Luke14
1บัดยามพระเยซุ ย้างเข้าไปใเฮือนของผู้นำคนนึ้งของซุมฟาริสีในมื้อสะบาโต ซุมหมู่เขากะถ่าเบิ่งพระองค์2เบิ่งดุ๊ มีผุนึ้งเป็นโรคมานน้ำมาอยู่ต่อหน้าพระเยซู3พระเยซูจั่งถามซุมบาเรียน และซุมฟาริสีว่า ถ้าสิปั๋วคเจ็บในมื้อสะบาโตผิดอยู่บ่4ซุมหมู่เขากะจึ้ง พระเยซุจั่งดึงโตผุนั้นและปั๋วเขาให้เซาแล้วกะปล่อยเขาไป5พระเยซูจั่งเว่ากับซุมเขาว่าไผในซุมเจ่า คั่นมีลาหรืองัวตกส้าง สิบ่ฟ้าวดึงขึ้นมาในมื้อสะบาโตบ่6ซุมเขากะตอบบ่ได่7พระเยซูแนมเบิ่งเห็นวซุมคนที่ได้เซินมานั้น เลือกเอาบ้อนนั่งที่มีเกียรติ พระเยซูจั่งเว่าเป็นคำผญากับซุมเขาว่า8ยามเจ่าได่รับเซินไปในงานดองอย่านั่งบ้อนอันมีเกียรติ ย้านว่าเขาสิเซินคนผุฮั่งมีหลายกว่าเจ่ามานำ9บัดเจ้าภาพที่เซินสุเจ่าเทิงสองคนมานั้น สิมาเว่ากับเจ่าว่า ขอบ้อนนั่งบ้อนนี้ ให้กับเพิ่นผุนี้แหน่ แล้วเจ่าสิบ่อยากอายติ คั่นได้ย้ายมาบ้อนต่ำ10จั่งสั้นบัดยามเจ้าได้ฮับเซินจั่งไปนั่งบ่อนต่ำก่อนย้อนว่าบัยามเจ้าภาพมาเว่ากับเจ้าว่าหมู่เอ้ยไปนั่งบ่อนดีๆเจ้าจั่งสิได้พอหน้าพอตาต่อสุคนที่ฮ้วมนั่งกินข้าวนำกัน11ย้อนว่าสุคนที่ยกโตขึ้นสิต้องถืกกดลงแล้วผู้ที่ถ่อมโตลงผู้นั้นสิได้ฮับการยอขึ้น12แล้วพระเยซูเว่ากำคนที่เชินพระองค์ว่ายามเจ้าสิมีการงันบ่ว่าสิเป็นกางเว็นหรือยามแลงกะตามอย่าเซินแต่หมู่พี่น้อง ญาติ หรือซุมหมู่ที่ฮั้งมีย้อนว่าซุมเขาสิเซินเจ้ากัคืนแล้วเจ้าสิได้รับคำตอบแทน13บัดยามเจ้าสิมีการงันจั่งเซินคนทุกข์คนพิการคนเป็นล่อยคนตาบอด14แล้วเจ้าสิเป็นสุขย้อนว่าเขาบ่มีอีหยังสิตอบแทนเจ้าส่วนเจ้าสิได้ฮับการตอบแทนยามคนชอบธรรมคืนจากความตาย15ผู้หนึ่งที่นั่งฮ้วมโต็ะนำกันบัดยามได้งินว่าคำเว่าซุมนั้นจั่งถามพระเยซูว่าผู้ที่สิได้นั่งฮ้วมพาในแผ่นดินของพระเจ้ากะเป็นสุข16พระเยซจั่งเว่ากับเขาว่ามีผู้หนึ่งจัดงานเลี้ยงใหญ่และเซินแขกไว้หลายเติบ17บัดยามถึงเวลางันเขากะไซ้ข๊อยไปบอกซุมที่ได้รับเซินไว้ว่าเซินมาเด้อสุอย่างสุแนวเตรียมไว้พร้อมแล้ว18ซุมนั้นกะต่างพากันขอโตคนแรกกะว่าข่อยซื้อนาไว้สิได้ไปเบิ่งนาข่อยขอโตเด้อ19อีกคนหนึ่งกะว่าข่อยซื้องัวไว้ห้าคู่และสิต้องไปลองเบิ่งงัวข่อยขอโตเด้อ20อีกผู้หนึ่งกะว่าข่อยหากะแต่งงานใหม่ย้อนจั่งสิข่อยไปบ่ได้21ข๊อยผู้นั้นจ่งหลบมาเว่าเรื่องลาวให้นายฟังนายกะสูนจั่งสั่งข่อยว่าให้ฟ้าวไป ไปตามทางใหญ่ทางจะร๋อกพาคนทุกข์คนพิการคนตาบอดและคนเป็นล่อยเข้ามาบ่อนนี้22แล้วข๊อยกะบอกว่าเจ้านายเอ้ยผู้ข้าเฮ็ดตามที่ท่านสั่งแล้วแต่กะยังมีบ่อนว่างอยู่23นายจังสั่งข๊อยผู้นั้นว่าฟ้าวไปตามทางใหญ่ทางจะร๋อกคุมให้ซุมเขาเข้ามาย้อนว่าเฮือของเฮาสิมีแขกเต็ม24เฮาบอกซ-ุมหมู่เจ้าว่าในซุมคนที่ได้ฮับเซินนั้นซิบ่มีจั้กคนสิได้ซิมแนวกินของเฮาเลย25มีคนหลายเติบไปกับพระเยซู พระเยซูจั่งแนมเบิ่งทางหลังเว่ากับเขาว่า26ถ้าผู้ไดมาหาเฮาและบ่ซังพ่อแม่ลูกเมียและพี่น้องซายหญิงแม้กะทั่งซีวิตของเจ้าของนำผู้นั้นสิเป็นสาวกของเฮาบ่ได้27ผ้ไดบ่ได้แบกกางเขนของเจ้าของตามเฮามาผู้นั้นสิเป็นลูกศิษย์ของเฮาบ่ได้28ย้อนว่าในซุมเจ้ามีผู้ไดแหน่อยากสิศร้างตึกสิบ่นั่งคึดราคาเบิ่งสาก่อนว่าสิมีพอสิสร้างให้เสร็จได้บ่29ถ้าจั่งสั้นบัดยามลงฮากแล้ว แล้วเฮ็ดให้เสร็จบ่ได้ยามคนเห็นเขากะสิหัวขวัญ30เว่าว่าผู้นี้เฮ็ดอีหยังกะเฮ็ดบ่เสร็จ31มีกษัตริย์องค์ไหนแน่ปัดยามสิงบกองทับไปเฮ็ดสงครามกับกษัตริย์อีกองค์หนึ่งสิบ่นั่งลงคึดเบิ่งก่อนว่าเจ้าของมีพลทหารหมื่นหนึ่งสิสู้กับกองทัพที่ยกมารบสองหมื่นนั้นได้บ่32ถ้าสู้บ่ได้กะสิใช้ซุมทูตไปเจรจาผูกไมตรีกันในระหว่างที่อีกฝ่ายยังอยู่ไกล33จั่งสันหละสุคนในซุมเจ้าที่บ่ได้สละสุอย่างสุแนวที่มีอยู่สิเป็นลูกศิษย์ของเฮาบ่ได้34เกลือเป็นสิ่งดีแต่ถ้าเกลือนั้นเมิ่ดความเค็มไปแล้ว สิเฮ็ดสิให้ความเค็มหลบมาได้จั่งได35สิเฮ็ดเป็นปุ๋ยใส่ดินกะบ่ได้สิหมักไว้กับกองขี้งัวกะบ่ได้มีแต่สิเอาไปโยนทิ่มท่อนั้นหละผู้ไดมีหูกะฟังเอาโลด
Son Light Foundation