Edwɛndolɛ16
Ewudwazo ne: Ngoanelielɛ Edwɛndolɛ
1Fa me sie kpalɛ, O Nana Nyamenle, ɔluakɛ wɔ wɔ nu yɛɛ menriandi mebafea a.2Mese Nana Nyamenle kɛ, “Wɔmɔ a le me Awulae a; menlɛ boavolɛ biala kɛ ɛ ngomekye.”3Anwodelɛma mɔɔ wɔ azɛlɛ ye azo la yɛɛ me nee bɛ badu a; ɔluakɛ bɛmɛ a bɛdi munli nɔhalɛ nu a.4Bɛdabɛ mɔɔ bɛsonle awozonle gyɛne gyɛne la dahuu di nyane molozo; menrɛbɔ bɛ mogya azu ne bie ɛlɛ; yɛɛ menrɛbɔ bɛ awozonle ne mɔ anluma mgbane bɔbɔ.5Nana Nyamenle mumua ne le me agyapadeɛ, ɔle me ahyɛlɛdeɛ; ɔle me aleɛ, ɔle me nzule; ɔle me debie biala. Ɔsinza debie biala mɔɔ le me deɛ la.6Nyilalɛ ɛdɔ ɛgua me nwo zo ɛmaa menyia tɛnlabelɛ kpalɛ; amgba, menyia agyapadeɛ kpalɛ bɔkɔɔ.7Meye Nana Nyamenle ne mɔɔ tu me folɛ kpalɛ la ayɛlɛ; nɔɔzo biala ɔkile me nrɛlɛbɛ, na eza ɔkile me deɛ mɔɔ ɔwɔ kɛ meyɛ la.8Dahuu metwe Nana Nyamenle mebikye me nwo; kɛmɔ ɔde me sa fema zo la ati, debie biala ɛnrɛkputi me ahonle ɛlɛ.9Ɛhye ati fɛlɛko ngome ɛyi me ahonle, me ɛkɛla noko anye die dahuu; me sonlabaka ne noko gyi ye kpundii.10Ɔluakɛ ɛnye me ɛnwula Ɛbolɔ asa anu, anzɛɛ kɛ ɛkɛmaa wɔ diedinli ko ne kɛnwu Kuma kulongolo ne.11Ɛkile me ngoane adenle ne. Wɔmɔ, Ɛ nyunlu a anyelielɛ molozo wɔ a; Ɛ sa fema zo a damɛnlangoate anyelielɛ wɔ a.Biblica, Inc.