Paulus sien ieeschta Breef aun Timotäus2
1Soo ermon ekj junt nu, ver aules, daut Bedden, Jebäda, Enstonen un Danksajen jedonen woaren fa aule Menschen,2fa Kjennichs un aule huach Aunjestalde, om daut wie een rujet un stellet Läwen fieren kjennen en aule Jettlichkjeit un Ieaboakjeit.3Wiels soont es goot un aunjenäm ver Gott, onsem Heilant,4woona well, daut aule Menschen jerat woaren un to de Erkjantnis von de Woarheit komen. Hes 18:23; Ree 11:32; 2Pe 3:95Wiels doa es een Gott un een Vemedla tweschen Gott un de Menschen, de Mensch Christus Jesus, Heb 9:156dee sikj selfst jejäft haft fa aule aus Leesjelt, daut soont to siene Tiet jeprädicht wort; Gal 1:4; 2:20; Tit 2:147doatoo ekj jesat sie aus Prädja un Apostel (ekj saj de Woarheit en Christus un lieej nich), aus Liera fa de Heiden em Gloowen un enne Woarheit. Gal 2:7-8; 2Tim 1:118Soo well ekj nu, daut de Mana opp aule Städen bäden un heilje Henj opphäwen onen Oaja un Twiewel.9Uk daut de Frues en aunstendje Kjleedie met Schomp un Selfstbeharschunk sikj utstraumen, nich met Hoa-Flajchten ooda Golt ooda Parlen ooda diere Kjleedunk, 1Pe 3:3-510oba, woo sikj daut de Frues ziemt, dee de Gottseelichkjeit behaupten, derch goode Woakjen. 1Tim 5:1011Lot eene Fru em Stellen lieren met aule Unjadonkjeit. Efs 5:2212Oba ekj erlaub eene Fru nich, to lieren, uk nich, daut see äwa dän Maun harscht, oba stell es. 1Mo 3:16; 1Kor 14:3413Wiels Adam es aum ieeschten jeformt, doahinja Eva.14Un Adam wort nich vefieet; de Fru oba wort vefieet un haft de Äwaträdunk enjefieet. 1Mo 3:615See woat oba jerat woaren derch Kjinja haben, wan see em Gloowen bliewen un en de Leew un en de Heiljunk met de Selfstbeharschunk. 1Tim 5:14; Tit 2:4-5
Lebenswasser