Luke23
1ซุมหมู่เขาจั่งลุกขึ้นพาพระเยซูไปหาปิลาต2เขากะฟ้องว่า เฮาได่พ้อผู้นี้ยุยงชนชาติของเฮาและห้ามบ่ให้ส่งส่วยให้ซีซารฺ ยังว่าเจ้าของเป็นพระคริสต์กษัตริย์องหนึ่ง3ปิลาตจั่งถามพระเยซูว่า เจ้าเป็นกัตริยืของซุมยิวบ่ พระเยซูตอบเขาว่า กะท่านว่าแล่วเด้4ปีลาตจั่งเว่ากับมหาปุโรหิตกับประชาชนว่า เฮาบ่เห็นว่าผู้นี้เฮ็ดหยังผิด5ซุมหมู่เขากะเว่าคอเป็นเอ็นว่า ผุนี้ยุยงชาวบ้านให้วุ่นวายแล้วกะสั่งสอนทั่วยูเดีย ตั้งแต่กาลิลีคนฮอดบ้อนนี้6บัดปีลาตได่งิน จั่งถามว่า ผุนี้เป็นคนกาลิลีบ่7บัดฮู้แล้วว่าพระเยซูเป็นคนในถิ่นของกษัตริย์เฮโรด เพิ่นกะส่งพระเยซูไปหาเฮโรดเพิ่นกำลังเซาอยู่ในเมืองเยรูซาเล็มในยามนั้น8บัดยามเฮโรดได่เห็นพระเยซูกะดีใจหลาย ย้อนนานมาแล้ว เพิ่นอยากสิพ้อพระเยซู ย้อนได้งินเรื่องพระองค์และคึดว่าสิไดเห็นพระเยซูเฮ็ดการอัศจรรย์บ้าง9เพิ่นจั่งซอกไซร้พระเยซูหลายข้อ แต่พระเยซูกะบ่ตอบจักคำ10ซุมพวกปุโรหิตและซุมธรรมาจารย์ กะมาฟ้องคอเป็นเอ็น11เฮโรดกับซุมทหารของเพิ่นกะเฮ็ดกับพระเยซูแบบดูถูกเยาะเย้ย เอาเสื้องามๆมาใส่ให้พระองค์ และกะส่งคืนไปหาปีลาตอีก12ปิลาตกับเฮโรดเพิ่นกะถึกกันในมื้อนั้น ย้อนว่าแต่กี้เพิ่นผิดกัน13ปีลาตจั่งสั่งมหาปุโรหิต ซุมขุนนางและซาวบ้านให้มาซุมกัน14และกะเว่ากับเขาว่า ซุมหมุ่เจ้าได่พาผุนี้มาหาเฮา ฟ้องว่าเขาได้ยุยงซุมไทบ้าน เบิ่งดุ เฮาได่สืบถามลาวต่อหน้าซุมหมู่เจ้า แล้วกะบ่เห็นว่าผุนี้มีความผิดในข้อที่ซุมเจ้าฟ้องเขานั้น15และเฮโรดกะบ่เห็นว่าเขามีความผิดคือกัน ย้อนว่าเฮโรดได่ส่งโตเขาหลบคืนมาให้เฮาอีกแล้ว เบิ่งดุคนนี้บ่ได่เฮ็ดผิดอิหยังจั่งสมควรสิมีโทษฮอดตาย16เอาจั่งซี้ บัดเฮาเฆี่ยนตีเขาแล้ว เฮากะสิปล่อยเสีย17ท่านต้องปล่อยผุหนึ่งให้ซุมหมู่เขาในเทศกาลนั้น18แต่ซุมหมู่เขากะฮ้องขึ้นพร้อมกันว่า เมี้ยนผุนี้สา แล้วกะปล่อยบารับบัสให้เฮา19บารับบัสนั้นติดคุกอยู่ ย้อนการจราจลที่เกิดขึ้นในเมืองและการฆ่าคน20ฝ่ายปีลาตยังมีน้ำใจอยากสิปล่อยพระเยซู จั่งเว่ากับเขาอีก21แต่คนหมู่นั้น กะแฮงฮ้องว่า ขึงโลด ขึงเขาเทิงกางเขนโลด22ปีลาตจั่งถามเขาเทื่อที่สามว่า ขึงเฮ็ดหยัง เขาบ่ได่เฮ็ดผิดอิหยังเลย เฮาบ่เห็นเขาเฮ็ดผิดอิหยังพอสิมีโทษฮอดตาย เอาจั่งซี้สา เฮาสิตีเขาแล้วกะปล่อยเสีย23คนหมู่หลายกะเร่งเว่าเสียงดัง ให้ขึงพระเยซูเทิงกางเขนและเสียงผู้คนกะฮ้องโฮ24ปีลาตจั่งสั่งให้เป็นไปตามที่เขาอยากเฮ็ด25ปีลาตจั่งปล่อยคนที่เขาขอนั้น ซึ่งติดคุกอยู่ย้อนว่าการจลาจลและการฆ่าคน แล้วเพิ่นกะมอบพระเยซูไว้ตามใจเขา26บัดเขาพาพระเยซูออกไป เขาเกณฑ์ซีโมนชาวไซรีนที่มาจากบ้านนอก แล้วกะเอาไม้กางเขนวางเทิงบ่าให้เขาแบกนำพระเยซูไป27มีคนหลวงหลายนำพระเยซูไป ทั้งซุมแม่ญิงที่ฮ้องโฮโพสังกาย้อนพระเยซู28พระเยซูจั่งหันหน้ามาทางเขาเว่าว่า ลูกสาวเยรูซาเล็มเอ้ย อย่าฮ้องไห่ลิโตนเฮาเลย ให้เจ้าฮ้องไห่ลิโตนเจ้าของ และลิโตนซุมลูกเจ้าของเถิด29ย้อนว่า เบิ่งดุ สิมีโมงหนึ่งที่ซุมหมู่เจ้าสิเว่าว่า แม่ญิงหมู่นี้ที่เป็นหมันและมดลูกที่บ่ได่มานและหัวนมที่บ่ได้ให้ไผดูดกะเป็นสุข30ยามนั้นเขากะสิเว่านำซุมภูเขาว่า พังลงทับเฮาสา แล้วกะเว่ากับโพนว่า คลุมเฮาไว้สาเถาะ31ย้อนว่าถ้าเขาเฮ็ดจั่งซี้ยามไม้สด อิหยังสิเกิดขึ้นยามไม้แห้งน้อ32ยังมีสองคนที่เป็นโจรเขาได่พามาสิฆ่านำกันกับพระเยซู33บัดยามถึงตำบลหนึ่งที่เอิ้นว่าหัวกระโหลก เขาจั่งขึงพระเยซูไว้เทิงกางเขนนำกันกับโจรสองคนนั้น ทางขวาคนนึ้ง ทางซ้ายคนนึ้ง34พระเยซูจั่งอธิฐานว่า อีพ่อผุข้าเอ้ย ขอโปรดอย่าถือโทษเขาเด้อ เขาบ่ฮู้ว่าเขาเฮ็ดอิหยัง เขากะเอาเสื้อผ้าของพระองค์ จับฉลากปันกัน35ซุมหมู่คนกะพากันยืนเบิ่ง ซุมขุนนางกะเย้ยพระเยซูเว่าว่า เขาช้อยคนอื่นให้รอดได่ ถ้าเขาเป็นผู้ซ้อยให้รอดของพระเจ้าที่ถึกเลือกไว้ให้เขาซ้อยเจ้าของโลด36ซุมทหารกะเย้ยหยันพระองค์คือกัน เขามาเอาเหล้าหมากองุ่นส้มยื่นให้พระเยซู37ถ้าเจ้าเป็นกษัตริย์ของซุมยิว กะซ้อยเจ้าของให้รอดโลด38แล้วกะมีคำเขียนไว้เทิงพระเยซูว่า ผุนี้เป็นกษัตริย์ของซุมยิว39โจรผุนึ้งที่ถึกขึงไว้กะเว่าแนวบ่ดีต่อพระเยซูว่า เจ้าเป็นผู้ซ้อยให้รอดบ่แม้นบ่ จั่งซ้อยเจ้าของกับเฮาให้รอดทะแม้40แต่อีกผุนึ้งเว่าห้ามเขาว่า เจ้าบ่ย้านพระเจ้าสั่นบ่ ย้อนว่าเจ้าเป็นคนถึกโทษคือกัน41แล้วเฮากะสมกับโทษนั้นอิหลี ย้อนว่าได้รับโทษกับแนวที่เฮาเฮ็ด แต่เพิ่นผุนี้บ่ได่เฮ็ดผิดแนวได๋จักอย่าง42แล้วผุนั้นกะเว่าว่า พระเยซูเจ้าข้าขอพระองค์จั่งคึดฮอดผู้ข้า บัดยามพระองค์พระองค์เสด็จเข้าในแผ่นดินของพระองค์43ฝ่ายพระเยซูจั่งตอบเขาว่า เฮาบอกความจริงแก่เจ้าว่า มื้อนี้เจ้าสิอยู่กับเฮาในเมืองสวรรค์44ยามนั้นประมาณเที่ยงกะเกิดมืดฟ้ามัวดินเบิ่ดทีปจนฮอดสามโมงแลง45ขี้ตะเว็นกะมืดไป ผ้าม่าในพระวิหารกะขาดคึ่ง46พระเยซุกะฮ้องเสียงดังว่า อีพ่อผุข้าเอ้ย ผุข้าขอฝากวิญญาณจิตของผุข้าไว้ในพระหัตถ์ของพระองค์47ฝ่ายนายร้อยบัดเห็นเหตุการณ์ที่เกิดขึ้นนั้น จั่งสรรเสริญพระเจ้าว่า ที่แท้ท่านผู้นี้เป็นผู้ชอบธรรม48ซุมผู้คนที่มาชุมมาจุ้มกันเพื่อจะเบิ่งเหตุการณ์ บัดแนมเบิ่งแล้วกะพากันตีเอิกเจ้าของหลบเมือ49ซุมหมู่คนที่ฮู้จักพระเยซู บัดเห็นซุมแม่ญิงที่มานำพระเยซูจากกาลิลี กะยืนอยู่แต่ไกลแนมเบิ่งเหตุการณ์เหล่านั้น50มีผุซายผุหนึ่งซื่อโยเซพ ไทบ้านอาริมาเธียหมู่บ้านของยิว เพิ่นเป็นสมาชิกสภา เป็นคนดีและชอบธรรม51เพิ่นบ่ได่เห็นนำกับแนวที่ซุมเขาเฮ็ด และโยเซฟเป็นผู้ถ่าแผ่นดินของพระเจ้า52ผุซายผุนี้จั่งเข้าไปหาปีลาตขอศพพระเยซู53บัดเอาศพลงมาแล้ว เขาจั่งเอาผ้าป่านพันหุ้มไว้ แล้วจั่งเอาศพไปวางไว้ในบ้อนฝังศพ ซึ่งเจาะไว้ในหินกล้าที่ยังบ่ได่วางศพผุได๋เลย54มื้อนั้นเป็นมื้อจัดเตรียมและมื้อสะบาโตกะใกล้สิฮอดแล้ว55ฝ่ายซุมแม่ญิงที่มานำพระเยซูจากเมืองกาลิลีกะตามไปและได่เบิ่งบ้อนฝังศพ แล้วกะได่เบิ่งว่าเขาวางศพของพระเยซูจั่งได๋56แล้วเขากะหลบไปจัดแจงเครื่องหอมกับน้ำมันหอม ในมื้อสะบาโตนั้นเขากะได่เซาเฮ็ดเวียกงานตามพระบัญญัติ
Son Light Foundation