Mark2
1กรอย รูขัย ปปุ ซะเนะ ตไง พระเยซู ลบจี โซะ คาเปอนาอุม เถิน. คาว เทาะ พระเยซู ลบเจา ดุง กะบือ จี ถูๆ.2กูย ปิฮ เจา ออ อึนดัว กู บวย พระเยซู บวน กเหวียล หมูด ก็ แนน. พระเยซู เถดซอฺน หนาว กู ขัย3เกิด กูย อึนถรุฮ อะปอน หนะ หนาว อึงกราง กูย แหล็ฮจะ หมูย หนะ เจา บวย พระเยซู ออฺน โป.4จิง แอ กูย แหล็ฮจะ หมูดจี ออฺน ตอฺห์ พระเยซู ก็ ปุ บืน เกิด กูย ดาล โผด. โมหนาว จึง ซ็อฺฮ จี หลึง อึมโปล ดุง นา ปอฺง พระเยซู กู หล็อฺฮ ออฺน เกิด ผร็อฺง ผัว จิง แอ อึนเถีย ค็อฺง กูย แหล็ฮจะ ขัย โหยง แซง บืน.5พระเยซู เผิห์ ปาย โมหนาว เกิด กะฮอฺมฉือ ดาล ก็ หวาว หลึง กูย แหล็ฮจะ ขัย ปาย “กอฺน ลัฮ เบียบ ค็อฺง หมวง เหลิห์ เผ็อน แหลว.”6เกิด โม อาจาน ซอฺน กด+ ค็อฺง โมเซ ตะกาว กู บวน ขัย น็อฺง. ผัว ซ็อฺง ก็ ขึด หลึง กะฮอฺม ปาย7“เกิด หนอฺ แต กูย แหน ฮาน หวาว นะแหน? หนอฺ ซัดกะมาด พระเจ้า ลือๆ แหน! ดาย จิง เหลิห์ เบียบ ออฺน กูย เผ็อน บืน? เกิด แต พระเจ้า มะหนะเอง!”8พระเยซู ดิง ปาย โมหนาว ขึด นะเหนีย ก็ หวาว หลึง หนาว ปาย “เกิด หนอฺ แต ดึง อึนดัว ขึด นะขัย?9เทาะ จิง หวาว หลึง กูย แหล็ฮจะ ปาย ‘เบียบ ค็อฺง หมวง เหลิห์ เผ็อน แหลว’ หรือ จิง หวาว ปาย ‘ออฺน หฺยูร ซ็อฺฮ เปาะ อึนถรีฮ หล็อฺฮ จี’ เทาะ เหนีย จิง หวาว อึมเบฺอ เหลิฮ อึนดัว?10แต ไฮ จิง ออฺน โมหมวง เผิห์ ปาย ไฮ กอฺนกูย+ เกิด อำนาด หลึง กแตห์ แหน จิง เหลิห์ เบียบโถด ออฺน บืน” นะขัย พระเยซู อึนเต กูย แหล็ฮจะ ขัย ปาย11“ไฮ ซัง ออฺน หมวง หฺยูร ซ็อฺฮ เปาะ แอ อึนถรีฮ ลบจี ดุง.”12โวยโซะ ด็อฺง จำ แหม กู กูย ขัย ก็ หฺยูร เปาะ อึนถรีฮ หล็อฺฮ จี ยัง หวัย.โมหนาว ขัย ติงฉิม หนะ ก็ เผิห์ หนาว หล็อฺฮ จี ก็ หงึด กะฮอฺม ดาล หญวง พระเจ้า ปาย “ไฮ ปุ เขย เผิห์ นะแหน เล็ย.”13พระเยซู จี ซูยๆ ทเหลจืด กาลิลี ขัย เถิน. กูย ดาล หนะ เจา หรุม. พระเยซู ก็ ซอฺน ออฺน หนาว ตะงัด.14พระเยซู ฮุจ พาน จี นา ขัย ก็ เผิห์ กูย อึนถรุฮ หมูย หนะ กะหมึฮ เลวี กอฺน ค็อฺง อัลเฟอัซ ตะกาว กู บวน เซียเขีย. พระเยซู หวาว หลึง หนว ปาย “เยอ โตน ไฮ เจา.” เลวี ก็ หฺยูร จี โตน พระเยซู.15กรอย ขัย พระเยซู จา โดย กู หลึง ดุง เลวี. เกิด โม กูยเก็บเขีย+ หนะ โม กูย+ เทาะ ปุ เกิด ดาย ขบ โตน พระเยซู น็อฺง. กูย โม ดาล หลึง โม แหน ก็ เจาโดย หลึง พระเยซู หนะ โม กอฺนซิด น็อฺง.16อาจาน ซอฺน กด ค็อฺง โมเซ กูย หนืจ เทาะ เกิด กูย ฟาริซี+ เผิห์ พระเยซู จาโดย หลึง กูย เทาะ ปุ เกิด ดาย ขบ หนะ โม กูยเก็บเขีย+ก็ หม็อฺฮ โม กอฺนซิด ค็อฺง พระเจ้า ปาย “เหนีย แต พระเยซู จาโดย หลึง กูยเก็บเขีย+ หนะ โม กูย เทาะ ปุ เกิด ดาย ขบ นะแหน?”17พระเยซู ซ็อฺง นะขัย ก็ หวาว ปาย “กูย แนร็ฮ บืน หนาว ปุ ต็อฺง บวย แพด แต กูย ตก็ฮ มัฮขัย หนาว บวย แพด. ไฮ ปุ บืน เจา กเหฺยีย ออฺ แต เจา กเหฺยีย กูย ออฺ แต เจา กเหฺยีย กูย เทาะ ปุ เกิด ดาย ขบ.”18หมูย ตไง กอฺนซิด ค็อฺง ยอน เทาะ หวัว เซ็น อึมหระเดียะ+ หนะ โม ฟาริซี ทือ เซ็น อัดโดย+กู.19พระเยซู หวาว ปาย “โม เจา จาปรอย ทือ เซ็น อัดโดย บืน เถ คัน นาโปลห์ ด็อฺง กู น็อฺง? เถ เอ็อฮ จิง ปุ หวัว นะขัย.20แต ผัว ตอฺห์ เหวเหลีย นาโปลห์ ไกร หรับ แอ จี รู โมหนาว โมหนาว ก็ จิง ทือ เซ็น อัดโดย หลึง เหวเหลีย ขัย.21“ปุ เกิด ดาย แอ อึนฉิจ กไม เจา ตาบ ฮับ ตี.คัน หวัว นะขัย อึนฉิจ กไม เทาะ แอเจา ตาบ จิง หวัว ออฺน ฮับ ตี ขัย กแฮห์ กะหวาฮ หล็อฺฮ.22แหลวก็ ปุ เกิด ดาย หลีง บล็อฺง องุน กไม เซอ ถุง กแบห์ ตี.คัน หนาว ดือ หวัว บล็อฺง องุน จิง หวัว ออฮน ถุง กแบห์ กะผิฮ หล็อฺฮ ติง บล็อฺง องุน ก็ จิง เฮาะ บ็อฺฮ ถุง กแบห์ ก็ จิง เซีย บ็อฺฮ น็อฺง. หนาว ต็อฺง เปรฺอ ถุง กแบห์ กไม เซอ บล็อฺง องุน กไม.”23ตไงฉาว+ หมูย ตไง โม พระเยซู ฮุจ พาแซ จี. โตน นา โม กอฺนซิด กะดิจ อึงฮอฺห์ ซอฺ แกล็ฮ จา.24โม ฟาริซี หวาว หลึง พระเยซู ปาย “ซี ถุฮ กอฺนซิด ค็อฺง หมวง เกิด หนอฺ แต หวัว หมาล เทาะ กด+ ค็อฺง โมเซ ฮาม หลึง ตไงฉาว?”25พระเยซู หม็อฺฮ หนาว ปาย “ปุ เขย อาน ลัฮ เทาะ ซะดัจ ดาวิด หวัวหนอ? เหวเหลีย หนาว หนะ โม กเหวียฮ จา โดย ปุ เกิด หมาลจา26ดาวิด หมูดจี หลึง โหรงเต็น ค็อฺง พระเจ้า จา คะนมปัง เทาะ แซน แหลว แอจี อึนแจห์ ออฺน โม จา แมปาย จา คะนมปัง แหน กด ฮาม เกิด แต โม มอฺม+ มัฮขัย จา บืน. แหน เกิด ซ็อฺฮ เหวเหลีย อาบียาทาร เกิด ซะดัจ มอฺม+.27แหลว พระเยซู หวาว ซ็อฺฮ เถิน ปาย “พระเจ้า ปุ บืน หวัว กูย ดัวะ ออฺน เกิด อึนฉัฮ ค็อฺง ตไงฉาว แต จัด ตไงฉาว ขัย ดัวะ ออฺน กูย บืน ฉาว อึมลัง.28นะขัย ไฮ กอฺนกูย เกิด เถรง ค็อฺง ตไงฉาว น็อฺง.”
Empower Asia Bible Translation Movement