Afilipi2
1Kukakhala ni chindhu chalichonjhe cha kukutilani mtima kwa kulunjidwa Nikilisito, kukakhala ni mtendele walionjhe wa chikondi. Kugwilizana ni Mzimu, lika khalapo lisungu ni kulekelela wina.2Chitani yajha siyakwaniliche chimwemwe changa, ili mukhale ni kugwilizana, chikondi chimojhi, mtima umojhi ni kuganizila pamojhi.3Msada chita chindhu chalichonjhe kwandane yanu kapina kujidamila, ila kwa kunyenyekela kila mmojhi wamuone mnjake wamate kupita iye.4Kila mmojhi siwadajhipenya kupata kwake mwenepe, nambho wapenye kupata kwa mnjake.5Mukhale chimchijha ngati mujha muda khalilala ni Kilisito Yesu.6Iye kwa chiyambo wadali Mnungu, siwadaone kujha kulingana ni Mnungu.7Iye wadajhichita si kandhu, wadajhichita walingana ni mbowa. Wadali ngati wandhu wadaonekana ngati mundhu.8Wadanyenyekela ni kuvomela kumwalila nyifa ya pamtanda.9Ndande imeneyo Mnungu adamwika pamwamba kupunda nikumpacha jhina lalikulu kupitilila kila jhina.10Ili pa jhina la yesu kila mundhu walambile kila chindhu cha kumwamba, pajhiko la panjhi, ni vapanjhi pa jhiko,11ni kila lilime livomele kuti YESU KILISITO NI AMBUYE, pa ulemelelo wa a Mnungu Atate.12Nchimwecho okondedwa, yapo nidalinamwe mudanilemekeza masiku yonjhe, atachipano yapo nali patali namwe endekelani kulemekeza, chitani njhito kwa mandha ni kutendhemela ndande ya kuomboledwa kwanu,13pakuti Mnungu ndeuyo wachita njhito mukati mwanu, nikukupachani kukhoza nikuchita kwanu kwa kuchita chijha akufuna uchite.14Yachiteni yonjhe popande kudandaula wala kulimbana,15ili mkhale wana wa Mnungu mulibe lawama ni hatiya, ata ngati mukhala nikuzungulilidwa niwandhu anyiyawo akhala mujhiko loyipa ni lotayika simung'azikile pakati pao ngati umo ndhondwa zing'azila pajhiko,16muka uzila mawu ya umoyo nipamenepo nde yapo sinione ufulu siku la Kilisito kuti kulindilila ni njhita yanga vidachitike chajhe.17Atangati sinichochedwe njhembe pamojhi nichikhulupi chanu chili ngati njhembe kwa Mnungu, basi nikondwela kupunda kukugwilizani anyiimwe mwaonjhe chimwemwe chimenecho.18Nchimwecho namwe mfunika kukondwa ni kunigwiliza ine chimwemwe chanu.19Nikhulupila mwa Ambuye Yesu kumtuma Timoseo posachedwa yapa wajhe kwanu, kuti nitilidwe mtima kwa kupata nghani zanu.20Nilibe Mundhu mwina ngati timoseo uyo siwakupnyeleleni.21kila mmojhi wachita vindhu vake mumalo mwochita vindhu va Yesu Kilisito,22nambho mwachinawene mujhiwa umo timoseo wadajhichimikiza mwene, pakuti watumika pamojhi ni ine kulalikila Uthenga Wabwino.23Chimwecho nikhulupila kumtuma malakamojhi nikango jhiwa vindhu vanga umovikhalile.24Nane nikhulupila mwa Ambuye kuti nane sinijhe posachidwa.25Naona nafunika kumtuma kwanu mbale wathu Epafulodito, uyo mtumiki mnjanga, ni asikali mnjanga tenanjho nimtumiki mnjanu mudamtuma ili wani thangatile yapo nifuna mthandizo.26Wali ni khumbilo lalikulu lakukuonani anyiimwe mwaonjhe, wadandaula kupunda ndande anyiimwe mudavela wamadwala,27Yetudi wamadwala mbaka jhenje lokumbakumba, nambho Amnungu adamlengela lisungu niopande iyepe nambho ataine adanilengela lisungu nisidakhala ni chisoni.28Chimwecho nichita msanga kumtuma ili yapo simumuonenjho mukhale ni chimwemwe niine nichepe chisoni.29Mlandileni iye kwa chimwemwe mwa Ambuye, mwalemekeze wandhu ali ngati Epaflodito,30wafunika kulemekezedwa ndande wamafuna kumwalila yapo wama lalikila Uthenga Wabwino, wadaika umoyo wake iliwakhoze kunipacha ine mtandizo uwo anyiimwe simudakhoze kunipacha.
The Word for the World International