Paulus sien ieeschta Breef aun Timotäus3
1Dit es eene woare Saj: Wan jeemaunt een Bischofs-Aumt jankat, däm jankat een wieetvollet Woakj. Apj 20:28; Tit 1:5-92Doa saul oba een Bischof onstrof-falich sennen, eene eensje Fru äa Maun, nichta, besonnen , aunstendich, gaustfrie, fäich toom lieren,3nich een Wiensupa, nich een Schlona, nich onierliche Hendlarie driewen, oba jelind, nich zenkjisch, nich habsichtich,4dee sien ieejnet Hus goot väasteit, dee jehuarsome Kjinja haft met aule Ieaboakjeit;5(wan oba jeemaunt sien ieejnet Hus nich weet väa to stonen, woo woat hee Gott siene Jemeent vesorjen?)6nich een Nielinkj, om daut hee nich oppjepust woat un en daut Uadeel vom Diewel felt.7Hee mott oba uk een goodet Zeichnis haben von jane, dee buten sent, om daut hee nich enne Schaund felt un enne Schlenj von däm Diewel.8Krakjt soo sellen de Diakonen ieeboa sennen, nich tweetungich, nich äwajäft aun väl Wien, nich onierliche Hendlarie driewen; Apj 6:3; Flp 1:19dee daut Jeheemnis von däm Gloowen en een reinet Jewessen haben. 1Tim 1:1910Un dise lot maun ieescht proowen; dan lot äant deenen, wan see schultloos sent.11Uk äare Frues sellen ieeboa sennen, nich Lastarinen, nichta, tru en aules. Tit 2:312De Diakonen lot sennen eene Fru äa Maun, dee äare Kjinja un äare ieejne Hiesa goot väastonen.13Woone oba goot jedeent haben, jewennen fa sikj eene ieren Stalunk un eene groote Freidichkjeit em Gloowen, dee en Christus Jesus es.14Soont schriew ekj die un hop, boolt no die to komen;15wan ekj oba vetrakj, daut du weetst, woo du waundlen saust en Gott sien Hus, woont de Jemeent von däm läwendjen Gott es, de Stenda un Gruntfoot von de Woarheit. Efs 2:19-2216Un aunerkjanlich groot es daut jettliche Jeheemnis: Gott wort jeopenboat em Fleesch, jerajchtfoadicht em Jeist, erschienen to de Enjel, jeprädicht to de Heiden, jejleeft von de Welt, oppjenomen en de Harlichkjeit. Mat 16:19; Joh 1:14; Apj 28:28; Ree 1:4; Efs 1:20-21
Lebenswasser