BaHebhelu5
1Nokuti untebuji unkulwana wose unoshalwa pakati pabanhu, emisilwa kumililila banhu muzwinhu zwaMwali kuti epile zwipo nemipilo yoluchinyo.2Angaba nobunyolonyolo kuna basinoziba nabalolashika, nokuti naiye unanobutela.3Nezwo ulokwelela kupila umpilo woluchinyo lulwe nolwabanhu.4Apana unhu usinozwipa ega kulemekejwa, koga unoshobwa naMwali, sezwakatiwa Aloni.5Nezwo Kristo ajakazwinyamula kujine ebe untebuji unkulwana,“koga wakaponchwa na iye wakati kwaali, “Iwi uMwananhumyana wangu,nasi ndaba Tate babo.”6Sezwaanoleba akale kuneimwe indebo kuti,“Iwi untebuji kujine kube lini nalini,nenzila yaMelukizedeki.”7Mumazhuba obupenyu bubwe, Jesu wakanamata ekumbila, nokulila kukulwana nemishoji, kunayoyo waluba nesimba lyokuunchija mulufu, nokudalo wakawhiwa pezhulu pokutya Mwali kukwe.8Kojoba waluba Mwananhulumyana, wakazwilayija kuwhilila pezhulu pokuyabula kukwe,9akale wakatiwa ulopelelela, akaba ichinde lyokuchijwa kusinopela kuna bose banounwhilila,10wakaponchwa naMwali kuba uNtebuji unkulwana nenzila yaMelukizedeki.11Tinazwinji zwatingamubuje pezhulu pezwi, koga zwikukutu kulungulula, nokuti mwakaba bazilili pakuwha.12Kojoba nonshaji yono mwalukwelela kuba balayiji, koga munokwelela kuti kube nomwe unomulayija akale zwimiso zwamabambo zwewhi lyaMwali, moda unkaka, kusi kulya kulosima,13nokuti wose unolalama nonkanka una kusowhisisa kumawhi obululami, nokuti uncheche.14Koga kulya kusimu ngokwaba kakubuka, yabo bane ndangalilo jakalayijwa nokuta kuti betubule kusiyanisa zwibuya nozwibi.
The Word for the World International