Afilipi3
1Mmatelo, abale wanga mukhale ni chimwemwe mwa kulunjana ni Ambuye. Sinilema kubwelela yajha nidalemba poyamba pakuti yakuthangatileni.2Mujhipenyelele ni agalu, ni anyiwajha achita vichito voipa, anyiyawo adula matupi yao.3Ife nde wandhu tali amdulidwe azene, osati anyiwo, pakuti ife timulambila Mnungu mwa Mumzimu, siti penya kwa mtundu uwo tili kwa kubadwa, kapina kwa yajha tayakwanilicha, tijhivunila ife kuchogozedwa ni Kilisito Yesu.4Ngati mundhu waliyonjhe wakaganiza wali ni ndande zokhulupilila thupi inenamwene nili nindande za kukhulupila thupi kupita iye.5Nidadulidwa siku la nane. Ine ni mu Izilaeli wa fuko la Benjamini, Mwebulania wa Waebulania. Kwanghani ya thauko ine ni Falisayo,6kwanghani za bidii nida vuticha gulu la wandhu amkhulupila Kilisito, panghani ya kuchata thauko ine sinida lakwe.7Vindhu vijha vidali ni pindu kwanga chipano niviona vopande mate ndande ya Muomboli.8Kupitilila yameneyo niwelenga vindhu vimenevo sinipata nikailinganicha ni kupata lalikulu lipitilila mwa pakumjhiwa Kilisito Yesu Ambuye wanga. Ndande yake navomela kusiya kila kandhu nayaona yalibe mate ili nimpate Muomboli9nane nilunjane nayo. Nisidajhi vomela namwene kwa kuchata thauko ila ijha ipezeka kwa chikhulupi mwa Kilisito kuvoleka kuchokela kwa Mnungu kwa chikhulupi.10Nifuna kumjhiwa Kilisito ni mbhavu za kuhyuka kwake ni kuchitika kwa mavuto yake ili nilingane nayo kuyachita,11ni nikhulupila nanenjho nihyukichidwe.12Sinijhidamila kuti natho koza iyayi niyendekela kuti nipheze chijha kwa ndande yake Kilisito Yesu watho nipata ine.13Abale sinijhi welenga kuti natopata pindu, nambho chindhu chimojhi nichita, niya iwala yajha yapita niyendekela kuyachita yamchogolo.14Niyendekela kuchita chijha nifunika ili nipate pindu ilo lili kutanidwa ni Mnungu mwa kupitila Kilisito Yesu.15Ife taonjhe takwima mwa mumzimu tiganize chindhu ichi. Atamkaganiza chindhu china Mnungu siwa aliike padanga nilimenelo nalo.16Nambho tilisunge kupunda lijha tauko likwanilicha.17Chatani fanizo langa ni kwapenya anyiwajha achatiza fanizo limenelo.18Natho kukambilani chindhu ichi kambili chipano nibwelezanjho kwa kulila wandhu ambili akhala ngati adani a mtanda wa Kilisito.19Kuthela kwa wandhu amenewo ni kulala, Mnungu wao ni mimba ni ulemelelo wao ni njhoni ni maganizo yawo yaganiza vindhu va mjhiko.20Nambho, kukhomo kwatu kumwamba, nafe timlindilila kwa khumbilo Kilisito kuchokela kumwamba, mate yake Ambuye Yesu Kilisito.21Yawo siang'anamule mathupi yathu ya kumwalila ili tipate thupi lake losa mwalile kwa kukhoza kujha wakhoza kuviika vindhu vonjhe paulamulo wake.
The Word for the World International