De Breef aun de Hebräa6
1Doawäajen well wie de Aunfangs-Lia von Christus veloten, lot ons no de Vollkomenheit foaren; nich noch eenmol eenen Grunt lajen von de Busse von doodje Woakjen un von däm Gloowen aun Gott,2von de Lia von Deepen un von daut Henj-Opplajen un von de Doodes-Opparstonunk un von daut eewje Jerecht.3Un daut woa wie doonen, wan Gott daut toolat.4Wiels daut es onmäajlich fa dee, waut eenmol to Licht jekomen sent un de himlische Gow jeschmakjt haben un vom Heiljen Jeist Deelnäma jeworden sent Heb 10:26-29; 2Pe 2:205un jeschmakjt haben Gott sien goodet Wuat un de Krauft von de komende Welt,6wan see auffaulen, wada to de Busse to ernieen, endäm see wada sikj selfst Gott sien Sän kjriezjen un stalen Am toom Spott.7Wiels de Ieed, dee dän Räajen drinkjt, dee doa foaken noppfelt, un Graus drajcht fa dee, fa wäm dee uk be-oabeit es, kjricht Säajen von Gott.8Oba dee, waut Dornen un Distlen drajcht, es veschmäten un däm Fluch dichtbie; äa Enj es daut Vebrennen.9Wie oba vetruen von junt, jie Leefste, bätre Dinja, un waut de Radunk aunbelangt, wan wie uk soo räden.10Wiels Gott es nich ojjerajcht, june Oabeit un Woakj von Leew to vejäten, dee jie aun sienem Nomen jewäsen haben, aus jie de Heilje deenden un noch deenen. Heb 10:32-3411Un wie velangen, daut een jiedra von junt wudd dänselwjen Fliet bewiesen to de volle Jewesheit vonne Hopninj bat aum Enj; Flp 1:6; Heb 3:1412daut jie nich schloff sent, oba dee äare Nofolja, dee derch Gloowen un Jedult de Vespräakjungen oawen.13Wiels aus Gott Abraham de Vespräakjunk jeef; wäajens Hee bie kjeenem Jratren schwieren kunn, schwua Hee bie sikj selfst14un säd: “Woarhauftich, Ekj woa die rikjlich säajnen un woa die sea vemieren.” 1Mo 22:16-1815Un aus hee lang jeduldich wacht, kjrieech hee de Vespräakjunk.16Wiels werkjlich, Menschen schwieren bie eenem Jratren, un een Eit es daut Enj von aulem Striet, eene Vesechrunk. 2Mo 22:1017Wuarenn Gott de Oawen von de Vespräakjunk väl mea wull bewiesen, daut sien Rot nich endad, bestädicht Hee daut met eenem Eit,18soo daut wie, derch twee onveendaliche Dinja, wuarenn daut onmäajlich wia fa Gott to lieejen, muchten eenen stoakjen Troost haben, dee wie Tooflucht haben, de väajesade Hopninj en to nämen,19woone wie haben aus eenen sechren un fausten Anka fa onse Seel un uk nenjeit en daut Ennaliche hinja de Gardien, 3Mo 16:2,1220wua Jesus, aus Väarana, fa ons nenjegonen es, dee een Huagapriesta jeworden es en Eewichkjeit no Melchisedek siene Ordnunk.
Lebenswasser