De Breef aun de Hebräa7
1Wiels dis Melchisedek, Kjennich von Salem, een Priesta von däm hechsten Gott, dee Abraham bejäajend, aus hee von de Kjennichs-Schlacht trigjkjeem un am säajend, 1Mo 14:18-202däm uk Abraham daut Tieende jeef von aules; ieeschtens vedolmetscht: Een Jerajchtichkjeits-Kjennich, un dan uk Kjennich von Salem, daut es: Frädens-Kjennich;3onen Voda, onen Mutta, onen Häakunft-Rejista, haft nich Aunfank von Doag, nich Enj vom Läwen, oba es vejlikjt met Gott sien Sän un blift een Priesta en Eewichkjeit. Joh 7:274Dan seet, woo groot disa wia, wäm uk Abraham, de Patriarch, daut Tieende jeef von däm Raup.5Un woarhauftich, dee von Levi siene Kjinja, dee daut Priestatum jekjräajen haben, haben een Jeboot, von daut Volkj, daut es von äare Breeda, daut Tieende to nämen no daut Jesaz no, wan uk dise von Abraham siene Hoft komen. 4Mo 18:20-296Hee oba, wäms Jeschlajcht nich jetalt es von mank äant, neem daut Tieende von Abraham un säajend dän, dee de Vespräakjungen haud.7Un onen irjent een Wadaspräakjen, de Jerinjra woat von däm Bätren jesäajent;8un hia nämen Menschen, waut stoawen, daut Tieende, oba dort eena, von wäm jezeicht woat, daut Hee läft.9Un soo to sajen, derch Abraham haft uk Levi, dee daut Tieende nemt, daut Tieende jetolt.10Wiels hee wia noch en sien Voda siene Hoft, aus Melchisedek am troff.11Wan werkjlich de Vollkomenheit derch daut Levitische Priestatum wia (wiels unja daut kjrieech daut Volkj daut Jesaz), waut es doa dan noch fa Bederfnis, daut een aundra Priesta no Melchisedek siene Ordnunk oppkomen sull un nich no Aaron siene Ordnunk jenant?12Wiels wan daut Priestatum je-endat woat, es daut needich, daut doa uk eene Jesaz-Endanis passieet.13Wiels von wäm dise Dinja jesajcht sent, haft Poat aun eenem aundren Staum, von däm kjeena biem Aultoa jedeent haft.14Wiels daut es kloa, daut ons Har ut Juda staumd, to woon Staum Moses nuscht äwa Priestatum jesajcht haft. 1Mo 49:10; Mat 1:1-315Un daut es noch väl sechra, wan no de Wies von Melchisedek een aundra Priesta oppsteit,16woona nich jemoakt es no daut Jesaz von een fleeschlichet Jeboot, oba no de Krauft von een enjlooset Läwen.17Wiels Hee zeicht: “Du best een Priesta en Eewichkjeit no Melchisedek siene Ordnunk.” Ps 110:4; Heb 5:618Wiels doa woat daut väaje Jeboot werkjlich tosied-jesat, wäajens daut Schwake un Nutzloose doavon.19Wiels daut Jesaz muak nuscht vollkomen, oba de Enfierunk von eene bätre Hopninj deed, derch woone wie ons Gott nodren.20Un noch mea, daut nich onen Eit-schwieren;21(wiels jane sent Priesta jeworden onen Eit-schwieren, disa oba met Eit-schwieren, derch dän, dee to Am säd: “De Har haft jeschwuaren un woat daut nich leet sennen: Du best een Priesta en Eewichkjeit no Melchisedek siene Ordnunk”), Ps 110:422aulsoo fa een väl bätret Testament es Jesus Birj jeworden. Heb 8:6; 12:2423Un jane wieren werkjlich miere Priesta jeworden, dee wäajens dän Doot jehindat wieren to bliewen;24disa oba, wäajens Hee eewich blift, haft een onve-endalichet Priestatum.25Doawäajen kaun Hee dee vollstendich raden, waut no Gott komen derch Am, endäm hee emma läft, äant to veträden. Ree 8:3426Wiels een soon Huagapriesta wia rechtich fa ons, dee doa wia heilich, oschuldich, onbesudelt, von de Sinda aufjesondat un hecha aus de Himmels jeworden;27dee nich däachlich Noot haft, soo aus jane Huagepriesta, ieeschtens fa siene ieejne Sinden Opfasch to opfren un no daut fa de Menschen äare; wiels dit deed Hee eenmol, aus Hee sikj selfst opfad. 3Mo 9:7; 16:6,1528Wiels daut Jesaz moakt Menschen to Huagepriesta, waut Schwakheit haben; oba daut Wuat von daut Eit-schwieren, waut no daut Jesaz kjeem, sat dän Sän en, dee eewich vollkomen es.
Lebenswasser