Evangelium Markus14
1Un om twee Doag wia daut Passa un daut Fast von de onjesuade Brood . Un de Huagepriesta un de Schreftjelieede sochten, woo see Am met Lest faustnämen un dootmoaken kunnen.2Oba see säden: Nich oppem Fast, daut et nich een Jetimmel mank daut Volkj jeft!3Un aus Hee en Betanien, en Simon, däm Leprakranken, sien Hus wia un aum Desch saut, kjeem eene Fru, met eene Alabasta-Buddel met diere, ajchte Nardeneelj. See bruak de Alabasta-Buddel entwei un goot Am dee opp sien Kopp.4Un eenje worden oajalich bie sikj selfst un säden: Wuarom es dit Vekwosen von dise Eelj jeworden?5Dee haud kunt fa mea aus dree-hundat Denarius vekoft un daut de Oame jejäft woaren. Un see grunsten äwa ar.6Jesus oba säd: Lot ar toch! Wuarom moak jie ar Trubbel? See haft een goodet Woakj aun Mie jedonen.7De Oame hab jie emma bie junt, un wanemma jie wellen, kjenn jie äant Goodet doonen; Mie oba hab jie nich emma. 5Mo 15:118See haft jedonen, waut see kunn; see haft em verut mien Kjarpa toom Bejrafnis enjesaulft.9Ekj saj junt woarhauftich: Wuaemma dit Evangelium woat jeprädicht woaren en de gaunze Welt, doa woat uk von daut jerät woaren, waut dise jedonen haft, to äa Aunjedenkj.10Un Judas Iskariot, eena von de Twalw, jinkj han no de Huagepriesta, om Am aun äant to veroden.11Aus see daut hieeden, freiden see sikj un vespruaken, am Jelt to jäwen, un hee socht, woo hee Am opp Jeläajenheit veroden kunn.12Un aum ieeschten Dach von de onjesuade Brood, aun däm daut Passa jeschlacht wort, säden siene Jinja to Am: Wua west Du, daut wie hangonen un reedmoaken, daut Du daut Passa äten kaust?13Un Hee schekjt twee von siene Jinja un säd to äant: Got en de Staut nenn, un doa woat junt een Mensch bejäajnen, dee ne Kruck Wota drajcht; got am hinjaraun.14Un wua emma hee nenjeit, sajcht to däm Hushar: De Meista sajcht: Wua es de Gauststow, en dee Ekj met miene Jinja daut Passa äten kaun? Mrk 11:315Un hee woat junt eene groote Bowastow wiesen, dee utjepolstat un reedjemoakt es; doa moakt daut fa ons reed.16Un siene Jinja jinjen han un kjeemen en de Staut nenn un fungen daut, soo aus Hee äant jesajcht haud un muaken daut Passa reed.17Un aus daut Owent wort, kjeem Hee met de Twalw.18Un aus see aum Desch sauten un eeten, säd Jesus: Ekj saj junt woarhauftich: Eena von junt, dee met Mie at, woat Mie veroden.19Un see fungen aun truarich to woaren, un eena no däm aundren säd to Am: Doch nich ekj? Un de näakjsta: Doch nich ekj?20Oba Hee auntwuad un säd to äant: Eena von de Twalw, dee met Mie en de Schiew endukt.21De Menschensän jeit woll han, soo aus von Am jeschräwen steit; oba wee däm Mensch, derch wäm de Menschensän verot woat! Daut wia fa dän Mensch goot, wan hee niemols jebuaren wia.22Un wäarent see eeten, neem Jesus Broot, dankt un bruak daut un jeef äant daut un säd: Nämt, ät; dit es mien Kjarpa. 1Kor 11:23-2523Un Hee neem daut Kuffel, dankt un jeef äant daut; un see drunken aula doarut.24Un Hee säd to äant: Dit es mien Bloot von däm nieen Bunt, daut fa väle vegoten woat. 2Mo 24:8; Jes 53:12; Heb 9:15-1625Ekj saj junt woarhauftich: Ekj woa wiedahan nich mea vom Jewaus von de Wienstud drinkjen, bat aun dän Dach, wan Ekj daut nie drinkjen woa en Gott sien Rikj.26Un aus see een Lowleet jesungen hauden, jinjen see rut no däm Oliewen-Boajch. Ps 113:1-118:2927Un Jesus säd to äant: Jie woaren junt aula äwa Mie oajren en dise Nacht; wiels daut steit jeschräwen: “Ekj woa dän Hoad schlonen un de Schop woaren vestreit.” Sach 13:7; Joh 16:3228Oba nodäm Ekj oppjestonen sie, well Ekj ver junt no Galiläa gonen. Mrk 16:729Oba Petrus säd to Am: Wan see sikj uk noch aula oajren woaren, ekj oba nich.30Un Jesus säd to am: Ekj saj die woarhauftich: Vondoag, en dise Nacht, ea de Hon tweemol kjreit, woascht du Mie dreemol velieejen. Joh 13:3831Oba hee säd noch soo väl dolla: Wan ekj met Die stoawen must, wudd ekj Die nich velieejen. Krakjt soo säden see uk aula.32Un see kjeemen no eene Städ met däm Nomen Getsemane. Un Hee säd to siene Jinja: Sat junt hia dol, wäarent Ekj bäd.33Un Hee neem Petrus un Jakobus un Johanes met sikj. Un Hee funk aun to truaren un sea bedrekjt to woaren. Mat 17:134Un Hee säd to äant: Miene Seel es sea truarich bat aum Doot; blieft hia un woakt! Joh 12:2735Un Hee jinkj een bät wieda un foll opp de Ieed un bäd, daut, wan daut mäajlich wia, daut de Stund Am vebie gonen sull.36Un Hee säd: Abba , Voda, aules es die mäajlich; nemm dit Kuffel von Mie wajch; doch nich, waut Ekj well, oba waut Du west! Mrk 10:3837Un Hee kjeem un funk äant schlopen un säd to Petrus: Simon, schlapst du? Kust du nich eene Stund woaken?38Woakt un bät, daut jie nich en Vesieekjunk nenkomen! De Jeist es wellich, oba daut Fleesch es schwak.39Un Hee jinkj wada han un bäd un säd deeselwje Wieed.40Un aus Hee trigj-kjeem, funk Hee äant wada schlopen; wiels äare Uagen wieren schwoa, un see wisten nich, waut see Am auntwuaten sullen.41Un Hee kjeem toom dreddemol un säd to äant: Schlop jie nu un ruen ? Daut es jenuach; de Stund es jekomen. Kjikj, de Menschensän woat en de Sinda äare Henj äwajäft.42Stot opp, lot ons gonen! Kjikj, dee Mie verot, es dichtbie.43Un fuaz, wäarent Hee noch räd, kjeem Judas, eena von de Twalw, un met am eene groote Volkjshäad met Schwieets un Kjneppels, von de Huagepriesta un Schreftjelieede un Eltestasch.44Un de Veroda haud äant een Tieekjen jejäft un jesajcht: Wäm ekj kussen woa, daut es dee; nämt Am faust un leit Am secha wajch.45Un aus hee kjeem, jinkj hee fuaz no Am un säd: Rabbi, Rabbi! un kust Am.46See oba läden äare Henj aun Am un neemen Am faust.47Oba eena von dee, dee doa biesied stunden, trock sien Schwieet rut un schluach däm Huagenpriesta sien Kjnajcht un hakt sien Ua auf.48Un Jesus auntwuad un säd to äant: Sent jie rutjegonen, soo aus jäajen eenen Reiba, met Schwieets un Kjneppels, Mie faust to nämen?49Ekj wia aule Dach bie junt em Tempel un lieed, un jie haben Mie nich faust jenomen; oba om daut de Schreften erfelt woaren.50Un see veleeten Am aula un randen wajch.51Un een jewessa junga Maun foljd Am no, dee een lienzeichnet Loaken rom sienen noaktjen Kjarpa jenomen haud, un de junge Mana jreepen am.52Hee oba leet daut lienzeichnet Loaken faulen un rand noaktich von äant wajch. Amos 2:1653Un see leiden Jesus wajch no däm Huagenpriesta, un aul de Huagepriesta un Eltestasch un Schreftjelieede kjeemen doa toop.54Un Petrus foljd Am von wietauf bat en dän Hoff von däm Huagenpriesta; un hee sad sikj bie de Deena dol un woamd sikj biem Fia.55Un de Huagepriesta un de gaunza Rot sochten Zeichnis jäajen Jesus, om Am doot to moaken, un fungen kjeent.56Wiels väle jeewen faulschet Zeichnis jäajen Am, doch de Zeichnissen stemden nich äwareen.57Un eenje stunden opp un jeewen faulschet Zeichnis jäajen Am un säden:58Wie hieeden Am sajen: Ekj well disen Tempel, dee met Henj jemoakt es, dolbräakjen, un en dree Doag woa Ekj eenen aundren oppbuen, dee nich met Henj jemoakt es. Joh 2:19-2159Un uk soo stemd äa Zeichnis nich äwareen.60Un de Huagapriesta stunt opp, kjeem bat enne Medd un fruach Jesus un säd: Auntwuatst Du nuscht? Waut zeijen dise jäajen Die?61Oba Hee wia stell un auntwuad nuscht. Dan fruach Am de Huagapriesta wada un säd to Am: Best Du de Christus, däm Huachjelowden sien Sän? Jes 53:7; Mrk 15:562Jesus oba säd: Ekj sie; un jie woaren dän Menschensän setten seenen aun de rajchte Haunt von de Macht un komen met de Himmels-Wolkjen. Ps 110:1; Dan 7:13-1463Dan vereet de Huagapriesta siene Kjleeda un säd: Waut bruck wie noch mea Zeijen?64Jie haben daut Jelasta jehieet. Waut denkj jie? Un see ve-uadeelden Am aula, daut Hee dän Doot schuldich wia. Joh 19:765Un eenje fungen aun Am to bespieen un sien Jesecht to bedakjen un met Fusten to schlonen un to Am to sajen: Profezei! Un de Deena schluagen Am em Jesecht.66Un aus Petrus unjen em Hoff wia, kjeem eene von däm Huagenpriesta siene Deenstmäakjes.67Un aus see Petrus sach sikj doa woamen, kjikjt see am aun un säd: Un du wieescht uk met Jesus, dän Nazarena, toop.68Hee oba veluach daut un säd: Ekj weet nich un vesto uk nich, waut du sajchst; un hee jinkj rut en dän Väahoff nenn; un de Hon kjreid.69Un aus daut Deenstmäakje am wada sach, funk see aun, to dee doa Romstonende to sajen: Dit es eena von dee.70Hee oba veluach daut wada. Un een bät lota säden de Romstonende wada to Petrus: Du best woarhauftich eena von dee, wiels du best een Galiläa, un diene Sproak es krakjt soo.71Oba hee funk aun to fluchen un to schwieren: Ekj kjan dän Mensch nich, von däm jie räden.72Un de Hon kjreid toom tweedemol. Dan foll Petrus daut Wuat bie, daut Jesus to am jesajcht haud: Ea de Hon tweemol kjreit, woascht du Mie dreemol velieejen. Un aus hee doaraun docht, hield hee.
Lebenswasser