Evangelium Lukas2
1Un daut passieed en deeselwje Doag, daut een Befäl rutjinkj von däm Kjeisa Augustus, daut de gaunze Welt sikj sull enschriewen loten.2(Dise Enschriewunk passieed daut ieeschtemol, aus Kierenius Launt-Rejiera en Sierien wia.)3Un aulemaun jinkj, sikj enschriewen to loten, een jiedra en siene ieejne Staut.4Dan jinkj uk Josef nopp von Galiläa, ut de Staut Nazaret, no Judäa, en de Staut von David, dee Betlehem heet, wiels hee von David sien Hus un Jeschlajcht wia,5om sikj enschriewen to loten met Maria, siene Aunvetrude, dee schwanga wia.6Un daut passieed, aus see doa wieren, daut äare Doag erfelt worden, daut see jebuaren sull.7Un see jebua äaren ieeschtjebuarnen Sän, un wekjeld Am en Winjlen un läd Am en eene Kjrebb, wiels fa äant kjeen Rum wia en daut Gausthus. Mat 1:258Doa wieren Schophoads en deeselwje Jäajent oppe Stap, dee bewoakten enne Nacht äare Häad.9Un kjikj, een Enjel vom Harn stunt bie äant, un de Harlichkjeit vom Harn scheen rom äant, un see ferchten sikj met groote Forcht.10Un de Enjel säd to äant: Fercht junt nich! Wiels kjikj, ekj vekjindj junt groote Freid, dee fa daut gaunze Volkj sennen woat;11wiels junt es vondoag de Rada jebuaren en David siene Staut, dee es Christus, de Har.12Un dit es daut Tieekjen fa junt: Jie woaren een Bäbe finjen, en Winjlen jewekjelt, en eene Kjrebb ligjen.13Un onverhofs wia bie däm Enjel eene Häad von himlische Häaschoaren, dee lowden Gott un säden: Ps 103:20-2114Iea to Gott em Hechsten, un Fräd oppe Ieed, aun de Menschen een Wooljefaulen. 4Mo 6:26; Luk 19:38; Efs 2:14,1715Un daut passieed, aus de Enjel von äant wajchfuaren en dän Himmel, säden de Hoads eena toom aundren: Lot ons nu no Betlehem gonen un de Sach seenen, dee doa passieet es, waut de Har ons haft weeten loten.16Un see kjeemen schwind un fungen beid, Maria un Josef, un daut Kjint en de Kjrebb ligjen.17Nodäm see daut oba jeseenen hauden, muaken see daut Wuat bekaunt, waut äant von daut Kjint wia jesajcht worden.18Un aule, dee daut hieeden, wundaden sikj doaräwa, waut äant von de Schophoads wia jesajcht worden.19Maria oba behilt aul dise Wieed un äwaläd dee en äa Hoat.20Un de Hoads jinjen wada trigj, un veharlichten un lowden Gott fa aules, waut see jehieet un jeseenen hauden, soo aus äant daut wia jesajcht worden.21Un aus acht Doag om wieren, aus daut Kjint sull beschnäden woaren, wort sien Nomen Jesus jenant, soo aus dee von däm Enjel wia jenant worden, ea Hee em Muttalief aunjesat wia. 1Mo 17:12; Luk 1:31,5922Un aus de Doag von äare Reinjunk no Moses sien Jesaz erfelt wieren, brochten see Am no Jerusalem, om Am däm Harn väa to stalen, 3Mo 12:1-4; 4Mo 18:1523soo aus em Harn sien Jesaz jeschräwen steit: “Aul daut Menliche, daut de Mutta brakjt, saul däm Harn heilich jenant woaren,” 2Mo 13:2,12,1524un om een Opfa to jäwen, soo aus em Jesaz vom Harn jesajcht es: “Een Poa Turtelduwen ooda twee junge Duwen”. 3Mo 12:6-825Un kjikj, doa wia een Mensch en Jerusalem, met Nomen Simeon; un deeselwja Mensch wia jerajcht un gottesferchtich un luad opp Israel äa Troost, un de Heilja Jeist wia opp am. 1Mo 49:1826Un no am wia eene jettliche Toosaj vom Heiljen Jeist jekomen, daut hee dän Doot nich seenen wudd, ea hee dän Christus vom Harn wudd jeseenen haben.27Un hee kjeem derch dän Jeist en dän Tempel nenn. Un aus de Elren daut Kjint Jesus nenbrochten, daut see fa Am deeden, soo aus de Jewanheit nom Jesaz wia,28dan neem hee Daut opp en siene Oarms, lowd Gott un säd:29Har, nu latst Du dienen Deena em Fräd gonen, no dien Wuat no.30Wiels miene Uagen haben dien Heil jeseenen,31waut Du reedjemoakt hast ver daut Aunjesecht von aul de Velkja,32een Licht, to eene Openboarunk fa de Heiden un fa de Harlichkjeit von dien Volkj Israel. Jes 49:633Un Josef un siene Mutta vewundaden sikj äwa daut, waut von Am jesajcht wort.34Un Simeon säajend äant un säd to Maria, siene Mutta: Kjikj, Disa es jesat to eenem Faul un Oppstonen fa väle en Israel un to een Tieekjen, daut wadasproaken woat. Luk 20:17-18; Apj 28:22; 1Kor 1:2335Un uk derch diene ieejne Seel woat een Schwieet derchgonen, daut bie väle Hoaten de Jedanken openboa woaren. Joh 19:2536Un doa wia eene Profeetin, Hana, Fanuel siene Dochta, ut däm Staum Asser; see wia en huaget Ella en äare Doag, un haud met äarem Maun säwen Joa jeläft no äare Junkfruschoft.37Un see wia eene Wätfru von vea-un-tachentich Joa, dee nich vom Tempel wajchjinkj, wäarent see Nacht un Dach met Fausten un Bäden deend. 1Tim 5:538Un see kjeem to deeselwje Stund doahan, lowd dän Harn un räd von Am to aul dee, dee opp de Erleesunk luaden en Jerusalem.39Un aus see aules jedonen hauden no daut Jesaz vom Harn, jinjen see trigj no Galiläa, en äare Staut Nazaret.40Daut Kjint oba woss un wort stoakj em Jeist, jefelt met Weisheit, un Gott siene Jnod wia opp Am.41Un siene Elren reisden aule Joa aum Passafast no Jerusalem. 5Mo 16:1-842Un aus Hee twalw Joa oolt wia, jinjen see nopp no Jerusalem, no de Jewanheit vom Fast.43Un aus de Doag derch wieren un see wada trigj-jinjen, bleef de Jung Jesus en Jerusalem, un Josef un siene Mutta wisten daut nich.44See oba dochten, daut Hee mank äare Reis-Jesalschoft wia, jinjen eene Dach-Reis; un see sochten Am mankem Frintschoft un Bekaunde.45Un aus see Am nich fungen, jinjen see wada trigj no Jerusalem un sochten Am.46Un daut passieed, no dree Doag fungen see Am em Tempel setten medden mank de Lierasch, wua Hee äant toohorcht un äant Froagen stald.47Un aula, dee Am hieeden, staunden äwa sien Vestentnis un siene Auntwuaten.48Aus see Am sagen, staunden see; un siene Mutta säd to Am: Sän, wuarom hast Du ons dit soo jedonen? Kjikj, dien Voda un ekj haben Die met Weedoag jesocht.49Un Hee säd to äant: Waut es daut, daut jie Mie jesocht haben? Weet jie nich, daut Ekj en daut sennen mott, waut mien Voda sient es? Joh 2:1650Un see vestunden daut Wuat nich, daut Hee to äant räd.51Un Hee jinkj met äant rauf un kjeem no Nazaret un wia äant unjadon. Un siene Mutta behilt aul dise Wieed en äa Hoat.52Un Jesus neem too aun Weisheit, Ella un Jnod bie Gott un de Menschen. 1Sa 2:26
Lebenswasser