प्रेशित12
1तियां दिहोमेहें हेरोद राजा मंडड़ीइ थोड़ाक माअहुंहूं तारास देअलोअ सुरु कोअयो.2तिये योहानोअ पाही याकोबोहो तारवाई वाअहीं माआड़ी देदू.3जेहेलाम तिये होमज्यो के यहुदी माअहें या कामोवाअहीं खुस ओवतेहे, ताहां तिये पेत्राहा बी तोइत लेदू, आन ते दिही बिगर खमीरोअ रोटाअ तिवारोअ ओता.4तिये पेत्राहा तोइत कोइत जेलेम केंडी देदू, आन शार शार सिपायडाअ शार पाड़ी मिक्यी; या विसारो वाअहीं के वल्हांडणोअ तिवारोअ फासाड़ी तियाहा माअहोंअ सामने लेतावीत सौकीशी कोइत सेके.5जेलेमेहें पेत्र बोंद ओतू; पोन तियाआ काजे मंडड़ी मोन लागाड़ीत देवोहो प्रार्थना कोअतीते.6जेहेलाम हेरोद तियाहा माअहुंउं सामने लेतावनारु ओतू, एकी रातीइ आगाड़ी पेत्राहा बेन हाकले वाअहीं बांद्युतो, आन तो बांदाअलुज बेन सिपायड़ाअ विसमेहें हुवतूतो; आन सिपायडां जेलेए बाअणाअहीं राखवाली कोअताते.7ताहां पाला, प्रभुउ एक देवदुत आयू आन तियी खुलीमेहें उजेड़ समक्यू, आन पेत्राहा आथ लागाड़ीत जागाड्यू आन कोयो, “मामार उठे.” आन पेत्राअ आथोमेएं हाकली निंगलीत पोड़्यी.8ताहरुउ देवदुत पेत्राहा कोयो, “कंबर बांद, आन ताआ खाहड़े पोवित ले.” पेत्रे तेहेंज कोअयो. ताहरुउ देवदुते तियाहा कोयो, “ताआ आंगड़ो पोवित लेन माआं फासाड़ी आव.”9पेत्र निहीत कोइत तियाआ फासाड़ी जानु वोल्यू; पोन ने मुंदू ओतू के जो देवदुत कोअहे ओं खोरीज होये, पोन एहेलोह समज्यो के आंय दर्शन पालोहो.10ताहराअ ते पेल्लीइ टोली आन दुसरी सिपायड़ाआ टोलीही टाकीत कोइत तिया लोड़ाअ बाअणापोअ पोत्या, जिहीं रोत होयरोमेहें सड़क जाहे. तों बाअणो तियांआं काजे तिया तियाआज उगड़ीत गोयो, आन ते निहींत कोइत एक्कीज गेल्लीम रोत गोया, आन तेत्ताजमेहें देवदुत पेत्राहा सोड़ीत कोइत जातू रोयू. जेलेमेऱ्याआ पितड़ाअरी बांदीत मिकल्यी हाकलेए बेड़ी11ताहरुउ पेत्र सुद्दीपोअ आवित कोइत कोयो, “ओमे माहूं खोरीज समजात गोयो के, प्रभु तियाआ देवदुत मोकलीत माहूं हेरोदोअ आथोम रोत सोड़वीत लेदुहू, आन यहुद्याआं बादी आशा तोड़ी देदीही.”12तियाहा मुंदू गोयू, तेहेलाम तो योहान मार्काआ आयही मरियाआ कोओ आयू. तिहीं डाहटे माहें टोलू वोलीत प्रार्थना कोअया कोअतेते.13जेहेलाम पेत्रे बाअणो ठोक्य, ताहां रुदा नावोअ एक पावर बाय ओतीते पाली आयी.14पेत्राआ आवाज उनाइत कोइत तियी खुसीइ बाल्लायी बाआ जाआं ने उगाड़्यो, पोन गुगदीइतीज कोअमेहें गोयी आन कोयो के पेत्र बाअणाअहीं उबू रोत रोयुहू.15तियां तियीही कोयो, “तू गांडी होये!” पोन तियी साती ठोकीत कोयो खोरीज होये. ताहरेए तियां कोयो, “तो तियाआ देवदुत ओये.”16पोन पेत्र बाअणो ठोक्याज कोअतुतो; आन तियाहा काजे तियां बाआ उगाड़्यो आन तियाहा पालित कोइत बोगलाइत गोये.17ताहरुउ पेत्र तियांहां ठावकेज रोय तेहें आथोवाअहीं ईशारु कोअयू; आन तियांहां कोयो के प्रभु की कोइत तियाहा जेलेमेहें रोत काडीत लेतायुहू. फाशोअ कोयो, “याकोब आन विश्वासी पायहोंहों ए गोठ कोत देजा.” ताहरुउ निहीत कोइत बिहीरी जागे जातू रोयू.18हुज्यन हुज्य सिपायडां विसारोम पोड़ीत गोया के पेत्राअ की ओवोये.19जेहेलाम हेरोदे तियाहा होदीत हेएयो आन तो ने जोड़्यू, ताहां सिपायडाअ सौकीशी कोइत तियांहां माईंत टाकीइलाआ आदेश आप्यु: आन तो यहुदीया सोड़ीत कोइत थोड़ाक दिहोअ काजे केसरियाम जात कोइत रोनू वोल्यू.20हेरोद सुर आन सिदोनोअ माअहूं पोअ जास्ती खोताअयुतो. तियाहा काजे तें माअहें एक मोन ओत कोइत तियाआ जागे आये, आन बलास्तुसोहो जो राजाआ एक सेवक ओतू; तियाहा पोटावीत होमजीइलाअ गोठी कोअतेते; काहाके राजाअ देसोम रोत तियांआं देसोमेहें दाणाअ आन खाअला-पीइलाअ सोय ओवतीते.21आन ठरिवल्या दिहोपोअ हेरोद राजा राज आंगड़े पोवित कोइत राजगादीपोअ बोठू, आन तियांहां बाशण देनू वोल्यू.22ताहरेए माहें आअड़े वोल्ये, “ओ ते माअहुंउं नाहां देवोअ आवाज होय!”23तियीज वेले प्रभुउ एके देवदुते तियाहा एक लागावयी, काहाके तिये देवोहो महिमा ने आप्यी; आन तो किड़ा पोड़ीत मोइत गोयू.24पोन देवोअ वसन पसरीइतो आन वादतो गोयो.25बरनबास आन शाऊल तियांआं सेवा पुरी कोइत लेदीन ताहराआ योहान जियाहा मार्क कोतेहे तियाहा आरी लेत कोइत येरुसालेम रोत वोल्या.
The Word for the World International