Paulus sien ieeschta Breef aun Timotäus1
1Paulus, Jesus Christus sien Apostel, no däm Befäl von Gott, ons Heilant, un Har Jesus Christus, onse Hopninj, Kol 1:272aun Timotäus, mien ajchta Sän em Gloowen: Jnod, Erboarmunk un Fräd von Gott onsem Voda, un onsem Harn Jesus Christus! Apj 16:1-2; Tit 1:43Soo aus ekj die ermond, en Efesus to bliewen, aus ekj no Mazedonien reisd, daut du eenje befoolst, daut see nich aundre Lieren lieren, Apj 20:14un nich achten opp de Foblen un enjloose Jeschlajchts-Rejista, waut Froagen oppbrinjen, mea aus jettliche Oppbuunk em Gloowen. 1Tim 4:75Daut Ziel vom Jeboot es Leew ut een reinet Hoat un von een goodet Jewessen un eenem onjeforwnen Gloowen; Mat 22:32-40; Ree 13:10; Gal 5:66wuavon eenje aufjeert sent un haben sikj omjedreit no onneedjet Jeräd; 1Tim 6:4,207see wellen Jesaz-Lierasch sennen un vestonen nich, waut see sajen ooda waut see bestädjen.8Wie weeten oba, daut daut Jesaz goot es, wan jeemaunt daut rajcht brukt, Ree 7:129un weet dit, daut fa dän Jerajchten kjeen Jesaz jejäft es; oba fa de Jesazloose un Onjehuarsome, de Gottloose un Sinda, de Onheilje un Onjeistliche, de Vodamerda un Muttamerda, de Menschen-Merda, 1Kor 6:9-1110de Huara, de Homoseksuelle, de Menschenstäla, de Läajna, de Eitbräakja un wan waut mea de heelsome Lia entjäajen es,11no daut harliche Evangelium von däm seeljen Gott, waut mie aunvetrut es.12Ekj dank Christus Jesus, onsem Harn, dee mie stoakj jemoakt haft, wäarent hee mie tru acht, endäm Hee mie en daut Aumt sad, Apj 9:15; 1Kor 15:9-10; Gal 1:13-1613dee ekj verhäa een Lastra un een Vefolja wia un een Verekjta; oba mie es Boarmherzichkjeit toodeel jeworden, wiels ekj hab daut onweetent jedonen em Ongloowen.14Oba de Jnod von ons Har wia äwa de Moten groot, met Gloowen un Leew, dee en Christus Jesus es.15Dit es eene woare Saj un gaunz wieet aun to nämen, daut Christus Jesus en de Welt jekomen es, de Sinda to raden, mank woone ekj de Väanämsta sie. Luk 19:1016Oba doawäajen es mie Boarmherzichkjeit toodeel jeworden, om daut aun mie ieeschtens Jesus Christus aule Jedult bewees, toom Väabilt fa dee, dee aun Am jleewen sullen toom eewje Läwen.17Däm eewjen Kjennich, däm Onvejenkjlichen un Onsechtboaren un auleen Weisen Gott, traft Iea un Harlichkjeit, von Eewichkjeit to Eewichkjeit! Amen.18Dit Jeboot befäl ekj die, mien Sän Timotäus, no de verhäaje Profezeiungen äwa die, daut du en dee eenen gooden Kjriejes-Kaumf kjamfst, 1Tim 4:14; 6:12; Jud 1:319wäarent du dän Gloowen un goodet Jewessen helst, waut eenje von sikj jestat un aum Gloowen Scheppbruch jeläden haben; 1Tim 3:9; 6:1020mank woone es Hiemenäus un Alexanda, woone ekj däm Soton äwajäft hab, daut see belieet woaren, nich to lastren. 1Kor 5:5; 2Tim 2:17
Lebenswasser