Mark3
1หมูย ตไง พระเยซู หมูดจี หลึง ฮอง+ กะฉุม อึมผาฮ พระเจ้า เถิน. เกิด กูย อึนถรุฮ หมูย หนะ เต กะดัว กู หลึง บวน ขัย น็อฺง.2โม กูย กู บวน ขัย หนาว จำ แหม กู ปาย พระเยซู จิง โป กูย หลึง ตไงฉาว+ หรือ เถ เพราะ หนาว ยัก บวย หรืง พระเยซู.3พระเยซู หวาว หลึง กูย เต กะดัว ปาย “แหน หฺยูร เจา แหน.”4แหลว หนาว หวิฮ จี หม็อฺฮ กูย โวยโซะ ปาย “กด ค็อฺง โมเซ ออฺน ไฮ หวัว หนอ หลึง ตไงฉาว?ออฺน ฉูย หรือ ออฺน หวัว บ็อฺฮ? ฉูย กูย ออฺน เผ็อน หรือ กแจด แหล็ฮ?” แต กูย ติงฉิม บวน ขัย ซะงัด กู.5พระเยซู ซี กูย โม ขัย ก็ หมู แต ก็ ด็อฺง เหฺยาะเหฺยียล หนาว เพราะ หนาว คะญัง. แหลว พระยซู อึนเต กูย เต กะดัว ปาย “ออฺน ปละ เต แม็ฮ.” กูย เต กะดัว ก็ ปละ หล็อฺฮ เต ก็ ออฺ กะดัว.6ซาแหน โม ฟาริซี+ หล็อฺฮ รู ฮอง กะฉุม อึมผาฮ พระเจ้า. มีปลัฮ ขัย จี ปรึกซา อึนดัว หลึง โมด ค็อฺง เฮโรด* ดะ แพน กแจด พระเยซู.7พระเยซู หนะ โม กอฺนซิด หล็อฺฮ จี ปา ทเหลจืด กาลิลี. เกิด กูย โมด ผืด โตน จี น็อฺง. กูย โม แหน เจา รู เทิน กาลิลี รู ปา เทิน ยูเดีย8รู หมืง เยรูซาเล็ม รู ปา เทิน อิดูเมอา รู ปา เทิน เทาะ กู มหนีง นา อึนหล็อฺฮ ค็อฺง ตอม จอแดน หนะ รู ปา เทิน หมืง ไทระ หนะ หมืง ไซดอน. กูย โม แหน เจา เกิด โมด ผืดๆ เพราะ หนาว บืน ซ็อฺง ตอฺห์ หวีห์ ดาล ยาง เทาะ พระเยซู หวัว.9ผัว พระเยซู ซีเผิห์ กูย ดาล หนะ ขัย ก็ อึนเต กอฺนซิด ออฺน จี หมีน ถูห์ ออฺน อะตูง โวยโซะ จิง อึนนีด หนาว10เพราะ พระเยซู โป กูย ดาล หนะ แหลว กูย ตก็ฮ ปิฮปะ ก็ อึนนีด หมูดเจา ดุฮ.11กูย เกิด หมาลหมูด กู หลึง ผัว เผิห์ พระเยซู ก็ ผอด แซง เตรห์ ปาย “หมวง เกิด กอฺน หมูย ค็อฺง พระเจ้า!”12พระเยซู อึนชัด ไอ ยัง คลัง ปุ ออฺน จี หวาว หนาว เกิด ดาย.13ตอฺ ขัย พระยซู ซ็อฺฮ จี หลึง บรู กเหฺยีย กูย เทาะ หนาว ยัก ออฺน เจา บวย แหลว หลืก แอ กูย ซิบซอง หนะ ตัง ออฺน หนาว เกิด กอฺนซิดทัมทูด+14ออฺน หนาว กู หลึง หนาว ติง หล็อฺฮ จี เถดซอฺน15แหลว เถียน อำนาด ออฺน ผูย หมาลหมูด หล็อฺฮ รู กูย บืน.16กูย เทาะ หลืก ดัวะ โม แหน เกิด ซีโมน (พระเยซู ออฺน กะหมึฮ กไม ปาย เปโตร)17ยากอบ หนะ ยอน แซม อึนถรุฮ เกิด กอฺน เซเบดี (พระเยซู กเหฺยีย อเบีย หนะ แซม หนะ ซาย แหน ปาย โบอาเนอเย แปล ปาย “เซงกรม”)18อันดรู ฟีลิป บารโทโลมิว มัททิว โทมัซ ยากอบ กอฺน ค็อฺง อัลเฟอัซ ทัดเดอัซ ซีโมน กูย หมัก เฉียด19หนะ ยูดาซ กูย โซะ เคริโอท (ตอฺเจา บืน จาตัจ+ พระเยซู).20ซาแหน พระเยซู จี ดุง. กูย ดาล หนะ ดึง อึนดัว เจา บวย จน พระเยซู หนะ โม กอฺนซิด จาโดย ปุ บืน.21ขรู ค็อฺง พระเยซู ซ็อฺง หรืง พระเยซู หนาว ก็ หล็อฺฮ จี หรับ แอ เพราะ โวยโซะ หวาว อึนดัว ปาย พระเยซูโหมง แหลว.22โม อาจาน ซอฺน กด ค็อฺง โมเซ โม หนืจ เทาะ เจา รู หมืง เยรูซาเล็ม หวาว ปาย “เบเอลเซบูล+หมูด หนาว กู! เกิด อึงเคา หมาลหมูด ขัย ฮะ ออฺน ริด หนาว ผูย หมาล หล็อฺฮ บืน.”23นะขัย พระเยซู กเหฺยีย กูย โม ขัย เจา ซอฺน เกิด มนาย ปรีบ ออฺน หนาว ตะงัด ปาย “อึงเคา กโมจกะซาจ จิง ผูย อึงเคา กโมจกะซาจ ออฺน หล็อฺฮ บืน นะเหนีย?24คัน หมืง เหนีย กเหลียย อึนดัว หล็อฺฮ กู หมวง กู ไฮ หมืง ขัย จิง กู หญืน ปุ บืน.25คัน ขรู เหนีย กู ปุ ไกร อึนดัว หญืน ปุ บืน นะอึนดัว.26คัน อึงเคา กโมจกะซาจ กเบ็อด ตอฺ จะเอง กเหลียย หล็อฺฮ ไอ จิง กู หญืน ปุ บืน แต จิง ต็อฺง ฮีนฮาย บ็อฺฮ จี.27ปุ เกิด ดาย ฮาน หมูดจี ตูจ แอ หมาลๆ หลึง ดุงกูย คลัง บืน. แต ต็อฺง กอบ เถรง ซัด ดัวะ หญูง แหลวก็ ตูจ แอ หมาลๆ ขัย จี บืน.28“ไฮ อึนเต หมัดเหม็ย ฮะ พระเจ้า จิง เหลิห์ เบียบโถด ขูยาง ออฺนกูย แมแต กูย เทาะ หวาว ซัดกะมาด หนาว.29แต กูย เทาะ หวาว ซัดกะมาด ผระกเหวียย โถด ขัย จิง เหลิห์ ออฺน ปุ บืน เล็ย แต หนาว จิง หรับโถด เล็ยๆ ตอฺจี.”30เทาะ พระเยซู หวาว นะแหน ก็ เพราะ โมหนาว ขัย หวาว ปาย “หนาว ไกร หมาลหมูด กู.”31แหลว เหมห์ หนะ โม แซม อึนถรุฮ ค็อฺง พระเยซู เจา ตอฺห์ กเย็อง กู นา กราว จำ พระเยซู ออฺน กูย หมูย หมูดจี อึนเต พระเยซู.32บวน เทาะ พระเยซู ตะกาว กู ขัย เกิด กูย ดาล โม ขัย ก็ หวาว ปาย “ซีถุฮ เหมห์ หนะ โม แซม ค็อฺง หมวง เจา บวย หมวง กเย็อง จำ กู นา กราว.”33พระเยซู หวาว ปาย “ดาย ลัฮ เกิด อาเหมห์ หนะ โม แซม ค็อฺง ไฮ?”34แหลว พระเยซู ซี กูย โม ขัย เทาะ ตะกาว ซะวีล หนาว หวาว ปาย “กูย โม แหน เฮย เกิด อาเหมห์ หนะ โม แซม โม ซาย ค็อฺง ไฮ!35กูย เหนีย หวัว โตน กะฮอฺม ค็อฺง พระเจ้า กูย ขัยื ฮะ เกิด โม แซม โม ซาย หนะ อาเหมห์ ค็อฺง ไฮ.”
Empower Asia Bible Translation Movement