De Breef aun de Hebräa5
1Wiels jieda Huagapriesta, ut Menschen jenomen, es enjesat fa Menschen en Sachen ver Gott, daut hee mucht opfren beides, Gowen un Opfasch fa Sinden;2dee kaun metlieden met de Onweetende un Errende, wäajens hee selfst uk met Schwakheit omjäft es.3Doawäajen must hee, soo aus fa daut Volkj, soo uk fa sikj selfst, opfren fa de Sinden. 3Mo 9:74Un kjeena nemt sikj selfst de Iea, oba dee, wäa von Gott beroopen es, jrod soo aus uk Aaron. 2Mo 28:15Aulsoo uk Christus veharlicht sikj selfst nich, Huagapriesta to woaren; oba dee, waut to Am säd: “Du best mien Sän, vondoag hab Ekj Die jebuaren.” Ps 2:7; Joh 8:546Jrod soo aus Hee uk en eene aundre Städ sajcht: “Du best een Priesta en Eewichkjeit no Melchisedek siene Ordnunk.” Ps 110:4; Heb 6:207Dee, en de Doag von sien Fleesch, aus hee beides, Jebäda un Jepracha met stoakjet Schrieen un Tronen jeopfat haud no däm, dee Am vom Doot halpen kunn, wia jehieet, wäajens siene Ieaforcht. Mat 26:39-468Wan Hee uk een Sän wia, haft Hee von daut, waut Hee lieden deed, Jehuarsom jelieet. Flp 2:89Un wiels Hee vollkomen jemoakt wort, es Hee fa aul dee, waut Am jehorchen, de Uasoak von de eewje Radunk jeworden,10von Gott jenant een Huagapriesta no Melchisedek siene Ordnunk. Heb 7:1-2811Äwa däm wie väl to sajen haben un es schwoa to erkjläaren, wäajens jie stomp sent em Hieren.12Wiels jie no de Tiet no aul sullen Lierasch sennen, hab jie Noot, daut eena junt wada de ieeschte Elementen lieet von Gott siene Utspricha; un sent soone jeworden, waut Noot haben aun Malkj un nich aun stoakje Noarunk. 1Kor 3:1-3; 1Pe 2:213Wiels een jiedra, waut deelnemt aun Malkj, es onerfoaren en daut Wuat vonne Jerajchtichkjeit; wiels hee es een kjlienet Kjint. Efs 4:1414Oba stoakje Noarunk es fa de Erwosne, dee derch Jebruck de Venunft je-eeft haben, om to unjascheeden beides, Goodet un Beeset.
Lebenswasser