Luke11
1พระเยซูอธิษฐานอยู่บ่อนหนึ่งยามเสร็จแล้วลูกศิษย์ของพระเยซูผู้หนึ่งเว่าว่าพระเยซู ขอสอนพวกข้าน้อยอธิษฐานแหน่ คือกันกับยอห์นสอนซุมศิษย์ของเขา2พระเยซูจั่งเว่ากับซุมหมู่ว่ายามซุมเจ้าอธิษฐานให้เว่าว่าอีพ่อเอ้ยขอให้ชื่อของพระองค์เป็นที่นับถือขอให้แผ่นดินของพระองค์มาอยู่บ่อนนี้3ขอประทานแนวกินประจำวันแก่ซุมผู้ข้าสุมื้อ4ขอทรงยกโทษความบาปของพวกผู้ข้าย้อนว่าพวกผู้ข้ายกโทษให้กับสุคนที่เป็นหนี้ผู้ข้านั้นและขออย่าทรงนำผู้ข้าข้าไปในการทดลอง5แล้วพระเยซูจั่งเว่ากับซุมหมู่เขาว่าไผในซุมหมู่เจ้าที่มีหมู่ผู้หนึ่งและเขาไปหาหมู่ผู้นั้นในเวลาดึกดื่นเว่ากับเขาว่าหมู่เอ้ยขอยืมขนมปังจักสามก้อนแหน่6ย้อนว่าหมู่ของข่อยพึ่งเดินทางมาฮอดและข่อยกะบ่มีอีหยังสิให้เขากิน7หมู่ที่อยู่ในเฮือนตอบว่าเจ้าซิกวนข่อยเฮ็ดหยังประตูกะปิดแล้วลูกกับโตข่อยกะเข้านอนกันเมิ่ดแล้วข่อยสิลุกขึ้นไปเอาให้เจ้าบ่ได้ดอก8เฮาบอกซุมหมู่เจ้าว่าแม่นเขาซิบ่ลุกขึ้นไปหยิบให้ผู้นั้นย้อนว่าเป็นหมู่กันแต่ว่าย้อนถืกหมู่คนนั้นเว่าบ่เซาเขากะสิลุกขึ้นหยิบให้ตามที่คนนั้นต้องการ9เฮาบอกซุมหมู่เจ้าว่า จงขอแล้วสิได้ จงหาแล้วจะพ้อ จงเคาะแล้วสิเปิดให้แก่ซุมเจ้า10ย้อนว่าสุคนที่ขอกะได้สุคนที่เสาะหากะพ้อ และสุคนที่เคาะกะสิเปิดให้เขา11มีผู้ไดแน่ในซุมหมู่เจ้าที่เป็นพ่อ ถ้าลูกขอปลาสิเอางูให้เขาสั้นบ่12หรือถ้าขอไข่สิเอาแมงงอดให้เขาบ่13ย้อนว่าถ้าซุมหมู่เจ้าผู้เป็นคนบาปยังฮู้จักให้แต่แนวดีกีับลูกเจ้าของถ้าจั่งสั้นพ่อผู้อยู่ถึงฟ้าสิให้พระวิญญาณบริสุทธิ์กับซุมที่ขอต่อพระองค์14พระเยซูไล่ผีที่ปากกืกและผีกะออกคนปากกืกจั่งเว่าได้สุผู้สุคนกะงึด15แต่ผู้ลางคนกะเว่าว่าผู้นี้ไล่ผ้ออกได้ย้อนอาศัยเบเอลเซบูลหัวหน้าผี16ซุมคนอื่นกะลองพระเยซูขอให้พระเยซูแสดงหมายสำคัญจากเถิงฟ้า17พระเยซูฮู้จักความคึดของซุมเขาจั่งเว่ากับเขาว่าเมืองไดที่ผิดกันกะสิซิบหายและเฮีอนไดที่ผิดกันกะสิหล่ม18ถ้าผีผิดกันเองเมืองของมันสิตั้งอยู่จั่งไดย้อนซุมหมู่เจ้าเว่าว่าเฮาไล่ผีออกย้อนอาศัยเบเอลเซบูล19ถ้าเฮาไล่ผีออกย้อนอาศัยเบเอลเซบูลลูกน้องของซุมเจ้าไล่มันออกย้อนอาศัยไผย้อนว่าลูกน้องของซุมเจ้าสิเป็นผู้เว่าไส่ความซุมเจ้า20ย้อนว่าเฮาไล่ผีออกโดยอาศัยนิ้วมือของพระเจ้าแผ่นดินของพระเจ้าก็มาถึงซุมเจ้าแล้ว21คั้นคนที่มีแฮงหลายถืออาวุธเฝ้าตึกของเจ้าของอยู่ สิ่งของของเขากะปลอดภัย22บัดยามคนที่มีแฮงหลายกว่ามาสู้เอาชนะเขาผู้นั้นกะยาดเอาเครื่องอาวุธที่เขาวางใจนั้นไปแล้วกะเอาส่งของที่ริบมานั้นมาปั่นกัน23ผู้ไดบ่อยู่ฝ่ายเฮากะต่อต้านเฮาและผู้ไดบ่ฮวมไว้กับเฮากะสิเฮ็ดให้วุ่นวายซายซะไป24บัดยามผีโสโครกออกจากผู้ไดแล้วมันกะสิเทียวเลาะไปในบ่อนที่แห้งแล้งเซาะหาบ่อนพักบัดยามบ่พ้อมันจั่งเว่าว่าเฮาสิกลับไปเฮือนของเฮาที่เฮาออกมานั้น25ยามมาฮอดกะเห็นเฮือนนั้นถืกจัดเมี้ยนไว้จบเจื่อ26มันจั่งไปผพาผีมาอีกเจ็ดโตที่ฮ้ายกว่าโตมันเองเข้าไปอยู่บ่อนนั้นและในที่สุดคนผู้นั้นกะสิอยู่ในสภาพฮ้ายกว่าเก่า27บัดยามพระเยซูกะลังเว่าคำซุมนั้นกะมีแม่หญิงผู้หนึ่งอยู่กางซุมหมู่คนฮ้องใส่พระเยซูว่าท้องที่ให้ท่านเกิดและนมที่เลี้ยงท่านมานั้นกะเป็นสุข28พระเยซูจั่งเว่าว่าสุคู่สุคนที่ได้งินคำของพระเจ้าและถือรักษาไว้ต่างหากที่เป็นสุข29บัดยามผู้คนมาฮวมกันหลายคึนพระเยซูกะเว่าว่าคนในยุคนี้เป็นคนชั่วร้ายมักซอกหาหมายสำคัญแต่สิบ่เฮ็ดหมายสำคัญให้ซุมเขาเว้นเสียแต่หมายสำคัญของโยนาห์ท่อนั้น30ย้อนว่าโยนาห์ได้เป็นหมายสำคัญแก่ซุมนีนะเวห์จั่งไดพระเยซูกะสิเป็นหมายสำคัญให้กับคนยุคนี้จั่งสั้น31ราชินีแห่งทิศใต้สิลุกขึ้นในมื้อลงโทษพร้อมกันกับคนยุคนี้และใส่ความซุมเขาย้อนว่าพระนางนั้นมาจากบ่อนที่ไกลฝากโลกเพื่อสิฟังควมป่องของซาโลมอนและผู้ที่ใหญ่กว่าซาโลมอนกะอยู่บ่อนนี้32ซุมซาวนีนะเวห์สิลุกขึ้นในมื้อพิพากษาพร้อมกับคนยุคนี้และใส่ความซุมเขาย้อนว่าซุมนีนะเวห์เซาเฮ็ดบาปย้อนกันฮ้องบอกของโยนาห์และผู้ที่ใหญ่กว่าโยนาห์กะอยู่บ่อนนี้33บ่มีไผบัดยามจุดตะเกียงสิตั้งไว้อยู่บ่อนหลืบหรือเอาคุกวบไว้แต่สิตั้งไว้เทิงบ่อนไว้ตะเกียง เพื่อคนที่เข้ามาสิได้เห็นฮุ้ง34ตาเฮดให้เห็นฮุ้งของโตบัดยามตาของเจ้าปกติทั้งโตกะสิได้เห็นฮุ้งนำกันถ้าตาของเจ้าผิดปกติเมิ่ดโตกะสิบ่เห็นฮุ้ง35เอาจบเจืออย่าให้ความฮุ้งที่อยู่ในโตเจ้ากลายเป็นความมืด36ถ้าเมิ่ดโตของเจ้ามีแต่ความฮู้งบ่มีความบ่เห็นฮู้งมันกะสิแจ้งจ่างป่างไปเมิ่ดคือกันกับความฮู้งของตะเกียงมาฮอดเจ้า37บัดยามพระเยซูเว่าจบแล้วผู้หนึ่งไนซุมฟาริสีกะเซินพระเยซูไปกินข้าวนำกันพระเยซูกะย่างไปและนั่งลงบ่อนโต๊ะ38บัดยามฟาริสีผู้นั้นบ่เห็นพระเยซูบ่ได้เฮ็ดพิธีล้างมือก่อนกินข้าวกะงึด39พระเยซูจังเว่ากับเขาว่าซุมหมู่เจาผู้เป็นฟาริสีกะล้างถ้วยซามแต่ทางนอกบัดในใจของซไุมเจ้ามีแต่ความโลภกับความชั่ว40ซุมคนคึดบ่ดีผู้ที่สรางภายนอกกะสิสร้างภายในนำบ่แม่นบ่41ให้เจ้าทานด้วยสิ่งที่อยู่ภายในแล้วเมิ่ดสุย่างใสติ๊งลิ๊ง42ความฮ้ายสิเกิดกับเจ้าซุมฟาริสย้อนว่าซุมเจ้าเคนของถวายสุย่างแต่กับเว้นความถูกต้องกับความฮักต่อพระเจ้าสิ่งทั้งเมิ่ดนี้ซุมเจ้าควรสิเฮ็ดอยู่แล้วแต่เรื่องแนวอื่นกะบ่ควรเว้น43ความฮ้ายสิเกิดกับเจ้าซุมฟาริสีย้อนว่าเจ้ามักนั่งบ่อนมีเกียรติในศาลาแล้วมักให้คนนบการตลาด44ความฮ้ายสิเกิดกับซุมเจ้าย้อนว่าเจ้าเป็นคือบ่อนฝังศพที่บ่ปรากฏให้เห็นแล้วคนกะย่างอยู่บ่อนนั้นโดยบ่ฮู้เรื่อง45บาเรียนผู้หนึ่งจั่งเว่ากับพระเยซูว่าท่านอาจารย์ที่ท่านเว่าจั่งสั้นท่านกะติเฮานำ46พระเยซูจั่งเว่าว่าแล้วความฮ้ายสิเกิดขึ้นกับซุมเจ้าซุมบาเรียนย้อนว่าซุมเจ้าเอาของนักที่แบกยากวางไว้เถิงคนบัดยามสุหมู่เจ้าบ่คึดสิซอยแม้แต่น้อยเดียว47ความฮ้ายสิเกิดขึ้นกับซุมเจ้าย้อนเจ้าก่ออุโมงค์ของบรรดาผู้เผยพระวจนะต้นตระกูลของซุมเจ้าก็ได้ฆ่าผู้เผยพระวจนะนั้น48จั่งสั้นซุมเจ้าจ่งเป็นพยานลับลองกับแนวที่ต้นตระกูลของสุเจ้าย้อนว่าซุมเขาได้ฆ่าพวกผู้เผยพระวจนะนั้นแล้วซุมเจ้ากะก่ออุโมงค์ให้49ย้อนจั่งสิความป่องของพระเยซูเว่าว่าเฮาสิไซ้ผู้เผยพระวจนะและบรรดาอัครทูตไปหาซุมเขาแล้วเขากะสิฆ่าแหน่เคี่ยวเข็ญแหน่50ย้อนว่าคนยุคนี้แหละที่สิต้องฮับผิดชอบในเรื่องการตายของพวกผู้เผยพระวจนะ ซึ่งต้องไหลออกตั้งแต่แรกสร้างโลก51นับตั้งแต่เลือดของอาเบลจนฮอดเลือดของเศคาริยาห์ที่ถืกฆ่าตายหว่างแท่นบูชากับหว่างพระนิเวศของพระเจ้าเฮาเว่าความจริงกับซุมเจ้าว่าคนยุคนี้สิต้องฮับผิดชอบในโลหิตนั้น52ความฮ้ายสิเกิดกับซุมเจ้าพวกบาเรียนย้อนว่าเจ้าได้เอาลูกกะแจแห่งความฮู้ไว้กับเจ้าของโตซุมเจ้าเองบ่เข้าไปบัดยามคนกะลังสิเข้าไปเจ้าพัดขวางเขาไว้53บัดยามพระเยซูย่างออกจากบ่อนนั้นซุมธรรมาจารย์และพวกฟาริสีกะเริ่มเว่าใส่สูนยัวพระเยซูย้อนอยากให้เว่าต่อไปหลายอย่าง54เพื่อสิจับผิดในสิ่งที่พระเยซุเว่า
Son Light Foundation