Evangelium Markus15
1Un fuaz tiedich Zemorjes, hilden de Huagepriesta eenen Rot met de Eltestasch un Schreftjelieede un met däm gaunzen huagen Rot un bungen Jesus un fieeden Am wajch un äwajeewen Am däm Pilatus.2Un Pilatus fruach Am: Best Du de Juden äa Kjennich? Hee oba auntwuad un säd to am: Du sajchst daut.3Un de Huagepriesta beschuldijden Am äwa väle Dinja, oba Jesus auntwuad äant nuscht.4Un Pilatus fruach Am wada un säd: Auntwuatst Du nuscht? Kjikj, woo väl see jäajen Die zeijen!5Oba Jesus auntwuad nuscht mea, soo daut Pilatus sikj vewundad. Jes 53:7; Mrk 14:616Oppem Fast oba leet hee äant eenen Faustjenomnen loos, no woon-emma see fruagen.7Doa wia oba eena, jenant Barabbas, jefangen met siene Oppräaja toop, dee en eenem Opprua eenen Mort begonen hauden.8Un de Volkjshäad funk aun to schrieen un to velangen, daut hee doonen sull, soo aus hee emma deed.9Pilatus oba auntwuad un säd: Well jie, daut ekj junt de Juden äa Kjennich loosjäw?10Wiels hee wist, daut de Huagepriesta Am ut Aufgonst äwajäft hauden. Joh 11:4811Oba de Huagepriesta reizten de Volkjshäad, daut hee äant leewa dän Barabbas loosjäwen sull.12Pilatus auntwuad un säd wada to äant: Waut well jie dan, daut ekj met däm doo, dän jie de Juden äa Kjennich nanen?13See oba schrieejen wada: Doo Am kjriezjen!14Pilatus oba säd to äant: Waut haft Hee fa Beeset jedonen? Oba see schrieejen bloos soo väl dolla: Doo Am kjriezjen!15Wiels Pilatus daut Volkj tofräd stalen wull, jeef hee äant Barabbas loos un äwajeef Jesus, nodäm hee Am vepitscht haud, om jekjriezicht to woaren.16De Soldoten oba fieeden Am en dän Hoff, daut es daut Rechthus, un roopten de gaunze Schoa toop.17Un see läden Am eenen Purpur om un flochten eene Stachel-Kroon un saden Am dee opp18un fungen aun, Am to bejreessen: Sie jejreest, du Juden äa Kjennich!19Un schluagen sienen Kopp met een Rua, spieejen Am aun un buagen äare Kjneeen un follen ver Am dol.20Un aus see Am vespott hauden, neemen see Am dän Purpur auf un trocken Am siene ieejne Kjleeda aun un leiden Am rut, om Am to kjriezjen.21Un see bedwungen eenen, dee doa vebie jinkj, Simon von Kiereen, Alexanda un Rufus äa Voda, dee von de Stap kjeem, daut hee sien Kjriez druach. Ree 16:1322Un see brochten Am no eene Städ Golgata, daut meent äwasat: Schädelstäd.23Un see jeewen Am Wien met Mirren jedempelt to drinkjen, oba Hee neem daut nich.24Un aus see Am jekjriezicht hauden, vedeelden see siene Kjleeda, un schmeeten daut Loss doaräwa, waut een jiedra kjrieen sull. Ps 22:1925Un daut wia om de dredde Stund, aus see Am kjriezijden.26Un de Äwaschreft von siene Beschuldjunk wia bowenäwa jeschräwen: De Juden äa Kjennich.27Un met Am kjriezijden see twee Reiba, eenen to siene Rajchte un eenen to siene Linkje.28Un de Schreft wort erfelt, dee doa sajcht: “Un Hee es mank de Äwaträda jeräakjent worden”. Jes 53:1229Un dee doa vebie jinjen, lastaden Am, scheddaden äare Kjap un säden: Ha! Dee Du dän Tempel dolbrakjst un bust dän en dree Doag! Mrk 14:5830Rad Die selfst un stie vom Kjriez rauf!31Jrod soo spotten uk de Huagepriesta unjarenaunda met de Schreftjelieede un säden: Aundre haft Hee jerat, sikj selfst kaun Hee nich raden.32De Christus, Israel äa Kjennich, stie nu vom Kjriez rauf, om daut wie seenen un jleewen. Uk dee met Am jekjriezicht wieren, schullen Am.33Aus oba de saste Stund wia, kjeem eene Diestanis äwa daut gaunze Launt, bat de näajende Stund.34Un om de näajende Stund roopt Jesus met lude Stemm un säd: Eloi, Eloi, lama sabachtani? Daut meent äwasat: Mien Gott, mien Gott, wuarom hast Du Mie veloten? Ps 22:135Un atelje, dee doabie stunden, dee daut hieeden, säden: Kjikj, Hee roopt Elia.36Dan rand eena un feld eenen Schwom met Ädikj, stuak dän opp een Rua, jeef Am to drinkjen un säd: Wacht, well wie seenen, auf Elia kjemt, Am rauf to nämen.37Un Jesus leet een ludet Jeschrech rut un äwajeef sienen Jeist.38Un de Gardien em Tempel vereet en twee Stekja, von bowen bat unjen. 2Mo 26:31-33; 2Chr 3:1439Aus de Kommandaunt daut sach, dee jäajenäwa Am stunt, daut Hee soo schrieech un sienen Jeist äwajeef, säd hee: Woarhauftich, dis Mensch wia Gott sien Sän!40Un doa wieren uk Frues, dee daut von wietauf sagen; mank dee wieren Maria Magdalena un Maria, waut Jakobus däm Kjlienen un Joses äare Mutta wia un Salome,41dee Am uk nofoljden, aus Hee en Galiläa wia un Am deenden un väle aundre, dee met Am no Jerusalem nopp jekomen wieren. Luk 8:2-342Un aus daut aul Owent jeworden wia, wäajens daut de Reedmoaks-Dach wia, daut es de Dach ver däm Sabat,43kjeem Josef von Arimatäa, een aunjeseena Rots-Har, dee selfst uk no Gott sien Rikj luad, dee jinkj brow bie Pilatus nenn un fruach no Jesus sien Kjarpa.44Pilatus oba wundad sikj, daut Hee aul jestorwen wia un roopt dän Kommandaunt un fruach am, auf Hee aul lang jestorwen wia.45Un aus hee daut von däm Kommandaunt enwort, schenkjt hee Josef dän Kjarpa.46Un hee koft Lienzeich, neem Am rauf, wekjeld Am en Lienzeich un läd Am en een Grauf, daut en eenen Steen nenjehakt wia, un rold eenen Steen ver de Graufdäa.47Un Maria Magdalena un Joses siene Mutta Maria, kjikjten too, wua see Am hanläden.
Lebenswasser