Paulus sien tweeda Breef aun de Tessalonicha3
1Schlieslich, Breeda, bät fa ons, daut däm Harn sien Wuat ranen un veharlicht woaren mucht, jrod soo aus bie junt, Efs 6:18-19; Kol 4:3; 1Tess 5:252un daut wie jerat woaren von de vekjieede un beese Menschen, wiels see haben nich aula dän Gloowen.3Oba de Har es tru, dee uk junt bestädjen un von däm Beesen bewoaren woat. Joh 17:15; 1Tess 5:44Wie oba haben Vetruen en däm Harn äwa junt, daut jie daut, waut wie jebeeden, soogoot doonen un uk doonen woaren. 2Kor 7:16; Gal 5:105De Har oba lenkj june Hoaten no Gott siene Leew un no Christus siene aunhoolende Jedult!6Oba wie jebeeden junt, Breeda, em Nomen von ons Har Jesus Christus, daut jie junt von jieda Brooda trigjtrakjen, dee onordentlich waundelt un nich no de Ordnunk, dee hee von ons jekjräajen haft. Mat 18:17; Ree 16:17; 2Tess 2:157Wiels jie selfst weeten, woo jie ons nofoljen sellen, wiels wie haben ons nich onordentlich mank junt vehoolen, 1Tess 1:68uk hab wie nich von irjentwäm emsonst Broot jejäten, oba wie haben met Mieej un Druck, Nacht un Dach jeoabeit, om nich irjentwäm von junt to belaustjen. 1Tess 2:99Nich, daut wie nich daut Rajcht doatoo haben, oba om daut wie ons selfst aus Väabilt jäwen, daut jie ons nofoljen. Mat 10:10; Apj 20:35; Flp 3:1710Wiels uk aus wie bie junt wieren, befool wie junt dit: Wan irjentwäa nich oabeiden well, dee saul uk nich äten.11Wiels wie hieren, daut atelje mank junt onordentlich waundlen un oabeiden nuscht, oba sikj romschnepren.12Soone aus daut jebeed wie un ermonen äant en däm Harn Jesus Christus, daut see em Stellen oabeiden un äa ieejnet Broot äten. 1Tess 4:1113Oba jie, Breeda, woat nich meed, Goodet to doonen. Gal 6:914Wan oba irjentwäa ons Wuat derch disen Breef nich jehuarsom es, dän tieekjent aun un habt kjeenen Omgank met am, soo daut hee sikj schämt;15doch hoolt am nich aus eenen Fient, oba vemont am aus eenen Brooda. 1Tess 5:1416Oba Hee, de Frädens-Har, jäw junt dän Fräd emma, opp aule Wäaj! Mucht de Har met junt aula sennen! Joh 14:2717De Gruss met miene, Paulus siene, Haunt, dee daut Tieekjen es en jieda Breef; soo schriew ekj. 1Kor 16:21; Gal 6:11; Kol 4:1818De Jnod von ons Har Jesus Christus sie met junt aula! Amen. De tweeda Breef aun de Tessalonicha jeschräwen von Ateen.
Lebenswasser