Edwɛndolɛ15
Diedivoma Subane
1O Nana Nyamenle, nwane a banriandi aravea wɔ belandane kɛnlɛma ne abo a? Nwane a badɛnla wɔ boka nwuanzanwuanza ne azo a?2Ahenle ne mɔɔ bɔ ɛbɛla mɔɔ anwo te bɔkɔɔ, na ɔdi nɔhalɛ wɔ ye ahonle nu, na ɔnze nwolɛ bie;3awie mɔɔ ɛngeha edwɛkɛ mgbane mgbane, na ɔnyɛ ɔ gɔnwo mɔ ɛtane; anzɛɛ ɔngolo awie mɔ anwo;4awie mɔɔ tendɛ bagua nu, ɔtia ɛtaneyɛlɛ, na emomu ɔkanvo diedima mɔɔ doa Nana Nyamenle abo zo; awie mɔɔ di amonle na ɔngakyi ɔ nloa, na ɔdi nɔhalɛ ɔkɔ ewule nu bɔbɔ;5ahenle ne mɔɔ ɛnva mpaefoa mgbole ɛngugua ezukoa mɔɔ ɔfa ɔbɔ menli bosea la azo ɔmmaa bɛ nwo ɛngyele bɛ, na eza ɔnlie ndoloboa, ɔnli desewia ɔntia awie mɔɔ ɛnze nwolɛ bie, sonla mɔɔ yɛ ninyɛne ɛhye mɔ la, yɛɛ bagyinla ye kpundii wɔ mekɛ mɔɔ ɔnlɛ awieleɛ la a.Biblica, Inc.