Nɔɔneŋ104
Wurubuarɛ yele kalese
1Ma woo lese Degbeŋgyoo yele.Degbeŋgyoo me Wurubuarɛ, n boe nideli,n wuuna obuo na gyoorobiiri.2Degbeŋgyoo ta mo keŋmaŋee milii ŋgba kanyaŋ nɛ,ɔ ne fɛlɛɛ adido ŋgba kanyaŋ deni nɛ,3te ɔ baŋa ɔ deni daase loŋse dɔɔ,ɔ moo ŋɔma yɛɛ ɔ yookɔtase,te ɔ ne kyaa feliŋ beŋkelɛɛ dɔɔ.4Ɔ moo feliŋ yɛɛ ɔ kpilara,boalaŋ laakemse yɛɛ ɔ tewulɛɛ.5Ɔ see tɛɛle ka mokɔɔ kasee dɔɔ,keŋ kɔɔ tale wosi korakora ya.6N moo loŋ siiliŋ wuu ke dɔɔ ŋgba kanyaŋ nɛ,loŋse ŋan korowɔ wuu bulase dɔɔ.7Mɔna n kalawɔna loŋse ŋan te ŋe yekiiwɔ,n faewɔ te be yekiiwɔ.8ŋa korowɔ kela bulase,ŋe tisiwɔ gyoo ataŋgyase man,gyu botɔɔse ŋan n ba see fa ŋa nɛ.9N doo wulu keŋ bɔɔ tale gbaa ya,keŋ ŋɔɔ wuu tɛɛle dɔɔ korakora bela ya.10Ɔ ne yele loŋse ne puu lee ataŋgyase man,ŋɛɛ lam bulase nsana.11ŋɛɛ fa ŋale man wonembia pou loŋ,ŋale man afurumse na mo ko ba loŋboaneŋ.12Adido gyebuse na loo ba asaase loŋse ŋan gyaŋ,bee kpee nɔɔneŋse daase tombia ŋan man.13Ɔ ne yele loŋse na lee wa adido adido woli bulase,ɔ nyiŋmaa man tom ne yele tɛɛle ne baa.14Ɔ ne yele ŋalese ne tuu fa nunkyuese,te balaŋ ne nyiŋ weenɛɛ duuluŋ fara,na baa nyiŋ weenɛɛ lee tɛɛle man,15na waen keŋ ne yele walaŋ ne di gyoŋ ɔ konɔɔ man,na nuŋ keŋ gyae ke yela be siagbɛɛ ke ŋalakee,na weenɛɛ ŋan ne fa wɔ doŋ.16Bɛɛ do Degbeŋgyoo daase ŋan loŋ nideli,Lebanɔn sida daase ŋan ɔ be duu nɛ.17Botɔɔ te gyebuse na loo ba asaase,akyakyaboŋase dana ba adoise kateenaa daase ŋan man.18bulase ŋan korɛɛ dɔɔ yɛna ŋale man asoose dekyae,gbegyagbegyase ne yeu kagyoo kpanaŋse.19Ɔ yɛɛ gyaalaŋ na waa wola debaŋse,weese gyeŋ debaŋ keŋ ɔ na gyoo.20N ne yele detiŋtɛɛ na gyoo, na tɛɛ te yuu,na ŋale man wonembia pou ta lee debɔɔ.21Dinaatese ne muusu kɛo kolo baa kyaŋ,bɛɛ kɛo be weenɛɛ lee Wurubuarɛ gyaŋ.22Weese de bɛɛ na ba te wɛɛlee ba wose laŋ,bɛɛ bese ke doo ba adoise man.23Na balaŋ ta lee gyu ba tomse man,bɛɛ yɛɛ ba tomse kelii balinɔɔ.24Degbeŋgyoo, n tomse boe nideli,n nyansa man te n yɛɛ ŋe popou,nya abɔɔ ayɛŋ te lɛɛ tɛɛle kei pou dɔɔ.25Ɛpo yaa, ka boe te ke fɛlɛɛ,ke man wonembia, ŋolo be tale kala ya,wonembia dinaana na buruburu pou.26Botɔɔ te pantuu dinaana na gyem tisi,Ɛpo man wonembu dinaa ŋon n be yɛɛ nyi waa yoi ke man nɛ doo ke man.27Be popou ne kɛɛ n siaman,nyi nya fa wɔ weenɛɛ debaŋ kpaakpaate man.28Akpaa n mo ke fa wɔ na,bee yilaa ŋa see,akpaa n gyuusu n nyiŋmaa na,abɔɔ kpaakpaa ne baa wɔ.29Akpaa n mo n sia weese na,gyakoloŋ na gyoo wɔ,akpaa n lɛɛ be weesɛɛ lee be man na,bɛɛ yem na be ta bese gyoo tɛɛle man.30Akpaa n fa wɔ weesɛɛ na,be ta lola wɔ,na kpene kamasɛ ta bese wɔle tɛɛle dɔɔ.31Degbeŋgyoo gyoorobiiri dɛɛ kyaa kekpaakekpaa,Degbeŋgyoo dɛɛ nyaŋee lee ɔ tomse dɔɔ.32Ŋon ne kɛɛna tɛɛle na ka te seree,ɔ tina bulase na ŋɛɛ lee nyɔɔse.33Maa kpee nɔɔneŋ fa Degbeŋgyoo ma kekyaa man pou,maa kpee nɔɔneŋ lese me Wurubuarɛ yele ma kekyaa man pou.34Ŋan mɛɛ gyueŋ pou dɛɛ gyoo ɔ sia,debaŋ keŋ mɛɛ nyaŋee Degbeŋgyoo man nɛ.35Mɔna yela nombiakumɛɛ yɛɛra ke taŋ tɛɛle dɔɔ,na akpanyanyaŋtena ke munu.Ma woo, lese Degbeŋgyoo yele.Ɛ lese Degbeŋgyoo yele.The Seed Company