Luke16
1พระเยซูเว้ากับซุมพวกลูกศิษย์ของเพิ่นว่า "คนรวยผู้นึ้งมีพ่อบ้าน มีคนมาฟ้องเศรษฐีว่าพ่อบ้านผู้นั้นกำ"ังปอกลอกมูลมังเจ้า2เศรษฐีจั่งเอิ้นพ่อบ้านมา บอกกับลาวว่า "เรื่องที่เฮาได้ยินเกี่ยวกับเจ้านั้นเป็นจั่งได๋ เอาบัญซีพ่อบ้านของเจ้าคืนมา ย้อนว่าเจ้าสิบ่อได้เป็นพ่อบ้านอีกแล้ว"3พ่อบ้านผู้นั้นคึดในใจว่า "ข่อยสิเฮ็ดจั่งได๋ดี ย้อนข่อยสิถึกเจ้านายปลดออกแล้ว สิไปขุดดินกะบ่อมีแฮง สิไปขอทานกะอายเขา"4ข่อยฮู้แล้วว่าสิเฮ็ดหยังดี ยามข่อยถืกปลดออกจากหน้าที่ ผู้อื่นยังสิฮับข่อยไว้ในเฮือน5ผู้นั้นจั่งเอิ้นลูกหนี้ของนายมาเทื่อละคน ละถามผู้แรกว่า "เจ้าเป็นหนี้เจ้านายของข่อยท้อได๋"6ลาวจั่งตอบว่า "น้ำมันร้อยถัง" พ่อบ้านจั่งบอกลาวว่า ไปเอาบัญชีของเจ้ามา นั่งลงแล้วให้แก้เป็นสิบถึง ไวไวแน7แล้วลาวกะถามอีกผู้นึ้งว่า "เจ้าเป็นหนี้ท่อได๋" ผู้นั้นกะตอบว่า "ข้าวสาลีร้อยกระสอบ"พ่อบ้านจั่งเว้าว่า เอาบัญชีของเจ้ามาแก้เป็นแปดสิบ8แล้วเศรษฐีกะย้องพ่อบ้านขี้โกงนั้น ย้อนลาวเฮ็ดด้วยความป่อง ย้อนว่าคนสมัยนี้ต้องฮู้จักป่องกับคนในสมัยของซมพวกเขาหลายกว่าคนที่จิตใจดี9เฮาบอกซุมเจ้าทั้งเบิ๊ดว่า จั่งเฮ็ดโตให้มีหมู่พวกด้วยเงินทอง บัดยามเฮาเสียคืนไปแล้ว เพิ่นกะสิยังต้อนฮับเจ้าไว้ให้อยู่นำตลอดไป10"ผู้ที่ซื่อสัตย์ในของน่อยกะสิซื่อสัตย์ในของหลายนำ และผู้ที่บ่อซื่อสัตย์ในของน่อย กะสิบ่"11จั่งซั่นถ้าซุมพวกเฮายังบ่อซื่อสัตย์ในเงินทองแล้ว ไผ๋สิมอบสวรรค์ให้เจ้า12ละถ้าซุมพวกเจ้ายังบ่อซื่อสัตย์ในแนวที่เป็นของผู้อื่นแล้ว ไผ๋สิมอบแนวที่เป็นของเจ้าให้กับเจ้า13บ่อมีผู้ได๋เป็นขี้ข้าสองเจ้า บ่าวสองนายได้ ย้อนสิซังเจ้านายผู้นึ้งละฮักเจ้านายผู้นึ้ง หรือสินับถือเจ้านายผู้นึ้งละสิดูถูกเจ้านายผู้นึ้ง เจ้าสิเฮ็ดำพระเจ้าและเงินทองไปพร้อมกันบ่อได้"14ซุมพวกฟาริสีที่เห็นแก่เงินยามได้ยินคำเว้าซุมนั้นแล้ว จั่งเย้ยพระเยซู15แต่พระเยซูเว้ากับซุมพวกเขาว่า "ซุมพวกเจ้าทำท่าเฮ็ดเป็นคนดีต่อหน้าผู้อื่น แต่พระเจ้าฮู้ใจของซุมเจ้า ย้อนว่าแนวที่มีคุณค่าต่อมนุษย์ กะเป็นแนวตาซังในสายตาพระเจ้า16"มีแค่กฏระเบียบและคำสอนของพระเจ้าจนมื้อที่ยอห์นมาปรากฏ แต่นั้นมาลาวประกาศข่าวประเสิฐเรื่องราวของพระเจ้า ละให้ซุผู้ซุคนพยายามเรียนรู้เรื่องของพระเจ้า"17ฮอดจั่งซั่น ฟ้าและดินสิเหี่ยไปกะง่ายกว่าขีดนึ้งในกฏหมายของพระเจ้าเหี้ยไป18"ผู้ที่ปะเมียของเจ้าของไปแล้วเอาเมียใหม่กะผิดกฏ ละคนที่ฮับแม่หญิงที่ปะผัวแล้วมาเป็นเมียของเจ้าของกะผิดกฏ"19"มีเศรษฐีผู้นึ้งใส่ผ้าสีม่วงและผ้าป่านเนื้อดี อยู่แบบอู้ฟู้ฟุ่มเฟือยไปมื้อๆ"20ละมีคนทุกข์ผู้นึ้งซื่อลาซาลัส เป็นแป้วเบิ๊ดโตนอนอยู่ข้างฮั้วเฮือนเศรษฐี21ลาวกะอยากสิกินเศษแนวกินที่ตกโต๊ะของเศรษฐีผู้นั้น ขนาดหมากะยังมาเลียแป้วของลาว22ต่อมาคนขี้ทุกข์ผู้นั้นตาย ละซุมพวกเทวดาเอาลาวไปอยู่นำอับราฮัม เศรษฐีผู้นั้นกะตายนำละถืกฝัง23ละบัดยามลาวเป็นโศกทรมานอยู่ในนรก ลาวแหงนหน้าเบิ่ง แนมเห็นอับราฮัมอยู่แต่ไกล ละเห็นลาซาลัสอยู่นำ24เศรษฐีจั่งเอิ้นว่า "อับรมฮัมพ่อของข้อย ขอเมตตาข้อยแน ขอให้ใซ้ลาซาลัสเอานิ้วจุ่มน้ำมาแตะลิ้นขอข่อยให้เย็น ย้อนข่อยต้องทุกข์อยู่ในเปลวไปนรก"25แต่อับราฮัมเว้าตอบว่า "ลูกเอ้ย เจ้าจั่งคึดเบิ่ง ตอนเจ้ายังมีซีวิตอยู่ เจ้าได้แต่แนวดีให้เจ้าของ ละลาซาลัสได้แต่แนวบ่อดี ตอนนี้ลาวได้ฮับการปลอบใจแล้ว แต่เจ้าสิได้ฮับการลงโทษ26ไปกว่าฮั่น ระหว่างเฮากับซุมพวกเจ้ากะมีเหวใหญ่ตั้งขวางอยู่ ย้อนว่าถ่าผู้ได๋อยากสิข้ามจากทางนี้ไปหาซุมพวกเจ้ากะเฮ็ดบ่อได้ หรือสิข้ามจากบ่อนฮั่นมาฮอดเฮากะเฮ็ดบ่อได้27เศรษฐีผู้นั้นจั่งเว้าว่า ""คั่นจั่งซั่น พ่อข่อยเอ้ย ขอให้เจ้าใซ้ลาซาลัสไปเฮือนของพ่อข่อยแน28ย้อนว่าข้าน้อยมีน้องซายห้าคน ละให้ลาซารัสไปบอกซุมพวกเขา บ่อให้ต้องมาอยู่ในขุมนรกหม่องนี้29แต่อับราฮัมกะตอบว่า "ซุมพวกเขามีโมเสสและผู้สอนศาสนาแล้ว ให้ซุมขะเจ้าฟังซุมคนจุ้มนั้นเถาะ"30เศรษฐีผู้นั้นจั่งเว้าว่า "บ่อได้ อับราฮัมอิพ่อข่อย ถ่ามีไผ๋จักผู้นึ้งจากซุมพวกคนตายไปพ้อซุมพวกเขา ซุมพวกเขาสิกลับใจใหม่"31อับราฮัมจั่งตอบลาวว่า "ถ้าซุมพวกเขาบ่อฟังโมเสสละซุมพวกคนสอนศาสนา ต่อให้มีผู้ที่ตายคืน ซุมพวกเขากะสิยังบ่อเซื่อ"
Son Light Foundation