David sien Troon jäwen. Jes 9:633Un Hee woat eewich äwa Jakob sien Hus rejieren, un sien Rikj woat kjeen Enj haben.34Dan säd Maria to däm Enjel: Woo kaun daut sennen, wiels ekj kjeenen Maun kjan.35Un de Enjel auntwuad un säd to ar: De Heilja Jeist woat äwa die komen, un däm Aulahechsten siene Krauft woat aus een Schauten äwa die komen; doawäajen woat uk daut Heilje, daut von die jebuaren woat, Gott sien Sän jenant woaren. Mat 1:18,2036Un kjikj, Elisabet, diene Vewaunte, es uk schwanga met eenem Sän en äa Ella, un es nu en äare saste Moonat, see, dee de Onfruchtboare jenant wort,37wiels bie Gott es kjeen Dinkj onmäajlich. 1Mo 18:1438Maria oba säd: Kjikj, ekj sie däm Harn siene Sklowin ; lot mie daut passieren, no dien Wuat. Un de Enjel veleet ar.39Maria oba muak sikj opp en deeselwje Doag un jinkj schwind en daut Boajlaunt, en eene Staut von Juda,40un kjeem en Zacharias sien Hus un bejreest Elisabet.41Un daut passieed, aus Elisabet dän Gruss von Maria hieed, hupst daut Kjint en äa Lief, un Elisabet wort met däm Heiljen Jeist jefelt42un roopt met lude Stemm un säd: Jesäajent best du mank de Frues, un jesäajent es de Frucht von dien Lief!43Un wuahäa woat mie dit, daut de Mutta von mien Har no mie kjemt?44Wiels kjikj, fuaz aus de Stemm von dien Gruss en miene Uaren kjeem, hupst daut Kjint met Freid en mienem Lief.45Jesäajent es see, dee jejleeft haft, wiels daut woat erfelt woaren, waut ar vom Harn jesajcht es! Luk 11:27-2846Un Maria säd: Miene Seel erhäft dän Harn, 1Sa 2:1-1047un mien Jeist freit sikj en Gott, mienem Heilant,48wiels Hee haft daut Jerinje von siene Deenarin aunjeseenen; kjikj, von nu aun woaren mie aul de Jeschlajchta seelich nanen.49Wiels de Majchtja haft groote Dinja aun mie jedonen, un heilich es sien Nomen;50un siene Boarmherzichkjeit rieekjt von Jennerazion to Jennerazion äwa dee, dee Am ferchten. Ps 103:13,1751Hee haft Macht je-eeft met sienem Oarm; Hee haft dee vestreit, dee en äare Hoatens-Jesennunk huachmootich sent. 1Mo 11:852Hee haft Jewaultje vom Troon raufjestat un Jerinje erhowen. Ps 147:653De Hungaje haft Hee met Jieta jefelt un de Rikje ladich wajch-jeschekjt. Ps 34:11; 107:954Hee haft Israel, sienen Kjnajcht, jeholpen, en daut Hee sikj aun siene Boarmherzichkjeit erinnad;55soo aus Hee to onse Vodasch jerät haft, to Abraham un sienem Nokomen fa eewich. 1Mo 17:7; 18:1856Un Maria bleef bie ar onjefäa dree Moonat un jinkj wada no äa Hus.57Fa Elisabet oba wort de Tiet erfelt, daut see jebuaren sull; un see jebua eenen Sän.58Un äare Nobasch un Frintschoft hieeden, daut de Har siene Boarmherzichkjeit aun ar groot-jemoakt haud, un see freiden sikj met ar.59Un daut passieed aum achten Dach, aus see kjeemen, daut Kjint to beschnieden, nanden see daut no däm Nomen von sien Voda Zacharias. 1Mo 17:1260Un siene Mutta auntwuad un säd: Nä, oba hee saul Johanes heeten.61Un see säden to ar: Doa es kjeena en dien Frintschoft, wäa disen Nomen haft!62Un see muaken Tieekjens to sienem Voda, woo hee wull, daut am sull jenant woaren.63Un hee foddad eene Tofel un schreef dise Wieed: Johanes es sien Nomen. Un see vewundaden sikj aula.64Un fuaz jinkj sien Mul op, un siene Tung wort jeleest, un hee räd un lowd Gott.65Un doa kjeem Forcht äwa aule, dee doarom wonden; un opp daut gaunze Boajlaunt von Judäa wort von aul dise Dinja jerät.66Un aule, dee daut hieeden, neemen daut to Hoat un säden: Waut woat doch ut daut Kjint woaren? Wiels däm Harn siene Haunt wia met am.67Un sien Voda Zacharias wort met däm Heiljen Jeist jefelt un profezeid un säd:68Jesäajent es de Har, de Gott von Israel, wiels Hee haft sien Volkj Israel besocht un Erleesunk veschauft; Luk 7:1669Hee haft ons een Heils-Huarn oppjerecht em Hus von sien Deena David,70soo aus Hee jerät haft derch daut Mul von siene heilje Profeeten von oole Tieden häa:71Radunk von onse Fiend un von de Haunt von aul dee, dee ons hoten;72Boarmherzichkjeit to vollbrinjen aun onse Vodasch un aun sienen heiljen Bunt to denkjen, 1Mo 17:773dän Eit, dän Hee onsem Voda Abraham jeschwuaren haud, ons to jäwen, 1Mo 22:16-18; Mich 7:2074daut wie, ut de Haunt von onse Fiend jerat, Am onen Forcht deenen sullen75en Heilichkjeit un Jerajchtichkjeit ver Am aul de Doag von ons Läwen. Tit 2:12,1476Un du, Kjint, woascht däm Aulahechsten sien Profeet jenant woaren; wiels du woascht ver däm Harn gonen, siene Wäaj reed to moaken, Mal 3:177sien Volkj Erkjantnis to jäwen von de Radunk, en de Sinden-Vejäwunk, Jer 31:3478derch de ennaliche Boarmherzichkjeit von ons Gott, en woone ons de Dach-Aunbruch vom Huagen besocht haft, Jes 60:1-279om äwa dee to schienen, dee en Diestanis un em Doodes-Schauten setten, om onse Feet opp dän Frädens-Wajch nopp to stieren. Jes 9:180Daut Kjint oba woss un wort stoakj em Jeist un wia en de Wiltnis, bat aun dän Dach von sien Oppträden ver Israel. Mat 3:1
Lebenswasser